دِوّمین نامه، تِسالونیکیِ کلیسائه وِسه 3
3
اَمه وِسه دِعا هاکانین
1سَر آخِر، اِی بِرارون، اَمه وِسه دِعا هاکانین تا خِداوندِ کِلام تِن پیش بوره و اونِ احترامِ دارِن، هَمون طی که شِمه میون این طی بَییه، 2تا شَرورِ آدِمون و گِناهکارونِ جِم آزاد بَوویم، چوون شِما همه ایمون نِدارنِنی. 3ولی خِداوند وِفادارِ؛ وه شِما ره پایدار کانده و اون شَریرِ پَلی شِمه جِم محافظت کانده. 4اِما خِداوندِ دِله شِما ره اِطمینان دارمی که اونچی که شِما ره حِکم کامبی ره، بهجا یارنِنی و اِنجام دِنِنی. 5خِداوند شِمه دِل ها ره، خِدائه مِحَبَّت و مَسیحِ پایداری هِمراه هدایت هاکانه.
هشدار تنبلِ آدِمونِ
6ای بِرارون، اَمه خِداوندْ عیسی مَسیحِ اِسمِ هِمراه شِما ره حِکم کامبی که هر بِراری جِم که تنبلی کانده و طِبق اون چی که اَمه جِم بَییتِنی رِفتار نَکانده، دوری هاکانین. 7چوون شِما شه دوندِنی که چی طی وِنه اَمه جِم سرمخش بَیرین. چوون اون مووقه ای که اِما شِمه هِمراه دَیمی، تَنبِل نَبیمی 8و هیچ کسِ نونِ، مِفتِ نَخاردیمی، بلکه سَختی و زَحمِتِ هِمراه شو و روز کار هاکاردیمی، تا هیچ کِدوم از شِمائه سربار نَوویم. 9نا اینِ خاطِری که اِما این حَقِّ نِدارمی، بلکه تا شه جِم یِتا نمونه سرمخشِ وِسه شِمه وِسه بییِلیم. 10چوون حَتَّی اون مووقه که شِمه هِمراه دَیمی، اینِ شِما ره حِکم هاکاردمی که «هر کی که نِخوانه کار هاکانه، نون هم نَخوره.»
11چوون اِما اِشنُمبی که شِمه میون بَعضیا تنبلی کاندِنه. اینا کار نَکاندِنه، بلکه فضولی کاندِنه. 12اِسا، خِداوند عیسی مَسیحِ اسمِ دِله، این طی آدِمونِ حِکم کامبی و وِشونِ تَشویق کامبی که آرووم و قِرار بَیرِن و شه روزی ره دَربیارِن. 13و ولی شِما ای بِرارون، خواری هاکاردِنِ جِم خَسِّه نَووین.
14اگه یه نَفِر اونچی که این نامهِ دِله که اِما گامبی ره اِطاعت نَکِنه، وه ره نِشون هاکانین و وه هِمراه رفتِ آمد نَکِنین تا خجالت بَکِشه. 15ولی وه ره دِشمِن نَدونین، بلکه یِتا بِرارِ واری وه ره هِشدار هادین.
دِعای خیر
16اِسا، خداوندِ صِلح و سِلامتی، شه، هر مووقه و هر وضعِ دِله شِما ره صِلح و سِلامتی دِنه. خِداوند شِما همهِ هِمراه دَووه.
17مِن، پولُس، شه دَسِ هِمراه این سِلامِ نِویسِمبه. این تِمومِ مِ نامههائه نشونه ئه. مِن این طی نِویسِمبه.
18اَمه خِداوند عیسی مَسیحِ فِیض شِما همهِ هِمراه دَووه.
Currently Selected:
دِوّمین نامه، تِسالونیکیِ کلیسائه وِسه 3: EMB
Highlight
Copy
Compare
Share
Want to have your highlights saved across all your devices? Sign up or sign in
@2024 Korpu Company
دِوّمین نامه، تِسالونیکیِ کلیسائه وِسه 3
3
اَمه وِسه دِعا هاکانین
1سَر آخِر، اِی بِرارون، اَمه وِسه دِعا هاکانین تا خِداوندِ کِلام تِن پیش بوره و اونِ احترامِ دارِن، هَمون طی که شِمه میون این طی بَییه، 2تا شَرورِ آدِمون و گِناهکارونِ جِم آزاد بَوویم، چوون شِما همه ایمون نِدارنِنی. 3ولی خِداوند وِفادارِ؛ وه شِما ره پایدار کانده و اون شَریرِ پَلی شِمه جِم محافظت کانده. 4اِما خِداوندِ دِله شِما ره اِطمینان دارمی که اونچی که شِما ره حِکم کامبی ره، بهجا یارنِنی و اِنجام دِنِنی. 5خِداوند شِمه دِل ها ره، خِدائه مِحَبَّت و مَسیحِ پایداری هِمراه هدایت هاکانه.
هشدار تنبلِ آدِمونِ
6ای بِرارون، اَمه خِداوندْ عیسی مَسیحِ اِسمِ هِمراه شِما ره حِکم کامبی که هر بِراری جِم که تنبلی کانده و طِبق اون چی که اَمه جِم بَییتِنی رِفتار نَکانده، دوری هاکانین. 7چوون شِما شه دوندِنی که چی طی وِنه اَمه جِم سرمخش بَیرین. چوون اون مووقه ای که اِما شِمه هِمراه دَیمی، تَنبِل نَبیمی 8و هیچ کسِ نونِ، مِفتِ نَخاردیمی، بلکه سَختی و زَحمِتِ هِمراه شو و روز کار هاکاردیمی، تا هیچ کِدوم از شِمائه سربار نَوویم. 9نا اینِ خاطِری که اِما این حَقِّ نِدارمی، بلکه تا شه جِم یِتا نمونه سرمخشِ وِسه شِمه وِسه بییِلیم. 10چوون حَتَّی اون مووقه که شِمه هِمراه دَیمی، اینِ شِما ره حِکم هاکاردمی که «هر کی که نِخوانه کار هاکانه، نون هم نَخوره.»
11چوون اِما اِشنُمبی که شِمه میون بَعضیا تنبلی کاندِنه. اینا کار نَکاندِنه، بلکه فضولی کاندِنه. 12اِسا، خِداوند عیسی مَسیحِ اسمِ دِله، این طی آدِمونِ حِکم کامبی و وِشونِ تَشویق کامبی که آرووم و قِرار بَیرِن و شه روزی ره دَربیارِن. 13و ولی شِما ای بِرارون، خواری هاکاردِنِ جِم خَسِّه نَووین.
14اگه یه نَفِر اونچی که این نامهِ دِله که اِما گامبی ره اِطاعت نَکِنه، وه ره نِشون هاکانین و وه هِمراه رفتِ آمد نَکِنین تا خجالت بَکِشه. 15ولی وه ره دِشمِن نَدونین، بلکه یِتا بِرارِ واری وه ره هِشدار هادین.
دِعای خیر
16اِسا، خداوندِ صِلح و سِلامتی، شه، هر مووقه و هر وضعِ دِله شِما ره صِلح و سِلامتی دِنه. خِداوند شِما همهِ هِمراه دَووه.
17مِن، پولُس، شه دَسِ هِمراه این سِلامِ نِویسِمبه. این تِمومِ مِ نامههائه نشونه ئه. مِن این طی نِویسِمبه.
18اَمه خِداوند عیسی مَسیحِ فِیض شِما همهِ هِمراه دَووه.
@2024 Korpu Company