نُومَه وِ تیتوس 3
3
سی هَر کارِ خو حاضر با
1بیار وِ ویرِشُو کِه مطیع حاکمیا وَ قدرتیا بان وَ فِرمُوبَر بان، وَ سی هَر کارِ خو حاضر بان، 2دِ گَنی کَس نُوئَن، قیمِرافَه نَکَن، مِلوم بان، وَ وا گِردِ مردِم تمُومِکمال وا اَدُو رفتار بَکَن.
3سی یَکِه اِیما هَم زِمُونی نایُو بیئیم، نافِرمُو، دِ رَه دِرُومایَه، غُلِمِ خُوشییا وُ هَوَسیا جورواجور بیئیم، دِ کینَه وَ حَسیدی زِنِهئی میکِردیم. مردِم دِ اِیما بَیئِشُو مِیما وَ اِیما هَم دِ یَکتِری. 4اما هِه کِه مِرَبُونی نجاتدهندَهمُو خدا وَ محبتِش سی بشر دیاری بی، 5او اِیما نِه نجات دَه، نَه وِ سُنَه کاریائی کِه دِ صالحبییِه کِردیم، بلکِم وِ سُنَه رَحمَتِ خُوش، وَ دِ رَه شُشتِنی بی کِه توسطِ وَه روحالقدس وِ اِیما تولدِ تازَه وَ زِنِهئی نو دَه، 6کِه خدا، روحالقدسِ نِه وِ دُولَهمَنی توسطِ نجاتدهندَهمُو عیسی مسیح رِخت وِ ریمُو، 7تا وِ فیضِ او، صالح وِ حِسُو بیایم وَ وِ طبقِ اُمیدی کِه وِ زِنِهئی ابدی داریم، وارثیا بایم. 8وِ ایی قِصَه موئَه اِطمینُو کِرد، وَ دِت میحام ری ایی چیا بَجُری، تا وِنُو کِه وِ خدا ایمُو اُوِردِنَه حَواسشُو با خُوشُو نِه وَخمِ کاریا خو بَکَن. ایی چیا سی مردِم خو اَ وَ فایدَه دارَه.
9اما دِ قِصَهقُشَهیا کِه دِ ری حماقت اَ، دِ شَجِرَهنُومچَهیا، دِ دَمرِگَهیا وَ قیمِرافَهیا دِ بارَه شریعت دیری بَک، سی یَکِه وِنُو بیفایِدَه وَ بیارزش اَن. 10دِ بارَه کسی کِه جِگائی مُونَه، دِما یَکِه یِه گِل وَ اوسِه دو گِل وِش هُشتار دِئی، دَ واش بُریابُورُو کُو، 11سی یَکه دُونی چِنی کَسی فاسد بییَه وَ گُنَهکار اَ، او خُوش، خُوشِه محکوم میکَه.
سِلامیا وَ تعلیمیا آخِری
12هِه کِه آرتِماس یا تیخیکوس نِه رِ کِردِم وِ تِهت، تا تُونی تَقِلا کُو تا بیایی وِ نیکُوپولیس وِ تِه مِه، سی یَکه قَصت کِردِمَه زِمِسُو نِه دِ اوچِه سَر بَکِم. 13تا اوچِه کِه تُونی، زیناسِ وکیل وَ آپولُسِ نِه دِ سفری کِه دارَن کمکشُو کُو، حواسِت با کَمِکسری نائاشتوئَن. 14بِئیل مردِمِ اِیما یای بِئیرَن خُوشُو نِه سی رفعِ هُوجَهیا وَخمِ کاریا خو بَکَن وَ بیثمر نوئَن.
15گِردِ وِنُو کِه هان واردِ مِه، وِ تو سِلام مِیرَسنَن. وِ وِنُو کِه اِیما نِه دِ ایمُو دوس دارَن، سِلام بَرَسنُو.
فیض وا گِردِ شِما با.
Currently Selected:
نُومَه وِ تیتوس 3: NLB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
نُومَه وِ تیتوس 3
3
سی هَر کارِ خو حاضر با
1بیار وِ ویرِشُو کِه مطیع حاکمیا وَ قدرتیا بان وَ فِرمُوبَر بان، وَ سی هَر کارِ خو حاضر بان، 2دِ گَنی کَس نُوئَن، قیمِرافَه نَکَن، مِلوم بان، وَ وا گِردِ مردِم تمُومِکمال وا اَدُو رفتار بَکَن.
3سی یَکِه اِیما هَم زِمُونی نایُو بیئیم، نافِرمُو، دِ رَه دِرُومایَه، غُلِمِ خُوشییا وُ هَوَسیا جورواجور بیئیم، دِ کینَه وَ حَسیدی زِنِهئی میکِردیم. مردِم دِ اِیما بَیئِشُو مِیما وَ اِیما هَم دِ یَکتِری. 4اما هِه کِه مِرَبُونی نجاتدهندَهمُو خدا وَ محبتِش سی بشر دیاری بی، 5او اِیما نِه نجات دَه، نَه وِ سُنَه کاریائی کِه دِ صالحبییِه کِردیم، بلکِم وِ سُنَه رَحمَتِ خُوش، وَ دِ رَه شُشتِنی بی کِه توسطِ وَه روحالقدس وِ اِیما تولدِ تازَه وَ زِنِهئی نو دَه، 6کِه خدا، روحالقدسِ نِه وِ دُولَهمَنی توسطِ نجاتدهندَهمُو عیسی مسیح رِخت وِ ریمُو، 7تا وِ فیضِ او، صالح وِ حِسُو بیایم وَ وِ طبقِ اُمیدی کِه وِ زِنِهئی ابدی داریم، وارثیا بایم. 8وِ ایی قِصَه موئَه اِطمینُو کِرد، وَ دِت میحام ری ایی چیا بَجُری، تا وِنُو کِه وِ خدا ایمُو اُوِردِنَه حَواسشُو با خُوشُو نِه وَخمِ کاریا خو بَکَن. ایی چیا سی مردِم خو اَ وَ فایدَه دارَه.
9اما دِ قِصَهقُشَهیا کِه دِ ری حماقت اَ، دِ شَجِرَهنُومچَهیا، دِ دَمرِگَهیا وَ قیمِرافَهیا دِ بارَه شریعت دیری بَک، سی یَکِه وِنُو بیفایِدَه وَ بیارزش اَن. 10دِ بارَه کسی کِه جِگائی مُونَه، دِما یَکِه یِه گِل وَ اوسِه دو گِل وِش هُشتار دِئی، دَ واش بُریابُورُو کُو، 11سی یَکه دُونی چِنی کَسی فاسد بییَه وَ گُنَهکار اَ، او خُوش، خُوشِه محکوم میکَه.
سِلامیا وَ تعلیمیا آخِری
12هِه کِه آرتِماس یا تیخیکوس نِه رِ کِردِم وِ تِهت، تا تُونی تَقِلا کُو تا بیایی وِ نیکُوپولیس وِ تِه مِه، سی یَکه قَصت کِردِمَه زِمِسُو نِه دِ اوچِه سَر بَکِم. 13تا اوچِه کِه تُونی، زیناسِ وکیل وَ آپولُسِ نِه دِ سفری کِه دارَن کمکشُو کُو، حواسِت با کَمِکسری نائاشتوئَن. 14بِئیل مردِمِ اِیما یای بِئیرَن خُوشُو نِه سی رفعِ هُوجَهیا وَخمِ کاریا خو بَکَن وَ بیثمر نوئَن.
15گِردِ وِنُو کِه هان واردِ مِه، وِ تو سِلام مِیرَسنَن. وِ وِنُو کِه اِیما نِه دِ ایمُو دوس دارَن، سِلام بَرَسنُو.
فیض وا گِردِ شِما با.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company