نامَه وَ عبرانییَل 2
2
هشتار دَرموردِ غافل بییَن وَ نجات
1پَ ایما بایِس بیشتر حَواسمون وَ اوچیئی بو که اِشنُفتیمِه، نَکِنِه وَش وِل وابِیم. 2سییِکِه وَ وُچِه که پِیومی که وَ واسطۀ فرشتهیَل اعلام وابی ثابت وابی که قابلِ اِطمینونِه، وِ هر خَطا وِ نافِرمونی، جزائی وَ ری انصاف گِرُت، 3اَر ایما وَ ایطو نجاتِ عظیمی غافل بِیم، چِطو جون وَ دَر ایبَریم؟ ای نجات وَ اَوَل وَ واسطۀ خداوند اعلام وابی وِ دِنداش وَ واسطۀ اونگَل که اِشنُفتِن وَمون ثابت وابی، 4دَر حالی که خدا هَم وَش گَوایی ایدا، بِی نِشونهیَل وِ چییَلِ عجیب وِ معجزهیَلِ جورواجور، وِ عطایَلِ روحالقدس، که اونگَلَه طبقِ ارادۀ خُوش بَهر ایکِه.
5سییِکِه خدا او جهانِ آیندهای نَه که ایما وَش گَپ ایزَنیم، مطیعِ فرشتهیَل نَکِه. 6مِنِه جِیئی مِنِه کتابِ زبور شهادت دایَه وابییِه:
«انسان چِنِه که تِ مِنِه فکرِش بِی،
یا کِرِ انسان، که ویرِت وَش بو؟
7تِ وِّ نَه سی مِدتی، یِچِی دومِنتَر وَ فرشتهیَل نِهِی؛
تاجِ جلال وُ افتخارَ نِهِی وَ سَرِش،
8هَمَه چی نَه مطیع نِهِی زِرِ پایَلِش.»
ایسو که هَمَه چی نَه مطیعِ وِّ کِردِه، چیئی باقی نَنَها که مطیعِ وِّ نَبو. ایسو، هَنی نیبینیم که همه چی مطیعِ وِّ بو. 9امّا عیسی نَه ایبینیم که سی مدتی دومِنتَر وَ فرشتهیَل نَهایَه وابی، ایسو تاجِ جلال وُ افتخار وَ سَرِش نَهایَه وابییِه، سییِکِه وَ عذابِ مرگ رَی وابی تا وَ وسیلۀ فیضِ خدا سی هَمَه، طومِ مرگَه مِزَه کِنِه.
10سییِکِه یِه دِرُس وَجا بی که خدا، که همَه چی سی وُّ وُ وَ وسیلۀ وُّ وجود دارِن، سی آوُردنِ کُرَلِ زیادی وَ جلال، بایِس، بانیِ نجاتِ اونگَلَه وَ رَه عذاب، کامل کِنِه. 11سییِکِه وِّ که تقدیس ایکِنِه وِ اونگَل که تقدیس ایابون، هَمَشون وَ یِه تَبارِن. سی هَمیو، وِّ عار نَیارِه کَکا صیاشون کِنِه. 12هَموطو که کتابِ زَبور ایگُ:
«نومِ تِنَه وَ کَکایَلُم اعلام ایکِنُم؛
وِ مابینِ جماعت، ستایشِ تِنَه ایخونُم.»
13وِ اُمبِلا مِنِه کتابِ اِشعیای پِیغمبر ایگُ:
«مِ وَ وُّ توکل ایکِنُم.»
وِ اُمبِلا ایگُ:
«ایسو، مِ وِ اولادَلی که خدا وَم دایِه.»
14پَ وَ وُچِه که اولادل مِنِه جسم وُ خین هُمبَهرِن، وِّ خُوش هَم مِنِه ای چییَل هُمبَهر وابی، تا بِی مرگِ خُوش، نابود کِنِه او کسی نَه که قدرتِ مرگ دارِه، یعنی اِبلیسَه، 15وِ تَمومِ اونگَلی نَه که وَ خاطرِ ترس وَ مرگ تَمومِ عمرِشون مِنِه اسیری بییِن، آزاد کِنِه. 16سییِکِه حُکمَن وِّ فرشتهیَلَه کمک نیکِنِه، بلکم وِّ وَ نسل ابراهیم کمک ایکِنِه. 17سی هَمیو، وِّ بایِس وَ هر لَحاظ مِی کَکایَلِش ایابی، تا کاهن اعظمِ وفادار وِ رحیم مِنِه خذمتِ خدا بو، تا سی گِنایَلِ قوم کفارَه کِنِه. 18سییِکِه وِّ خُوش موقِی که امتحان وابی، عذاب کَشی، ایتَرِه وَ اونگَلی که امتحان ایابون کمک کِنِه.
Currently Selected:
نامَه وَ عبرانییَل 2: SLB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
نامَه وَ عبرانییَل 2
2
هشتار دَرموردِ غافل بییَن وَ نجات
1پَ ایما بایِس بیشتر حَواسمون وَ اوچیئی بو که اِشنُفتیمِه، نَکِنِه وَش وِل وابِیم. 2سییِکِه وَ وُچِه که پِیومی که وَ واسطۀ فرشتهیَل اعلام وابی ثابت وابی که قابلِ اِطمینونِه، وِ هر خَطا وِ نافِرمونی، جزائی وَ ری انصاف گِرُت، 3اَر ایما وَ ایطو نجاتِ عظیمی غافل بِیم، چِطو جون وَ دَر ایبَریم؟ ای نجات وَ اَوَل وَ واسطۀ خداوند اعلام وابی وِ دِنداش وَ واسطۀ اونگَل که اِشنُفتِن وَمون ثابت وابی، 4دَر حالی که خدا هَم وَش گَوایی ایدا، بِی نِشونهیَل وِ چییَلِ عجیب وِ معجزهیَلِ جورواجور، وِ عطایَلِ روحالقدس، که اونگَلَه طبقِ ارادۀ خُوش بَهر ایکِه.
5سییِکِه خدا او جهانِ آیندهای نَه که ایما وَش گَپ ایزَنیم، مطیعِ فرشتهیَل نَکِه. 6مِنِه جِیئی مِنِه کتابِ زبور شهادت دایَه وابییِه:
«انسان چِنِه که تِ مِنِه فکرِش بِی،
یا کِرِ انسان، که ویرِت وَش بو؟
7تِ وِّ نَه سی مِدتی، یِچِی دومِنتَر وَ فرشتهیَل نِهِی؛
تاجِ جلال وُ افتخارَ نِهِی وَ سَرِش،
8هَمَه چی نَه مطیع نِهِی زِرِ پایَلِش.»
ایسو که هَمَه چی نَه مطیعِ وِّ کِردِه، چیئی باقی نَنَها که مطیعِ وِّ نَبو. ایسو، هَنی نیبینیم که همه چی مطیعِ وِّ بو. 9امّا عیسی نَه ایبینیم که سی مدتی دومِنتَر وَ فرشتهیَل نَهایَه وابی، ایسو تاجِ جلال وُ افتخار وَ سَرِش نَهایَه وابییِه، سییِکِه وَ عذابِ مرگ رَی وابی تا وَ وسیلۀ فیضِ خدا سی هَمَه، طومِ مرگَه مِزَه کِنِه.
10سییِکِه یِه دِرُس وَجا بی که خدا، که همَه چی سی وُّ وُ وَ وسیلۀ وُّ وجود دارِن، سی آوُردنِ کُرَلِ زیادی وَ جلال، بایِس، بانیِ نجاتِ اونگَلَه وَ رَه عذاب، کامل کِنِه. 11سییِکِه وِّ که تقدیس ایکِنِه وِ اونگَل که تقدیس ایابون، هَمَشون وَ یِه تَبارِن. سی هَمیو، وِّ عار نَیارِه کَکا صیاشون کِنِه. 12هَموطو که کتابِ زَبور ایگُ:
«نومِ تِنَه وَ کَکایَلُم اعلام ایکِنُم؛
وِ مابینِ جماعت، ستایشِ تِنَه ایخونُم.»
13وِ اُمبِلا مِنِه کتابِ اِشعیای پِیغمبر ایگُ:
«مِ وَ وُّ توکل ایکِنُم.»
وِ اُمبِلا ایگُ:
«ایسو، مِ وِ اولادَلی که خدا وَم دایِه.»
14پَ وَ وُچِه که اولادل مِنِه جسم وُ خین هُمبَهرِن، وِّ خُوش هَم مِنِه ای چییَل هُمبَهر وابی، تا بِی مرگِ خُوش، نابود کِنِه او کسی نَه که قدرتِ مرگ دارِه، یعنی اِبلیسَه، 15وِ تَمومِ اونگَلی نَه که وَ خاطرِ ترس وَ مرگ تَمومِ عمرِشون مِنِه اسیری بییِن، آزاد کِنِه. 16سییِکِه حُکمَن وِّ فرشتهیَلَه کمک نیکِنِه، بلکم وِّ وَ نسل ابراهیم کمک ایکِنِه. 17سی هَمیو، وِّ بایِس وَ هر لَحاظ مِی کَکایَلِش ایابی، تا کاهن اعظمِ وفادار وِ رحیم مِنِه خذمتِ خدا بو، تا سی گِنایَلِ قوم کفارَه کِنِه. 18سییِکِه وِّ خُوش موقِی که امتحان وابی، عذاب کَشی، ایتَرِه وَ اونگَلی که امتحان ایابون کمک کِنِه.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company