نامَه اَفِسُسِنیا 3
3
سِررِ انجیل آشکار بو
1وَخاطر هَمِ، ما پولُس، که وَخاطر شما غیریهودِنیا زندانِنِ مسیحْ عیسی هام،
2وَ گَمونُم شما دربارَهِ مباشِرِنِ فیض خدا که وَخاطر شما اُ ما دَدَ بُدِ، تُشُنُفتِ، 3که چینا مِ سِررا اُ واسطَهِ وَحی اُ ما آشکار بو، هَموناکِه دربارَهِ آنا مختصر اُمنِوِشتِه، 4وَختی اِئا اَدَخوانی تاشابِه فکرُم دربارَهِ سِررِ مسیحا بِفَهمی، 5مِ سِررِی که تِی نَسلِی دِگَه اُ پُسِی بشر آشکار نِبُستاد، اوناکِه آلَه اُ واسطَهِ روح خدا اُ حَوارِنِی مکدّس آنا و اَسِی انبیا آشکار بُدِ. 6اِ سِررا اِئِه که، غیریهودِنیا تِی مسیح عیسی اُ واسطَهِ انجیل، هَم ارث هِت و عضوِی مِ بَدنا هِت و تِی وعدَه خدا شریک هِت.
7ما طِبک هَدیَه فیض خدا خادم اِ انجیلا بُدام که اُ واسطَهِ کُدرت آناکِه تِی کَرِه، اُ ما دَدَ بُدِ. 8با اِکِه ما بین هَمَهِ کسِی که اُ مسیح ایمون شُهَه از هَمَه کینگِلتَه هام، اِ فیضا اُ ما دَدَ بو تا گنجِی غیر کابِل مکایسَه مسیحا، اُ غیریهودِنیا اعلام بِکنام، 9و تا نَکشَه مِ سِررا اَسِی هَمَه روشن آکنام، مِ سِرری که تِی طول دوران، حَدِ خدایی که مَچیا خَلک اُشکِه، پِنهون هاد. 10تا اینایی، اَلَه اُ واسطَهِ کلیسا حکمت مَ رَکَمِن خدا اُ حاکمیا و کُدرتمندیا تِی جَییَی آسِمونی آشکار بِبِه، 11اِ طِبک مِ هدف اَزَلِنی هاد که خدا اُ آنا تِی خداوندمو مسیحْ عیسی اَنجوم اُشدَدِ. 12اَما تِی مسیح اُ واسطَهِ ایمونی که اُ آنا مُهَه، ماشابِه وَ دِلِرزی و وَ اطمینان، اُ خدا نَزیک آبِم. 13پَ از شما مَئِه وَخاطر عذابِی که اَسِی شما اَکَشام، دلسرد آنِبی، که آنایا عزّت شما هِت.
دعا اَسِی کُوّت روحانی
14وَخاطر هَمِ، تِی حضور بای آسِمونی زانو اَزنام 15که هر کوم و خویشی تِی آسِمو و لِی زِمی، از آنا اسم اَگِرِ، 16که طِبک فَراوونِنِ جلالُش، اُ شما عطا بِکو که اُ واسطَهِ روحُش تِی باطنتو وَ کُدرت، کَوی بِبی، 17تا مسیح اُ واسطَهِ ایمون تِی دلتو وامانِه، تَ شما تِی محبت ریشَه دار و پابَرجا بِبی، 18تَ کُوّت تُبِه که خاد هَمَهِ آنایایی که اُ مسیح ایمون شُهَه، پهنا، درازا، بلندی و عمق محبت مسیحا بِفَهمی، 19و تا محبت مسیحا که بَراتَ از شناخت آدامیزادِه، بِفَهمی - تا از پُرِنِ کامل خدا پُر بِبی.
20اَلَه جلال اُ خدایی که شَشابِه اُ وسیلَه مِ کُدرتی که تِی اَما کَر اَکو، بُری بِشتَه از مِ چِی که مُبِئِه یا فکر بِکنِم، کَر بِکو. 21تِی کلیسا و تِی مسیحْ عیسی، تِی تَموم نَسلیا، تا اَبَدالآباد لِی خدا جلال بِه! آمین.
Currently Selected:
نامَه اَفِسُسِنیا 3: LAB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
نامَه اَفِسُسِنیا 3
3
سِررِ انجیل آشکار بو
1وَخاطر هَمِ، ما پولُس، که وَخاطر شما غیریهودِنیا زندانِنِ مسیحْ عیسی هام،
2وَ گَمونُم شما دربارَهِ مباشِرِنِ فیض خدا که وَخاطر شما اُ ما دَدَ بُدِ، تُشُنُفتِ، 3که چینا مِ سِررا اُ واسطَهِ وَحی اُ ما آشکار بو، هَموناکِه دربارَهِ آنا مختصر اُمنِوِشتِه، 4وَختی اِئا اَدَخوانی تاشابِه فکرُم دربارَهِ سِررِ مسیحا بِفَهمی، 5مِ سِررِی که تِی نَسلِی دِگَه اُ پُسِی بشر آشکار نِبُستاد، اوناکِه آلَه اُ واسطَهِ روح خدا اُ حَوارِنِی مکدّس آنا و اَسِی انبیا آشکار بُدِ. 6اِ سِررا اِئِه که، غیریهودِنیا تِی مسیح عیسی اُ واسطَهِ انجیل، هَم ارث هِت و عضوِی مِ بَدنا هِت و تِی وعدَه خدا شریک هِت.
7ما طِبک هَدیَه فیض خدا خادم اِ انجیلا بُدام که اُ واسطَهِ کُدرت آناکِه تِی کَرِه، اُ ما دَدَ بُدِ. 8با اِکِه ما بین هَمَهِ کسِی که اُ مسیح ایمون شُهَه از هَمَه کینگِلتَه هام، اِ فیضا اُ ما دَدَ بو تا گنجِی غیر کابِل مکایسَه مسیحا، اُ غیریهودِنیا اعلام بِکنام، 9و تا نَکشَه مِ سِررا اَسِی هَمَه روشن آکنام، مِ سِرری که تِی طول دوران، حَدِ خدایی که مَچیا خَلک اُشکِه، پِنهون هاد. 10تا اینایی، اَلَه اُ واسطَهِ کلیسا حکمت مَ رَکَمِن خدا اُ حاکمیا و کُدرتمندیا تِی جَییَی آسِمونی آشکار بِبِه، 11اِ طِبک مِ هدف اَزَلِنی هاد که خدا اُ آنا تِی خداوندمو مسیحْ عیسی اَنجوم اُشدَدِ. 12اَما تِی مسیح اُ واسطَهِ ایمونی که اُ آنا مُهَه، ماشابِه وَ دِلِرزی و وَ اطمینان، اُ خدا نَزیک آبِم. 13پَ از شما مَئِه وَخاطر عذابِی که اَسِی شما اَکَشام، دلسرد آنِبی، که آنایا عزّت شما هِت.
دعا اَسِی کُوّت روحانی
14وَخاطر هَمِ، تِی حضور بای آسِمونی زانو اَزنام 15که هر کوم و خویشی تِی آسِمو و لِی زِمی، از آنا اسم اَگِرِ، 16که طِبک فَراوونِنِ جلالُش، اُ شما عطا بِکو که اُ واسطَهِ روحُش تِی باطنتو وَ کُدرت، کَوی بِبی، 17تا مسیح اُ واسطَهِ ایمون تِی دلتو وامانِه، تَ شما تِی محبت ریشَه دار و پابَرجا بِبی، 18تَ کُوّت تُبِه که خاد هَمَهِ آنایایی که اُ مسیح ایمون شُهَه، پهنا، درازا، بلندی و عمق محبت مسیحا بِفَهمی، 19و تا محبت مسیحا که بَراتَ از شناخت آدامیزادِه، بِفَهمی - تا از پُرِنِ کامل خدا پُر بِبی.
20اَلَه جلال اُ خدایی که شَشابِه اُ وسیلَه مِ کُدرتی که تِی اَما کَر اَکو، بُری بِشتَه از مِ چِی که مُبِئِه یا فکر بِکنِم، کَر بِکو. 21تِی کلیسا و تِی مسیحْ عیسی، تِی تَموم نَسلیا، تا اَبَدالآباد لِی خدا جلال بِه! آمین.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company