نامَه کولُسِنیا 4
4
1اَی اربابیا، خاد غُلومیاتو وَ عَدل و انصاف رفتار بِکنی، اَسِی که اَدانی که شما هم یَک اربابی تِی آسِمو تُهَه.
2تِی دعا پابَرجا ادامَه هاتی، و تِی دعا خاد شکرگزاری هوشیار بی. 3هَمینا هم، اَسِی اَما هم دعا بِکنی که خدا یَک دَری اَسِی کلوم مُن جلو واز بِکو تا سِرر مسیحا اعلام بِکنِم، مِ سِرری که وَخاطرُش تِک زندان هام. 4دعا بِکنی تا هَموناکِه لازمِه، مِئا روشن بِگام. 5خاد آدامِی بی ایمون با حکمت رفتار بِکنی، و از وَخت، وَلم استفادَه بِکنی. 6بِهِری حرفیاتو همیشَه پُر از فیض و سنجیدَه بِه، تَ بِدانی اُ هرکَه باید چینا جواب هاتی.
سلامِی آخر
7تیخیکوس اُ شما کامل از احوالُم باخبر اَکو. آنا یَک کاکَی عزیز و خادم وفادار و هم خدمتِنِ ما تِی خداوندِه. 8ما وَ هَمِ نیّتا آنا مُحَدِ شما فِرِستَدِ تا از احوال اَما باخبر بِبی، و تا دلیاتو تشویک بِکو. 9اُمرَهِ آنا اونِسیموس، کاکَی وفادار و عزیز اَما که یکی از شمائِه، تُنحَد اَدا. آنایا از هرچی اِکا اتفاک اُفتَدِ تُنسِه نَکل اَکنِت.
10آریستارخوس که خاد ما تِی زندانِه و هَمینا هم مَرقُس پُس عامِئِه بَرنابا سلامتو اَرَسِنِت، کَبلتَه دربارَهِ مَرقُس کَدَغان اُمکِردِ که اَگَه تُنحَد اُمَ، وَ لوی خَش کَبولُش بِکنی. 11عیسی که یوستوس شَگائِت، سلامتو اَرَسِنِه، بین همکاریام تِی کَر پادشاهِنِ خدا، فَکَط اِ چند نفرا هِت که سُنَّت بُدَ یعنی یهودی هِت، و اِیا دلگرمِنِ ما بُستِت. 12اِپافْراس که یکی از شمائِه و نوکر مسیحْ عیسائِه، سلامتو اَرَسِنِه. آنا همیشَه تِی دعائیاش اَسِی شما تَکَلّا اَکو، تَ شما چُنِ آدامِی بالغ و کاملاً خاطر جمع، پابَرجا وامانی و اِرادَه خدائا کامل اُجا بیاری. 13اَسِی که ما شاهِدام که آنا اَسِی شما و اَسِی آنایایی که تِی شهرِی لائودیکیَه و هیراپولیس هِت، چاد سخت زحمت اُشکَشِدِ. 14لوقا دکتر عزیز و هَمینا هم دیماس سلامتو اَرَسِنِت. 15اُ کاکَیّا تِی لائودیکیَه و هَمینا اُ نیمفا و کلیسایی که تِی خونَهِ اِ دادَ وائِه، سلامُم بِرَسِنی.
16بعد از اِکِه اِ نامَهوا بینتو خوادَ بو، یَک کَری بِکنی که تِک کلیسای لائودیکیَه هم خوادَ بِبِه؛ حَواستو بِه که شما هم نامَهای که اُ کلیسای لائودیکیَه اُمنِوِشت، هُخوانی.
17اُ آرخیپوس بِگائی: «حَواسُت بِه تَ خدمتیا که تِی خداوند اُ تو دَدَ بُدِ، اُ اَنجوم بِرَسِنِش.»
18ما، پولُس، اِ سلاما وَ دست خوم اَنِوِسام. زانجیرِی مائا تِک اِ زندانا اُیاد بیاری. فیض خدا خاد شما بِه.
Currently Selected:
نامَه کولُسِنیا 4: LAB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
نامَه کولُسِنیا 4
4
1اَی اربابیا، خاد غُلومیاتو وَ عَدل و انصاف رفتار بِکنی، اَسِی که اَدانی که شما هم یَک اربابی تِی آسِمو تُهَه.
2تِی دعا پابَرجا ادامَه هاتی، و تِی دعا خاد شکرگزاری هوشیار بی. 3هَمینا هم، اَسِی اَما هم دعا بِکنی که خدا یَک دَری اَسِی کلوم مُن جلو واز بِکو تا سِرر مسیحا اعلام بِکنِم، مِ سِرری که وَخاطرُش تِک زندان هام. 4دعا بِکنی تا هَموناکِه لازمِه، مِئا روشن بِگام. 5خاد آدامِی بی ایمون با حکمت رفتار بِکنی، و از وَخت، وَلم استفادَه بِکنی. 6بِهِری حرفیاتو همیشَه پُر از فیض و سنجیدَه بِه، تَ بِدانی اُ هرکَه باید چینا جواب هاتی.
سلامِی آخر
7تیخیکوس اُ شما کامل از احوالُم باخبر اَکو. آنا یَک کاکَی عزیز و خادم وفادار و هم خدمتِنِ ما تِی خداوندِه. 8ما وَ هَمِ نیّتا آنا مُحَدِ شما فِرِستَدِ تا از احوال اَما باخبر بِبی، و تا دلیاتو تشویک بِکو. 9اُمرَهِ آنا اونِسیموس، کاکَی وفادار و عزیز اَما که یکی از شمائِه، تُنحَد اَدا. آنایا از هرچی اِکا اتفاک اُفتَدِ تُنسِه نَکل اَکنِت.
10آریستارخوس که خاد ما تِی زندانِه و هَمینا هم مَرقُس پُس عامِئِه بَرنابا سلامتو اَرَسِنِت، کَبلتَه دربارَهِ مَرقُس کَدَغان اُمکِردِ که اَگَه تُنحَد اُمَ، وَ لوی خَش کَبولُش بِکنی. 11عیسی که یوستوس شَگائِت، سلامتو اَرَسِنِه، بین همکاریام تِی کَر پادشاهِنِ خدا، فَکَط اِ چند نفرا هِت که سُنَّت بُدَ یعنی یهودی هِت، و اِیا دلگرمِنِ ما بُستِت. 12اِپافْراس که یکی از شمائِه و نوکر مسیحْ عیسائِه، سلامتو اَرَسِنِه. آنا همیشَه تِی دعائیاش اَسِی شما تَکَلّا اَکو، تَ شما چُنِ آدامِی بالغ و کاملاً خاطر جمع، پابَرجا وامانی و اِرادَه خدائا کامل اُجا بیاری. 13اَسِی که ما شاهِدام که آنا اَسِی شما و اَسِی آنایایی که تِی شهرِی لائودیکیَه و هیراپولیس هِت، چاد سخت زحمت اُشکَشِدِ. 14لوقا دکتر عزیز و هَمینا هم دیماس سلامتو اَرَسِنِت. 15اُ کاکَیّا تِی لائودیکیَه و هَمینا اُ نیمفا و کلیسایی که تِی خونَهِ اِ دادَ وائِه، سلامُم بِرَسِنی.
16بعد از اِکِه اِ نامَهوا بینتو خوادَ بو، یَک کَری بِکنی که تِک کلیسای لائودیکیَه هم خوادَ بِبِه؛ حَواستو بِه که شما هم نامَهای که اُ کلیسای لائودیکیَه اُمنِوِشت، هُخوانی.
17اُ آرخیپوس بِگائی: «حَواسُت بِه تَ خدمتیا که تِی خداوند اُ تو دَدَ بُدِ، اُ اَنجوم بِرَسِنِش.»
18ما، پولُس، اِ سلاما وَ دست خوم اَنِوِسام. زانجیرِی مائا تِک اِ زندانا اُیاد بیاری. فیض خدا خاد شما بِه.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company