ایکّینجی نامه، تیموتائوسا 2
2
مَسیح عیسانینگ خوب سربازی
1پس سَن اولادیم، مَسیح عیسادا اولان فِیض اینن قُوّتلی اول، 2و او سؤزلَری کی چوخ شاهدلَر حُضوروندا مندن ائشیتمیشَینگ، وفالی آداملارا تاپشیر کی باشارالّار آیری آداملارا ده اؤرگدلَّر. 3مَسیح عیسانینگ بیر خوب سربازی لهیین، زَجرلَرینگ تَحمّل ائدمکینده شَریک اول. 4هئچ سرباز خدمت ائدمَکی موقعاسینده، اؤزونو، اؤز گؤندهکی زندلیگینینگ مَشغولیتلَرینه اَسیر ائدمئیر، چون هَدفی بو دور کی اؤنو کی بئلَسینی خدمته توتموش خُشنود ائده. 5بیر پَهلوان اگر قانونلارا گؤره پَهلوانلیگ ائدمهیه، قهرمانلیگ تاجینی آپارماز. 6او اَکین اَکن کی سَخت تلاش ائدیر، او دور کی واریکَسدَن ایلَری یئر مَحصولدان بَهره آپاراسی. 7دئدیگیم سؤزه فکر ائد، چونکی رَب واری زاددا سَنه فَهم وئرَر.
8عیسا مَسیحی کی اؤلومدَن دئرّیلدی و داوود پادشاه سویوندان ایدی، یادینگا سال، ائله اولهیین کی من اعلام ائتدیگم اینجیلده دئييلیر، 9ائله او اینجیل کی بئلَسی ایچی زَجر چکیرَم، ائله کی بیر جنایت ائدَن آدام لهیین زَنجیره چکیلمیشَم. آما تارئ کلامی زَنجیره چکیلمئیر. 10پس من واری زادی سَچیلمیشلَر ایچی تَحمّل ائدیرَم تا اوللار ده مَسیح عیساداکی نجاتی، اَبدی شوکت اینن اَله گتیرلَّر.
11بو سؤز اِعتماد ائدمهلی دیر:
اگر بیز اؤنونگ اینن اؤلموشاک،
اؤنونگ اینن ده دئرلیگ ائدهرَک؛
12اگر اِستقامت ائدَک،
اؤنونگ اینان ده حکم سؤرهرَک؛
اگر اؤنو حاشا ائدَک،
او ده بیزی حاشا ائدَر.
13اگر وفاسیز اولاک،
او وافالی قالیر،
چونکی او اؤزونو حاشا ائده بیلمئير.
14بو زادلاری اوللارینگ یادینا سال و تارئ حُضوروندا بئللَرینه تاپشیر کی سؤزلَر اوستونه جَر و مُرافا سالمایالّار کی خوب دهییل، بلکی فقط ائشیدَنلَری آرادان آپاریر. 15اؤز تلاشینگی ائد کی تارئیا مَقبول اولانگ، بیر کارگر لهیین کی خجالت چَکمَک ایچی بیر زاد یوخو و حَقیقت کلامینی دؤزلوک اینان ایشه سالیر. 16اؤزونگو ویل سؤزلَردَن ایراق ساخلا، چونکی آداملاری آرتیق و آرتیقتر تارئسیزلیگه ساری آپاریر، 17بو آداملارینگ گپلَری خورا مَرضی لهیین داغیلیر. هیمِنائوس و فیلِتوس بو بئیلهدن دیرلَر، 18کی حَقیقت یولوندان چیخمیشلَر و دئییرلَر کی ائله ایندیسیده اؤلومدَن دئرّیلمَک اولونموش. اوللار بیر پارا آدامینگ ایمانینی یومورورلار. 19آما تارئ قؤیدوگو قایم بَنا بُنیاد، آیاقدا دیر و بو یازیلی اینن مُهر اولموش کی: «رَب او آداملاری کی اؤزوکو دیرلار، تانییر» و «هَر کَس رَبّینگ آدینی دیله گتیریر، نادُرستلیگدَن اوزاق تورسین.»
20ایندی بیر بویوک اَئوده، فقط طلادان و نُقرهدَن اولان دَرفلَر یوخ، بلکی آغاجدان و سُفالدان اولان دَرفلَر ده وار؛ دَرفلَرینگ بیر پاراسی اَحلیضا ایشلَر ایچی و بیر پاراسی ده اَل دَمی ایچی دیر. 21پس اگر بیری اؤزونو بو دئدیگیلَریمدَن آرّی ساخلایا، بیر دَرف اولور اَحلیضا ایشلَر ایچی، مُقدّس دَرف لهیین سَچیلمیش، اوبا اَیهسینینگ ایشیندَن گلَن و هَر خوب ایش ایچی آماده.
22پس جاهاللیگ هَوی و هَوسلَریندَن قاچ و اوللار یانی سورا کی بیر آرّی اؤرهک اینن رَبّی چاغیریرلار، صالحلیگ، ایمان، مُحبّت و صُلح و سلامتلیگ قولونجوندا اول. 23او بحثلَرده کی نافَهملیگ و نادانلیگ اوستوندَن دیر ایشینگ اولماسین؛ اؤزونگ بیلیرَینگ کی جَر و مُرافا دؤزهتیر. 24رَبّینگ نوکری جَر و مُرافا دؤزهتمهیهسی، بلکی واری کَس اینن مهربان اولاسی، تَعلیم وئره بیلهسی، پیسلیگ قرشیسینده صَبر اینن اِستقامت ائدهسی، 25ضِدّ اولانلاری مُلایملیگ اینن تَصحیح ائدهسی تا بَلکم تارئ اوللارا توبه عَطا ائده تا حَقیقتینگ مَعرفتینه ائتیشلَّر، 26و اؤزلَرینه گللَّر و اِبلیس تَلهسیندَن قَچلَّر کی اوللاری اَسیر ائدمیش تا اؤنونگ سئدیگینی یئرینه ائتیردلَّر.
Currently Selected:
ایکّینجی نامه، تیموتائوسا 2: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
ایکّینجی نامه، تیموتائوسا 2
2
مَسیح عیسانینگ خوب سربازی
1پس سَن اولادیم، مَسیح عیسادا اولان فِیض اینن قُوّتلی اول، 2و او سؤزلَری کی چوخ شاهدلَر حُضوروندا مندن ائشیتمیشَینگ، وفالی آداملارا تاپشیر کی باشارالّار آیری آداملارا ده اؤرگدلَّر. 3مَسیح عیسانینگ بیر خوب سربازی لهیین، زَجرلَرینگ تَحمّل ائدمکینده شَریک اول. 4هئچ سرباز خدمت ائدمَکی موقعاسینده، اؤزونو، اؤز گؤندهکی زندلیگینینگ مَشغولیتلَرینه اَسیر ائدمئیر، چون هَدفی بو دور کی اؤنو کی بئلَسینی خدمته توتموش خُشنود ائده. 5بیر پَهلوان اگر قانونلارا گؤره پَهلوانلیگ ائدمهیه، قهرمانلیگ تاجینی آپارماز. 6او اَکین اَکن کی سَخت تلاش ائدیر، او دور کی واریکَسدَن ایلَری یئر مَحصولدان بَهره آپاراسی. 7دئدیگیم سؤزه فکر ائد، چونکی رَب واری زاددا سَنه فَهم وئرَر.
8عیسا مَسیحی کی اؤلومدَن دئرّیلدی و داوود پادشاه سویوندان ایدی، یادینگا سال، ائله اولهیین کی من اعلام ائتدیگم اینجیلده دئييلیر، 9ائله او اینجیل کی بئلَسی ایچی زَجر چکیرَم، ائله کی بیر جنایت ائدَن آدام لهیین زَنجیره چکیلمیشَم. آما تارئ کلامی زَنجیره چکیلمئیر. 10پس من واری زادی سَچیلمیشلَر ایچی تَحمّل ائدیرَم تا اوللار ده مَسیح عیساداکی نجاتی، اَبدی شوکت اینن اَله گتیرلَّر.
11بو سؤز اِعتماد ائدمهلی دیر:
اگر بیز اؤنونگ اینن اؤلموشاک،
اؤنونگ اینن ده دئرلیگ ائدهرَک؛
12اگر اِستقامت ائدَک،
اؤنونگ اینان ده حکم سؤرهرَک؛
اگر اؤنو حاشا ائدَک،
او ده بیزی حاشا ائدَر.
13اگر وفاسیز اولاک،
او وافالی قالیر،
چونکی او اؤزونو حاشا ائده بیلمئير.
14بو زادلاری اوللارینگ یادینا سال و تارئ حُضوروندا بئللَرینه تاپشیر کی سؤزلَر اوستونه جَر و مُرافا سالمایالّار کی خوب دهییل، بلکی فقط ائشیدَنلَری آرادان آپاریر. 15اؤز تلاشینگی ائد کی تارئیا مَقبول اولانگ، بیر کارگر لهیین کی خجالت چَکمَک ایچی بیر زاد یوخو و حَقیقت کلامینی دؤزلوک اینان ایشه سالیر. 16اؤزونگو ویل سؤزلَردَن ایراق ساخلا، چونکی آداملاری آرتیق و آرتیقتر تارئسیزلیگه ساری آپاریر، 17بو آداملارینگ گپلَری خورا مَرضی لهیین داغیلیر. هیمِنائوس و فیلِتوس بو بئیلهدن دیرلَر، 18کی حَقیقت یولوندان چیخمیشلَر و دئییرلَر کی ائله ایندیسیده اؤلومدَن دئرّیلمَک اولونموش. اوللار بیر پارا آدامینگ ایمانینی یومورورلار. 19آما تارئ قؤیدوگو قایم بَنا بُنیاد، آیاقدا دیر و بو یازیلی اینن مُهر اولموش کی: «رَب او آداملاری کی اؤزوکو دیرلار، تانییر» و «هَر کَس رَبّینگ آدینی دیله گتیریر، نادُرستلیگدَن اوزاق تورسین.»
20ایندی بیر بویوک اَئوده، فقط طلادان و نُقرهدَن اولان دَرفلَر یوخ، بلکی آغاجدان و سُفالدان اولان دَرفلَر ده وار؛ دَرفلَرینگ بیر پاراسی اَحلیضا ایشلَر ایچی و بیر پاراسی ده اَل دَمی ایچی دیر. 21پس اگر بیری اؤزونو بو دئدیگیلَریمدَن آرّی ساخلایا، بیر دَرف اولور اَحلیضا ایشلَر ایچی، مُقدّس دَرف لهیین سَچیلمیش، اوبا اَیهسینینگ ایشیندَن گلَن و هَر خوب ایش ایچی آماده.
22پس جاهاللیگ هَوی و هَوسلَریندَن قاچ و اوللار یانی سورا کی بیر آرّی اؤرهک اینن رَبّی چاغیریرلار، صالحلیگ، ایمان، مُحبّت و صُلح و سلامتلیگ قولونجوندا اول. 23او بحثلَرده کی نافَهملیگ و نادانلیگ اوستوندَن دیر ایشینگ اولماسین؛ اؤزونگ بیلیرَینگ کی جَر و مُرافا دؤزهتیر. 24رَبّینگ نوکری جَر و مُرافا دؤزهتمهیهسی، بلکی واری کَس اینن مهربان اولاسی، تَعلیم وئره بیلهسی، پیسلیگ قرشیسینده صَبر اینن اِستقامت ائدهسی، 25ضِدّ اولانلاری مُلایملیگ اینن تَصحیح ائدهسی تا بَلکم تارئ اوللارا توبه عَطا ائده تا حَقیقتینگ مَعرفتینه ائتیشلَّر، 26و اؤزلَرینه گللَّر و اِبلیس تَلهسیندَن قَچلَّر کی اوللاری اَسیر ائدمیش تا اؤنونگ سئدیگینی یئرینه ائتیردلَّر.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company