کاریا رسولیا 20
20
پولُس دِ مقدونیَه وَ یونان
1هِه کِه بِلبِشُو حُفتی، پولُس شاگردیا نِه حاس وَ دِما دِلگُوَه دِئِهنِشُو، واشُو خدافظی کِرد وُ عازِمِ مقدونیَه بی. 2وَ دِ سَرِ رَهش دِ او منطقَهیا رَد مِئی، ایمُوداریا نِه وا حرفیاش دِلگُوَه مِیدَه، تا رَسِس وِ یونان. 3سِه ماه دوچِه مَن. هِه یَکِه قَصت داشت وا کَشتی رُوئَه وِ سوریَه، یهودیُو وِ تیشکِش نَشخَه کَشیئِن. پس قَصت کِرد دِ رَه مقدونیَه وِرگَردَه. 4هُمرَهیاش یِنُو بییِن، سوپاتِر کُرِ پیرروس دِ مردِمُونِ بیریَه، آریستارخوس وَ سِکُوندوس دِ مردِمُونِ تِسالُونیک، گایوس وَ تیموتائوس دِ مردِمُونِ دِربَه، تیخیکوس وَ تروفیموس دِ مردِمُونِ منطقَه آسیا. 5وِنُو وِرَز اِیما رَتِن وَ دِ تروآس چَش وِ رَهمُو مَنِن. 6اما اِیما دِما عیدِ فَطیر، وا کَشتی دِ فیلیپی رائی بیئیم وُ دِما پنج رو، دِ تروآس رَسِسیم وِشُو وُ هفت رو مَنیم دوچِه.
زِنَه بییِهنِ اِفتیخوس
7دِ اولِ روزِ هفتَه، سی شُومِ مقدس جمع بیئیم. پولُس وا مردِم قِصَه میکِرد، وَ سی یَکه میحاس وا صُوش دِ اوچِه رُوئَه، قِصَهیاشِه کَش دَه تا نِصمِه شُو. 8دِ بالاحُونِهای کِه جمع بیئیمُونی، پی سوزیا زیادی روشِه بی. 9هِه چِنُو کِه پولُس هَنی داشت قِصَه میکِرد، جِوُونی وِ نُومِ اِفتیخوس کِه نِشِسی دِ لُوءِ پنجرَه، کَم کَم رَت وِ خُوِ سنگینی وُ یِه گِلی دِ طبقَه سِئِم وا رِمِهگُردالَه اُفتا وِ هار وَ او نِه مُردَه وِرداشتِن. 10پولُس رَت وِ هار، نِم بی وِ ری پیا جِوُونِکَه وَ او نِه گِرِت دِ بَغَل وُ گُت: «زَلَهتُو نَرُوئَه، هَنی جُو دارَه!» 11اوسِه رَت وِ بالا وَ نُو نِه کُت کِرد وُ حَرد. او تا شَفَق واشُو قِصَه کِرد، وَ بعد دِ اوچِه رَت. 12مردِم او جِوُو نِه زِنَه بُردِن وِ حُونَه وَ دِلگُوَه خوئی گِرِتِن.
13اما اِیما وِرَز او سُوارِ کَشتی بیئیم، عازِمِ آسوس بیئیم تا دوچِه طبقِ قِرارِ پولُس، او نِه بیاریم وِ کَشتی، سی یَکِه حاسی تا دوچِه دِ رَه حُشکی رُوئَه. 14پس هِه کِه پولُسِ نِه دِ آسوس دیئیم، او نِه اُوِردیم وِ مینِ کَشتی وَ رَتیم وِ میتیلینی. 15دِ اوچِه وا کَشتی رائی بیئیم وَ وا صُوش رَسِسیم وِ جِلو جزیرَه خیوس. وا صُوش رَتیم وِ ساموس وَ دُوصُوش رَسِسیم وِ میلیتوس. 16پولُس میحاس دِ رَه دریا دِ لا اَفِسُس رَد با تا وَختِشِه دِ منطقَه آسیا تِلَف نَکَه، سی یَکِه عجلَه داشت کِه اَر بوئَه سی عیدِ پنطیکاست دِ اورشلیم با.
17او دِ شهرِ میلیتوس پِیغُومی کِل کِرد وِ اَفِسُس وَ مشایخِ کلیسا نِه حاس وِ تِه خُوش. 18هِه کِه وِنُو اُومان، وِشُو گُت: «شِما دُونیت کِه دِ هِه او روزِ اول کِه پامِه نِئام دِ منطقَه آسیا، چطور گِردِ وَختِمِه واتُو سَرکِردِم. 19چطور وا کُچِکی وُ اَسِررِختِه، خداوندِ نِه خدمت کِردِمَه، چطور سختییائی کِه دِ لا نَشخَهیا یهودیُو وِ سَرِم رَتَه، تحمل کِردِمَه. 20شِما دُونیت کِه چطور دِ هَر چیئی کِه وِ نفعِ شِما بی، دریغ نَکِردِمَه، بلکِم پِیغُومِ نِه سی شِما اِعلُوم کِردِمَه، چِه دِ جمع وُ چِه دِ حُونَهیا، تعلیمتُو دَمَه. 21هَم وِ یهودیُو وَ هَم وِ یونانییا هَر دِک، شاهادَتی دَمَه کِه بایِس وا توبَه وِرگَردَن والا خدا وَ ایمُو بیارَن وِ خداوندِ اِیما عیسی مسیح.
22«وَ ایسِه، وا اِلزامِ روحالقدس مِیرِم والا اورشلیم وَ نُئُونِم دوچِه چی وِ سَرِم میا، 23غیرِ یَکِه دِ هَر شهر روحالقدس هُشتار مِیئَه کِه حبس وُ سختی، ها دِ نِهام. 24اما جُونِمِه هیچ وِ حِسُو نِمیارِم وَ حتی سی خُوم بیارزش اَ، تَنیا اَر بَتُونِم دورِ خُومِه بیارِم وِ سَر وَ خدمتی نِه کِه دِ خداوند عیسی گِرِتِمَه، وِ تمُومِکمال اَنجُوم بِئِم، او خدمتی کِه هِه او شاهادَتی انجیلِ فیضِ خدا اَ.
25«ایسِه دَ دُونِم هیچکُوم دِتُو کِه مِه دِ مینِتُو بیمَه وُ خَوَرِ خُوشِ پاتشائی خدا نِه وِتُو اِعلُوم کِردِمَه، دَ ری مِه نِه نِمِئینیت. 26پس اِیمرو وِ شِما شاهادَتی مِیئِم کِه مِه دِ خینِ همَه بَریئِم، 27سی یَکِه مِه بیکَمِکَسری تمُومی کلُومِ خدا نِه وِتُو اِعلُوم کِردِمَه. 28حواستُو خو وِ خُوتُو وَ وِ گِردِ گَلِهای با کِه روحالقدس شِما نِه وِ وَه، ناظریا کِردَه، تا کلیسا خداوندِ نِه کِه وَه نِه وا خینِ خُوش خَریَه، چوپُونی بَکیت. 29مِه دُونِم دِما رَتِهنِم، گُرگیا دِرَندِهای میآیَن وِ مینِتُو کِه وِ گَلَه رَحم نِمیکَن. 30حتی دِ مینِ خُوتُو کَسُونی وِرمِیسَن وَ حقیقتِ نِه چُوارشَه میکَن تا شاگردیا نِه وِ مریدی دِ خُوشُو دِ رَه وِ دَر بَکَن. 31پس وِ هوش بایت وَ وِ ویرِتُو بیاریت کِه مِه سِه سالِ تمُوم، شُو وُ روز، گِری دِ هُشتار دِئِه وا اَسِریام وِ هَر کُوم دِتُو، دَس نَکَشیمَه.
32«ایسِه شِما نِه وِ خدا وَ وِ کلُومِ فیضِ او میسپارِم کِه تُونَه شِما نِه بِنا بَکَه وَ دِ مینِ گِردِ وِنُو کِه تقدیس بینَه، میرات بِئَه. 33چَشداشتی وِ پیل وُ طِلا وَ یا جُومَه کَسی نائاشتِمَه. 34خُوتُو دُونیت کِه وا ایی دَسِ خُوم، هُوجَهیا خُوم وَ هُمرَهیامِه جِفتِجور کِردِمَه. 35دِ هَر لا وِتُو نِشُو دَمَه کِه اِیما بایِس چِنی سخت کار بَکیم تا بَتُونیم دَسِ ژاریا نِه بِئیریم، وَ قِصَهیا خودِ خداوند عیسی نِه وِ یای داشتوئیم کِه فَرمایِشت کِرد: ”دِئِه دِ گِرِتِه مارِکتِر اَ“»
36هِه کِه پولُس ایی چیا نِه گُت، واردِشُو زُونی زَه وَ دعا کِرد. 37گِردِشُو خیلی گِریوِسِن وَ دَس وَنِن دِ مِلِش وُ ماچِش کِردِن. 38او چیئی کِه بیشتِر دِ همَه ناراحتِشُو میکِرد، ایی حَرفِش بی کِه گُت: «دَ ری مِه نِه نِمِئینیت.» اوسِه تا کَشتی او نِه بدرقَه کِردِن.
Currently Selected:
کاریا رسولیا 20: NLB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
کاریا رسولیا 20
20
پولُس دِ مقدونیَه وَ یونان
1هِه کِه بِلبِشُو حُفتی، پولُس شاگردیا نِه حاس وَ دِما دِلگُوَه دِئِهنِشُو، واشُو خدافظی کِرد وُ عازِمِ مقدونیَه بی. 2وَ دِ سَرِ رَهش دِ او منطقَهیا رَد مِئی، ایمُوداریا نِه وا حرفیاش دِلگُوَه مِیدَه، تا رَسِس وِ یونان. 3سِه ماه دوچِه مَن. هِه یَکِه قَصت داشت وا کَشتی رُوئَه وِ سوریَه، یهودیُو وِ تیشکِش نَشخَه کَشیئِن. پس قَصت کِرد دِ رَه مقدونیَه وِرگَردَه. 4هُمرَهیاش یِنُو بییِن، سوپاتِر کُرِ پیرروس دِ مردِمُونِ بیریَه، آریستارخوس وَ سِکُوندوس دِ مردِمُونِ تِسالُونیک، گایوس وَ تیموتائوس دِ مردِمُونِ دِربَه، تیخیکوس وَ تروفیموس دِ مردِمُونِ منطقَه آسیا. 5وِنُو وِرَز اِیما رَتِن وَ دِ تروآس چَش وِ رَهمُو مَنِن. 6اما اِیما دِما عیدِ فَطیر، وا کَشتی دِ فیلیپی رائی بیئیم وُ دِما پنج رو، دِ تروآس رَسِسیم وِشُو وُ هفت رو مَنیم دوچِه.
زِنَه بییِهنِ اِفتیخوس
7دِ اولِ روزِ هفتَه، سی شُومِ مقدس جمع بیئیم. پولُس وا مردِم قِصَه میکِرد، وَ سی یَکه میحاس وا صُوش دِ اوچِه رُوئَه، قِصَهیاشِه کَش دَه تا نِصمِه شُو. 8دِ بالاحُونِهای کِه جمع بیئیمُونی، پی سوزیا زیادی روشِه بی. 9هِه چِنُو کِه پولُس هَنی داشت قِصَه میکِرد، جِوُونی وِ نُومِ اِفتیخوس کِه نِشِسی دِ لُوءِ پنجرَه، کَم کَم رَت وِ خُوِ سنگینی وُ یِه گِلی دِ طبقَه سِئِم وا رِمِهگُردالَه اُفتا وِ هار وَ او نِه مُردَه وِرداشتِن. 10پولُس رَت وِ هار، نِم بی وِ ری پیا جِوُونِکَه وَ او نِه گِرِت دِ بَغَل وُ گُت: «زَلَهتُو نَرُوئَه، هَنی جُو دارَه!» 11اوسِه رَت وِ بالا وَ نُو نِه کُت کِرد وُ حَرد. او تا شَفَق واشُو قِصَه کِرد، وَ بعد دِ اوچِه رَت. 12مردِم او جِوُو نِه زِنَه بُردِن وِ حُونَه وَ دِلگُوَه خوئی گِرِتِن.
13اما اِیما وِرَز او سُوارِ کَشتی بیئیم، عازِمِ آسوس بیئیم تا دوچِه طبقِ قِرارِ پولُس، او نِه بیاریم وِ کَشتی، سی یَکِه حاسی تا دوچِه دِ رَه حُشکی رُوئَه. 14پس هِه کِه پولُسِ نِه دِ آسوس دیئیم، او نِه اُوِردیم وِ مینِ کَشتی وَ رَتیم وِ میتیلینی. 15دِ اوچِه وا کَشتی رائی بیئیم وَ وا صُوش رَسِسیم وِ جِلو جزیرَه خیوس. وا صُوش رَتیم وِ ساموس وَ دُوصُوش رَسِسیم وِ میلیتوس. 16پولُس میحاس دِ رَه دریا دِ لا اَفِسُس رَد با تا وَختِشِه دِ منطقَه آسیا تِلَف نَکَه، سی یَکِه عجلَه داشت کِه اَر بوئَه سی عیدِ پنطیکاست دِ اورشلیم با.
17او دِ شهرِ میلیتوس پِیغُومی کِل کِرد وِ اَفِسُس وَ مشایخِ کلیسا نِه حاس وِ تِه خُوش. 18هِه کِه وِنُو اُومان، وِشُو گُت: «شِما دُونیت کِه دِ هِه او روزِ اول کِه پامِه نِئام دِ منطقَه آسیا، چطور گِردِ وَختِمِه واتُو سَرکِردِم. 19چطور وا کُچِکی وُ اَسِررِختِه، خداوندِ نِه خدمت کِردِمَه، چطور سختییائی کِه دِ لا نَشخَهیا یهودیُو وِ سَرِم رَتَه، تحمل کِردِمَه. 20شِما دُونیت کِه چطور دِ هَر چیئی کِه وِ نفعِ شِما بی، دریغ نَکِردِمَه، بلکِم پِیغُومِ نِه سی شِما اِعلُوم کِردِمَه، چِه دِ جمع وُ چِه دِ حُونَهیا، تعلیمتُو دَمَه. 21هَم وِ یهودیُو وَ هَم وِ یونانییا هَر دِک، شاهادَتی دَمَه کِه بایِس وا توبَه وِرگَردَن والا خدا وَ ایمُو بیارَن وِ خداوندِ اِیما عیسی مسیح.
22«وَ ایسِه، وا اِلزامِ روحالقدس مِیرِم والا اورشلیم وَ نُئُونِم دوچِه چی وِ سَرِم میا، 23غیرِ یَکِه دِ هَر شهر روحالقدس هُشتار مِیئَه کِه حبس وُ سختی، ها دِ نِهام. 24اما جُونِمِه هیچ وِ حِسُو نِمیارِم وَ حتی سی خُوم بیارزش اَ، تَنیا اَر بَتُونِم دورِ خُومِه بیارِم وِ سَر وَ خدمتی نِه کِه دِ خداوند عیسی گِرِتِمَه، وِ تمُومِکمال اَنجُوم بِئِم، او خدمتی کِه هِه او شاهادَتی انجیلِ فیضِ خدا اَ.
25«ایسِه دَ دُونِم هیچکُوم دِتُو کِه مِه دِ مینِتُو بیمَه وُ خَوَرِ خُوشِ پاتشائی خدا نِه وِتُو اِعلُوم کِردِمَه، دَ ری مِه نِه نِمِئینیت. 26پس اِیمرو وِ شِما شاهادَتی مِیئِم کِه مِه دِ خینِ همَه بَریئِم، 27سی یَکِه مِه بیکَمِکَسری تمُومی کلُومِ خدا نِه وِتُو اِعلُوم کِردِمَه. 28حواستُو خو وِ خُوتُو وَ وِ گِردِ گَلِهای با کِه روحالقدس شِما نِه وِ وَه، ناظریا کِردَه، تا کلیسا خداوندِ نِه کِه وَه نِه وا خینِ خُوش خَریَه، چوپُونی بَکیت. 29مِه دُونِم دِما رَتِهنِم، گُرگیا دِرَندِهای میآیَن وِ مینِتُو کِه وِ گَلَه رَحم نِمیکَن. 30حتی دِ مینِ خُوتُو کَسُونی وِرمِیسَن وَ حقیقتِ نِه چُوارشَه میکَن تا شاگردیا نِه وِ مریدی دِ خُوشُو دِ رَه وِ دَر بَکَن. 31پس وِ هوش بایت وَ وِ ویرِتُو بیاریت کِه مِه سِه سالِ تمُوم، شُو وُ روز، گِری دِ هُشتار دِئِه وا اَسِریام وِ هَر کُوم دِتُو، دَس نَکَشیمَه.
32«ایسِه شِما نِه وِ خدا وَ وِ کلُومِ فیضِ او میسپارِم کِه تُونَه شِما نِه بِنا بَکَه وَ دِ مینِ گِردِ وِنُو کِه تقدیس بینَه، میرات بِئَه. 33چَشداشتی وِ پیل وُ طِلا وَ یا جُومَه کَسی نائاشتِمَه. 34خُوتُو دُونیت کِه وا ایی دَسِ خُوم، هُوجَهیا خُوم وَ هُمرَهیامِه جِفتِجور کِردِمَه. 35دِ هَر لا وِتُو نِشُو دَمَه کِه اِیما بایِس چِنی سخت کار بَکیم تا بَتُونیم دَسِ ژاریا نِه بِئیریم، وَ قِصَهیا خودِ خداوند عیسی نِه وِ یای داشتوئیم کِه فَرمایِشت کِرد: ”دِئِه دِ گِرِتِه مارِکتِر اَ“»
36هِه کِه پولُس ایی چیا نِه گُت، واردِشُو زُونی زَه وَ دعا کِرد. 37گِردِشُو خیلی گِریوِسِن وَ دَس وَنِن دِ مِلِش وُ ماچِش کِردِن. 38او چیئی کِه بیشتِر دِ همَه ناراحتِشُو میکِرد، ایی حَرفِش بی کِه گُت: «دَ ری مِه نِه نِمِئینیت.» اوسِه تا کَشتی او نِه بدرقَه کِردِن.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company