کارَلِ رسولَل 2
2
دومِن اومَیَنِ روحالقدس مِنِه روزِ پِنتیکاست
1وختی روز پنتیکاست رَسی، هَمه یِهدل مِنِه یِه جا جَم بییِن 2که یِههُو صییِی مِی صییِی بایِ تندی وَ آسمون اومَه وِ حونهای نَه که مِنِش نِشَسَه بییِن، پُرتاپُر کِه. 3اوسِه وُچِه چیئی دییِن مِی بِرازۀ تَش که چِرِنگَلِش بَهر وابی وِ ری هر کویَکی وَ اونگَل قرار گِرُت. 4وِ اونگَل هَمَشون وَ روحالقدس پِر وابییِن وِ اوطوری که روحِ خدا وَشون قدرتِ گَپ زَیَن ایدا، شروع کِردِن وَ گَپ زَیَن وَ زُوونَلِ دَ.
5مِنِه او موقَع، یَهودییَلِ دیندار، وَ تَمومِ مِلَتَلِ زِرِ آسمون، اومَیَه بییِن وَ اورشلیم. 6وختی ای صیا وَریسا، جماعتی جَم وابییِن وِ حیرتزَیَه بییِن، سییِکِه هر یکیشون ایشنُفت که اونگَل بِی زُوونِ خُوش گَپ ایزَنِن. 7پَ حیرون وِ بهت زَیَه، گُتِن: «مَه اینگَل که گَپ ایزَنِن هَمَشون نَه جلیلی یَن؟ 8پَ چطو هر کویَکیمون ایشنِفیم که بِی زُوونِ ولاتِ ایما گَپ ایزَنِن؟ 9وَ پارتَل وِ مادَل وِ ایلامییَل گِرُتَه، تا مَردِمونِ بین النهرین وِ یهودیَه وِ کاپادوکیَه وِ پونتوس وِ منطقۀ آسیایی امپراطوریِ روم 10فریجیَه وِ پامفیلیَه وِ مصر وِ منطقهیَلی وَ لیبی که این قیرَوانِه وِ هَمیطو زَوارَلِ رومی 11(چه یهودی وِ چه اونگلی که یهودی وابییِنِه)؛ وِ هَمیطو مَردِمونِ کریت وُ عرب - هَمَمون داریم ایشنِفیم که اینگَل وَ زُوونِ ایما ستایشِ کارَلِ عظیمِ خدا نَه ایگُن.» 12پَ هَمَشون ماتِ مبهوت وَ یِکدو ایپُرسییِن: «یِه دَ چِنِه؟»
13امّا یِهپارهای هَم بِی ریشخَند ایگُتِن: «اینگَل مَهسِ شرابِ تازَه یَن!»
پِیومِ پِطرُس
14اوسِه پطرس بِی او یازَه نفَر وَریسا وِ بِی صییِی بلند ری کِه وَشون وِ گُت: «ای مِردَلِ یَهودیَه وِ مَردِمونی که مِنِه اورشلیم ایت، یِنَه بِیونیت وُ وَ چیئی که ایگُم خوب گوش کِنیت! 15سییِکِه ای مِردَل، بَرخلافِ اوچیئی که ایشا گَمون ایکِنیت نَه مَهسِن، سییِکِه هَنی ساعت نُه صُبِه! 16بلکم یِه هَموِنِه که یوئیل پیغمبر درموردِش ایطو گُتَه بی:
17«"خدا فرمایش ایکِنِه: مِنِه روزَلِ آخِر
وَ روحِ خُوم ایریزُم وَ ری تمومیِ بشر.
کُرَل وِ دُویَرَلِتون نبوّت ایکِنِن،
جَوونَلِتون رؤیایَل ایبینِن
وِ پیرَلِتون خُویَل.
18وِ هَم مِنِه او روزَل،
حتی وَ ری غلامَل وِ کَنیزَلُم،
وَ روحِ خُوم ایریزُم
وِ اونگَل نبوت ایکِنِن.
19وُ وَ بالا، مِنِه آسمونَل، چییَلِ عجیب،
وُ وَ دومِن، وَ ری زمین، نشونهیَل،
خین وُ تَش وُ دیِ غلیظ.
20نِهِی یِکِه روزِ خداوند بیایِه او روزِ گَپو وِ خَش
اَفتو ظُلَمات ایابو وِ ماه
خین ایابو.
21اوسِه هرکه نومِ خداوندَ صیا کِنِه، نجات ایجورِه."
22«ای مِردَلِ اسرائیل، یِنَه بِشنِفیت: عیسِی ناصری مِردی که خدا بِی معجزهیَل وِ کارَلِ عجیب وِ نشونهیَلی که وَ دَسِ وُّ مِلِی ایشا اَنجوم دا، وَ بَرحق بییَنِش شهادت دا، هَموطو که خِتون دونیت 23ای عیسی بنا وَ خواس وِ نَخشۀ خدا تسلیمِش کِردِن وَتون وِ ایشا وَ دَسِ بیدینَل کَشیئیتِش وَ صلیب وِ کُشتیتِش. 24امّا خدا وِّ نَه وَ عذابَلِ مرگ نجات دا، زِندَش کِه، سییِکِه مرگ وَتَه نیتَرِس وِّ نَه مِنِه چَنگِ خُوش نِگَه کِنِه. 25هَموطو که داوود درموردِ وِّ ایگُ:
«"خداوندَ هَمیشَه نِهِی خُوم دییِمِه،
سییِکِه وِّ وَ دَسِ راسِ مِنِه تا جُم نَخَرُم.
26سی یِه دِلُم شایَمون وِ زُوونُم مِنِه شوقِه،
بَیَنُم هَم مِنِه اِمید لیز ایگِرِه.
27سییِکِه جونِمَه مِنِه دیارِ مُردِهیَل وِل نیکِنی
وِ نیلی قدّوست بِپیسِه.
28تِ رَیَلِ حیاتَه وَ مِ یای دائییِی،
وِ بِی حضورِت مِنَه وَ شایی لُوریز ایکِنی."
29«ای کَکایَل، ایتَرُم بِی اِطمینون وَتون بِگُم که جدِ ایما داوود مُرد وِ کِردِنِش زِرِ گِل وِ مقبَرَش هَم تا وَ اُمرو طِیمونِه. 30امّا وِّ پیغمبر بی وِ دونِس خدا سیش قَسَم خَردِه که یکی نَه وَ نسلِش اینِشونِه وَ ری تختِ سلطنتِش. 31وِّ نَهاتَر آیَندَه نَه دییَه بی، درموردِ زندَه وابییَنِ مسیحِ موعود گُت که جونِش مِنِه دیارِ مُردِهیَل وِل وانیبو وِ بَیَنِش هَم نیپیسِه. 32خدا هَمی عیسی نَه زِندَه کِه وِ ایما هَمَمون شاهدِ وِنیم. 33وِّ وَ دَسِ راسِ خدا بالا بُردَه وابی وُ وَ بُو آسمونی، روحالقدسِ موعودَ گِرُت، هَمیِنَه که ایسِه ایبینیت وِ ایشنِفیت رِتِه دومِن. 34سییِکِه داوود خُوش وَ آسمون بالا نَرَت، امّا وِّ خِش ایگُ:
«"خداوند وَ خداوندِ مِ گُت:
"وَ دَسِ راسِ مِ بِشین
35تا او موقَع که دُشمَنَلِتَه بِنُم زِرِ پات."»
36«پَ تَمومِ قوم اسرائیل، وَ یقین بِیونِن که خدا ای عیسی نَه که ایشا کَشیئیت وَ صلیب، هَم خداوند وِ هَم مسیح کِردِه.»
37وختی یِنَه اِشنُفتِن، طوری وَ سَرِشون اومَه که اِنگار شُمشیری رَت مِنِه دِلِشون، وَ پطرس وِ باقیِ رسولَل گُتِن: «ای کَکایَل، چه کِنیم؟»
38پطرس وَشون گُت: «توبَه کِنیت وِ هر کویَکی وَ ایشا وَ نومِ عیسی مسیح سی آمرزشِ گِنایَلِتون تعمید بِگِریت وِ عطایِ روحالقدسَه ایگِریت. 39سییِکِه ای وَعدَه سی ایشا وِ اولادَلِتون وِ تَمومِ کَسَلی یَه که وَ وِیچِه دیرِن، یعنی هرکه خداوند خِدِی ایما وِّ نَه وَ طرفِ خُوش صیا کِنِه.»
40پطرس بِی یِکِلی گَپَلِ دَ شهادت دا وِ تشویقِشون کِه وِ گُت: «خِتونَه وَ ای نسلِ نادِرُس نجات بِئیت!» 41پَ پِیومِ وِّ نَه قبول کِردِن وِ تعمید گِرُتِن. مِنِه هَمو روز حدودِ سه هزار نفر وَشون اضاف وابی.
زندِیی شریکیِ ایموندارَل
42اوسِه اونگَل خِشونَه وقفِ تعلیم گِرُتَن وَ رسولَل وِ هَمیطو رِفاقَت وِ تِکَه کِردَنِ نون وِ دعا کِردِن. 43ترس اُفتا وَ جونِ هَمَه، وِ معجزهیَل وِ نِشونهیَلِ زیادی وَ دَسِ رسولَل ایابی. 44اونگَلی که ایمون آوُردَه بییِن هَمَشون بِی یَک وَ سَر ایبُردِن وِ مِنِه هَمَه چی شریک بییِن. 45مالِمِنالِشونَه ایفِرُتِن وِ پیلِشَه وَ قَدِ اِتیاجِ هر کس مابینِ هَمَه بَهر ایکِردِن. 46اونگَل هر رو، مِنِه معبدِ خداوند دورِ یَک جَم ایابییِن وِ مِنِه حونهیَلِشون هَم نونَه تِکَه ایکِردِن وِ بِی کِیف وُ خَشی وِ دلِ صاف بِی یَک غذا ایخَردِن 47وِ اونگَل خدا نَه ستایش ایکِردِن. تَمومِ مردم وَشون حُرمت اینَهان؛ وِ خداوند هر رو نجات جُسِهیَلَه وَ جَمِشون اضاف ایکِه.
Currently Selected:
کارَلِ رسولَل 2: SLB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
کارَلِ رسولَل 2
2
دومِن اومَیَنِ روحالقدس مِنِه روزِ پِنتیکاست
1وختی روز پنتیکاست رَسی، هَمه یِهدل مِنِه یِه جا جَم بییِن 2که یِههُو صییِی مِی صییِی بایِ تندی وَ آسمون اومَه وِ حونهای نَه که مِنِش نِشَسَه بییِن، پُرتاپُر کِه. 3اوسِه وُچِه چیئی دییِن مِی بِرازۀ تَش که چِرِنگَلِش بَهر وابی وِ ری هر کویَکی وَ اونگَل قرار گِرُت. 4وِ اونگَل هَمَشون وَ روحالقدس پِر وابییِن وِ اوطوری که روحِ خدا وَشون قدرتِ گَپ زَیَن ایدا، شروع کِردِن وَ گَپ زَیَن وَ زُوونَلِ دَ.
5مِنِه او موقَع، یَهودییَلِ دیندار، وَ تَمومِ مِلَتَلِ زِرِ آسمون، اومَیَه بییِن وَ اورشلیم. 6وختی ای صیا وَریسا، جماعتی جَم وابییِن وِ حیرتزَیَه بییِن، سییِکِه هر یکیشون ایشنُفت که اونگَل بِی زُوونِ خُوش گَپ ایزَنِن. 7پَ حیرون وِ بهت زَیَه، گُتِن: «مَه اینگَل که گَپ ایزَنِن هَمَشون نَه جلیلی یَن؟ 8پَ چطو هر کویَکیمون ایشنِفیم که بِی زُوونِ ولاتِ ایما گَپ ایزَنِن؟ 9وَ پارتَل وِ مادَل وِ ایلامییَل گِرُتَه، تا مَردِمونِ بین النهرین وِ یهودیَه وِ کاپادوکیَه وِ پونتوس وِ منطقۀ آسیایی امپراطوریِ روم 10فریجیَه وِ پامفیلیَه وِ مصر وِ منطقهیَلی وَ لیبی که این قیرَوانِه وِ هَمیطو زَوارَلِ رومی 11(چه یهودی وِ چه اونگلی که یهودی وابییِنِه)؛ وِ هَمیطو مَردِمونِ کریت وُ عرب - هَمَمون داریم ایشنِفیم که اینگَل وَ زُوونِ ایما ستایشِ کارَلِ عظیمِ خدا نَه ایگُن.» 12پَ هَمَشون ماتِ مبهوت وَ یِکدو ایپُرسییِن: «یِه دَ چِنِه؟»
13امّا یِهپارهای هَم بِی ریشخَند ایگُتِن: «اینگَل مَهسِ شرابِ تازَه یَن!»
پِیومِ پِطرُس
14اوسِه پطرس بِی او یازَه نفَر وَریسا وِ بِی صییِی بلند ری کِه وَشون وِ گُت: «ای مِردَلِ یَهودیَه وِ مَردِمونی که مِنِه اورشلیم ایت، یِنَه بِیونیت وُ وَ چیئی که ایگُم خوب گوش کِنیت! 15سییِکِه ای مِردَل، بَرخلافِ اوچیئی که ایشا گَمون ایکِنیت نَه مَهسِن، سییِکِه هَنی ساعت نُه صُبِه! 16بلکم یِه هَموِنِه که یوئیل پیغمبر درموردِش ایطو گُتَه بی:
17«"خدا فرمایش ایکِنِه: مِنِه روزَلِ آخِر
وَ روحِ خُوم ایریزُم وَ ری تمومیِ بشر.
کُرَل وِ دُویَرَلِتون نبوّت ایکِنِن،
جَوونَلِتون رؤیایَل ایبینِن
وِ پیرَلِتون خُویَل.
18وِ هَم مِنِه او روزَل،
حتی وَ ری غلامَل وِ کَنیزَلُم،
وَ روحِ خُوم ایریزُم
وِ اونگَل نبوت ایکِنِن.
19وُ وَ بالا، مِنِه آسمونَل، چییَلِ عجیب،
وُ وَ دومِن، وَ ری زمین، نشونهیَل،
خین وُ تَش وُ دیِ غلیظ.
20نِهِی یِکِه روزِ خداوند بیایِه او روزِ گَپو وِ خَش
اَفتو ظُلَمات ایابو وِ ماه
خین ایابو.
21اوسِه هرکه نومِ خداوندَ صیا کِنِه، نجات ایجورِه."
22«ای مِردَلِ اسرائیل، یِنَه بِشنِفیت: عیسِی ناصری مِردی که خدا بِی معجزهیَل وِ کارَلِ عجیب وِ نشونهیَلی که وَ دَسِ وُّ مِلِی ایشا اَنجوم دا، وَ بَرحق بییَنِش شهادت دا، هَموطو که خِتون دونیت 23ای عیسی بنا وَ خواس وِ نَخشۀ خدا تسلیمِش کِردِن وَتون وِ ایشا وَ دَسِ بیدینَل کَشیئیتِش وَ صلیب وِ کُشتیتِش. 24امّا خدا وِّ نَه وَ عذابَلِ مرگ نجات دا، زِندَش کِه، سییِکِه مرگ وَتَه نیتَرِس وِّ نَه مِنِه چَنگِ خُوش نِگَه کِنِه. 25هَموطو که داوود درموردِ وِّ ایگُ:
«"خداوندَ هَمیشَه نِهِی خُوم دییِمِه،
سییِکِه وِّ وَ دَسِ راسِ مِنِه تا جُم نَخَرُم.
26سی یِه دِلُم شایَمون وِ زُوونُم مِنِه شوقِه،
بَیَنُم هَم مِنِه اِمید لیز ایگِرِه.
27سییِکِه جونِمَه مِنِه دیارِ مُردِهیَل وِل نیکِنی
وِ نیلی قدّوست بِپیسِه.
28تِ رَیَلِ حیاتَه وَ مِ یای دائییِی،
وِ بِی حضورِت مِنَه وَ شایی لُوریز ایکِنی."
29«ای کَکایَل، ایتَرُم بِی اِطمینون وَتون بِگُم که جدِ ایما داوود مُرد وِ کِردِنِش زِرِ گِل وِ مقبَرَش هَم تا وَ اُمرو طِیمونِه. 30امّا وِّ پیغمبر بی وِ دونِس خدا سیش قَسَم خَردِه که یکی نَه وَ نسلِش اینِشونِه وَ ری تختِ سلطنتِش. 31وِّ نَهاتَر آیَندَه نَه دییَه بی، درموردِ زندَه وابییَنِ مسیحِ موعود گُت که جونِش مِنِه دیارِ مُردِهیَل وِل وانیبو وِ بَیَنِش هَم نیپیسِه. 32خدا هَمی عیسی نَه زِندَه کِه وِ ایما هَمَمون شاهدِ وِنیم. 33وِّ وَ دَسِ راسِ خدا بالا بُردَه وابی وُ وَ بُو آسمونی، روحالقدسِ موعودَ گِرُت، هَمیِنَه که ایسِه ایبینیت وِ ایشنِفیت رِتِه دومِن. 34سییِکِه داوود خُوش وَ آسمون بالا نَرَت، امّا وِّ خِش ایگُ:
«"خداوند وَ خداوندِ مِ گُت:
"وَ دَسِ راسِ مِ بِشین
35تا او موقَع که دُشمَنَلِتَه بِنُم زِرِ پات."»
36«پَ تَمومِ قوم اسرائیل، وَ یقین بِیونِن که خدا ای عیسی نَه که ایشا کَشیئیت وَ صلیب، هَم خداوند وِ هَم مسیح کِردِه.»
37وختی یِنَه اِشنُفتِن، طوری وَ سَرِشون اومَه که اِنگار شُمشیری رَت مِنِه دِلِشون، وَ پطرس وِ باقیِ رسولَل گُتِن: «ای کَکایَل، چه کِنیم؟»
38پطرس وَشون گُت: «توبَه کِنیت وِ هر کویَکی وَ ایشا وَ نومِ عیسی مسیح سی آمرزشِ گِنایَلِتون تعمید بِگِریت وِ عطایِ روحالقدسَه ایگِریت. 39سییِکِه ای وَعدَه سی ایشا وِ اولادَلِتون وِ تَمومِ کَسَلی یَه که وَ وِیچِه دیرِن، یعنی هرکه خداوند خِدِی ایما وِّ نَه وَ طرفِ خُوش صیا کِنِه.»
40پطرس بِی یِکِلی گَپَلِ دَ شهادت دا وِ تشویقِشون کِه وِ گُت: «خِتونَه وَ ای نسلِ نادِرُس نجات بِئیت!» 41پَ پِیومِ وِّ نَه قبول کِردِن وِ تعمید گِرُتِن. مِنِه هَمو روز حدودِ سه هزار نفر وَشون اضاف وابی.
زندِیی شریکیِ ایموندارَل
42اوسِه اونگَل خِشونَه وقفِ تعلیم گِرُتَن وَ رسولَل وِ هَمیطو رِفاقَت وِ تِکَه کِردَنِ نون وِ دعا کِردِن. 43ترس اُفتا وَ جونِ هَمَه، وِ معجزهیَل وِ نِشونهیَلِ زیادی وَ دَسِ رسولَل ایابی. 44اونگَلی که ایمون آوُردَه بییِن هَمَشون بِی یَک وَ سَر ایبُردِن وِ مِنِه هَمَه چی شریک بییِن. 45مالِمِنالِشونَه ایفِرُتِن وِ پیلِشَه وَ قَدِ اِتیاجِ هر کس مابینِ هَمَه بَهر ایکِردِن. 46اونگَل هر رو، مِنِه معبدِ خداوند دورِ یَک جَم ایابییِن وِ مِنِه حونهیَلِشون هَم نونَه تِکَه ایکِردِن وِ بِی کِیف وُ خَشی وِ دلِ صاف بِی یَک غذا ایخَردِن 47وِ اونگَل خدا نَه ستایش ایکِردِن. تَمومِ مردم وَشون حُرمت اینَهان؛ وِ خداوند هر رو نجات جُسِهیَلَه وَ جَمِشون اضاف ایکِه.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company