اِنجیلِ مَرقُس 1
1
یحیی تَعمید دهنده، راه ره آماده کانده
1عیسی مَسیح، خِدائه ریکائه خَوِرِ خِش این طی شِروع بونه.
2اِشَعیائه پِیغَمبِرِ کتابِ دِله بَنوِشته بَییه:
«اِسا مِن شه قاصِدِ تِ جِم جلوتَر فِرِسِندِمبه،
وه تِ راهِ آماده کانده؛
3یه نَفِر صَحرائه دِله داد زَنده:
”خِداوندِ راهِ آماده هاکانین!
وه راه ها ره هِموار هاکانین»
4پَس یحییِ تَعمید دَهنده صَحرائه دِله ظاهر بَییه، وه مَردِمِ غُسلِ تَعمید دائه و اِعلام کارده شه گِناهونِ آمِرزش وِسه تووبه هاکانِن و تَعمید بَیرِن. 5تِمومِ یَهودیهِ مَنطقهِ مَردِم و تِمومِ اورشَلیمِ مَردِم، یحیی پَلی شینه و شه گِناهونِ اِعتراف کاردِنه و وه جِم اُردن رودخانهِ دِله تَعمید گِتِنه. 6یَحییِ جِمه شِترِ پَشم بییه و چَرمی قِیش شه کَمِر وَسّه، و مَلِخ و صَحرایی عَسِلِ خارده. 7وه موعظه کارده و گاته: «بَعد از مِن، یه نَفِر اِنه که مِ جِم قوی تَرِ و مِن حَتّی لیاقت نِدارمه دِلّا بَووِم و وه کوشِ بَندِ واز هاکانِم. 8مِن شِما ره اوهِ هِمراه تَعمید هِدامه، ولی وه شِما ره روح‌القُدسِ هِمراه تَعمید دِنه.»
عیسیِ تَعمید
9اون روزا، عیسی ناصرهِ شَهرِ جِم که جَلیلِ مَنطقهِ دِله بییه بییَمو و اُردن رودخانهِ دِله یحییِ جِم تَعمید بَییته. 10وَختی عیسی اوه جِم بیرون بییَمو، دَرجا بَدیئهِ آسِمون واز بَییه و خِدائه روح، کوتِری واری وه سَر جِر اِنه. 11و یِتا صِدا آسِمونِ جِم بییَمو که «تِ مِ عزیزِ ریکائی و مِن تِ جِم راضیمه.»
عیسیِ آزمود
12خِدائه روح دَرجا عیسی ره صَحرائه دِله بَوِرده. 13عیسی چهل روز صَحرائه دِله دَییه و شیطان وه ره آزمود کارده. وه وَحشیِ حیوونونِ هِمراه دَییه و فِرشته ها وه ره خِدمِت کاردِنه.
عیسی شه خِدمِتِ شِروع کانده
14بعد از اینکه یحیی دَسگیر بَییه، عیسی جَلیلِ مَنطقه بُورده. وه خِدائه خَوِرِ خِشِ مِژدِه دائه 15و گاته: «وه وَخت بَرِسیه و خِدائه پادشاهی نزیکِ. تووبه هاکانین و این خَوِرِ خِشِ ایمون بیارین.»
عیسیِ اَوِّلین شاگِردون
16وَختی عیسی جَلیلِ دریالوِ جِم رَد بونِسه، شَمعون و وه بِرار آندریاسِ بَدیئه که دَینه اوهِ دِله تور دِم دانه، چوون وِشون ماهیگیر بینه. 17عیسی وِشونِ بااوته:«مِ دِمبال بِئین که شِما ره مَردِمِ صَیّاد کامبه.» 18وِشون دَرجا شه تورها ره بییِشتِنه و عیسیِ دِمبال راه دَکِتِنه. 19عیسی وَختی اَت کم جلوتَر بُورده، یَعقوب و وه بِرار یوحنا که زِبِدیِ ریکائون بینه ره بَدیئه. وِشون شه لتکائه دِله دَینه شه تورا ره دِرِس کاردِنه. 20عیسی دَرجا وِشونِ صدا هاکارده. وِشون هم شه پییِر زِبِدی ره کارگرونِ هِمراه لتکائه دِله سَر بییِشتِنه و وه دِمبال راه دَکِتِنه.
عیسی یِتا مَردی که پلیدِ روح داشته ره شِفا دِنه
21وِشون کَفَرناحومِ شَهر بُوردِنه. وَختی مِقدَّسِ شنبه بَرِسیه، عیسی دَرجا یَهودیونِ عِبادَتگاهِ دِله بُورده و دَییه تَعلیم دائه. 22مَردِم عیسیِ تَعلیم هِدائِنِ جِم بِهت هاکاردِنه، چوون وه توراتِ مَلّمونِ واری تَعلیم نِدائه، بلکه یه نَفِرِ واری تَعلیم دائه که قِدرت و اختیار دارنه 23هَمون مووقه، وِشونِ عِبادَتگاهِ دِله یِتا مَردی دَییه که پلیدِ روح داشته. وه شونگ بَکِشیه: 24«ای عیسیِ ناصری، اِما ره چی کار دارنی؟ بییَموئی اِما ره نابود هاکانی؟ دومبّه کی هَسی! تِ اون خِدائه قِدّوسی!» 25ولی عیسی پلیدِ روحِ تَشِر بَزو و بااوته: «ساکت بَواش و وه جِم بیرون بِرو!» 26بعد پَلیدِ روح اون مَردی ره بَدجور تِکون هِدا و نَعرهِ هِمراه وه جِم بیرون بییَمو. 27تِمومِ مَردِم جوری تَعجِّب هاکارده بینه که هَمدییه جِم پِرسینه: «این دییه چیه؟ یِتا جدیدِ تَعلیم، قِدرت و اِختیارِ هِمراه! وه حَتّی پلیدِ اِرواحِ هَم دَستور دِنه و اونا وه جِم اِطاعت کاندِنه» 28پَس خَله نَگذِشته که عیسیِ آوازه تِمومِ جَلیلِ مَنطقهِ دِله دَپیته.
عیسی خَیلیا ره شِفا دِنه
29عیسی تا یَهودیونِ عِبادَتگاهِ جِم بیرون بییَمو، یَعقوب و یوحنائه هِمراه، شَمعون و آندریاسِ سِره بُورده. 30شَمعونِ زَن مار توو داشته و لا دِله دَییه. وِشون دَرجا عیسی ره وه حالِ جِم باخَوِر هاکاردِنه. 31عیسی اون زِنائه سَرِ وَر بُورده و وه دَسِ بَییته و وه ره بِلِند هاکارده. وه توو بَوری بَییه و وِشونِ جِم پذیرایی هاکارده.
32نِماشون، بعد از اینکه اِفتاب غروب هاکارده، مَردِم تِمومِ مریضون و دِو بَزوها ره عیسی پَلی بیاردِنه. 33شَهرِ تِمومِ مَردِم، همه اون سِرهِ دَرِ روب رو جَمع بَییه بینه! 34عیسی خَیلیا که جورواجورِ مریضی داشتِنه ره شِفا هِدا و یَته خَله دِوها ره هم دِو بَزوئه هائه جِم بیرون هاکارده. وه نییِشته دِوها هیچ گَبی بَزِنِن، چوون عیسی ره اِشناسینه.
عیسیِ دَرس هِدائِن جَلیلِ دِله
35زودِ صِواحی که هَمتی هِوا تاریک بییه، عیسی بِلِند بَییه و سِره جِم بیرون بورده. وه یِتا خَلوِتِ جا بُورده و اونجه دِعا هاکارده. 36شَمعون و وه هَمراهون عیسیِ دِمبال گِردِسِنه. 37وَختی عیسی ره پی دا هاکاردِنه، وه ره بااوتِنه: «همه تِ دِمبال گِردِنِنه!» 38عیسی وِشونِ بااوته: «بِئین این دورِ وَرِ شهرائه دِله بُوریم تا اونجه هم تَعلیم هادِم، چوون اینِ وِسه بییَمومه.» 39پَس عیسی راه دَکِته، تِمومِ جَلیلِ مَنطقهِ دِله بورده. وه وِشونِ عبادتگاه هائه دِله تَعلیم دائه و دِوها ره بیرون کارده.
عیسی یِتا جِذامیِ مَردی ره شِفا دِنه
40یِتا جِذامی مَردی عیسیِ پَلی بییَموِ، زانو بَزو و آجِزِ نالهِ هِمراه بااوته: «اگه بَخوائی، توندی مِ ره شِفا هادی.» 41عیسی دِل اون مَردیِ وِسه بَسوته و شه دسِ دراز هاکارده، وه سَر دَس بییِشته و بااوته: «خوامبه، شِفا بَیر!» 42دَرجا، وه جِذام خوار بَییه و شِفا بَییته. 43عیسی اون مَردی ره دَرجا مِرخَص هاکارده و وه ره سِفارشِ هاکارده 44و بااوته: «تِ حِواس دَووه این جَریانِ هیچ کَسِ پَلی ناری؛ بلکه بور و شه ره مَعبِدِ کاهِنِ سِراغ هاده و شه شِفائه خاطِری، قِروونی ای ره که موسی دَستور هِدا بییه ره پیشکَش هاکان تا وِشونِ ثابت بَووه که تِ شِفا بَییتی.» 45ولی اون مَردی بیرون بُورده، همه جا این جَریانِ گَبِ بَزو و اونِ خَوِرِ پَخش هاکارده. اینِ وِسه عیسی دییه نَتونِسه عَلِنی شَهرِ دِله بِیّه، بلکه شَهرِ بیرون، خلوتِ جائه دِله موندِسه. و مَردِم از همه جا عیسیِ پَلی اییَمونه.
Currently Selected:
اِنجیلِ مَرقُس 1: EMB
Highlight
Share
Copy
Want to have your highlights saved across all your devices? Sign up or sign in
@2024 Korpu Company
اِنجیلِ مَرقُس 1
1
یحیی تَعمید دهنده، راه ره آماده کانده
1عیسی مَسیح، خِدائه ریکائه خَوِرِ خِش این طی شِروع بونه.
2اِشَعیائه پِیغَمبِرِ کتابِ دِله بَنوِشته بَییه:
«اِسا مِن شه قاصِدِ تِ جِم جلوتَر فِرِسِندِمبه،
وه تِ راهِ آماده کانده؛
3یه نَفِر صَحرائه دِله داد زَنده:
”خِداوندِ راهِ آماده هاکانین!
وه راه ها ره هِموار هاکانین»
4پَس یحییِ تَعمید دَهنده صَحرائه دِله ظاهر بَییه، وه مَردِمِ غُسلِ تَعمید دائه و اِعلام کارده شه گِناهونِ آمِرزش وِسه تووبه هاکانِن و تَعمید بَیرِن. 5تِمومِ یَهودیهِ مَنطقهِ مَردِم و تِمومِ اورشَلیمِ مَردِم، یحیی پَلی شینه و شه گِناهونِ اِعتراف کاردِنه و وه جِم اُردن رودخانهِ دِله تَعمید گِتِنه. 6یَحییِ جِمه شِترِ پَشم بییه و چَرمی قِیش شه کَمِر وَسّه، و مَلِخ و صَحرایی عَسِلِ خارده. 7وه موعظه کارده و گاته: «بَعد از مِن، یه نَفِر اِنه که مِ جِم قوی تَرِ و مِن حَتّی لیاقت نِدارمه دِلّا بَووِم و وه کوشِ بَندِ واز هاکانِم. 8مِن شِما ره اوهِ هِمراه تَعمید هِدامه، ولی وه شِما ره روح‌القُدسِ هِمراه تَعمید دِنه.»
عیسیِ تَعمید
9اون روزا، عیسی ناصرهِ شَهرِ جِم که جَلیلِ مَنطقهِ دِله بییه بییَمو و اُردن رودخانهِ دِله یحییِ جِم تَعمید بَییته. 10وَختی عیسی اوه جِم بیرون بییَمو، دَرجا بَدیئهِ آسِمون واز بَییه و خِدائه روح، کوتِری واری وه سَر جِر اِنه. 11و یِتا صِدا آسِمونِ جِم بییَمو که «تِ مِ عزیزِ ریکائی و مِن تِ جِم راضیمه.»
عیسیِ آزمود
12خِدائه روح دَرجا عیسی ره صَحرائه دِله بَوِرده. 13عیسی چهل روز صَحرائه دِله دَییه و شیطان وه ره آزمود کارده. وه وَحشیِ حیوونونِ هِمراه دَییه و فِرشته ها وه ره خِدمِت کاردِنه.
عیسی شه خِدمِتِ شِروع کانده
14بعد از اینکه یحیی دَسگیر بَییه، عیسی جَلیلِ مَنطقه بُورده. وه خِدائه خَوِرِ خِشِ مِژدِه دائه 15و گاته: «وه وَخت بَرِسیه و خِدائه پادشاهی نزیکِ. تووبه هاکانین و این خَوِرِ خِشِ ایمون بیارین.»
عیسیِ اَوِّلین شاگِردون
16وَختی عیسی جَلیلِ دریالوِ جِم رَد بونِسه، شَمعون و وه بِرار آندریاسِ بَدیئه که دَینه اوهِ دِله تور دِم دانه، چوون وِشون ماهیگیر بینه. 17عیسی وِشونِ بااوته:«مِ دِمبال بِئین که شِما ره مَردِمِ صَیّاد کامبه.» 18وِشون دَرجا شه تورها ره بییِشتِنه و عیسیِ دِمبال راه دَکِتِنه. 19عیسی وَختی اَت کم جلوتَر بُورده، یَعقوب و وه بِرار یوحنا که زِبِدیِ ریکائون بینه ره بَدیئه. وِشون شه لتکائه دِله دَینه شه تورا ره دِرِس کاردِنه. 20عیسی دَرجا وِشونِ صدا هاکارده. وِشون هم شه پییِر زِبِدی ره کارگرونِ هِمراه لتکائه دِله سَر بییِشتِنه و وه دِمبال راه دَکِتِنه.
عیسی یِتا مَردی که پلیدِ روح داشته ره شِفا دِنه
21وِشون کَفَرناحومِ شَهر بُوردِنه. وَختی مِقدَّسِ شنبه بَرِسیه، عیسی دَرجا یَهودیونِ عِبادَتگاهِ دِله بُورده و دَییه تَعلیم دائه. 22مَردِم عیسیِ تَعلیم هِدائِنِ جِم بِهت هاکاردِنه، چوون وه توراتِ مَلّمونِ واری تَعلیم نِدائه، بلکه یه نَفِرِ واری تَعلیم دائه که قِدرت و اختیار دارنه 23هَمون مووقه، وِشونِ عِبادَتگاهِ دِله یِتا مَردی دَییه که پلیدِ روح داشته. وه شونگ بَکِشیه: 24«ای عیسیِ ناصری، اِما ره چی کار دارنی؟ بییَموئی اِما ره نابود هاکانی؟ دومبّه کی هَسی! تِ اون خِدائه قِدّوسی!» 25ولی عیسی پلیدِ روحِ تَشِر بَزو و بااوته: «ساکت بَواش و وه جِم بیرون بِرو!» 26بعد پَلیدِ روح اون مَردی ره بَدجور تِکون هِدا و نَعرهِ هِمراه وه جِم بیرون بییَمو. 27تِمومِ مَردِم جوری تَعجِّب هاکارده بینه که هَمدییه جِم پِرسینه: «این دییه چیه؟ یِتا جدیدِ تَعلیم، قِدرت و اِختیارِ هِمراه! وه حَتّی پلیدِ اِرواحِ هَم دَستور دِنه و اونا وه جِم اِطاعت کاندِنه» 28پَس خَله نَگذِشته که عیسیِ آوازه تِمومِ جَلیلِ مَنطقهِ دِله دَپیته.
عیسی خَیلیا ره شِفا دِنه
29عیسی تا یَهودیونِ عِبادَتگاهِ جِم بیرون بییَمو، یَعقوب و یوحنائه هِمراه، شَمعون و آندریاسِ سِره بُورده. 30شَمعونِ زَن مار توو داشته و لا دِله دَییه. وِشون دَرجا عیسی ره وه حالِ جِم باخَوِر هاکاردِنه. 31عیسی اون زِنائه سَرِ وَر بُورده و وه دَسِ بَییته و وه ره بِلِند هاکارده. وه توو بَوری بَییه و وِشونِ جِم پذیرایی هاکارده.
32نِماشون، بعد از اینکه اِفتاب غروب هاکارده، مَردِم تِمومِ مریضون و دِو بَزوها ره عیسی پَلی بیاردِنه. 33شَهرِ تِمومِ مَردِم، همه اون سِرهِ دَرِ روب رو جَمع بَییه بینه! 34عیسی خَیلیا که جورواجورِ مریضی داشتِنه ره شِفا هِدا و یَته خَله دِوها ره هم دِو بَزوئه هائه جِم بیرون هاکارده. وه نییِشته دِوها هیچ گَبی بَزِنِن، چوون عیسی ره اِشناسینه.
عیسیِ دَرس هِدائِن جَلیلِ دِله
35زودِ صِواحی که هَمتی هِوا تاریک بییه، عیسی بِلِند بَییه و سِره جِم بیرون بورده. وه یِتا خَلوِتِ جا بُورده و اونجه دِعا هاکارده. 36شَمعون و وه هَمراهون عیسیِ دِمبال گِردِسِنه. 37وَختی عیسی ره پی دا هاکاردِنه، وه ره بااوتِنه: «همه تِ دِمبال گِردِنِنه!» 38عیسی وِشونِ بااوته: «بِئین این دورِ وَرِ شهرائه دِله بُوریم تا اونجه هم تَعلیم هادِم، چوون اینِ وِسه بییَمومه.» 39پَس عیسی راه دَکِته، تِمومِ جَلیلِ مَنطقهِ دِله بورده. وه وِشونِ عبادتگاه هائه دِله تَعلیم دائه و دِوها ره بیرون کارده.
عیسی یِتا جِذامیِ مَردی ره شِفا دِنه
40یِتا جِذامی مَردی عیسیِ پَلی بییَموِ، زانو بَزو و آجِزِ نالهِ هِمراه بااوته: «اگه بَخوائی، توندی مِ ره شِفا هادی.» 41عیسی دِل اون مَردیِ وِسه بَسوته و شه دسِ دراز هاکارده، وه سَر دَس بییِشته و بااوته: «خوامبه، شِفا بَیر!» 42دَرجا، وه جِذام خوار بَییه و شِفا بَییته. 43عیسی اون مَردی ره دَرجا مِرخَص هاکارده و وه ره سِفارشِ هاکارده 44و بااوته: «تِ حِواس دَووه این جَریانِ هیچ کَسِ پَلی ناری؛ بلکه بور و شه ره مَعبِدِ کاهِنِ سِراغ هاده و شه شِفائه خاطِری، قِروونی ای ره که موسی دَستور هِدا بییه ره پیشکَش هاکان تا وِشونِ ثابت بَووه که تِ شِفا بَییتی.» 45ولی اون مَردی بیرون بُورده، همه جا این جَریانِ گَبِ بَزو و اونِ خَوِرِ پَخش هاکارده. اینِ وِسه عیسی دییه نَتونِسه عَلِنی شَهرِ دِله بِیّه، بلکه شَهرِ بیرون، خلوتِ جائه دِله موندِسه. و مَردِم از همه جا عیسیِ پَلی اییَمونه.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@2024 Korpu Company