نامَه عِبرانِنیا 2
2
حَواستو بِه که از نجات غافل نِبی
1پَ اَما باید بُری بِشتَه حَواسمو اُ مِ چِی که مُشُنُفتِ بِه، تا نِکو از رَهِ مِ چِی که مُشُنُفتِ اُدَر اُچِم. 2اَسِی که از مِکاکِه پیغومی که اُ واسطَهِ فرشتَهیّا اعلام بو، ثابت بو که کابِل اطمینانِه و هر خطا و نافَرمُنِنی، مجازات عادلانَه خوش اُشگِرِت، 3پَ اَما چینا از جَزاش بِگُروخِم، اَگَه از اینا نجات گاتی غافل بِبِم؟ اِ نجاتا اوّل اُ واسطَهِ خداوند عیسی اعلام بو و بعدُش اُ وسیلَه آنایاکِه شُشُفُت اَسِی اَما ثابت بو، 4در حالی که خدا هم، خاد نِشونَهیّا و کَرِی عجیب و معجزهئِی مَ رَکَمی، و خاد عطائِی روح کدّوسُش که آنایائا طِبک اِرادَهِ خوش تکسیم شَکِه، شهادت اُشدَ.
5اَسِی که خدا مِ دنیای آیندَهوا که اَما دربارَهاش حرف اَزنِم، مطیع فرشتَهیّا اُشنِکِه. 6تِی یَک جَی از کتاب زَبور شهادت دَدَ بُدِ که:
«انسان چِئِه، که تو تِی فکرُش بِش،
یا آدامیزاد چِئِه، که اُ آنا توجه بِکنِش؟
7تو اُ آنا اَسِی یَک مدتی، زیرتَه از فرشتَهیّا اُتنَه.
تاج جلال و حرمتا لِی سِرَش اُتنَدِ
8و مَچیا زِرِ پَئِی آنا مطیع اُتکِه.»
اَلَه خدا وَ نَدَهِ مَچی زِرِ اطاعت آنا، هیچ چی اُشنِنَه که مطیع آنا نِبِه. هَمِ آلَه اَما هَنو نابِنِم که مَچی مطیع آنا بِه. 9ولی اَما اُ آناکِه اَسِی یَک مدتی زیرتَه از فرشتَهیّا بو اَبِنِم، یعنی عیسائا، که وَخاطر اِکِه عذاب مرگا اُشکَشی، تاج جلال و حرمت لِی سِرَش نَدَ بُدِ، تا اُ وسیلَه فیض خدا، اَسِی هَمَه طُمِ مرگا مَزَه بِکو.
10اَسِی که شایستَه هاد که خدا که مَچی اَسِی آنا و اُ واسطَهِ آنا وجود اُشَه، اَسِی که پُسِی زیادیا اُ جلال بِرَسِنِه، باعث و بانِنِ نجات آنایائا اُ وسیلَه عذاب، کامل بِکو. 11اَسِی که آناکِه مکدّس اَکو و آنایاکِه مکدّس اَبِت، هَمَه از یَک با هِت. وَخاطر هَمِئِه که عیسی عارُش نِدا که اُ آنایا کاکَ جار بِزاد. 12هَموناکِه تِی کتاب زَبور اَگِه:
«اسمُت اُ کاکَیّام اعلام اَکنام؛
مارَکَهِ جماعت، اَسِی تو حمد و ستایش اَخوانام.»
13و دَفَیدو تِی کتاب اِشعیای پیغامبر اَگِه:
«ما اُ آنا توکُل اَکنام.»
و دَفَیدو اَگِه که:
«بِبِن، اِ ما، و بَچِی که خدا شُ ما دَدِ.»
14پَ اَسِی که بَچیا تِی جسم و خون شریک هِت، هَمینا هم آنا خوش تِی مَچی شریک بو تا اُ واسطَهِ مرگ، اُ آناکِه کُدرت مرگا اُشَه یعنی ابلیسا نابود بِکو، 15و اُ هَمَهِ کسِی که از تِرس مرگ هَمَهِ عمرشو اَسیر هادِت، آزاد بِکو. 16اَسِی که کَطعاً آنا اُ فرشتَهیّا کمک ناکو، بلکه اُ نَسل ابراهیم پیغامبر کمک اَکو. 17وَخاطر هَمِ، لازم هاد که از هر نظر چُنِ کاکَیّاش بِبِه، تا آنا یَک گَپترین کاهِن رحیم و وفادار، تِی خدمت خدا بِه، تا اَسِی بَخشِدَ بُدَئِه گناهِی مردم کُربونی بِکو. 18اَسِی که آنا خوش موکَهای که امتحان بو عذاب اُشکَشِدِ شَشابِه اُ آنایایی که امتحان اَبِت، کمک بِکو.
Currently Selected:
نامَه عِبرانِنیا 2: LAB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
نامَه عِبرانِنیا 2
2
حَواستو بِه که از نجات غافل نِبی
1پَ اَما باید بُری بِشتَه حَواسمو اُ مِ چِی که مُشُنُفتِ بِه، تا نِکو از رَهِ مِ چِی که مُشُنُفتِ اُدَر اُچِم. 2اَسِی که از مِکاکِه پیغومی که اُ واسطَهِ فرشتَهیّا اعلام بو، ثابت بو که کابِل اطمینانِه و هر خطا و نافَرمُنِنی، مجازات عادلانَه خوش اُشگِرِت، 3پَ اَما چینا از جَزاش بِگُروخِم، اَگَه از اینا نجات گاتی غافل بِبِم؟ اِ نجاتا اوّل اُ واسطَهِ خداوند عیسی اعلام بو و بعدُش اُ وسیلَه آنایاکِه شُشُفُت اَسِی اَما ثابت بو، 4در حالی که خدا هم، خاد نِشونَهیّا و کَرِی عجیب و معجزهئِی مَ رَکَمی، و خاد عطائِی روح کدّوسُش که آنایائا طِبک اِرادَهِ خوش تکسیم شَکِه، شهادت اُشدَ.
5اَسِی که خدا مِ دنیای آیندَهوا که اَما دربارَهاش حرف اَزنِم، مطیع فرشتَهیّا اُشنِکِه. 6تِی یَک جَی از کتاب زَبور شهادت دَدَ بُدِ که:
«انسان چِئِه، که تو تِی فکرُش بِش،
یا آدامیزاد چِئِه، که اُ آنا توجه بِکنِش؟
7تو اُ آنا اَسِی یَک مدتی، زیرتَه از فرشتَهیّا اُتنَه.
تاج جلال و حرمتا لِی سِرَش اُتنَدِ
8و مَچیا زِرِ پَئِی آنا مطیع اُتکِه.»
اَلَه خدا وَ نَدَهِ مَچی زِرِ اطاعت آنا، هیچ چی اُشنِنَه که مطیع آنا نِبِه. هَمِ آلَه اَما هَنو نابِنِم که مَچی مطیع آنا بِه. 9ولی اَما اُ آناکِه اَسِی یَک مدتی زیرتَه از فرشتَهیّا بو اَبِنِم، یعنی عیسائا، که وَخاطر اِکِه عذاب مرگا اُشکَشی، تاج جلال و حرمت لِی سِرَش نَدَ بُدِ، تا اُ وسیلَه فیض خدا، اَسِی هَمَه طُمِ مرگا مَزَه بِکو.
10اَسِی که شایستَه هاد که خدا که مَچی اَسِی آنا و اُ واسطَهِ آنا وجود اُشَه، اَسِی که پُسِی زیادیا اُ جلال بِرَسِنِه، باعث و بانِنِ نجات آنایائا اُ وسیلَه عذاب، کامل بِکو. 11اَسِی که آناکِه مکدّس اَکو و آنایاکِه مکدّس اَبِت، هَمَه از یَک با هِت. وَخاطر هَمِئِه که عیسی عارُش نِدا که اُ آنایا کاکَ جار بِزاد. 12هَموناکِه تِی کتاب زَبور اَگِه:
«اسمُت اُ کاکَیّام اعلام اَکنام؛
مارَکَهِ جماعت، اَسِی تو حمد و ستایش اَخوانام.»
13و دَفَیدو تِی کتاب اِشعیای پیغامبر اَگِه:
«ما اُ آنا توکُل اَکنام.»
و دَفَیدو اَگِه که:
«بِبِن، اِ ما، و بَچِی که خدا شُ ما دَدِ.»
14پَ اَسِی که بَچیا تِی جسم و خون شریک هِت، هَمینا هم آنا خوش تِی مَچی شریک بو تا اُ واسطَهِ مرگ، اُ آناکِه کُدرت مرگا اُشَه یعنی ابلیسا نابود بِکو، 15و اُ هَمَهِ کسِی که از تِرس مرگ هَمَهِ عمرشو اَسیر هادِت، آزاد بِکو. 16اَسِی که کَطعاً آنا اُ فرشتَهیّا کمک ناکو، بلکه اُ نَسل ابراهیم پیغامبر کمک اَکو. 17وَخاطر هَمِ، لازم هاد که از هر نظر چُنِ کاکَیّاش بِبِه، تا آنا یَک گَپترین کاهِن رحیم و وفادار، تِی خدمت خدا بِه، تا اَسِی بَخشِدَ بُدَئِه گناهِی مردم کُربونی بِکو. 18اَسِی که آنا خوش موکَهای که امتحان بو عذاب اُشکَشِدِ شَشابِه اُ آنایایی که امتحان اَبِت، کمک بِکو.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company