وَحی 4
4
تخت تِک آسِمو
1بعد از اِ چَش اُمکِه و بِبِن، یَک دَر واز تِک آسِمو هاد، و مِ صدای اوّلی، مِکِه چُنِ بُنگ شیپور هاد و اُمشُنُفتِستاد که خاد ما حرف شَزاد، اُشگُت: «بِدا اِکا بَرا، و ما هرچی که اِلا مِم بعد باید اتفاک بِفتِه، تُنُشو تام.» 2جِخُو از روح خدا پُر بُدام و بِبِن، یَک تختی تِک آسِمو هاد و یکی لِی تخت اُداستاد. 3آناکِه لِی تخت اُداستاد ظاهرُش چُنِ سنگ یَشم و عقیق هاد و رنگینکَمونی دور تا دور تخت هاد که ظاهرُش چُنِ زمرّد هاد. 4دور مِ تختا، بیست و چهارتا تخت دِگَه هاد و لِی مِ تختیَهوا بیست و چهارتا لِش سَفید اُداستادِت. آنایا جُمَهِ سَفید شُن بار هاد و تاجی از طِلا لِی سِرشو. 5از مِ تختا، بَرک آسِمو و صدائِی بلند و غُرِشت دامَ. و جلووِ تخت، هفتا مَشعل روشن هاد. اِیا هفتا روح خدا هِت. 6و جلووِ تخت، چِی چُنِ دریایی از شیشه هاد، چُنِ بُلور.
و دور تا دور تخت و از هر طرف تخت، چهارتا موجود زندَه هاد که از جلو و پشت پُر از چَش هادِت. 7موجود زندَه اوّل، چُنِ شیر هاد، موجود زندَه دوّم چُنِ گوسالَه. موجود زندَه سوّم لوی آدام اُشهاد و موجود زندَه چهارم چُنِ عقابی هاد که فَل کِردا. 8مِ چهارتا موجود زندَهوا هر یَکشو شِشتا فَل شُهَه که تَموم دُور تا دُورشو و تِکشو پُر از چَشِه، و شاو و راز تیپَستا اَگائِت:
«کدّوسِه، کدّوسِه، کدّوسِه
خداوندْ خدای کادر مطلک،
آناکِه هاد، هَه و اَدا.»
9هر وَخت که مِ موجودِی زندَه، اُ مِکِه لِی تخت شَستِه، مِکِه تا اَبَدالآباد زندَئِه، جلال و حُرمت و شُکر تَکدیم اَکنِت، 10آن بیست و چهارتا لِش سَفیدا جلووِ آناکِه لِی تخت اُدائی لِی زِمی اَفتِت و اُ آناکِه تا اَبَدالآباد زندَئِه پرستش اَکنِت، آنایا تاجیاشو پَی مِ تختا اَبِئِت و اَگائِت:
11«خداوندمو و خدامو،
تو لایِک هِش که جلال و حُرمت و کُدرت اُ تو تَکدیم بِبِه،
اَسِی که هَمَه چیا تو خَلک اُتکِه
و مَچی وَ اِرادَهِ تو اُوجود اُمَ و خَلک بو.»
Currently Selected:
وَحی 4: LAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
وَحی 4
4
تخت تِک آسِمو
1بعد از اِ چَش اُمکِه و بِبِن، یَک دَر واز تِک آسِمو هاد، و مِ صدای اوّلی، مِکِه چُنِ بُنگ شیپور هاد و اُمشُنُفتِستاد که خاد ما حرف شَزاد، اُشگُت: «بِدا اِکا بَرا، و ما هرچی که اِلا مِم بعد باید اتفاک بِفتِه، تُنُشو تام.» 2جِخُو از روح خدا پُر بُدام و بِبِن، یَک تختی تِک آسِمو هاد و یکی لِی تخت اُداستاد. 3آناکِه لِی تخت اُداستاد ظاهرُش چُنِ سنگ یَشم و عقیق هاد و رنگینکَمونی دور تا دور تخت هاد که ظاهرُش چُنِ زمرّد هاد. 4دور مِ تختا، بیست و چهارتا تخت دِگَه هاد و لِی مِ تختیَهوا بیست و چهارتا لِش سَفید اُداستادِت. آنایا جُمَهِ سَفید شُن بار هاد و تاجی از طِلا لِی سِرشو. 5از مِ تختا، بَرک آسِمو و صدائِی بلند و غُرِشت دامَ. و جلووِ تخت، هفتا مَشعل روشن هاد. اِیا هفتا روح خدا هِت. 6و جلووِ تخت، چِی چُنِ دریایی از شیشه هاد، چُنِ بُلور.
و دور تا دور تخت و از هر طرف تخت، چهارتا موجود زندَه هاد که از جلو و پشت پُر از چَش هادِت. 7موجود زندَه اوّل، چُنِ شیر هاد، موجود زندَه دوّم چُنِ گوسالَه. موجود زندَه سوّم لوی آدام اُشهاد و موجود زندَه چهارم چُنِ عقابی هاد که فَل کِردا. 8مِ چهارتا موجود زندَهوا هر یَکشو شِشتا فَل شُهَه که تَموم دُور تا دُورشو و تِکشو پُر از چَشِه، و شاو و راز تیپَستا اَگائِت:
«کدّوسِه، کدّوسِه، کدّوسِه
خداوندْ خدای کادر مطلک،
آناکِه هاد، هَه و اَدا.»
9هر وَخت که مِ موجودِی زندَه، اُ مِکِه لِی تخت شَستِه، مِکِه تا اَبَدالآباد زندَئِه، جلال و حُرمت و شُکر تَکدیم اَکنِت، 10آن بیست و چهارتا لِش سَفیدا جلووِ آناکِه لِی تخت اُدائی لِی زِمی اَفتِت و اُ آناکِه تا اَبَدالآباد زندَئِه پرستش اَکنِت، آنایا تاجیاشو پَی مِ تختا اَبِئِت و اَگائِت:
11«خداوندمو و خدامو،
تو لایِک هِش که جلال و حُرمت و کُدرت اُ تو تَکدیم بِبِه،
اَسِی که هَمَه چیا تو خَلک اُتکِه
و مَچی وَ اِرادَهِ تو اُوجود اُمَ و خَلک بو.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company