نامَه وَ تیتوس 3
3
سی هر کارِ خوب آمایَه بو
1وَ حوشِشون بیار که مطیعِ حاکِمَل وِ صاحب مَنصَبَل بون، فِرمونبَر وِ سی هر کارِ خوب آمایَه بون؛ 2بدگویی نَکِنِن، جَرِمِرافَه نَکِنِن، آروم بون وِ بِی تَمومِ مردم بِی کوچِکنظمیِ کامل رفتار کِنِن.
3سییِکِه ایما هَم زَمونی نایون، نافِرمون، وَ رَه وِل وابییَه وِ بندۀ خَشییَل وِ هَوسَلِ جورواجور بیئیم؛ مِنِه کینَه وِ حَسودی زِندِیی ایکِردیم، تییَه وَمون نَیاشتِن وِ ایما هَم تییَه وَ کسی نَیاشتیم. 4امّا وَختی که مِرَبونیِ نجات دهندَهمون خدا وِ محبَتِش سی بَشر آشکار وابی، 5وِّ ایما نَه نجات دا، نَه وَ خاطرِ کارَلی که وَ ری صالحی کِردیم، بَلکَم وَ خاطرِ رحمتِ خُوش، وُ وَ رَه شُسَنی بی که وَ وسیلۀ وُ، روحالقدس وَ ایما تولد تازَه وِ حیاتی نو دا؛ 6که خدا، روحالقدسَه وَ فَراوونی، وَ واسطۀ نجات دهندَهمون عیسی مسیح رِت وَ ریمون، 7تا بِی فیضِش صالح وَ حساب بییِیم، وِ طبقِ اِمیدی که وَ حیاتِ ابدی داریم، وارِثَل وابِیم. 8وَ ای گَپ ایابو اِطمینون کِه، وَت ایخوام دَرموردِ ای چییَل یِهپا وِیسی، تا اونگَل که وَ خدا ایمون آوُردِنِه، حواسِشون بو که خِشونَه وقفِ کارَلِ خوب کِنِن. ای چییَل سی مردم خوبِه وِ فِیدَه دارِه.
9امّا وَ جَرِدعوایَلی که وَ ری حماقَتِه، وَ شجرَهنامهیَل، وَ بحثَل وِ مرافهیَلی که سَرِ شریعتِه دیری کُ، سییِکِه بیفِیدَه وِ بیارزشِن. 10دَرموردِ کسی که تَرفَقَه ایبویِه، دِندِی یِکِه یِه دَف وِ اوسِه دِ دَف وَش هُشتار دِی، دَ باش قطعِ رابطَه ک، 11سییِکِه دونی ایطو کسی فاسد وابییِه وِ گِناکارِه، وِّ خُوش خِشَه مَحکوم ایکِنِه.
سلامَل وِ تعلیمَلِ آخِر
12وختی آرتِماس یا تیخیکوسَ بِسی کِردُم طِیت، تَمومِ تلاشِتَه کُ تا بییِی وَ نیکوپولیس طِی مو، سییِکِه ایخوام زِمِسونَه وُچِه وِیسُم. 13تا وُچِه که ایتَری، وَ زیناسِ وکیل وِ آپولُس مِنِه سَفری که دارِن کِمَک کُ، حواسِت بو کمِ کسری نَیاشتَه بون. 14بِل مردِمونِ ایما یای بِگِرِن خِشونَه وقفِ کارَلِ خوب کِنِن تا اِتیاجَل بَرآوُردَه وابو وِ بیثَمَر نَبون.
15تَمومِ اونگَلی که بِی مِنِن، وَت سلام ایرَسونِن. وَ اونگَل که ایما نَه مِنِه ایمون دوس دارِن، سلام بِرَسون.
فیضِ خدا بِی تَمومِ ایشا بو.
Currently Selected:
نامَه وَ تیتوس 3: SLB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
نامَه وَ تیتوس 3
3
سی هر کارِ خوب آمایَه بو
1وَ حوشِشون بیار که مطیعِ حاکِمَل وِ صاحب مَنصَبَل بون، فِرمونبَر وِ سی هر کارِ خوب آمایَه بون؛ 2بدگویی نَکِنِن، جَرِمِرافَه نَکِنِن، آروم بون وِ بِی تَمومِ مردم بِی کوچِکنظمیِ کامل رفتار کِنِن.
3سییِکِه ایما هَم زَمونی نایون، نافِرمون، وَ رَه وِل وابییَه وِ بندۀ خَشییَل وِ هَوسَلِ جورواجور بیئیم؛ مِنِه کینَه وِ حَسودی زِندِیی ایکِردیم، تییَه وَمون نَیاشتِن وِ ایما هَم تییَه وَ کسی نَیاشتیم. 4امّا وَختی که مِرَبونیِ نجات دهندَهمون خدا وِ محبَتِش سی بَشر آشکار وابی، 5وِّ ایما نَه نجات دا، نَه وَ خاطرِ کارَلی که وَ ری صالحی کِردیم، بَلکَم وَ خاطرِ رحمتِ خُوش، وُ وَ رَه شُسَنی بی که وَ وسیلۀ وُ، روحالقدس وَ ایما تولد تازَه وِ حیاتی نو دا؛ 6که خدا، روحالقدسَه وَ فَراوونی، وَ واسطۀ نجات دهندَهمون عیسی مسیح رِت وَ ریمون، 7تا بِی فیضِش صالح وَ حساب بییِیم، وِ طبقِ اِمیدی که وَ حیاتِ ابدی داریم، وارِثَل وابِیم. 8وَ ای گَپ ایابو اِطمینون کِه، وَت ایخوام دَرموردِ ای چییَل یِهپا وِیسی، تا اونگَل که وَ خدا ایمون آوُردِنِه، حواسِشون بو که خِشونَه وقفِ کارَلِ خوب کِنِن. ای چییَل سی مردم خوبِه وِ فِیدَه دارِه.
9امّا وَ جَرِدعوایَلی که وَ ری حماقَتِه، وَ شجرَهنامهیَل، وَ بحثَل وِ مرافهیَلی که سَرِ شریعتِه دیری کُ، سییِکِه بیفِیدَه وِ بیارزشِن. 10دَرموردِ کسی که تَرفَقَه ایبویِه، دِندِی یِکِه یِه دَف وِ اوسِه دِ دَف وَش هُشتار دِی، دَ باش قطعِ رابطَه ک، 11سییِکِه دونی ایطو کسی فاسد وابییِه وِ گِناکارِه، وِّ خُوش خِشَه مَحکوم ایکِنِه.
سلامَل وِ تعلیمَلِ آخِر
12وختی آرتِماس یا تیخیکوسَ بِسی کِردُم طِیت، تَمومِ تلاشِتَه کُ تا بییِی وَ نیکوپولیس طِی مو، سییِکِه ایخوام زِمِسونَه وُچِه وِیسُم. 13تا وُچِه که ایتَری، وَ زیناسِ وکیل وِ آپولُس مِنِه سَفری که دارِن کِمَک کُ، حواسِت بو کمِ کسری نَیاشتَه بون. 14بِل مردِمونِ ایما یای بِگِرِن خِشونَه وقفِ کارَلِ خوب کِنِن تا اِتیاجَل بَرآوُردَه وابو وِ بیثَمَر نَبون.
15تَمومِ اونگَلی که بِی مِنِن، وَت سلام ایرَسونِن. وَ اونگَل که ایما نَه مِنِه ایمون دوس دارِن، سلام بِرَسون.
فیضِ خدا بِی تَمومِ ایشا بو.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company