نامۀ اَوَل وَ تیموتائوس 5
5
تَعلیمَل سی کلیسا
1مِردِ ریشسَفی نَه مَزِمت مَکُ، بَلکَم وِّ نَه مِی بُو خُوت تشویق کُ، وِ جَوونَلَه مِی کَکایَلِ خُوت، 2دالویَلَه مِی دِی خُوت، وِ زَنَلِ جَوونتَرَه مِی دَدَیَلِ خُوت، بِی پاکیِ تَموم.
3بیوَهزَنَلی نَه که وَراسی بیکَسِن، حُرمت کُ. 4امّا اَر بیوَهزَنی اولادَل وِ نَوهیَلی دارِه، اونگَل بایِس اَوَل یای بِگِرِن که حرمتِ اَهلِاَیالِ خِشونَه داشتَه بون تا ایطو دینداریِ خِشونَه مِنِه عمل نِشون بییِن وِ دِینِ خِشونَه وَ دِیبُوشون اَدا کِنِن، سییِکِه یِه خدا نَه خُشنود ایکِنِه. 5وِّ که وَراسی بیوَه یَه وِ بیکس مُندِه، امیدِش همیشَه وَ خدایَه وِ هَمیطو شُو وِ رو وَ حالِ دعا وِ التماس وَ خدا یَه. 6امّا بیوَهزنی که مِنِه عیاشی یَه، دَر حالی که زِندِهیَه، مُردِه. 7ای چییَلَه هَم دستور بییِه تا وَ مَزِمت دیر بون. 8امّا اَر کسی وَ دینِ اِتیاجَلِ خیشَلِش مخصوصاً اَهلِاَیالِش نَبو، مُنکرِ ایمونِه وُ وَ بیایمون گَندتَرِه.
9تِنا بیوَهزَنی نَه نومنویسی کُ که بیشتَرَ شَص سال داشتَه بو وِ زنِ یِه مرد بییِه، 10وِ سی اَنجومِ کارَلِ خوب معروف وابییَه بو، بَچهیَلی گَپو کِردَه بو، غریبنَواز بییِه، پایَلِ ایموندارَلِ وَ مسیحَ شُسَه بو، حَواسِش وَ دردَبارَل بییِه، وِ خِشَه وَقفِ هر کارِ خوب کِردَه بو.
11امّا بیوَهزَنَلِ جَوونتَرَ نومنویسی مَکُ، سییِکِه وَختی مِیل شهوتِشون اونگَلَه وَ مسیح دیر کِنِه، ایخوان شی کِنِن. 12وَ ای ترتیب، سییِکِه ایمونِ اَوَلیِ خِشونَه اینِن زِرِ پا، محکوم ایابون. 13غیرَ یو، اونگَل یای ایگِرِن تمبل بون وُ حونَه وَ حونَه بِگَردِن؛ وِ نَه تِنا تَمبل، بَلکَم داسونی وِ فضولِن، وِ چییَلِ ناشایِس ایگُن. 14پَ عقیدۀ مِ یِنِه که بیوهیَلِ جَوونتَر شی کِنِن، بَچَه بیارِن وِ کِیبِنو بون وُ وَ دشمن مِجالِ بُهتون زَیَن نَیِن. 15سییِکِه هَمیسِه هَم یِهپارهای وَ دینِ شِیطون وَ رَه وِل وابییِنِه.
16اَر زنی ایموندار، مِنِه قومَلِش بیوَهزَنَلی داشتَه بو، بایِس خُوش کِمَکِشون کِنِه تا باری وَ ری کلیسا نَبو وِ کلیسا بِتَرِه وَ بیوَهزَنَلی کِمَک کِنِه که وَراسی بیوَه یَن.
17شیخَلی که خوب رهبری کِردَه بون، لایقِ حُرمتی دِ برابَرِن، مخصوصاً اونگَل که مِنِه کارِ موعظَه وِ تعلیم زحمت ایکَشِن. 18سییِکِه مِنِه تورات ایگُ: «کَپِ وَرزا نَه نَبَند» وِ «کارگر مستحقِ دَسمِزِ خِشِه.» 19هیچ بُهتونی نَه وَ ضدِ یکی وَ شیخَلِ کلیسا قبول مَکُ، غیرَ وَ گَواییِ دو یا سه شاهد. 20اونگَلی نَه که مِنِه گِنا اصرار ایکِنِن، دَر برابَرِ هَمَه مَزِمَت کُ تا بقیَه هَم وَ گِنا کِردَن زَلَشون بِرَه.
21مِنِه حضورِ خدا وِ مسیح عیسی وِ فرشتهیَلِ بَرگزیدَه، وَت تَمنا ایکِنُم که ای قانونَلَه بیغَرَض رعایت کِنی وِ هیچ کاری نَه وَ ری جانِبداری نَکِنی.
22کسی نَه هولَکی سی خذمت تعیین نَکُ، وِ مِنِه گِنایَلِ بَقیَه شریک نَوابو، خِتَه پاک نِگَه کُ.
23دَ تِنا اُو نَخَه، بَلکَم وَ خاطرِ معدۀ خُوت وِ دَردَلی که بیشتَرِ موقِعیَل داری، یِچِی هَم شراب بِخَه.
24گِنایَلِ یِهپارهای آشکارِه وِ نِهِی اونگَل ایجِکِه سی داوری، امّا گِنایَلِ یِهپارهای دَ دِنداتَر آشکار ایابو. 25پَ کارَلِ خوب آشکارِه وِ حتی اونگَلی نَه که آشکار نی، نیابو پوشییَه نِگَه کِه.
Currently Selected:
نامۀ اَوَل وَ تیموتائوس 5: SLB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
نامۀ اَوَل وَ تیموتائوس 5
5
تَعلیمَل سی کلیسا
1مِردِ ریشسَفی نَه مَزِمت مَکُ، بَلکَم وِّ نَه مِی بُو خُوت تشویق کُ، وِ جَوونَلَه مِی کَکایَلِ خُوت، 2دالویَلَه مِی دِی خُوت، وِ زَنَلِ جَوونتَرَه مِی دَدَیَلِ خُوت، بِی پاکیِ تَموم.
3بیوَهزَنَلی نَه که وَراسی بیکَسِن، حُرمت کُ. 4امّا اَر بیوَهزَنی اولادَل وِ نَوهیَلی دارِه، اونگَل بایِس اَوَل یای بِگِرِن که حرمتِ اَهلِاَیالِ خِشونَه داشتَه بون تا ایطو دینداریِ خِشونَه مِنِه عمل نِشون بییِن وِ دِینِ خِشونَه وَ دِیبُوشون اَدا کِنِن، سییِکِه یِه خدا نَه خُشنود ایکِنِه. 5وِّ که وَراسی بیوَه یَه وِ بیکس مُندِه، امیدِش همیشَه وَ خدایَه وِ هَمیطو شُو وِ رو وَ حالِ دعا وِ التماس وَ خدا یَه. 6امّا بیوَهزنی که مِنِه عیاشی یَه، دَر حالی که زِندِهیَه، مُردِه. 7ای چییَلَه هَم دستور بییِه تا وَ مَزِمت دیر بون. 8امّا اَر کسی وَ دینِ اِتیاجَلِ خیشَلِش مخصوصاً اَهلِاَیالِش نَبو، مُنکرِ ایمونِه وُ وَ بیایمون گَندتَرِه.
9تِنا بیوَهزَنی نَه نومنویسی کُ که بیشتَرَ شَص سال داشتَه بو وِ زنِ یِه مرد بییِه، 10وِ سی اَنجومِ کارَلِ خوب معروف وابییَه بو، بَچهیَلی گَپو کِردَه بو، غریبنَواز بییِه، پایَلِ ایموندارَلِ وَ مسیحَ شُسَه بو، حَواسِش وَ دردَبارَل بییِه، وِ خِشَه وَقفِ هر کارِ خوب کِردَه بو.
11امّا بیوَهزَنَلِ جَوونتَرَ نومنویسی مَکُ، سییِکِه وَختی مِیل شهوتِشون اونگَلَه وَ مسیح دیر کِنِه، ایخوان شی کِنِن. 12وَ ای ترتیب، سییِکِه ایمونِ اَوَلیِ خِشونَه اینِن زِرِ پا، محکوم ایابون. 13غیرَ یو، اونگَل یای ایگِرِن تمبل بون وُ حونَه وَ حونَه بِگَردِن؛ وِ نَه تِنا تَمبل، بَلکَم داسونی وِ فضولِن، وِ چییَلِ ناشایِس ایگُن. 14پَ عقیدۀ مِ یِنِه که بیوهیَلِ جَوونتَر شی کِنِن، بَچَه بیارِن وِ کِیبِنو بون وُ وَ دشمن مِجالِ بُهتون زَیَن نَیِن. 15سییِکِه هَمیسِه هَم یِهپارهای وَ دینِ شِیطون وَ رَه وِل وابییِنِه.
16اَر زنی ایموندار، مِنِه قومَلِش بیوَهزَنَلی داشتَه بو، بایِس خُوش کِمَکِشون کِنِه تا باری وَ ری کلیسا نَبو وِ کلیسا بِتَرِه وَ بیوَهزَنَلی کِمَک کِنِه که وَراسی بیوَه یَن.
17شیخَلی که خوب رهبری کِردَه بون، لایقِ حُرمتی دِ برابَرِن، مخصوصاً اونگَل که مِنِه کارِ موعظَه وِ تعلیم زحمت ایکَشِن. 18سییِکِه مِنِه تورات ایگُ: «کَپِ وَرزا نَه نَبَند» وِ «کارگر مستحقِ دَسمِزِ خِشِه.» 19هیچ بُهتونی نَه وَ ضدِ یکی وَ شیخَلِ کلیسا قبول مَکُ، غیرَ وَ گَواییِ دو یا سه شاهد. 20اونگَلی نَه که مِنِه گِنا اصرار ایکِنِن، دَر برابَرِ هَمَه مَزِمَت کُ تا بقیَه هَم وَ گِنا کِردَن زَلَشون بِرَه.
21مِنِه حضورِ خدا وِ مسیح عیسی وِ فرشتهیَلِ بَرگزیدَه، وَت تَمنا ایکِنُم که ای قانونَلَه بیغَرَض رعایت کِنی وِ هیچ کاری نَه وَ ری جانِبداری نَکِنی.
22کسی نَه هولَکی سی خذمت تعیین نَکُ، وِ مِنِه گِنایَلِ بَقیَه شریک نَوابو، خِتَه پاک نِگَه کُ.
23دَ تِنا اُو نَخَه، بَلکَم وَ خاطرِ معدۀ خُوت وِ دَردَلی که بیشتَرِ موقِعیَل داری، یِچِی هَم شراب بِخَه.
24گِنایَلِ یِهپارهای آشکارِه وِ نِهِی اونگَل ایجِکِه سی داوری، امّا گِنایَلِ یِهپارهای دَ دِنداتَر آشکار ایابو. 25پَ کارَلِ خوب آشکارِه وِ حتی اونگَلی نَه که آشکار نی، نیابو پوشییَه نِگَه کِه.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company