نامَه رومِنیا 3
3
خدا وفادارِه
1پَ فایدَه یهودی بُدَ چِئِه؟ یا سُنَّت بُدَ چه کِراماندی شواَکو؟ 2از هر نظر، بُری. اوّل اِکِه کلوم خدا اُ یهودِنیا امانت دَدَ بُدِ.
3اَگَه مُشتی از آنایا وفادار نِهادِت، چِه؟ مَ وفادار نِبُدَئِه آنایا، وفادارِنِ خدائا باطل اَکو؟ 4اصلاً! حتی اَگَه هَمَهِ آدامیا دروغگو بِت، خدا راستگوئِه! هَموناکِه تِی کتاب زَبور نوشتَه بُدِ:
«وَخاطر هَمِ، هرچی بِگائِش، وَلمِه،
و موکَه‌ای که حُکم اَکنِش، پیروز اَبِش.»
5ولی اَگَه نِ وَلمِنِ اَما وَلمِنِ خدائا آشکار اَکو، چه باید بِگائِم؟ یعنی خدا ظالمه که اُ اَما خشم اَگِرِ؟ انسانی حرف اَزنام. 6اصلاً! وَ اِلّا خدا چینا شَشابو اُ دنیا حُکم بِکو؟ 7ولی اَگَه اُ واسطَهِ دارُوِ ما، حکیکت خدا بِشتَه جلال پیدا اَکو، اَسِی چه هَنو ما چُنِ یَک گُنَهکار محکوم اَبام؟» 8و اَسِی چه نِگائِم: «بِلگی بَدی بِکنِم تَ خوبی مُن سِر رَه بیاد»؟، هَموناکِه مُشتی اُ اَما تهمت اَزنِت و ادعا اَکنِت که اَما اینا اَگائِم، محکوم بُدَئِه اِیا عادلانَئِه.
هِسکَه صالح نی
9پَ چه بِگائِم؟ وضع اَما یهودِنیا از بَکیَه بِهتَئِه؟ نَه، اصلاً! اَسِی که هَمِ آلَه هَم ادعا مُکِه که هَمَه، هم یهودی و هم غیریهودی اَسیر گناه هِت. 10هَموناکِه تِی نوشتَه‌ئِی مکدّس نوشتَه بُدِ:
«هِسکَه صالحی نی، حتی یَک نفر هم نَه.
11هِسکَه فَهمیدَه نی،
هِسکَه اَزدُم خدا نی.
12هَمَه از رَه اُدَر چِستِت،
هَمَشو اُمرَییَه باطل بُستِت.
آدامی که خوبی بِکو نی،
حتی یَک نفر.»
13«خِرشو چُنِ یَک کَبر وازِه،
زابوشو اَسِی گول زادَ استفادَه اَکنِت.»
«زهر اَفعی زِرِ لِوِرشوئِه؛»
14«کَپشو پُر از نفرین و حرف تَهرِه.»
15«پَی‌یاشو اَسِی لِتَئِه خون جَلدِ؛
16هر جَی اَچِت، ویرونی و نِکبَتی اَنِسِت،
17و رَهِ صلح و سلامتیا شُنِشناسِدِ.»
18«خداتِرسی تِی چَشیاشو نی.»
19اَلَه اَدانِم مِ چِی که شریعت اَگِه، اُ آنایایی اَگِه که زِرِ شریعتِت، تا هر کَپی بَستَه بِبِه و هَمَهِ دنیا تِی حضور خدا جوابگو بِت. 20اَسِی که هیچ آدامیزادی وَ اَنجوم دَدَهِ کَرِی شریعت، تِی نظر خدا صالح اُ حساب نِدا، اَسِی که شریعت گناها اُ اَما اَشناسِنِه.
صالح اُ حساب اُندَ از رَهِ ایمون
21ولی اَلَه، مِ صالح بُدَه‌ای که از خدائِه، آشکار بُدِ، که از شریعت جدائِه، هَموناکِه شریعت و نوشتَه‌ئِی پیغامبریا اُ آنا شهادت اَتِت. 22مِ صالحِنی که از خدائِه، از رَه ایمون اُ عیسی مسیحِه، و نصیب هَمَهِ کسِی اَبِه که ایمون دارِت. اَسِی که هیچ فرقی نی. 23اَسِی که هَمَه گناه شُکِردِ و از شکوه و جلال خدا کام دارِت. 24و خاد فیضُش که چُنِ یَک هَدیَئِه، اُ واسطَهِ مِ آزادِنی که تِی مسیحْ عیسائِه، صالح اُ حساب دِئِت. 25مِ مسیحْ عیسایی که خدا اُ آنا از کَبلتَه معین اُشکِه تا مِ کُربونِنی بِه که اُ واسطَهِ خون آنا گناهیامو بَخشِدَ اَبِه، که اِ از رَه ایمون اُ دست اَدا. اِ اَسِی نِشو دَدَهِ عدالت خدا اَنجوم بو، اَسِی که خدا وَ صبر الهِنِ خوش، از گناهِی که کَبلتَه اَنجوم بُدِستاد، چَش پوشی اُشکِردِستاد. 26اِ کَرا اَنجوم بو تا عدالت خوشا تِی هَمِ زَمونا نِشو هادَ، تا عادل، خوش بِه و کسی هم که اُ عیسی ایمون اُشَه، صالح اُ حساب بیاد.
27اَگَه اینائِه دِگَه اُ چه افتخار اَکنِم؟ اُ هیچ چی! طِبک چه شریعتی؟ طِبک شریعت اعمال؟ نَه، بلکه طِبک شریعت ایمون. 28اَسِی که اَما اعتکاد مُهَه که یَک آدام اُ واسطَهِ ایمون صالح اُ حساب اَدا، نِه اُ واسطَهِ اَنجوم دَدَهِ کَرِی شریعت. 29مَ خدا فَکَط خدای یهودِنیائِه؟ مَ خدای غیریهودِنیا هم نی؟ بله که خدای غیریهودِنیا هم هَه. 30اَسِی که خدا یَکتائِه و اِ خدائا اُ سُنَّت بُدَیّا یعنی یهودِنیا طِبک ایمون و اُ سُنَّت نِبُدَیّا یعنی غیریهودِنیا هم طِبک مِ ایمونا، صالح اُ حساب دارِ. 31پَ اَما شریعتا وَ اِ ایمونا خراب اَکنِم؟ اصلاً! بَرعکس اَما شریعتا پابَرجا اَکنِم.
Currently Selected:
نامَه رومِنیا 3: LAB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
نامَه رومِنیا 3
3
خدا وفادارِه
1پَ فایدَه یهودی بُدَ چِئِه؟ یا سُنَّت بُدَ چه کِراماندی شواَکو؟ 2از هر نظر، بُری. اوّل اِکِه کلوم خدا اُ یهودِنیا امانت دَدَ بُدِ.
3اَگَه مُشتی از آنایا وفادار نِهادِت، چِه؟ مَ وفادار نِبُدَئِه آنایا، وفادارِنِ خدائا باطل اَکو؟ 4اصلاً! حتی اَگَه هَمَهِ آدامیا دروغگو بِت، خدا راستگوئِه! هَموناکِه تِی کتاب زَبور نوشتَه بُدِ:
«وَخاطر هَمِ، هرچی بِگائِش، وَلمِه،
و موکَه‌ای که حُکم اَکنِش، پیروز اَبِش.»
5ولی اَگَه نِ وَلمِنِ اَما وَلمِنِ خدائا آشکار اَکو، چه باید بِگائِم؟ یعنی خدا ظالمه که اُ اَما خشم اَگِرِ؟ انسانی حرف اَزنام. 6اصلاً! وَ اِلّا خدا چینا شَشابو اُ دنیا حُکم بِکو؟ 7ولی اَگَه اُ واسطَهِ دارُوِ ما، حکیکت خدا بِشتَه جلال پیدا اَکو، اَسِی چه هَنو ما چُنِ یَک گُنَهکار محکوم اَبام؟» 8و اَسِی چه نِگائِم: «بِلگی بَدی بِکنِم تَ خوبی مُن سِر رَه بیاد»؟، هَموناکِه مُشتی اُ اَما تهمت اَزنِت و ادعا اَکنِت که اَما اینا اَگائِم، محکوم بُدَئِه اِیا عادلانَئِه.
هِسکَه صالح نی
9پَ چه بِگائِم؟ وضع اَما یهودِنیا از بَکیَه بِهتَئِه؟ نَه، اصلاً! اَسِی که هَمِ آلَه هَم ادعا مُکِه که هَمَه، هم یهودی و هم غیریهودی اَسیر گناه هِت. 10هَموناکِه تِی نوشتَه‌ئِی مکدّس نوشتَه بُدِ:
«هِسکَه صالحی نی، حتی یَک نفر هم نَه.
11هِسکَه فَهمیدَه نی،
هِسکَه اَزدُم خدا نی.
12هَمَه از رَه اُدَر چِستِت،
هَمَشو اُمرَییَه باطل بُستِت.
آدامی که خوبی بِکو نی،
حتی یَک نفر.»
13«خِرشو چُنِ یَک کَبر وازِه،
زابوشو اَسِی گول زادَ استفادَه اَکنِت.»
«زهر اَفعی زِرِ لِوِرشوئِه؛»
14«کَپشو پُر از نفرین و حرف تَهرِه.»
15«پَی‌یاشو اَسِی لِتَئِه خون جَلدِ؛
16هر جَی اَچِت، ویرونی و نِکبَتی اَنِسِت،
17و رَهِ صلح و سلامتیا شُنِشناسِدِ.»
18«خداتِرسی تِی چَشیاشو نی.»
19اَلَه اَدانِم مِ چِی که شریعت اَگِه، اُ آنایایی اَگِه که زِرِ شریعتِت، تا هر کَپی بَستَه بِبِه و هَمَهِ دنیا تِی حضور خدا جوابگو بِت. 20اَسِی که هیچ آدامیزادی وَ اَنجوم دَدَهِ کَرِی شریعت، تِی نظر خدا صالح اُ حساب نِدا، اَسِی که شریعت گناها اُ اَما اَشناسِنِه.
صالح اُ حساب اُندَ از رَهِ ایمون
21ولی اَلَه، مِ صالح بُدَه‌ای که از خدائِه، آشکار بُدِ، که از شریعت جدائِه، هَموناکِه شریعت و نوشتَه‌ئِی پیغامبریا اُ آنا شهادت اَتِت. 22مِ صالحِنی که از خدائِه، از رَه ایمون اُ عیسی مسیحِه، و نصیب هَمَهِ کسِی اَبِه که ایمون دارِت. اَسِی که هیچ فرقی نی. 23اَسِی که هَمَه گناه شُکِردِ و از شکوه و جلال خدا کام دارِت. 24و خاد فیضُش که چُنِ یَک هَدیَئِه، اُ واسطَهِ مِ آزادِنی که تِی مسیحْ عیسائِه، صالح اُ حساب دِئِت. 25مِ مسیحْ عیسایی که خدا اُ آنا از کَبلتَه معین اُشکِه تا مِ کُربونِنی بِه که اُ واسطَهِ خون آنا گناهیامو بَخشِدَ اَبِه، که اِ از رَه ایمون اُ دست اَدا. اِ اَسِی نِشو دَدَهِ عدالت خدا اَنجوم بو، اَسِی که خدا وَ صبر الهِنِ خوش، از گناهِی که کَبلتَه اَنجوم بُدِستاد، چَش پوشی اُشکِردِستاد. 26اِ کَرا اَنجوم بو تا عدالت خوشا تِی هَمِ زَمونا نِشو هادَ، تا عادل، خوش بِه و کسی هم که اُ عیسی ایمون اُشَه، صالح اُ حساب بیاد.
27اَگَه اینائِه دِگَه اُ چه افتخار اَکنِم؟ اُ هیچ چی! طِبک چه شریعتی؟ طِبک شریعت اعمال؟ نَه، بلکه طِبک شریعت ایمون. 28اَسِی که اَما اعتکاد مُهَه که یَک آدام اُ واسطَهِ ایمون صالح اُ حساب اَدا، نِه اُ واسطَهِ اَنجوم دَدَهِ کَرِی شریعت. 29مَ خدا فَکَط خدای یهودِنیائِه؟ مَ خدای غیریهودِنیا هم نی؟ بله که خدای غیریهودِنیا هم هَه. 30اَسِی که خدا یَکتائِه و اِ خدائا اُ سُنَّت بُدَیّا یعنی یهودِنیا طِبک ایمون و اُ سُنَّت نِبُدَیّا یعنی غیریهودِنیا هم طِبک مِ ایمونا، صالح اُ حساب دارِ. 31پَ اَما شریعتا وَ اِ ایمونا خراب اَکنِم؟ اصلاً! بَرعکس اَما شریعتا پابَرجا اَکنِم.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company