نامَه دوّم قُرِنتِنیا 1
1
1از طرف پولُس که وَ خواست خدا حَوارِنِ مسیح عیسائِه، و از طرف کاکَی اَما تیموتائوس،
اُ کلیسای خدا که تِی شهر قُرِنتُسِه، و اُ هَمَهِ ایموندارِی اُ مسیح که تِی کُل منطکَهِ اَخائیَه هِت:
2فیض و صلح و سلامتی از طرف بای اَما خدا، و خداوندْ عیسی مسیح خاد شما بِه!
خدای هَمَهِ دلگرمِنیا
3مُتبارک بِه خدا، بای خداوند اَما عیسی مسیح، که بای رحمتیا و خدای هَمَهِ دلگرمِنیائِه؛ 4مِ خدایی که اُ اَما تِی هَمَه مصیبتیامو دلگرمی اَدَ، تَ اَما هم مُبِشابِه وَ مِ دلگرمِنی که خومو از خدا مُگِرِتِه، اُ آنایایی که تِی هر مصیبتی هِت، دلگرم آکنِم. 5اَسِی که هَموناکِه فَراوون از زَجرِی مسیح سَهم اَبرِم، هَمونا هم اُ واسطَهِ مسیح، از دلگرمی، فَراوون سَهم اَبرِم. 6اَگَه تِی مصیبت هِم، وَخاطر دلگرمی و نجات شمائِه، و اَگَه دلگرمِم، وَخاطر دلگرمِنِ شمائِه، و اِ وَختی اتفاک اَفتِه که شما وَ صبر تِی مِ زَجرِی که اَما اَکَشِم، طاکَت بیاری. 7مِ امیدی که اَما اُ شما مُهَه پابَرجائِه، اَسِی که اَدانِم هَموناکِه شما از زَجرِی اَما سَهم اَبری، از دلگرمیمو هم سَهم اَبری.
8اَسِی که اَی کاکَیّا، مُنائِه از مِ مصیبتِی که تِی منطکَهِ آسیا مُکَشی، بیخبر بی. اَسِی که چِییَی که مُن سِرَ اُمَ اِکَّد سخت و بِشتَه از طاکَتمو هاد که از خاد زندگی هم ناامید بُدِم. 9حکیکتاً هم اُنگار که حُکم مرگمو شُدَدِ. ولی اِ اتفاکیَهوا اَسِی اِ اُفتَه تَ نِه اُ خومو، بلکه اُ خدایی تَکیَه بِکنِم که اُ مُردَیّا زندَه اَدَکو. 10آنا اُ اَما از اینا خطر کُشندَهای خلاصی اُشدَ و خلاصی اَدَ. امیدمو مُن آنا بَستِه که دَفَیدو هم اُ اَما خلاصی اَدَ، 11شما هم باید وَ دعا اُ اَما کمک بِکنی. تَ خیلیا، از طرف اَما شکر بِکنِت، وَخاطر مِ برکتی که اُ واسطَهِ دعای خیلیا اُ اَما دَدَ بو.
اَلِش بُدَئِه برنامَهئِی پولُس
12اَسِی که افتخار اَما، شهادت وجدان اَمائِه، اَسِی اِکِه اَما تِی دنیا، وَ سادگی و وَ رو راستِنی که از طرف خدائِه رفتار مُکِه، اَما نِه وَ حکمت آدامی، بلکه وَ فیض خدا رفتار مُکِردِ، مخصوصا هم خاد شما. 13اَسِی که اِ نامَهای که تُنسِه اَنِوِسِم چِی غیر از مِ چِی که اَخوانی و اَفَهمی نی و ما امید اُمَ کامل بِفَهمی 14هَموناکِه اُ اَما تا یَک حَدی تُشناسِدِ، تَ تِی راز آگِشتَئِه خداوندمو عیسی، شما اُ اَما افتخار بِکنی، هَموناکِه اَما اُ شما افتخار اَکنِم.
15اَسِی که از اِ کَضیَهوا مطمئن هادام، مَئِست اوّل تُنحَد بِلگام تَ اینایی شما اَسِی دوّمین دَفَه فیض تجربه بِکنی. 16مَئِست وَختی که اُ منطکَهِ مقدونیَه چِدام سِرِ رَه تُن دیدن بِلگام و بعد از مقدونیَه دَفَیدو تُنحَد واگَردام و اُ ما راهِنِ منطکَهِ یهودیَه بِکنی. 17مَ وَختی مَئِست اِ کَرا بِکنام، دو دل هادام؟ مَ ما وَ فکر انسانی تصمیم اَگِرام اوناکِه تِی یَک لحظَه آمادَه هام که هم بِگام ’بله، بله‘ و هم بِگام ’نَه، نَه‘؟
18اُ اَمین بُدَئِه خدا کَسام که حرف اَما اُ شما هم ’بله‘ و هم ’نَه‘ نِبُدِ. 19اَسِی که پُس خدا، عیسی مسیح، که ما و سیلاس و تیموتائوس، اُ آنا بین شما اعلام مُکِه، هم ’بله‘ و هم ’نَه‘ نِهاد، بلکه تِی عیسی مسیح همیشَه ’بله‘ ئِه. 20اَسِی که هَمَهِ وعدَهئِی خدا تِی عیسی مسیح ’بله‘ ئِه و وَخاطر هَمِ، اُ واسطَهِ آنائِه که اَما اَسِی جلال خدا ’آمین‘ اَگائِم. 21اِ خدائِه که اُ اَما خاد شما تِی مسیح پابَرجا اَکو، و اُ اَما مَسح و تعیین اُشکِردِ. 22و مِ خدائِه که مُهرُش شُ اَما زادِ و روحُش چُنِ یَک بَیعانَه شُ دلیامو دَدِ.
23خدا شاهدِ که وَخاطر خوتو هاد که اُ قُرِنتُس آنِگِشتام. 24نِه اِکِه اُ ایمونتو سَروری بِکنِم، بلکه اَما خاد شما، اَسِی دل خَشیتو کَر اَکنِم، اَسِی که شما تِی ایمونتو مُحکام اَوَایستی.
Currently Selected:
نامَه دوّم قُرِنتِنیا 1: LAB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
نامَه دوّم قُرِنتِنیا 1
1
1از طرف پولُس که وَ خواست خدا حَوارِنِ مسیح عیسائِه، و از طرف کاکَی اَما تیموتائوس،
اُ کلیسای خدا که تِی شهر قُرِنتُسِه، و اُ هَمَهِ ایموندارِی اُ مسیح که تِی کُل منطکَهِ اَخائیَه هِت:
2فیض و صلح و سلامتی از طرف بای اَما خدا، و خداوندْ عیسی مسیح خاد شما بِه!
خدای هَمَهِ دلگرمِنیا
3مُتبارک بِه خدا، بای خداوند اَما عیسی مسیح، که بای رحمتیا و خدای هَمَهِ دلگرمِنیائِه؛ 4مِ خدایی که اُ اَما تِی هَمَه مصیبتیامو دلگرمی اَدَ، تَ اَما هم مُبِشابِه وَ مِ دلگرمِنی که خومو از خدا مُگِرِتِه، اُ آنایایی که تِی هر مصیبتی هِت، دلگرم آکنِم. 5اَسِی که هَموناکِه فَراوون از زَجرِی مسیح سَهم اَبرِم، هَمونا هم اُ واسطَهِ مسیح، از دلگرمی، فَراوون سَهم اَبرِم. 6اَگَه تِی مصیبت هِم، وَخاطر دلگرمی و نجات شمائِه، و اَگَه دلگرمِم، وَخاطر دلگرمِنِ شمائِه، و اِ وَختی اتفاک اَفتِه که شما وَ صبر تِی مِ زَجرِی که اَما اَکَشِم، طاکَت بیاری. 7مِ امیدی که اَما اُ شما مُهَه پابَرجائِه، اَسِی که اَدانِم هَموناکِه شما از زَجرِی اَما سَهم اَبری، از دلگرمیمو هم سَهم اَبری.
8اَسِی که اَی کاکَیّا، مُنائِه از مِ مصیبتِی که تِی منطکَهِ آسیا مُکَشی، بیخبر بی. اَسِی که چِییَی که مُن سِرَ اُمَ اِکَّد سخت و بِشتَه از طاکَتمو هاد که از خاد زندگی هم ناامید بُدِم. 9حکیکتاً هم اُنگار که حُکم مرگمو شُدَدِ. ولی اِ اتفاکیَهوا اَسِی اِ اُفتَه تَ نِه اُ خومو، بلکه اُ خدایی تَکیَه بِکنِم که اُ مُردَیّا زندَه اَدَکو. 10آنا اُ اَما از اینا خطر کُشندَهای خلاصی اُشدَ و خلاصی اَدَ. امیدمو مُن آنا بَستِه که دَفَیدو هم اُ اَما خلاصی اَدَ، 11شما هم باید وَ دعا اُ اَما کمک بِکنی. تَ خیلیا، از طرف اَما شکر بِکنِت، وَخاطر مِ برکتی که اُ واسطَهِ دعای خیلیا اُ اَما دَدَ بو.
اَلِش بُدَئِه برنامَهئِی پولُس
12اَسِی که افتخار اَما، شهادت وجدان اَمائِه، اَسِی اِکِه اَما تِی دنیا، وَ سادگی و وَ رو راستِنی که از طرف خدائِه رفتار مُکِه، اَما نِه وَ حکمت آدامی، بلکه وَ فیض خدا رفتار مُکِردِ، مخصوصا هم خاد شما. 13اَسِی که اِ نامَهای که تُنسِه اَنِوِسِم چِی غیر از مِ چِی که اَخوانی و اَفَهمی نی و ما امید اُمَ کامل بِفَهمی 14هَموناکِه اُ اَما تا یَک حَدی تُشناسِدِ، تَ تِی راز آگِشتَئِه خداوندمو عیسی، شما اُ اَما افتخار بِکنی، هَموناکِه اَما اُ شما افتخار اَکنِم.
15اَسِی که از اِ کَضیَهوا مطمئن هادام، مَئِست اوّل تُنحَد بِلگام تَ اینایی شما اَسِی دوّمین دَفَه فیض تجربه بِکنی. 16مَئِست وَختی که اُ منطکَهِ مقدونیَه چِدام سِرِ رَه تُن دیدن بِلگام و بعد از مقدونیَه دَفَیدو تُنحَد واگَردام و اُ ما راهِنِ منطکَهِ یهودیَه بِکنی. 17مَ وَختی مَئِست اِ کَرا بِکنام، دو دل هادام؟ مَ ما وَ فکر انسانی تصمیم اَگِرام اوناکِه تِی یَک لحظَه آمادَه هام که هم بِگام ’بله، بله‘ و هم بِگام ’نَه، نَه‘؟
18اُ اَمین بُدَئِه خدا کَسام که حرف اَما اُ شما هم ’بله‘ و هم ’نَه‘ نِبُدِ. 19اَسِی که پُس خدا، عیسی مسیح، که ما و سیلاس و تیموتائوس، اُ آنا بین شما اعلام مُکِه، هم ’بله‘ و هم ’نَه‘ نِهاد، بلکه تِی عیسی مسیح همیشَه ’بله‘ ئِه. 20اَسِی که هَمَهِ وعدَهئِی خدا تِی عیسی مسیح ’بله‘ ئِه و وَخاطر هَمِ، اُ واسطَهِ آنائِه که اَما اَسِی جلال خدا ’آمین‘ اَگائِم. 21اِ خدائِه که اُ اَما خاد شما تِی مسیح پابَرجا اَکو، و اُ اَما مَسح و تعیین اُشکِردِ. 22و مِ خدائِه که مُهرُش شُ اَما زادِ و روحُش چُنِ یَک بَیعانَه شُ دلیامو دَدِ.
23خدا شاهدِ که وَخاطر خوتو هاد که اُ قُرِنتُس آنِگِشتام. 24نِه اِکِه اُ ایمونتو سَروری بِکنِم، بلکه اَما خاد شما، اَسِی دل خَشیتو کَر اَکنِم، اَسِی که شما تِی ایمونتو مُحکام اَوَایستی.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company