نامَه اوّل تیموتائوس 5
5
نصیحتِی اَسِی کلیسا
1اُ پیرمَرد نِهِب مَدِ، بلکه اُ آنا چُنِ بای خوت تشویک بِکو و اُ جَوونیا چُنِ کاکَیّات، 2و اُ پیرزنیا چُن نَنَهِ خوت، و اُ زِنِی جَوونتَه چُنِ دادَئِی خوت، تِی یَک پاکِنِ کامل.
3حرمت بِوَهزِنِی که واکعاً بی کَس هِت، نِگَه بِکو. 4ولی اَگَه یَک بِوَهزِنی بَچیا و نوَهیّا اُشَه، بِهِر آنایا اوّل یاد بِگِرِت که وَ مواظبت کِردَ از اهل خونَهِ خوشو، دینداریشو نِشو هاتِت، و دِین خوشو اُ نَنَه و باشو هاتِت، اَسِی که اِ تِی چَش خدا خَشِه. 5مِ زنی که واکعاً بِوَئِه و بی کَس آمودِ، امیدُش اُ خدائِه و شاو و رازُش اَسِی خواهش و تمنا و دعا کِردَ تِی حضور خدا گُذَرِنَدا. 6ولی یَک بِوَهزِنی که عیاشی اَکو، با اِکِه زندَئِه، ولی مُردَئِه. 7اِ چِییَهوا هم حُکم بِکو تَ تِی زندگیشو چِی نِبِه که وَخاطرُش سَرکوفتشو بِزنِت. 8ولی اَگَه کسی نیازِی کوم و خویشُش بَرطرف نِکو، مخصوصا هم اهل خونَش، آنا ایمونا حاشا اُشکِردِ و از یَک آدام بیایمون هم بَتَئِه.
9بِهِر اسم بِوَهزِنی نوشتَه بِبِه که سن و سالُش بَراتَ از شصت سالِه و فَکَط زن یَک مرد بُدِ 10و تِی کَرِ خیر معروف بِه، یعنی: بَچ گات اُشکِردِسبِه، مِهموننوازی اُشکِردِسبِه، پَی ایموندارِی اُ مسیحا اُششُشتِسبِه، اُ خُور مصیبت زادَیّا رَسِدِسبِه و اُ خوش وَکف هر کَرِ خَشی اُشکِردِسبِه.
11ولی اسم بِوَهزِنِی جَوونتَهوا مَنِوِس، اَسِی که وَختی هوی و هَوسیاشو اُ آنایا از مسیح دور اَدَکو، شُئِه شو بِکنِت. 12و اینایی محکوم اَبِت، اَسِی که ایمون کَبلیشو وِل شُکِردِ. 13علاوَه بر اِ، آنایا یاد اَگِرِت که تَلانت بِت، و از اِ خونَهوا اُ آن خونَهوا اُچِت، نِه فَکَط تَلانت، بلکه خبر بَری و فضول هم اَبِت، و حرفِی اَزنِت که نباید بِگائِت. 14پَ نظر ما لِی اِئِه که بِوَهزِنِی جَوونتَه شو بِکنِت، بَچ و بار بیارِت و خونَهداری بِکنِت و اُ دشمن فرصت نِتِت که تهمت بِزاد. 15اَسِی که هَمِ آلَه هم مُشتی اَزدُمبالَهِ شیطون از رَه اُدَر چِستِت.
16اَگَه یَک زن ایمونداری، تِی کوم و خویشُش بِوَهزِنیا اُشبِه، بِهِر خوش کُمَکشو بِکو. بِهِر باری اَسِی کلیسا نِبِت تَ کلیسا اُ آنایایی کمک بِکو که واکعاً بِوَه هِت.
17شیخِی که خَش رهبری اَکنِت، حَکشوئِه که دو برابر اُ آنایا حرمت بِبِه، مخصوصا آنایاکِه تِی کَرِ موعظَه و تعلیم زحمت اَکَشِت. 18اَسِی که نوشتَه مکدّس اَگِه: «گاوی که خرمان اَکاوِ، کَپُش آمَبان» و «کارگر مُزدُش حَکُشِه.» 19تهمتی که وَ ضد یَک شیخ کلیسائِه کَبول مَکو، مَ اِکِه وَ شهادت دو یا سهتا شاهد بِه. 20اُ آنایایی که اُ گناه کِردَ اصرار اَکنِت، جلووِ هَمَه نِهِب هادِ تَ تِرسی اَسِی بَکیَه بِه.
21تِی حضور خدا و مسیحْ عیسی و فرشتَهئِی انتخاب بُدَ، اُ تو کَدَغان اَکنام که بدون اِکِه وَ جلو حُکم بِکنِش اُ اِ کانونیا عمل بِکنِش و هیچ کَریا وَ فرق نَدَ اَنجوم نِتِش.
22وَ شتاب، اُ کسی اَسِی خدمت تعیین مَکو و تِی گناهِی بَکیَه شریک مَبِش، اُ خوت پاک نِگَه بِکو.
23دِگَه فَکَط هُو آمَخو، بلکه وَخاطر معدَهات و دردِی که بُری وَختیا اُتَه، هیلَی هم شراب واخو.
24مُشتی از مردم گناهیاشو معلومه و جلوتَه از آنایا اُ طرف محاکمَه اَچِه، ولی گناهِی مُشتِیدو بعدُش معلوم اَبِه. 25هَمینا هم، کَرِی خَش معلومه و حتی آنایایی که معلوم نِهِت، نابِه پِنهون نِگَهشو بِکنِش.
Currently Selected:
نامَه اوّل تیموتائوس 5: LAB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
نامَه اوّل تیموتائوس 5
5
نصیحتِی اَسِی کلیسا
1اُ پیرمَرد نِهِب مَدِ، بلکه اُ آنا چُنِ بای خوت تشویک بِکو و اُ جَوونیا چُنِ کاکَیّات، 2و اُ پیرزنیا چُن نَنَهِ خوت، و اُ زِنِی جَوونتَه چُنِ دادَئِی خوت، تِی یَک پاکِنِ کامل.
3حرمت بِوَهزِنِی که واکعاً بی کَس هِت، نِگَه بِکو. 4ولی اَگَه یَک بِوَهزِنی بَچیا و نوَهیّا اُشَه، بِهِر آنایا اوّل یاد بِگِرِت که وَ مواظبت کِردَ از اهل خونَهِ خوشو، دینداریشو نِشو هاتِت، و دِین خوشو اُ نَنَه و باشو هاتِت، اَسِی که اِ تِی چَش خدا خَشِه. 5مِ زنی که واکعاً بِوَئِه و بی کَس آمودِ، امیدُش اُ خدائِه و شاو و رازُش اَسِی خواهش و تمنا و دعا کِردَ تِی حضور خدا گُذَرِنَدا. 6ولی یَک بِوَهزِنی که عیاشی اَکو، با اِکِه زندَئِه، ولی مُردَئِه. 7اِ چِییَهوا هم حُکم بِکو تَ تِی زندگیشو چِی نِبِه که وَخاطرُش سَرکوفتشو بِزنِت. 8ولی اَگَه کسی نیازِی کوم و خویشُش بَرطرف نِکو، مخصوصا هم اهل خونَش، آنا ایمونا حاشا اُشکِردِ و از یَک آدام بیایمون هم بَتَئِه.
9بِهِر اسم بِوَهزِنی نوشتَه بِبِه که سن و سالُش بَراتَ از شصت سالِه و فَکَط زن یَک مرد بُدِ 10و تِی کَرِ خیر معروف بِه، یعنی: بَچ گات اُشکِردِسبِه، مِهموننوازی اُشکِردِسبِه، پَی ایموندارِی اُ مسیحا اُششُشتِسبِه، اُ خُور مصیبت زادَیّا رَسِدِسبِه و اُ خوش وَکف هر کَرِ خَشی اُشکِردِسبِه.
11ولی اسم بِوَهزِنِی جَوونتَهوا مَنِوِس، اَسِی که وَختی هوی و هَوسیاشو اُ آنایا از مسیح دور اَدَکو، شُئِه شو بِکنِت. 12و اینایی محکوم اَبِت، اَسِی که ایمون کَبلیشو وِل شُکِردِ. 13علاوَه بر اِ، آنایا یاد اَگِرِت که تَلانت بِت، و از اِ خونَهوا اُ آن خونَهوا اُچِت، نِه فَکَط تَلانت، بلکه خبر بَری و فضول هم اَبِت، و حرفِی اَزنِت که نباید بِگائِت. 14پَ نظر ما لِی اِئِه که بِوَهزِنِی جَوونتَه شو بِکنِت، بَچ و بار بیارِت و خونَهداری بِکنِت و اُ دشمن فرصت نِتِت که تهمت بِزاد. 15اَسِی که هَمِ آلَه هم مُشتی اَزدُمبالَهِ شیطون از رَه اُدَر چِستِت.
16اَگَه یَک زن ایمونداری، تِی کوم و خویشُش بِوَهزِنیا اُشبِه، بِهِر خوش کُمَکشو بِکو. بِهِر باری اَسِی کلیسا نِبِت تَ کلیسا اُ آنایایی کمک بِکو که واکعاً بِوَه هِت.
17شیخِی که خَش رهبری اَکنِت، حَکشوئِه که دو برابر اُ آنایا حرمت بِبِه، مخصوصا آنایاکِه تِی کَرِ موعظَه و تعلیم زحمت اَکَشِت. 18اَسِی که نوشتَه مکدّس اَگِه: «گاوی که خرمان اَکاوِ، کَپُش آمَبان» و «کارگر مُزدُش حَکُشِه.» 19تهمتی که وَ ضد یَک شیخ کلیسائِه کَبول مَکو، مَ اِکِه وَ شهادت دو یا سهتا شاهد بِه. 20اُ آنایایی که اُ گناه کِردَ اصرار اَکنِت، جلووِ هَمَه نِهِب هادِ تَ تِرسی اَسِی بَکیَه بِه.
21تِی حضور خدا و مسیحْ عیسی و فرشتَهئِی انتخاب بُدَ، اُ تو کَدَغان اَکنام که بدون اِکِه وَ جلو حُکم بِکنِش اُ اِ کانونیا عمل بِکنِش و هیچ کَریا وَ فرق نَدَ اَنجوم نِتِش.
22وَ شتاب، اُ کسی اَسِی خدمت تعیین مَکو و تِی گناهِی بَکیَه شریک مَبِش، اُ خوت پاک نِگَه بِکو.
23دِگَه فَکَط هُو آمَخو، بلکه وَخاطر معدَهات و دردِی که بُری وَختیا اُتَه، هیلَی هم شراب واخو.
24مُشتی از مردم گناهیاشو معلومه و جلوتَه از آنایا اُ طرف محاکمَه اَچِه، ولی گناهِی مُشتِیدو بعدُش معلوم اَبِه. 25هَمینا هم، کَرِی خَش معلومه و حتی آنایایی که معلوم نِهِت، نابِه پِنهون نِگَهشو بِکنِش.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company