اعمال 26
26
پولُس آگْریپاس حُضوروندا اؤزوندَن دفاع ائدیر
1آگْریپاس پادشاه پولُسا دئدی: «اجازه وارینگ کی اؤزونگدَن دفاع ائدمَک ایچی دانیشانگ.» اوندا پولُس اؤز اَلینی اوزاتدی و اؤزوندَن دفاع ائدمَک ایچی بئلهیین دانیشدی: 2«آگْریپاس پادشاه، منیم ایچی بو افتخار دیر کی بوگؤن سیزینگ حُضورونزدا اؤزومدَن واری او اِتّهاملار ضدّینه کی یهودیلار منه وورموشلار، دفاع ائدیرَم. 3عَلیالخصوص بو خاطره کی سیز، یهودیلارینگ واری رَسملَری اینن و اختلاف نَظرلَری اینن آشنایاینز. پس سیزه یالواریرام کی حوصله اینن منیم سؤزلَریمه قولاق آساینز.
4«یهودیلارینگ واریسی بیلیرلَر کی من جاهاللیگیمدان بَری نهیین زندلیگ ائدمیشَم، یعنی ائله او اَوّلدَن کی اؤز مِلّتیم آراسیندا و اورشلیمده ایمیشَم. 5اوللار چوخ وخت دیر کی بونو بیلیرلَر و اگر سئیلَّر، باشارالّار گواهلیگ وئرَلَّر کی من به عنوان بیر فَریسی دینیمیزینگ ائنگ چَتین فِرقهسینه گؤره زندلیگ ائدمیشَم 6و ایندی دا او امید سَبرسینه کی تارئ جَدلَریمیزه وئردیگی وَعدهیه واریم بوردا تورموشام تا محاکمه اولام. 7ائله او وَعده کی بیزیم اون ایکّی طایفهمیز بو امیده کی بئللَری ایچی یئرینه ائتیشه، جِدّیت اینن گئجه و گؤندوز تارئیی پَرست ائدیرلَر. ای پادشاه، یهودیلار منی بو امید سَبرسینه مُتَّهم ائدمیشلَر. 8نه ایچی سیزلَر ایچی کی بوردا حاضرَینز اینانمالی دهییل کی تارئ اؤلولَری دئرّیدیر؟
9«منیم اؤزوم مُجاب اولموشدوم کی ناصِرهلی عیسا آدینینگ ضدّینه چوخ ایشلَر گؤرهسیم 10و اورشلیم شَهرینده دا ائله بئله ائدیم. من باش کاهِنلَردَن اختیار آلاندان سورا نه فقط چوخ آدامی مَسیحه ایمانی اولانلاردان آتدیم زندانا، بلکی اوندا دا کی اؤلومه محکوم اولیرلاردی من اوللار ضدّینه رآی وئریردیم. 11چوخ وختلَر دا اوللاری واری عبادتگاهلاردا مجازات ائدیردیم و دستی بیر ایش گؤروردوم تا کُفر دئیَلَّر. منیم خشمیم اوللارا ائله چوخ ایدی کی حتّی ایراق شَهرلَرنچاز اوللارینگ پیلَرینی سؤروردوم و بئللَرینه جور و جَفا ائدیردیم.
12«ائله بو گئدمَک گلمَکلَرینگ بیرینده، او اِقتدار و اختیار اینان کی باش کاهِنلَردَن واریم ایدی گئدیردیم دَمِشق شَهرینه. 13ای پادشاه، ظُهر چاغی ایدی کی یولدا بیر ایشّیق گؤردوم کی گؤیدَن ایدی. او ایشّیق گؤندَن آرتیق ایشّیلییردی و من و هَمسفرلَریم دئییرینه ایشّیلادی. 14اوندا کی واریمیز دؤشدوک یئره، من بیر سَس ائشیتدیم کی عِبرانی دیلده منه دئییردی: ”شائول، شائول، نه ایچی منی زَجر وئریرَینگ؟ میخلره تپیش آتماک اینان اؤزونگه ضَرر وورورانگ!“ 15خبر آلدیم: ”یا رَبّ، سن کیمینگ؟“ رَب دئدی: ”من عیسایام، ائله او کی بئلَسینه زَجر وئریرَینگ. 16یئردَن تور آیاقی و آیاق باشیندا تور. بو سَبریه کی من بو هَدفه سنه ظاهر اولموشام کی سنی مَعین ائدم تا منیم نوکریم اولانگ و تا هَرنهیه کی او طَریقدَن منی گؤرموشانگ و هَرنهیه کی من او طَریقدَن اؤزومو سنه گؤرسَدرَم گواهلیگ وئرَینگ. 17من سنی اؤز خَلخینگدَن و غیرییهودیلار اَلیندَن قورتارارام، ائله او غیرییهودیلار کی بئلَینگی یوللاییرام یانلارینا 18تا اوللارینگ گؤزلَرینی آچانگ تا قَرَنگیلیگدَن ایشّیقه و شیطان قُدرتیندَن، تارئیا دؤنلّر، تا گُناهلاری باغیشلانا و او آداملار آراسیندا کی منه اولان ایمانلاری طریقیندَن، سَچیلمیشلَر، سهملَری اولا.“
19«پس ای آگْریپاس پادشاه، من او رؤیایی کی گؤردوم و گؤیدَن ایدی، قولاق آردی ائدمهدیم. 20بلکی اَوّل اوللارا کی دَمِشقده ایدیلَر، اوندا دا اورشلیمده و بوتون یهودیه منطقهسینده و ائله بئله دا غیرییهودیلارا اعلام ائدیم کی توبه ائدهسیلَر و تارئیا ساری دؤنهسیلَر و عَمللَری اینن ثابت ائدهسیلَر کی توبه ائدمیشلَر. 21بو سَبریه ایدی کی یهودیلار منی مَعبدده توتدولار و سئیرلَردی منی اؤلدورَلَّر. 22بوگؤنانچاز، تارئ منه کؤمَک ائدمیش و بوردا تورموشام و کوچوکدان بویوکه گواهلیگ وئریرَم. منیم گپیم هئچنه دهییل بهغیری ائله او سؤز کی پیغمبرلَر و موسای پیغمبر دئمیشلَر کی اولوناسی: 23بو کی وَعده وئریلَن مَسیح زَجر چَکهسی و اَوّلکی نفر اولاسی کی اؤلولَردَن دئرّیلیر تا هم بیزیم خلخیمیزه و هم غیرییهودیلارا ایشّیقی اعلام ائده.»
24ائله بئله کی پولُس بو سؤزلر اینن اؤزوندَن دفاع ائدیردی، والی فِستوس اوجا سَس اینَن دئدی: «پولُس، سن دَلی اولموشانگ. سنینگ چوخ بیلدیگینگ سنی دَلی ائدمیش.» 25آما پولُس جواب وئردی: «عالیجناب فِستوس، من دَلی دهییلَم. بلکی حَقیقتی دئییرَم و عقله جور گلَن گپلَر چالیرام. 26بو سَبریه کی پادشاه اؤزو بوللاری بیلیر و من جرأت اینن اؤنونگ اینان دانیشیرام. بو خاطره کی مطمئنم کی بوللارینگ هئچ بیری اؤنونگ گؤزوندَن ایراق قالمامیش، چونکی بو بیر ایش دهییل کی پناهدا، بیر کُنجدا اولونموش اولا. 27ای آگْریپاس پادشاه، سن پیغمبرلَره ایمان وارینگ؟ بیلیرَم کی ایمان وارینگ.» 28آگْریپاس پولُسا دئدی: «ائله بو تئزلیگده سئیرَینگ منی قانع ائدَینگ کی مَسیحی اولام؟» 29پولُس دئدی: «تارئدان سئیرم کی گئج یا تئز نه فقط سیز بلکی واری اوللار ده کی بو گؤن منیم سؤزلَریمی ائشیتدیلَر منیم لهیین اولالّار، اَلبَت نه زَنجیرلَرده.»
30اوندا پادشاه توردو آیاقی و ائله بئله دا والی، بِرنیکی و اوللار کی اوللار اینان اوتورموشلاردی. 31اوندا کی گئدیلَر یازّیا، بیر بیره دئییرلَردی: «بو آدام هئچ ایش گؤرمهمیش کی سزاسی اؤلوم یا دا زندان اولا.»
32آگْریپاس، فِستوسا دئدی: «اگر بو آدام سئمهمیشدی کی روم پادشاهینینگ مَحکمهسینه یوللانا، آزاد اولا بیلَردی.»
Currently Selected:
اعمال 26: QII
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
اعمال 26
26
پولُس آگْریپاس حُضوروندا اؤزوندَن دفاع ائدیر
1آگْریپاس پادشاه پولُسا دئدی: «اجازه وارینگ کی اؤزونگدَن دفاع ائدمَک ایچی دانیشانگ.» اوندا پولُس اؤز اَلینی اوزاتدی و اؤزوندَن دفاع ائدمَک ایچی بئلهیین دانیشدی: 2«آگْریپاس پادشاه، منیم ایچی بو افتخار دیر کی بوگؤن سیزینگ حُضورونزدا اؤزومدَن واری او اِتّهاملار ضدّینه کی یهودیلار منه وورموشلار، دفاع ائدیرَم. 3عَلیالخصوص بو خاطره کی سیز، یهودیلارینگ واری رَسملَری اینن و اختلاف نَظرلَری اینن آشنایاینز. پس سیزه یالواریرام کی حوصله اینن منیم سؤزلَریمه قولاق آساینز.
4«یهودیلارینگ واریسی بیلیرلَر کی من جاهاللیگیمدان بَری نهیین زندلیگ ائدمیشَم، یعنی ائله او اَوّلدَن کی اؤز مِلّتیم آراسیندا و اورشلیمده ایمیشَم. 5اوللار چوخ وخت دیر کی بونو بیلیرلَر و اگر سئیلَّر، باشارالّار گواهلیگ وئرَلَّر کی من به عنوان بیر فَریسی دینیمیزینگ ائنگ چَتین فِرقهسینه گؤره زندلیگ ائدمیشَم 6و ایندی دا او امید سَبرسینه کی تارئ جَدلَریمیزه وئردیگی وَعدهیه واریم بوردا تورموشام تا محاکمه اولام. 7ائله او وَعده کی بیزیم اون ایکّی طایفهمیز بو امیده کی بئللَری ایچی یئرینه ائتیشه، جِدّیت اینن گئجه و گؤندوز تارئیی پَرست ائدیرلَر. ای پادشاه، یهودیلار منی بو امید سَبرسینه مُتَّهم ائدمیشلَر. 8نه ایچی سیزلَر ایچی کی بوردا حاضرَینز اینانمالی دهییل کی تارئ اؤلولَری دئرّیدیر؟
9«منیم اؤزوم مُجاب اولموشدوم کی ناصِرهلی عیسا آدینینگ ضدّینه چوخ ایشلَر گؤرهسیم 10و اورشلیم شَهرینده دا ائله بئله ائدیم. من باش کاهِنلَردَن اختیار آلاندان سورا نه فقط چوخ آدامی مَسیحه ایمانی اولانلاردان آتدیم زندانا، بلکی اوندا دا کی اؤلومه محکوم اولیرلاردی من اوللار ضدّینه رآی وئریردیم. 11چوخ وختلَر دا اوللاری واری عبادتگاهلاردا مجازات ائدیردیم و دستی بیر ایش گؤروردوم تا کُفر دئیَلَّر. منیم خشمیم اوللارا ائله چوخ ایدی کی حتّی ایراق شَهرلَرنچاز اوللارینگ پیلَرینی سؤروردوم و بئللَرینه جور و جَفا ائدیردیم.
12«ائله بو گئدمَک گلمَکلَرینگ بیرینده، او اِقتدار و اختیار اینان کی باش کاهِنلَردَن واریم ایدی گئدیردیم دَمِشق شَهرینه. 13ای پادشاه، ظُهر چاغی ایدی کی یولدا بیر ایشّیق گؤردوم کی گؤیدَن ایدی. او ایشّیق گؤندَن آرتیق ایشّیلییردی و من و هَمسفرلَریم دئییرینه ایشّیلادی. 14اوندا کی واریمیز دؤشدوک یئره، من بیر سَس ائشیتدیم کی عِبرانی دیلده منه دئییردی: ”شائول، شائول، نه ایچی منی زَجر وئریرَینگ؟ میخلره تپیش آتماک اینان اؤزونگه ضَرر وورورانگ!“ 15خبر آلدیم: ”یا رَبّ، سن کیمینگ؟“ رَب دئدی: ”من عیسایام، ائله او کی بئلَسینه زَجر وئریرَینگ. 16یئردَن تور آیاقی و آیاق باشیندا تور. بو سَبریه کی من بو هَدفه سنه ظاهر اولموشام کی سنی مَعین ائدم تا منیم نوکریم اولانگ و تا هَرنهیه کی او طَریقدَن منی گؤرموشانگ و هَرنهیه کی من او طَریقدَن اؤزومو سنه گؤرسَدرَم گواهلیگ وئرَینگ. 17من سنی اؤز خَلخینگدَن و غیرییهودیلار اَلیندَن قورتارارام، ائله او غیرییهودیلار کی بئلَینگی یوللاییرام یانلارینا 18تا اوللارینگ گؤزلَرینی آچانگ تا قَرَنگیلیگدَن ایشّیقه و شیطان قُدرتیندَن، تارئیا دؤنلّر، تا گُناهلاری باغیشلانا و او آداملار آراسیندا کی منه اولان ایمانلاری طریقیندَن، سَچیلمیشلَر، سهملَری اولا.“
19«پس ای آگْریپاس پادشاه، من او رؤیایی کی گؤردوم و گؤیدَن ایدی، قولاق آردی ائدمهدیم. 20بلکی اَوّل اوللارا کی دَمِشقده ایدیلَر، اوندا دا اورشلیمده و بوتون یهودیه منطقهسینده و ائله بئله دا غیرییهودیلارا اعلام ائدیم کی توبه ائدهسیلَر و تارئیا ساری دؤنهسیلَر و عَمللَری اینن ثابت ائدهسیلَر کی توبه ائدمیشلَر. 21بو سَبریه ایدی کی یهودیلار منی مَعبدده توتدولار و سئیرلَردی منی اؤلدورَلَّر. 22بوگؤنانچاز، تارئ منه کؤمَک ائدمیش و بوردا تورموشام و کوچوکدان بویوکه گواهلیگ وئریرَم. منیم گپیم هئچنه دهییل بهغیری ائله او سؤز کی پیغمبرلَر و موسای پیغمبر دئمیشلَر کی اولوناسی: 23بو کی وَعده وئریلَن مَسیح زَجر چَکهسی و اَوّلکی نفر اولاسی کی اؤلولَردَن دئرّیلیر تا هم بیزیم خلخیمیزه و هم غیرییهودیلارا ایشّیقی اعلام ائده.»
24ائله بئله کی پولُس بو سؤزلر اینن اؤزوندَن دفاع ائدیردی، والی فِستوس اوجا سَس اینَن دئدی: «پولُس، سن دَلی اولموشانگ. سنینگ چوخ بیلدیگینگ سنی دَلی ائدمیش.» 25آما پولُس جواب وئردی: «عالیجناب فِستوس، من دَلی دهییلَم. بلکی حَقیقتی دئییرَم و عقله جور گلَن گپلَر چالیرام. 26بو سَبریه کی پادشاه اؤزو بوللاری بیلیر و من جرأت اینن اؤنونگ اینان دانیشیرام. بو خاطره کی مطمئنم کی بوللارینگ هئچ بیری اؤنونگ گؤزوندَن ایراق قالمامیش، چونکی بو بیر ایش دهییل کی پناهدا، بیر کُنجدا اولونموش اولا. 27ای آگْریپاس پادشاه، سن پیغمبرلَره ایمان وارینگ؟ بیلیرَم کی ایمان وارینگ.» 28آگْریپاس پولُسا دئدی: «ائله بو تئزلیگده سئیرَینگ منی قانع ائدَینگ کی مَسیحی اولام؟» 29پولُس دئدی: «تارئدان سئیرم کی گئج یا تئز نه فقط سیز بلکی واری اوللار ده کی بو گؤن منیم سؤزلَریمی ائشیتدیلَر منیم لهیین اولالّار، اَلبَت نه زَنجیرلَرده.»
30اوندا پادشاه توردو آیاقی و ائله بئله دا والی، بِرنیکی و اوللار کی اوللار اینان اوتورموشلاردی. 31اوندا کی گئدیلَر یازّیا، بیر بیره دئییرلَردی: «بو آدام هئچ ایش گؤرمهمیش کی سزاسی اؤلوم یا دا زندان اولا.»
32آگْریپاس، فِستوسا دئدی: «اگر بو آدام سئمهمیشدی کی روم پادشاهینینگ مَحکمهسینه یوللانا، آزاد اولا بیلَردی.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company