نامۀ دِوُم وَ تیموتائوس 1
1
1وَ طرفِ پولُس، که وَ خواسِ خدا وُ وَ طبقِ وعدۀ حیاتی که مِنِه مسیح عیسی یَه، رسولِ مسیح عیسی یَه،
2وَ اولادِ عزیزم، تیموتائوس:
فیض و رحمت و صلحوُسلامتی وَ طرفِ خِدِی بُو وِ خداوند ایما مسیح عیسی وَ تِ بو.
تشویق وَ وفاداری
3وَختی تِنَه شُو وِ رو، هَمیشَه مِنِه دِعایَلُم وَ یای ایارُم، خدا نَه شکر ایکِنُم، خدایی نَه، که مِ هَم مِی بُویَلُم بِی وجدانی پاک خذمتِش ایکِنُم. 4وَختی خَرسَلِ تِ وَ حوشِم ایا، اُرزو ایکِنُم اُمبِلا تِنَه بِوینُم تا وَ شایی لُریز وابوم. 5مِ ایمون خالصِ تِنَه وَ یای ایارُم که اَوَل مِنِه نَنَت لوئیس وِ اوسِه مِنِه دِیت یونیکی منزل داشت، وِ خاطرجَمُم ایسِه هَم مِنِه تِ منزل دارِه. 6سی هَمیو، وَ حوشِت ایارُم که او عَطِی خدا نَه که وَ واسطۀ دَس نَهایَنِ مو، مِنِه تِ جا گِرُتِه، بِرازَشَه بیشتر کِنی. 7سییِکِه روحی که خدا وَ ایما بَخشی، نَه روحِ ترس، بَلکَم روحِ قویَت وِ محبت وِ خودداری یَه.
8پَ وَ شهادت دایَن وَ خداوندِ ایما، وُ وَ مِ که وَ خاطرِش مِنِه بَندُم عار نَیاشتَه بو، بَلکَم تِ هَم بِی قُویَتِ خدا مِنِه عذاب کَشییَن سی انجیل هُمبَهر بو. 9خدایی که ایما نَه نجات دا وِ خُوند سی زِندِییِ مقدس. یِه، نَه وَ خاطرِ کارَلِمون، بَلکَم وَ خاطرِ قصت وِ فیضِ خِشِه، که مِنِه مسیح عیسی نِهِی شروع دورهیَل وَمون دا، 10وِ ایسِه بِی ظهورِ نجات دهندَهمون مسیح عیسی آشکار وابییِه، که وَ واسطۀ انجیل، مرگَه وَ بین بُرد وِ زِندِیی وِ حیاتِ ابدی نَه آشکار کِه. 11که مِ سی وِه نَهایَه وابییِمِه تا واعظ وِ رسول وِ معلمِ ای انجیل بوم. 12سی هَمیِنِه که عذاب ایکَشُم، امّا عار نَیارُم، سییِکِه دونُم وَ کی ایمون آوُردِمِه وِ کامل مجاب وابییِمِه که وِّ ایتَرِه اوچیئی نَه که دایَه وابییِه وَ دَسُم تا او روز نِگَه کِنِه.
13مِنِه ایمون وِ محبتی که مِنِه مسیح عیسی یَه، وَ اوچیئی که وَ مِ اِشنُفتییِی مِی سَرمشقِ تعلیمِ دِرُس سِفت بِچَسب. 14وَ واسطۀ روحالقدس که مِنِه ایما منزل دارِه، او اَمونتِ خوبَه که وَ دَسِ تِ دایَه وابییِه، نِگَه کُ.
15خَوَر داری که مَردِمونِ وِلاتِ آسیا، هَمَشون مِنَه وِل کِردِنِه، فیگِلوس و هِرموگِنِس هَم مابِینِشونِن.
16رحمتِ خداوند وَ اَهلِاَیالِ اونیسیفوروس بو، سییِکِه چَنوِلا جونِ مِنَه تازَه کِه وُ وَ زَنجیرَلُم عار نَیاشت. 17بَلکَم وَختی اومَه وَ روم، مَهلی وَ دینُم گَشت تا عاقبَت جُسُم. 18که خداوند وَش عطا کِنِه وِ مِنِه او روز، رحمتِ خداوند وَش بو! وِ تِ وَ تَمومِ خِذمَتَلی که وِّ مِنِه اَفِسُس کِه، خوب خور داری.
Currently Selected:
نامۀ دِوُم وَ تیموتائوس 1: SLB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
نامۀ دِوُم وَ تیموتائوس 1
1
1وَ طرفِ پولُس، که وَ خواسِ خدا وُ وَ طبقِ وعدۀ حیاتی که مِنِه مسیح عیسی یَه، رسولِ مسیح عیسی یَه،
2وَ اولادِ عزیزم، تیموتائوس:
فیض و رحمت و صلحوُسلامتی وَ طرفِ خِدِی بُو وِ خداوند ایما مسیح عیسی وَ تِ بو.
تشویق وَ وفاداری
3وَختی تِنَه شُو وِ رو، هَمیشَه مِنِه دِعایَلُم وَ یای ایارُم، خدا نَه شکر ایکِنُم، خدایی نَه، که مِ هَم مِی بُویَلُم بِی وجدانی پاک خذمتِش ایکِنُم. 4وَختی خَرسَلِ تِ وَ حوشِم ایا، اُرزو ایکِنُم اُمبِلا تِنَه بِوینُم تا وَ شایی لُریز وابوم. 5مِ ایمون خالصِ تِنَه وَ یای ایارُم که اَوَل مِنِه نَنَت لوئیس وِ اوسِه مِنِه دِیت یونیکی منزل داشت، وِ خاطرجَمُم ایسِه هَم مِنِه تِ منزل دارِه. 6سی هَمیو، وَ حوشِت ایارُم که او عَطِی خدا نَه که وَ واسطۀ دَس نَهایَنِ مو، مِنِه تِ جا گِرُتِه، بِرازَشَه بیشتر کِنی. 7سییِکِه روحی که خدا وَ ایما بَخشی، نَه روحِ ترس، بَلکَم روحِ قویَت وِ محبت وِ خودداری یَه.
8پَ وَ شهادت دایَن وَ خداوندِ ایما، وُ وَ مِ که وَ خاطرِش مِنِه بَندُم عار نَیاشتَه بو، بَلکَم تِ هَم بِی قُویَتِ خدا مِنِه عذاب کَشییَن سی انجیل هُمبَهر بو. 9خدایی که ایما نَه نجات دا وِ خُوند سی زِندِییِ مقدس. یِه، نَه وَ خاطرِ کارَلِمون، بَلکَم وَ خاطرِ قصت وِ فیضِ خِشِه، که مِنِه مسیح عیسی نِهِی شروع دورهیَل وَمون دا، 10وِ ایسِه بِی ظهورِ نجات دهندَهمون مسیح عیسی آشکار وابییِه، که وَ واسطۀ انجیل، مرگَه وَ بین بُرد وِ زِندِیی وِ حیاتِ ابدی نَه آشکار کِه. 11که مِ سی وِه نَهایَه وابییِمِه تا واعظ وِ رسول وِ معلمِ ای انجیل بوم. 12سی هَمیِنِه که عذاب ایکَشُم، امّا عار نَیارُم، سییِکِه دونُم وَ کی ایمون آوُردِمِه وِ کامل مجاب وابییِمِه که وِّ ایتَرِه اوچیئی نَه که دایَه وابییِه وَ دَسُم تا او روز نِگَه کِنِه.
13مِنِه ایمون وِ محبتی که مِنِه مسیح عیسی یَه، وَ اوچیئی که وَ مِ اِشنُفتییِی مِی سَرمشقِ تعلیمِ دِرُس سِفت بِچَسب. 14وَ واسطۀ روحالقدس که مِنِه ایما منزل دارِه، او اَمونتِ خوبَه که وَ دَسِ تِ دایَه وابییِه، نِگَه کُ.
15خَوَر داری که مَردِمونِ وِلاتِ آسیا، هَمَشون مِنَه وِل کِردِنِه، فیگِلوس و هِرموگِنِس هَم مابِینِشونِن.
16رحمتِ خداوند وَ اَهلِاَیالِ اونیسیفوروس بو، سییِکِه چَنوِلا جونِ مِنَه تازَه کِه وُ وَ زَنجیرَلُم عار نَیاشت. 17بَلکَم وَختی اومَه وَ روم، مَهلی وَ دینُم گَشت تا عاقبَت جُسُم. 18که خداوند وَش عطا کِنِه وِ مِنِه او روز، رحمتِ خداوند وَش بو! وِ تِ وَ تَمومِ خِذمَتَلی که وِّ مِنِه اَفِسُس کِه، خوب خور داری.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company