نامَه اوّل تِسالونیکِنیا 2
2
خدمت پولُس تِی کلیسای تِسالونیکی
1اَی کاکَیّا، اَسِی که خوتو اَدانی که اُندَهِ اَما حَدِ شما اَلَکی نِبُدِ. 2ولی هَموناکِه اَدانی، با اِکِه کَبلتَه تِی شهر فیلیپی عذاب مُکَشِدِستاد و وَ زشتی خاد اَما رفتار بُدِستاد، ولی تِی خدامو جرأت مُکِه، تا وسط اِ هَمَه مخالفت، انجیل خدائا اُ شما اعلام بِکنِم. 3اَسِی که اَگَه تشویک اَکنِم، از خطا یا نیّت ناپاک نی، و کَصد مُنی گول تُبِزنِم، 4بلکه چُنِ کسِی حرف اَزنِم که خدا مُهر تأیید شُ آنایا زادِ و انجیلا شُ آنایا دَدِ. تا نِکو اُ آدامیا خشنود بِکنِم، بلکه اُ خدایی که دلیامو امتحان اَکو خشنود بِکنِم. 5اَسِی که هَموناکِه اَدانی اَما اصلاً چاپلوسی مُنِکِردِ، و نِه خاد لوبانَکِهای اُندِم که طَمَعا بِپوشِنِه - خدا شاهدِ. 6و نِه اَزدُمِ تعریف کِردَ مردم بُستِم، چه از طرف شما و چه از طرف بَکیَه.
با اِکِه اِ حَکّا مُهاد وَ عنوان حَوارِنِی مسیح، اِئا از شما مُبِئِه. 7ولی اَما بینتو ملایم هادِم، چُن یَک نَنَهای که از بَچیاش مواظبت اَکو. 8علاکَه اَما اُ شما اِکَّد زیاد هاد که آمادَه هادِم نِه فَکَط انجیل خدائا اُ شما بِرَسِنِم، بلکه جونمو هم وَخاطر شما هاتِم، اَسِی که شما اَسِی اَما بُری عزیز بُستادی. 9اَسِی که اَی کاکَیّا، رنج و زحمت اَما تُن یادِ، اَما شاو و راز کَر مُکِه تَ وَختی انجیل خدائا اُ شما اعلام اَکنِم، سَربار هیچیَکتو نِبِم.
10شما شاهدی و خدا هَم شاهدِ، که اَما خاد شما ایمونداریا، چاد مکدّس و صالح و بی عیب رفتار مُکِه. 11اَسِی که شما اَدانی که چینا، چُنِ یَک بایی که خاد بَچیاش رفتار اَکو، 12اَما اُ هر یَکتو تشویک و دلگرم مُکِه و اُ شما کَدَغان مُکِه، که اوناکِه شایستَهِ خدائِه رفتار بِکنی، خدایی که شمائا اُ پادشاهی و شکوه و جلالُش دعوت اَکو. 13و اَما هم تیپَستا خدائا وَخاطر هَمِ شکر اَکنِم، که وَختی کلوم خدائا کَبول تُکِه، مِ کلومی که از اَما تُشُنُفت، اُ آنا نِه وَ عنوان کلوم آدامیزاد، بلکه وَ عنوان کلوم خدا کَبول تُکِه، که واکعاً هم اینائِه؛ مِ کلومی که بین شما ایمونداریا کَر اَکو. 14اَسِی که شما اَی کاکَیّا، از کلیسائِی خدا تِی یهودیَه که تِی مسیحْ عیسی هِت، اُلگو تُگِرِت، اَسِی که شما از هموطنِی خوتو، مِ عذابِی تُکَشی که آنایا از یهودِنیا شُکَشی، 15از مِ یهودِنِی که هم اُ خداوند عیسی و هم اُ پیغامبریا شُکُشت و اَما هم شُندَر کِردِم. آنایا خدائا خشنود ناکنِت، و خاد هَمَهِ آدامیا مخالفت اَکنِت، 16و ناهِرِت که خاد غیریهودِنیا حرف بِزنِم تا نجات پیدا بِکنِت - آنایا وَ اِ کَرشو چُنِ همیشَه کِئلَهِ گناهیاشو تا خِر پُر اَکنِت. ولی بالاخره خشم خدا شُن سِرَ اُندِ.
17ولی اَی کاکَیّا، اَسِی که اَما یَک زَمون کامی از شما جدا بُدِم، البته جمساً و نِه کَلباً، وَ شوک و ذوک بِشتَه، سعی مُکِه تا رودَررو تُبِبِنِم. 18اَسِی که اَما مُئِست تُنحَد بِلگِم - ما خوم پولُس، چند دَفَه سعی اُمکِه - ولی شیطون مانع اَما بو. 19اَسِی که امیدمو یا خارامیمو یا تاج افتخارمو تِی حضور خداوندمو عیسی موکَهِ اُندَش چِئِه؟ مَ شما نِهی؟ 20اَسِی که شما جلال و خارامِنِ اَما هی.
Currently Selected:
نامَه اوّل تِسالونیکِنیا 2: LAB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
نامَه اوّل تِسالونیکِنیا 2
2
خدمت پولُس تِی کلیسای تِسالونیکی
1اَی کاکَیّا، اَسِی که خوتو اَدانی که اُندَهِ اَما حَدِ شما اَلَکی نِبُدِ. 2ولی هَموناکِه اَدانی، با اِکِه کَبلتَه تِی شهر فیلیپی عذاب مُکَشِدِستاد و وَ زشتی خاد اَما رفتار بُدِستاد، ولی تِی خدامو جرأت مُکِه، تا وسط اِ هَمَه مخالفت، انجیل خدائا اُ شما اعلام بِکنِم. 3اَسِی که اَگَه تشویک اَکنِم، از خطا یا نیّت ناپاک نی، و کَصد مُنی گول تُبِزنِم، 4بلکه چُنِ کسِی حرف اَزنِم که خدا مُهر تأیید شُ آنایا زادِ و انجیلا شُ آنایا دَدِ. تا نِکو اُ آدامیا خشنود بِکنِم، بلکه اُ خدایی که دلیامو امتحان اَکو خشنود بِکنِم. 5اَسِی که هَموناکِه اَدانی اَما اصلاً چاپلوسی مُنِکِردِ، و نِه خاد لوبانَکِهای اُندِم که طَمَعا بِپوشِنِه - خدا شاهدِ. 6و نِه اَزدُمِ تعریف کِردَ مردم بُستِم، چه از طرف شما و چه از طرف بَکیَه.
با اِکِه اِ حَکّا مُهاد وَ عنوان حَوارِنِی مسیح، اِئا از شما مُبِئِه. 7ولی اَما بینتو ملایم هادِم، چُن یَک نَنَهای که از بَچیاش مواظبت اَکو. 8علاکَه اَما اُ شما اِکَّد زیاد هاد که آمادَه هادِم نِه فَکَط انجیل خدائا اُ شما بِرَسِنِم، بلکه جونمو هم وَخاطر شما هاتِم، اَسِی که شما اَسِی اَما بُری عزیز بُستادی. 9اَسِی که اَی کاکَیّا، رنج و زحمت اَما تُن یادِ، اَما شاو و راز کَر مُکِه تَ وَختی انجیل خدائا اُ شما اعلام اَکنِم، سَربار هیچیَکتو نِبِم.
10شما شاهدی و خدا هَم شاهدِ، که اَما خاد شما ایمونداریا، چاد مکدّس و صالح و بی عیب رفتار مُکِه. 11اَسِی که شما اَدانی که چینا، چُنِ یَک بایی که خاد بَچیاش رفتار اَکو، 12اَما اُ هر یَکتو تشویک و دلگرم مُکِه و اُ شما کَدَغان مُکِه، که اوناکِه شایستَهِ خدائِه رفتار بِکنی، خدایی که شمائا اُ پادشاهی و شکوه و جلالُش دعوت اَکو. 13و اَما هم تیپَستا خدائا وَخاطر هَمِ شکر اَکنِم، که وَختی کلوم خدائا کَبول تُکِه، مِ کلومی که از اَما تُشُنُفت، اُ آنا نِه وَ عنوان کلوم آدامیزاد، بلکه وَ عنوان کلوم خدا کَبول تُکِه، که واکعاً هم اینائِه؛ مِ کلومی که بین شما ایمونداریا کَر اَکو. 14اَسِی که شما اَی کاکَیّا، از کلیسائِی خدا تِی یهودیَه که تِی مسیحْ عیسی هِت، اُلگو تُگِرِت، اَسِی که شما از هموطنِی خوتو، مِ عذابِی تُکَشی که آنایا از یهودِنیا شُکَشی، 15از مِ یهودِنِی که هم اُ خداوند عیسی و هم اُ پیغامبریا شُکُشت و اَما هم شُندَر کِردِم. آنایا خدائا خشنود ناکنِت، و خاد هَمَهِ آدامیا مخالفت اَکنِت، 16و ناهِرِت که خاد غیریهودِنیا حرف بِزنِم تا نجات پیدا بِکنِت - آنایا وَ اِ کَرشو چُنِ همیشَه کِئلَهِ گناهیاشو تا خِر پُر اَکنِت. ولی بالاخره خشم خدا شُن سِرَ اُندِ.
17ولی اَی کاکَیّا، اَسِی که اَما یَک زَمون کامی از شما جدا بُدِم، البته جمساً و نِه کَلباً، وَ شوک و ذوک بِشتَه، سعی مُکِه تا رودَررو تُبِبِنِم. 18اَسِی که اَما مُئِست تُنحَد بِلگِم - ما خوم پولُس، چند دَفَه سعی اُمکِه - ولی شیطون مانع اَما بو. 19اَسِی که امیدمو یا خارامیمو یا تاج افتخارمو تِی حضور خداوندمو عیسی موکَهِ اُندَش چِئِه؟ مَ شما نِهی؟ 20اَسِی که شما جلال و خارامِنِ اَما هی.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company