انجیلِ مَتی 28
28
زِنَه‌بی‌یِه‌نِ عیسی
1دِما روزِ شَبات، دَمِ صُو اولین روزِ هفتَه، مریمِ مَجدَلیَه وَ او یَکی مریم، وا یَک رَتِن سی دیئِه‌نِ مقبِرَه. 2یِگِلی بی وِ زِمی‌لرزَه سختی، سی یَکِه یَکی دِ فرشتَه‌یا خداوند دِ آسمُو اُوما وِ هار وَ رَت والا مقبِرَه، وَ بَردِ نِه دِ جِلو وَه پِلَن وِ لائی، وَ نِشِس وِ ریش. 3ری او فرشتَه چی برقِ آسمُو بِریقَه‌ش مِی‌ما وَ جُومَه‌ش چی برف، اِسبی بی. 4ناتوریا دِ زَلَه می‌رِکِسِن وَ چی مُردَه اُفتان وِ ری زِمی! 5اوسِه فرشتَه وِ زَنُو گُت: «زَلَه‌تُو نَرُوئَه! دُونِم كِه هایت دِ دُمِ عیسی کِه وِ صلیب بی. 6او ایچِه نی، سی یَکه هِه چِنُو کِه خُوش گُتی، زِنَه بی‌یَه! بیایت وَ جائی نِه کِه او دِش حُفتیئی، بِئینیت، 7وَ دَرجا رُوئیت وَ وِ شاگردیاش بُوئیت كِه ”او دِ مُردَه‌یا زِنَه بی‌یَه وَ وِرَز شِما مِی‌رَه وِ شهرِ جلیل وَ دِ اوچِه او نِه مِئینیت.“ سِیل بَکیت، مِه وِ شِما گُتِم!»
8پَس زَنُو وا زَلَه وَ شایی زیاد، دَرجا دِ مقبِرَه رائی بییِن وَ رَتِن وِ تِه شاگردیا، تا ایی اتفاقِ نِه وِشُو خَوَر بِئَن. 9یِگِلی عیسی واشُو ری‌وِری بی وَ گُت: «سِلام وِ شِما!» زَنُو اُومان وا وَر، وَ اُفتان وِ ری پایاش، او نِه پِرَسِش کِردِن. 10اوسِه عیسی وِشُو گُت: «زَلَه‌تُو نَرُوئَه! رُوئیت وَ وِ بِرارُونُم بُوئیت كِه رُوئَن وِ جلیل. دِ اوچِه مِه نِه مِئینَن.»
گزارشِ ناتوریا
11هَنی زَنُو دِ مینِ رَه بییِن، کِه قَری دِ ناتوریا رَتِن وِ شهر، گِردِ او چیائی کِه اتفاق اُفتایی وِ سَرُونِ کاهِن‌یا گُتِن. 12سَرُونِ کاهِن‌یا هَم دِما یَکِه وا مشایخِ قوم ملاقات کِردِن وا مشورتِ وِنُو پیلِ زیادی دَن وِ سَروازیا 13وَ گُتِن: «وِ مردِم بُوئیت، کِه ”شاگردیا عیسی شَبُونَه اُومان وَ هِه کِه اِیما دِ خُو بیئیم، جِنازَه‌شِه دُوزیئِن.“ 14اَر ایی خَوَر وِ گوشِ والی بَرَسَه، اِیما خُومُو او نِه قانَع می‌کیم تا سی شِما مشکلی پیش نیا.» 15ناتوریا پیلِ نِه گِرتِن و طبقِ چیئی کِه وِشُو گُتین، کِردِن. وَ ایی داستان هَنی کِه هَنی اَ دِ مینِ یهودیُو شایع‌آ.
ماموریتِ گَپ
16اوسِه او یازَه شاگرد رَتِن وِ جلیل، وِ ری كُوئی كِه عیسی وِشُو گُتی. 17هِه کِه دوچِه عیسی نِه دیئِن، او نِه پِرَسِش کِردِن، اما قَری دِشُو شِک کِردِن. 18اوسِه عیسی اُوما نِزیک وَ وِشُو گُت: «گِردِ اقتدار دِ آسمُونُو زِمی دِئِسَه وِ مِه. 19پس رُوئیت وَ گِردِ ملت‌یا نِه شاگردِ مِه بَکیت وَ وِنُو نِه وِ نُومِ بُوَه وَ کُر وَ روح‌القدس تعمید بِئیت 20وَ وِشُو تعلیم بِئیت كِه گِردِ چیائی نِه کِه وِ شِما هُد کِردِمَه، وِجا بیارَن، دُونِسوئیت، ایسِه مِه همیشَه تا آخِرِ ایی دورَه هام واردِ شِما!»
Currently Selected:
انجیلِ مَتی 28: NLB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیلِ مَتی 28
28
زِنَه‌بی‌یِه‌نِ عیسی
1دِما روزِ شَبات، دَمِ صُو اولین روزِ هفتَه، مریمِ مَجدَلیَه وَ او یَکی مریم، وا یَک رَتِن سی دیئِه‌نِ مقبِرَه. 2یِگِلی بی وِ زِمی‌لرزَه سختی، سی یَکِه یَکی دِ فرشتَه‌یا خداوند دِ آسمُو اُوما وِ هار وَ رَت والا مقبِرَه، وَ بَردِ نِه دِ جِلو وَه پِلَن وِ لائی، وَ نِشِس وِ ریش. 3ری او فرشتَه چی برقِ آسمُو بِریقَه‌ش مِی‌ما وَ جُومَه‌ش چی برف، اِسبی بی. 4ناتوریا دِ زَلَه می‌رِکِسِن وَ چی مُردَه اُفتان وِ ری زِمی! 5اوسِه فرشتَه وِ زَنُو گُت: «زَلَه‌تُو نَرُوئَه! دُونِم كِه هایت دِ دُمِ عیسی کِه وِ صلیب بی. 6او ایچِه نی، سی یَکه هِه چِنُو کِه خُوش گُتی، زِنَه بی‌یَه! بیایت وَ جائی نِه کِه او دِش حُفتیئی، بِئینیت، 7وَ دَرجا رُوئیت وَ وِ شاگردیاش بُوئیت كِه ”او دِ مُردَه‌یا زِنَه بی‌یَه وَ وِرَز شِما مِی‌رَه وِ شهرِ جلیل وَ دِ اوچِه او نِه مِئینیت.“ سِیل بَکیت، مِه وِ شِما گُتِم!»
8پَس زَنُو وا زَلَه وَ شایی زیاد، دَرجا دِ مقبِرَه رائی بییِن وَ رَتِن وِ تِه شاگردیا، تا ایی اتفاقِ نِه وِشُو خَوَر بِئَن. 9یِگِلی عیسی واشُو ری‌وِری بی وَ گُت: «سِلام وِ شِما!» زَنُو اُومان وا وَر، وَ اُفتان وِ ری پایاش، او نِه پِرَسِش کِردِن. 10اوسِه عیسی وِشُو گُت: «زَلَه‌تُو نَرُوئَه! رُوئیت وَ وِ بِرارُونُم بُوئیت كِه رُوئَن وِ جلیل. دِ اوچِه مِه نِه مِئینَن.»
گزارشِ ناتوریا
11هَنی زَنُو دِ مینِ رَه بییِن، کِه قَری دِ ناتوریا رَتِن وِ شهر، گِردِ او چیائی کِه اتفاق اُفتایی وِ سَرُونِ کاهِن‌یا گُتِن. 12سَرُونِ کاهِن‌یا هَم دِما یَکِه وا مشایخِ قوم ملاقات کِردِن وا مشورتِ وِنُو پیلِ زیادی دَن وِ سَروازیا 13وَ گُتِن: «وِ مردِم بُوئیت، کِه ”شاگردیا عیسی شَبُونَه اُومان وَ هِه کِه اِیما دِ خُو بیئیم، جِنازَه‌شِه دُوزیئِن.“ 14اَر ایی خَوَر وِ گوشِ والی بَرَسَه، اِیما خُومُو او نِه قانَع می‌کیم تا سی شِما مشکلی پیش نیا.» 15ناتوریا پیلِ نِه گِرتِن و طبقِ چیئی کِه وِشُو گُتین، کِردِن. وَ ایی داستان هَنی کِه هَنی اَ دِ مینِ یهودیُو شایع‌آ.
ماموریتِ گَپ
16اوسِه او یازَه شاگرد رَتِن وِ جلیل، وِ ری كُوئی كِه عیسی وِشُو گُتی. 17هِه کِه دوچِه عیسی نِه دیئِن، او نِه پِرَسِش کِردِن، اما قَری دِشُو شِک کِردِن. 18اوسِه عیسی اُوما نِزیک وَ وِشُو گُت: «گِردِ اقتدار دِ آسمُونُو زِمی دِئِسَه وِ مِه. 19پس رُوئیت وَ گِردِ ملت‌یا نِه شاگردِ مِه بَکیت وَ وِنُو نِه وِ نُومِ بُوَه وَ کُر وَ روح‌القدس تعمید بِئیت 20وَ وِشُو تعلیم بِئیت كِه گِردِ چیائی نِه کِه وِ شِما هُد کِردِمَه، وِجا بیارَن، دُونِسوئیت، ایسِه مِه همیشَه تا آخِرِ ایی دورَه هام واردِ شِما!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company