وَحی 12
12
زن و اَژدَها
1یَک نِشونَه گاتی تِک آسِمو وَدی بو: یَک زِنی که خورشید شُبار هاد و ماه زِرِ پَییاش هاد، و تاجی از دوازدهتا اِستَرَ شُ لِی سِرَ هاد. 2مِ زنا حاملَه هاد و از درد زایمون و عذاب زایمون کال شَکِه. 3یَک نِشونَهیدو تِک آسِمو وَدی بو: بِبِن، یَک اَژدَهای سرخ گاتی خاد هفتا سِرَ و ده تا شاخ، و لِی سِرَیّاش هفتا تاج اُشهاد. 4دُمُش یَک سوّم اِستَرَئِی آسِموئا جارِ اُشکِه و شُ لِی زِمی بَرِنَه. اَژدَها جلووِ لوی مِ زِنی که وَخت زایمونُش هاد وَایستَ، که وَختی مِ زنا بَچُش شُ دنیا اَئو، بَچ طَلَئَهئا، اُ زیر هادَ. 5مِ زنا یَک پُسی شُ دنیا اَئو، پُسی که کَرارِ وَ عصای آهنی اُ هَمَهِ ملتیا حُکم بِکو. ولی بَچُش اُ حَدِ خدا و تختُش بَرا بُردَ بو. 6و زن اُ بیابو، یَک جَی که خدا اَسِی آنا آمادَه اُشکِردِستاد، گُروخت، تا آنکا هزار و دویست و شصت راز شُ تی اُچِت.
شیطون اُ زِمی بِستَه بو
7اَلَه تِک آسِمو جنگ اُرُو اُفتَه. میکائیل و فرشتَهیّاش اُمرَهِ اَژدَها جنگ شُکِه و اَژدَها و فرشتَهیّاش جلووِ آنایا اَسِی جَنگِدَ وَایستَدِت، 8ولی اَژدَها شکست اُشخَه و دِگَه تِک آسِمو جَی شُنسِه نِهاد. 9مِ اَژدَهای گاتا اُ زیر بِستَه بو، مِ مار کَدیمِنی که اسمُش ابلیس و شیطونِه، مِکِه اُ هَمَهِ دنیا گول اَزاد. آنا اُ زیر اُ زِمی بِستَه بو و فرشتَهیّاش هم شُمرَه اُ زیر بِستَه بُدِت.
10و صدایی بلند تِک آسِمو اُمشُنُفت که شَگُت:
«آلَه نجات و کُدرت و پادشاهی خدامو،
و اِکتدار مسیح آنا اُندِ.
اَسِی که آناکِه اُ کاکَیّامو متهم اَکو
مِکِه شاو و راز تِی حضور خدامو اُ آنایا متهم اَکو،
اُ زیر بِستَه بُدِ.
11آنایا وَ خون مِ بَرَّهوا و خاد کلوم شهادتشو اُ آنا پیروز بُدِت،
اَسِی که آنایا حتی تا حَد مرگ هم، جونشو شُنسِه عزیز نِهاد.
12پَ اَی آسِمونیا و اَی شمایی که شُن تِک زندگی اَکنی خارامی بِکنی!
ولی وای اُ شما اَی زِمی، و اَی دریا،
اَسِی که ابلیس وَ خشم گاتی تُنحَد زیر اُندِ،
اَسِی که اَدو که وَختُش کامِه.»
13وَختی اَژدَها اُشدی که اُ زِمی بِستَه بُدِ، اَزدُمبالَهِ مِ زِنی چو که مِ پُسا شُ دنیا اَئوردِستاد. 14ولی دوتا فلِ مِ عقاب گاتا اُ مِ زِنا دَدَ بو تا آنا، از مِ مارا اُ طرف بیابو فَل بِکو، اُ مِ جَی که کَرارِ اَسِی یَک زَمونی، و زَمونِی و نصف زَمونی شُ تی اُچِت. 15مار از کَپُش هاوِی چُنِ ریخونَه اَزدُم زِنِ شُدَر لِت تا سیل مِ زنا اُشبِبَه. 16ولی زِمی اُ کمک مِ زنا اُمَ و زِمی کَپُش واز شاکِه و ریخونَهای که اَژدَها از کَپُش شُدَر لِتِستاد، شُ زیر دَ. 17مِ موکَوا اَژدَها از زِنِ تَریخ بو و چو تا خاد بَکیَه نَسل آنا، یعنی خاد آنایاکِه حُکمِی خدائا اَنجوم اَتِت و شهادت عیسیئا نِگَه اَکنِت، جنگ بِکو. 18اَژدَها لِی شِنِی لَب دریا وَایستَ.
Currently Selected:
وَحی 12: LAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
وَحی 12
12
زن و اَژدَها
1یَک نِشونَه گاتی تِک آسِمو وَدی بو: یَک زِنی که خورشید شُبار هاد و ماه زِرِ پَییاش هاد، و تاجی از دوازدهتا اِستَرَ شُ لِی سِرَ هاد. 2مِ زنا حاملَه هاد و از درد زایمون و عذاب زایمون کال شَکِه. 3یَک نِشونَهیدو تِک آسِمو وَدی بو: بِبِن، یَک اَژدَهای سرخ گاتی خاد هفتا سِرَ و ده تا شاخ، و لِی سِرَیّاش هفتا تاج اُشهاد. 4دُمُش یَک سوّم اِستَرَئِی آسِموئا جارِ اُشکِه و شُ لِی زِمی بَرِنَه. اَژدَها جلووِ لوی مِ زِنی که وَخت زایمونُش هاد وَایستَ، که وَختی مِ زنا بَچُش شُ دنیا اَئو، بَچ طَلَئَهئا، اُ زیر هادَ. 5مِ زنا یَک پُسی شُ دنیا اَئو، پُسی که کَرارِ وَ عصای آهنی اُ هَمَهِ ملتیا حُکم بِکو. ولی بَچُش اُ حَدِ خدا و تختُش بَرا بُردَ بو. 6و زن اُ بیابو، یَک جَی که خدا اَسِی آنا آمادَه اُشکِردِستاد، گُروخت، تا آنکا هزار و دویست و شصت راز شُ تی اُچِت.
شیطون اُ زِمی بِستَه بو
7اَلَه تِک آسِمو جنگ اُرُو اُفتَه. میکائیل و فرشتَهیّاش اُمرَهِ اَژدَها جنگ شُکِه و اَژدَها و فرشتَهیّاش جلووِ آنایا اَسِی جَنگِدَ وَایستَدِت، 8ولی اَژدَها شکست اُشخَه و دِگَه تِک آسِمو جَی شُنسِه نِهاد. 9مِ اَژدَهای گاتا اُ زیر بِستَه بو، مِ مار کَدیمِنی که اسمُش ابلیس و شیطونِه، مِکِه اُ هَمَهِ دنیا گول اَزاد. آنا اُ زیر اُ زِمی بِستَه بو و فرشتَهیّاش هم شُمرَه اُ زیر بِستَه بُدِت.
10و صدایی بلند تِک آسِمو اُمشُنُفت که شَگُت:
«آلَه نجات و کُدرت و پادشاهی خدامو،
و اِکتدار مسیح آنا اُندِ.
اَسِی که آناکِه اُ کاکَیّامو متهم اَکو
مِکِه شاو و راز تِی حضور خدامو اُ آنایا متهم اَکو،
اُ زیر بِستَه بُدِ.
11آنایا وَ خون مِ بَرَّهوا و خاد کلوم شهادتشو اُ آنا پیروز بُدِت،
اَسِی که آنایا حتی تا حَد مرگ هم، جونشو شُنسِه عزیز نِهاد.
12پَ اَی آسِمونیا و اَی شمایی که شُن تِک زندگی اَکنی خارامی بِکنی!
ولی وای اُ شما اَی زِمی، و اَی دریا،
اَسِی که ابلیس وَ خشم گاتی تُنحَد زیر اُندِ،
اَسِی که اَدو که وَختُش کامِه.»
13وَختی اَژدَها اُشدی که اُ زِمی بِستَه بُدِ، اَزدُمبالَهِ مِ زِنی چو که مِ پُسا شُ دنیا اَئوردِستاد. 14ولی دوتا فلِ مِ عقاب گاتا اُ مِ زِنا دَدَ بو تا آنا، از مِ مارا اُ طرف بیابو فَل بِکو، اُ مِ جَی که کَرارِ اَسِی یَک زَمونی، و زَمونِی و نصف زَمونی شُ تی اُچِت. 15مار از کَپُش هاوِی چُنِ ریخونَه اَزدُم زِنِ شُدَر لِت تا سیل مِ زنا اُشبِبَه. 16ولی زِمی اُ کمک مِ زنا اُمَ و زِمی کَپُش واز شاکِه و ریخونَهای که اَژدَها از کَپُش شُدَر لِتِستاد، شُ زیر دَ. 17مِ موکَوا اَژدَها از زِنِ تَریخ بو و چو تا خاد بَکیَه نَسل آنا، یعنی خاد آنایاکِه حُکمِی خدائا اَنجوم اَتِت و شهادت عیسیئا نِگَه اَکنِت، جنگ بِکو. 18اَژدَها لِی شِنِی لَب دریا وَایستَ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company