نامَه رومِنیا 14
14
اُ یَکُدو حُکم مَکنی
1اُ کسی که تِی ایمونُش ضعیفِه، بین خوتو کَبولُش بِکنی، ولی نِه اَسِی اِکِه سِرِ عکیدَیّا، جَر و مُرافِعَه بِکنی. 2یکی عکیدَه اُشَه که شَشابِه هر چِی‌یا بِخَه، ولی آدام ضعیف، فَکَط سبزیجات اَخَه. 3آناکِه مَچی اَخَه، نباید اُ آناکِه ناخَه کوچک آکو؛ و آناکِه مَچی ناخَه، نباید اُ آناکِه هر خوراکی اَخَه، حُکم بِکو. اَسِی که خدا اُ آنا کَبول اُشکِردِ. 4تو کِه هِش که اُ نوکر یِکِیدو حُکم اَکنِش؟ اِکِه آنا سِرِ پا اَوَایستِ یا اَفتِه، اُ اربابُش ربط اُشَه. آنا پابَرجا اَدَمانِه، اَسِی که خداوند شَشابِه اُ آنا سِرِ پا نِگَه بِکو.
5یَک نفر یَک رازا بِهتَه از بَکیَه رازیا اَدو؛ در حالی که یِکِیدو، هَمَهِ رازیا چُن‌یَه اَدو. هرکَه باید تِی فکرُش، دربارَهِ عکیدَش خاطرُش جمع بِه. 6آناکِه یَک راز مشخصیا عزیز اَدو، وَخاطر حرمت خداوند عزیز اَدو. آناکِه خوراک اَخَه، وَخاطر حرمت خداوند اَخَه، اَسِی که خدائا شکر اَکو. در حالی که آناکِه ناخَه، وَخاطر حرمت خداوند ناخَه، و خدائا شکر اَکو. 7اَسِی که هیچ‌یَک از اَما اَسِی خومو زندگی ناکنِم و هیچ‌یَکمو هم اَسِی خومو نامِرِم. 8اَسِی که اَگَه زندگی اَکنِم، اَسِی خداوند زندگی اَکنِم، و اَگَه اَمِرِم، اَسِی خداوند اَمِرِم. پَ چه زندگی بِکنِم و چه بِمِرِم، مال خداوندِم. 9اَسِی که مسیح وَخاطر هَمِ مُرد و دَفَیدو زندَه آبو تا هم خداوند مُردَیّا و هم خداوند زندَیّا بِه.
10تو اَسِی چه اُ کاکَتو حُکم اَکنِش؟ یا اَسِی چه اُ کاکَتو کوچک اَدَکنِش؟ اَسِی که اَما هَمَمو جلووِ تخت حُکم کِردَهِ خدا اَوَایستِم. 11اَسِی که تِی کتاب اِشعیای پیغامبر نوشتَه بُدِ:
«خداوند اَگِه: اُ هَستِنِ خوم کَسام اَدَخرام که
هر زانویی جلووِ ما خام اَدَبِه
و هر زابُنی خدائا اعتراف اَکو.»
12پَ هر یَک از اَما حسابُش اُ خدا آپَس اَدَ.
13پَ بِلگی اِلا مِم بعد اُ یَکُدو حُکم نِکنِم. بلکه وَ جاش تصمیم بِگِری که هِسوَخت سِر رَهِ یَک کاکَئی یَک سنگی مَنِسی که جلووِ پا گیر اَکو و اُ زِمی اَزاد و یا مانعی مَنِسی. 14ما تِی خداوند عیسی اَدانام و مُجاب بُدام، که هیچ چی خاد وَ خاد نجس نی. ولی اُ مِ آدامی که فکر اَکو نجسِه، شُسِه نجسِه. 15اَسِی که اَگَه وَ خوراکی که اَخرِش اُ کاکَت ناراحت اَکنِش، تو دِگَه تِی محبت رفتار ناکنِش. وَ مِ خوراکی که اَخرِش، اُ کسی که مسیح وَخاطرُش مُرد نابود مَکو. 16پَ مَهِری دربارَهِ مِ چِی بَد بِگائِت که شما اُ آنا وَلم اَدانی. 17اَسِی که پادشاهِنِ خدا خَردَ و آخَردَ نی، بلکه صالح بُدَ، صلح و سلامتی و خارامیه تِی روح کدّوس خدا. 18هرکَه اینایی مسیحا خدمت بِکو، خدا کَبول شَکو و مردم هم تایید شَکنِت.
19پَ بِلگی اَزدُم مِ چِی بِم که باعث صلح و سلامتی و بَنا کِردَهِ یَکُدو اَبِه. 20کَر خدائا وَخاطر خوراک نابود مَکو! در اصل هَمَهِ خوراکیا پاک هِت، ولی خَردَهِ مِ خوراکی که باعث اَبِه کَسِیدو اُ زِمی بِفتِه، کَر وَلمی نی. 21خَشِه که گِشت نِخرِش یا شراب آنِخرِش یا کَری نِکنِش که باعث بِبِه کاکَت اُ زِمی بِفتِه.
22مِ ایمانُت که دربارَهِ اِ چِی‌یَه‌وا اُتَه، بین خوت و خدا نِگَه بِکو. خوش وَ حال مِ کسی که هیچ دلیلی اُشنی دربارَهِ مِ چِی که تاییدُش اَکو، اُ خوش حُکم بِکو. 23ولی مِ کسی که دربارَهِ خَردَهِ خوراکی شَک اُشَه، اَگَه بِخَه محکوم اَبِه، اَسِی که وَ ایمون اُشنِخَردِ، اَسِی که هرچی که از لِی ایمون نِبِه، گناهِه.
Currently Selected:
نامَه رومِنیا 14: LAB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
نامَه رومِنیا 14
14
اُ یَکُدو حُکم مَکنی
1اُ کسی که تِی ایمونُش ضعیفِه، بین خوتو کَبولُش بِکنی، ولی نِه اَسِی اِکِه سِرِ عکیدَیّا، جَر و مُرافِعَه بِکنی. 2یکی عکیدَه اُشَه که شَشابِه هر چِی‌یا بِخَه، ولی آدام ضعیف، فَکَط سبزیجات اَخَه. 3آناکِه مَچی اَخَه، نباید اُ آناکِه ناخَه کوچک آکو؛ و آناکِه مَچی ناخَه، نباید اُ آناکِه هر خوراکی اَخَه، حُکم بِکو. اَسِی که خدا اُ آنا کَبول اُشکِردِ. 4تو کِه هِش که اُ نوکر یِکِیدو حُکم اَکنِش؟ اِکِه آنا سِرِ پا اَوَایستِ یا اَفتِه، اُ اربابُش ربط اُشَه. آنا پابَرجا اَدَمانِه، اَسِی که خداوند شَشابِه اُ آنا سِرِ پا نِگَه بِکو.
5یَک نفر یَک رازا بِهتَه از بَکیَه رازیا اَدو؛ در حالی که یِکِیدو، هَمَهِ رازیا چُن‌یَه اَدو. هرکَه باید تِی فکرُش، دربارَهِ عکیدَش خاطرُش جمع بِه. 6آناکِه یَک راز مشخصیا عزیز اَدو، وَخاطر حرمت خداوند عزیز اَدو. آناکِه خوراک اَخَه، وَخاطر حرمت خداوند اَخَه، اَسِی که خدائا شکر اَکو. در حالی که آناکِه ناخَه، وَخاطر حرمت خداوند ناخَه، و خدائا شکر اَکو. 7اَسِی که هیچ‌یَک از اَما اَسِی خومو زندگی ناکنِم و هیچ‌یَکمو هم اَسِی خومو نامِرِم. 8اَسِی که اَگَه زندگی اَکنِم، اَسِی خداوند زندگی اَکنِم، و اَگَه اَمِرِم، اَسِی خداوند اَمِرِم. پَ چه زندگی بِکنِم و چه بِمِرِم، مال خداوندِم. 9اَسِی که مسیح وَخاطر هَمِ مُرد و دَفَیدو زندَه آبو تا هم خداوند مُردَیّا و هم خداوند زندَیّا بِه.
10تو اَسِی چه اُ کاکَتو حُکم اَکنِش؟ یا اَسِی چه اُ کاکَتو کوچک اَدَکنِش؟ اَسِی که اَما هَمَمو جلووِ تخت حُکم کِردَهِ خدا اَوَایستِم. 11اَسِی که تِی کتاب اِشعیای پیغامبر نوشتَه بُدِ:
«خداوند اَگِه: اُ هَستِنِ خوم کَسام اَدَخرام که
هر زانویی جلووِ ما خام اَدَبِه
و هر زابُنی خدائا اعتراف اَکو.»
12پَ هر یَک از اَما حسابُش اُ خدا آپَس اَدَ.
13پَ بِلگی اِلا مِم بعد اُ یَکُدو حُکم نِکنِم. بلکه وَ جاش تصمیم بِگِری که هِسوَخت سِر رَهِ یَک کاکَئی یَک سنگی مَنِسی که جلووِ پا گیر اَکو و اُ زِمی اَزاد و یا مانعی مَنِسی. 14ما تِی خداوند عیسی اَدانام و مُجاب بُدام، که هیچ چی خاد وَ خاد نجس نی. ولی اُ مِ آدامی که فکر اَکو نجسِه، شُسِه نجسِه. 15اَسِی که اَگَه وَ خوراکی که اَخرِش اُ کاکَت ناراحت اَکنِش، تو دِگَه تِی محبت رفتار ناکنِش. وَ مِ خوراکی که اَخرِش، اُ کسی که مسیح وَخاطرُش مُرد نابود مَکو. 16پَ مَهِری دربارَهِ مِ چِی بَد بِگائِت که شما اُ آنا وَلم اَدانی. 17اَسِی که پادشاهِنِ خدا خَردَ و آخَردَ نی، بلکه صالح بُدَ، صلح و سلامتی و خارامیه تِی روح کدّوس خدا. 18هرکَه اینایی مسیحا خدمت بِکو، خدا کَبول شَکو و مردم هم تایید شَکنِت.
19پَ بِلگی اَزدُم مِ چِی بِم که باعث صلح و سلامتی و بَنا کِردَهِ یَکُدو اَبِه. 20کَر خدائا وَخاطر خوراک نابود مَکو! در اصل هَمَهِ خوراکیا پاک هِت، ولی خَردَهِ مِ خوراکی که باعث اَبِه کَسِیدو اُ زِمی بِفتِه، کَر وَلمی نی. 21خَشِه که گِشت نِخرِش یا شراب آنِخرِش یا کَری نِکنِش که باعث بِبِه کاکَت اُ زِمی بِفتِه.
22مِ ایمانُت که دربارَهِ اِ چِی‌یَه‌وا اُتَه، بین خوت و خدا نِگَه بِکو. خوش وَ حال مِ کسی که هیچ دلیلی اُشنی دربارَهِ مِ چِی که تاییدُش اَکو، اُ خوش حُکم بِکو. 23ولی مِ کسی که دربارَهِ خَردَهِ خوراکی شَک اُشَه، اَگَه بِخَه محکوم اَبِه، اَسِی که وَ ایمون اُشنِخَردِ، اَسِی که هرچی که از لِی ایمون نِبِه، گناهِه.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company