کارَلِ رسولَل 12
12
کُشتَه وابییَنِ یعقوب وِ زِندانی وابییَنِ پِطرُس
1مِنِه او روزَل، هیرودیسِ پادشاه شروع کِه وَ آزار دایَنِ یِهپارهای وَ ایموندارَلِ کلیسا. 2وَ دستور وُّ یعقوب کَکِی یوحنا نَه بِی شُمشیر کُشتِن. 3وِ وختی دی ای کار، یَهودییَلَه خوشحال کِه، قَیَمِ گَپوتری وَگِرُت وِ پطرسَ هَم دَسگیر کِه. یه مِنِه روزَلِ عیدِ فطیر اتّفاق اُفتا. 4هیرودیس بعدَ گرفتار کِردَنِ پطرس، وِّ نَه وِردا مِنِه زندان وِ چار دَسِۀ چار نفری نَه نَها سی ناتوریش. وِ ایخواس که بعدَ عیدِ پِسَح، پطرسَ وَرِ تییِۀ مردم محاکمه کِنِه.
5پَ پطرسَ حَبس کِردِن، امّا کلیسا وَ دَرگاهِ خدا یِه سَرَه سیش دعا ایکِه.
6یِه شُو نِهِی روزی که هیرودیس ایخواس پطرسَ محاکمَه کِنِه، پطرس بِی دِتا زنجیر بَسَه وابییَه بی وِ مابینِ دِتا سرباز خُوسییَه بی، وِ ناتورَل هَم دَمِ درِ زندان کِشیک ایدان. 7یِه دَفَه یِه فرشتۀ خداوند ظاهر وابی وِ نوری مِنِه زندان بِرچ زَه. فرشتَه زَه وَ پَلی پطرس وِ دیارِش کِه وِ گُت: «زی وَری!» هَمو دَقَه زنجیرَل وَ دَسَلِش اُفتان دومِن.
8فرشتَه وَش گُت: «قَدِتَه بُویَند وِ اُرسی یَلِتَه کِ وَ پات.» پطرس هَمی کارَ کِه. اوسِه فرشتَه وَش گُت: «قَباتَه وَرکَش وِ بیو وَ دینُم.» 9پَ پطرس وَ دینِ فرشتَه وَ زندان زَه وَدَر. امّا باوَر نیکِه که اوچیئی که فرشتَه ایکِه، واقعی یَه، بلکم گَمون ایکِه خُو ایبینِه. 10اونگَل وَ ناتورَلِ اَوَل وِ دوم رَی وابییِن وِ رَسییِن وَ دروازۀ آهِنیای که واز ایابی وَ طرفِ شهر. دروازَه خود وَ خود دَمِ ریشون واز وابی. اوسِه رَتِن وَدَر وِ وختی رَسییِن وَ آخِرِ جادَه، یِه دَفَه فرشتَه غِیب وابی.
11اوسِه پطرس وَ خِش اومَه وِ گُت: «ایسِه دَ دونُم که خداوند فرشتۀ خِشَه بِسی کِردِه وِ مِنَه وَ چنگ هیرودیس وِ او بلایی که قومِ یهود انتظار داشتِن تا بیا وَ سَرُم، نجات دایِه.»
12وختی یِنَه فَمِس، رَت وَ حونۀ مریم دی یوحنایِ معروف وَ مَرقس. وُچِه عدۀ زیادی دورِ یَک بییِن وِ دعا ایکِردِن. 13وختی پطرس درِ حونَه نَه زَه، کنیزی وَ نومِ رودا اومَه تا دَرَ واز کِنِه. 14امّا وختی صییِی پطرسَ اِشناخت، وَ شاییِ زیاد، بییِکِه دَرَ واز کِنِه، دُویِس مِنِه حونَه وِ گُت: «پطرس پَسِ در وِیسایِه!»
15اونگَل وَش گُتِن: «مِی کَلو وابی یِی؟» امّا وختی دییِن یِهپا وِیسایِه، گُتِن: «حتماً فرشتَشِه.»
16مِنِه ای بِین، پطرس همیطو در ایزَه. عاقبت، وختی دَرَ واز کِردِن، بِی دییَنِ وِّ حیرتزَیَه وابییِن. 17پطرس بِی اِشارۀ دَس، وَشون فَهمُند صیا نَکِنن وِ تعریف کِه، که چطو خداوند وِّ نَه وَ زندان آزاد کِردِه. اوسِه گُت: «یعقوب وِ باقیِ کَکایَلَه وَ ای جریان باخَوَر کِنیت.» اوسِه رَت وَ جِیئی دَ.
18صَبا صُبِش، مِلِی سَربازَل قیامَتی وَپا وابی، سییِکِه نُونِسِن چه اومَیِه وَ سَرِ پطرس. 19هیرودیس دستور دا همَه جا وَ دینِ پطرس بِگَردِن؛ وِ وختی وِّ نَه نَجُسِن وَ ناتورَل بازخواس کِه وِ حکمِ قتلِشونَه دا. اوسِه هیرودیس وَ یهودیَه رَت وَ طرفِ قیصَریَه وِ مِدَتی وُچه مُند.
مُردنِ هیرودیس
20ایسو هیرودیس وَ مردمِ صور و صیدون خِشم گِرُتَه بی. سی هَمیُو یِهدل رَتِن طِیش وِ اجازۀ شرفیابی خواسِن. اونگَل بلاستوس، مباشِرِ مخصوصِ شاه نَه راضی کِردِن، ایخواسِن صلح کِنِن، سییِکِه غذا وِ روزیشون وَ دیار هیرودیس وَ دَس اییومَه.
21مِنِه او روزِ مخصوص، هیرودیس قَبایِ شاهی نَه کِه وَرِش، نِشَس وَ ری تختِ سلطَنَتِش وِ سی جماعت نُطقی کِه. 22مردم قیرَه زَن: «یِه صییِی خدا یَه، نَه صییِی آیَم!» 23هَمو دَقَه، یِه فرشتۀ خداوند هیرودیسَ طوری زَه که کِرمَل بَیَنِشَه خَردِن وِ مُرد، سییِکِه خدا نَه حمد وُ ثَنا نَکِردَه بی.
24امّا کلامِ خدا بیشترَبیشتَر پخش ایابی وِ ایرَت وَ هَمَه جا.
25وختی بَرنابا وِ شائول پیشکِشَلِ مسیحییَلَه دان وَ کلیسا، وَرگَشتِن وَ اورشلیم وِ یوحنایِ معروف وَ مرقسَ هَم بِی خِشون آوُردِن.
Currently Selected:
کارَلِ رسولَل 12: SLB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
کارَلِ رسولَل 12
12
کُشتَه وابییَنِ یعقوب وِ زِندانی وابییَنِ پِطرُس
1مِنِه او روزَل، هیرودیسِ پادشاه شروع کِه وَ آزار دایَنِ یِهپارهای وَ ایموندارَلِ کلیسا. 2وَ دستور وُّ یعقوب کَکِی یوحنا نَه بِی شُمشیر کُشتِن. 3وِ وختی دی ای کار، یَهودییَلَه خوشحال کِه، قَیَمِ گَپوتری وَگِرُت وِ پطرسَ هَم دَسگیر کِه. یه مِنِه روزَلِ عیدِ فطیر اتّفاق اُفتا. 4هیرودیس بعدَ گرفتار کِردَنِ پطرس، وِّ نَه وِردا مِنِه زندان وِ چار دَسِۀ چار نفری نَه نَها سی ناتوریش. وِ ایخواس که بعدَ عیدِ پِسَح، پطرسَ وَرِ تییِۀ مردم محاکمه کِنِه.
5پَ پطرسَ حَبس کِردِن، امّا کلیسا وَ دَرگاهِ خدا یِه سَرَه سیش دعا ایکِه.
6یِه شُو نِهِی روزی که هیرودیس ایخواس پطرسَ محاکمَه کِنِه، پطرس بِی دِتا زنجیر بَسَه وابییَه بی وِ مابینِ دِتا سرباز خُوسییَه بی، وِ ناتورَل هَم دَمِ درِ زندان کِشیک ایدان. 7یِه دَفَه یِه فرشتۀ خداوند ظاهر وابی وِ نوری مِنِه زندان بِرچ زَه. فرشتَه زَه وَ پَلی پطرس وِ دیارِش کِه وِ گُت: «زی وَری!» هَمو دَقَه زنجیرَل وَ دَسَلِش اُفتان دومِن.
8فرشتَه وَش گُت: «قَدِتَه بُویَند وِ اُرسی یَلِتَه کِ وَ پات.» پطرس هَمی کارَ کِه. اوسِه فرشتَه وَش گُت: «قَباتَه وَرکَش وِ بیو وَ دینُم.» 9پَ پطرس وَ دینِ فرشتَه وَ زندان زَه وَدَر. امّا باوَر نیکِه که اوچیئی که فرشتَه ایکِه، واقعی یَه، بلکم گَمون ایکِه خُو ایبینِه. 10اونگَل وَ ناتورَلِ اَوَل وِ دوم رَی وابییِن وِ رَسییِن وَ دروازۀ آهِنیای که واز ایابی وَ طرفِ شهر. دروازَه خود وَ خود دَمِ ریشون واز وابی. اوسِه رَتِن وَدَر وِ وختی رَسییِن وَ آخِرِ جادَه، یِه دَفَه فرشتَه غِیب وابی.
11اوسِه پطرس وَ خِش اومَه وِ گُت: «ایسِه دَ دونُم که خداوند فرشتۀ خِشَه بِسی کِردِه وِ مِنَه وَ چنگ هیرودیس وِ او بلایی که قومِ یهود انتظار داشتِن تا بیا وَ سَرُم، نجات دایِه.»
12وختی یِنَه فَمِس، رَت وَ حونۀ مریم دی یوحنایِ معروف وَ مَرقس. وُچِه عدۀ زیادی دورِ یَک بییِن وِ دعا ایکِردِن. 13وختی پطرس درِ حونَه نَه زَه، کنیزی وَ نومِ رودا اومَه تا دَرَ واز کِنِه. 14امّا وختی صییِی پطرسَ اِشناخت، وَ شاییِ زیاد، بییِکِه دَرَ واز کِنِه، دُویِس مِنِه حونَه وِ گُت: «پطرس پَسِ در وِیسایِه!»
15اونگَل وَش گُتِن: «مِی کَلو وابی یِی؟» امّا وختی دییِن یِهپا وِیسایِه، گُتِن: «حتماً فرشتَشِه.»
16مِنِه ای بِین، پطرس همیطو در ایزَه. عاقبت، وختی دَرَ واز کِردِن، بِی دییَنِ وِّ حیرتزَیَه وابییِن. 17پطرس بِی اِشارۀ دَس، وَشون فَهمُند صیا نَکِنن وِ تعریف کِه، که چطو خداوند وِّ نَه وَ زندان آزاد کِردِه. اوسِه گُت: «یعقوب وِ باقیِ کَکایَلَه وَ ای جریان باخَوَر کِنیت.» اوسِه رَت وَ جِیئی دَ.
18صَبا صُبِش، مِلِی سَربازَل قیامَتی وَپا وابی، سییِکِه نُونِسِن چه اومَیِه وَ سَرِ پطرس. 19هیرودیس دستور دا همَه جا وَ دینِ پطرس بِگَردِن؛ وِ وختی وِّ نَه نَجُسِن وَ ناتورَل بازخواس کِه وِ حکمِ قتلِشونَه دا. اوسِه هیرودیس وَ یهودیَه رَت وَ طرفِ قیصَریَه وِ مِدَتی وُچه مُند.
مُردنِ هیرودیس
20ایسو هیرودیس وَ مردمِ صور و صیدون خِشم گِرُتَه بی. سی هَمیُو یِهدل رَتِن طِیش وِ اجازۀ شرفیابی خواسِن. اونگَل بلاستوس، مباشِرِ مخصوصِ شاه نَه راضی کِردِن، ایخواسِن صلح کِنِن، سییِکِه غذا وِ روزیشون وَ دیار هیرودیس وَ دَس اییومَه.
21مِنِه او روزِ مخصوص، هیرودیس قَبایِ شاهی نَه کِه وَرِش، نِشَس وَ ری تختِ سلطَنَتِش وِ سی جماعت نُطقی کِه. 22مردم قیرَه زَن: «یِه صییِی خدا یَه، نَه صییِی آیَم!» 23هَمو دَقَه، یِه فرشتۀ خداوند هیرودیسَ طوری زَه که کِرمَل بَیَنِشَه خَردِن وِ مُرد، سییِکِه خدا نَه حمد وُ ثَنا نَکِردَه بی.
24امّا کلامِ خدا بیشترَبیشتَر پخش ایابی وِ ایرَت وَ هَمَه جا.
25وختی بَرنابا وِ شائول پیشکِشَلِ مسیحییَلَه دان وَ کلیسا، وَرگَشتِن وَ اورشلیم وِ یوحنایِ معروف وَ مرقسَ هَم بِی خِشون آوُردِن.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company