کاریا رسول‌یا 1
1
وَعدَه روح‌القدس
1تِئُوفیلُوس، مِه کلُومِ اولِ خُومِه، دِبارَه گِردِ کاریائی نیسَنِم کِه عیسی دِ اول اَنجُوم دَه وَ نِئا وِ یای‌دِئِه‌نِشُو، 2تا او روزی کِه وِ واسطَه روح‌القدس، هُدیائی وِ رسول‌یا بَرگُزیَه خُوش دَه وَ دِما وَه وِ آسمُو بُردِس بالا. 3عیسی دِما عَذُو کَشیئِه‌نِش، خُوشِه وِ رسول‌یا دیاری کِرد وَ وا دَلیل‌یا زیادی وِشُو ثابت کِرد کِه زِنَه بی‌یَه. اوسِه تا چِل رو وِشُو دیاری مِئی وَ دِبارَه پاتشائی خدا واشُو قِصَه می‌کِرد. 4عیسی هِه کِه واردِشُو بی وِشُو هُد کِرد: «دِ اورشلیم هیچ نَکَن وِ دَر، بَلکِم دِ تَما او وَعدَه‌کَه بُوَه بان، وَ وِشُو گُت: ”شِما دِ مِه اِشنَفتیت، 5سی یَکِه یحیی وا اُو تعمید مِی‌دَه، اما چَن رو دِش نِمِی‌رَه کِه شِما وا روح‌القدس تعمید مِئی‌ریت.“»
6اوسِه هِه کِه جمع بیئینی دُورِ یَک، دِش پُرسیئِن: «اِ خداوند، یعنی هِه دِ ایی زِمُون اَ کِه دِ سَر پاتشائی نِه وِ اسرائیل برقِرار می‌کی؟»
7عیسی وِشُو جُئُو دَه: «لازم نی کِه شِما وَخت وُ زِمُونیائی نِه کِه بُوَه آسمُونی دِ اختیارِ خُوش نِئَه داشتَه دُونِسوئیت، 8اما هِه کِه روح‌القدس وِ ری شِما قِرار بِئیرَه، شِما قدرت مِئی‌ریت وَ دِ اورشلیم وَ گِردِ یهودیَه وَ سامِرَه وَ تا سیک وِ سیکِ دنیا وِ مِه شاهادَتی مِئیت».
9دِما یَکِه عیسی ایی قِصَه‌یا نِه کِرد، هِه چِنُو کِه داشت سِیلِشُو می‌کِرد، بُردِس وِ بالا وَ اُوری او نِه دِ وَرِ چَشِشُو گِرِت دِ مینِ خُوش. 10وَ هِه کِه داشت مِی‌رَت وِ بالا وَ هَنی رسول‌یا هِه چِنُو گِز بُریئینی وِ آسمُو، یِگِلی دو پیا سِتِرَه اِسبی دِ وَر، اِیسان دِ لِفِشُو 11وَ گُتِن: «اِ پیایا جَلیلی، سی چی چِنی اِیسایتَه وَ گِز بُریئیتَه وِ آسمُو؟ هِه ایی عیسی‌ای کِه دِ مینِتُو بُردِس وِ آسمُو، هِه چِنُو کِه دیئیتُو رَت وِ آسمُو، دُوارَه میا وا دِما».
انتخابِ مَتیاس دِ جالِ یهودا
12اوسِه شاگردیا دِ کُوئی کِه معروف بی وِ زِیتُو، وِرگَشتِن والا اورشلیم. رَه او کُوء تا اورشلیم بیشتِر دِ یِه روزِ شَبات نِوی یعنی وِ او قَدی کِه اجازَه داشتِن دِ او روز دِ حُونَه دیر بان. 13هِه کِه رَسِسِن، رَتِن وِ بالاحُونِه‌ای کِه دوچِه مالگَه داشتِن. وِنُو پِطرُس وَ یوحنا، یعقوب وَ آندِریاس، فیلیپُس وَ توما، بَرتولما وَ مَتی، یعقوب کُرِ حَلفای وَ شَمعونِ غَیور وُ یهودا کُرِ یعقوب بییِن. 14گِردِ وِنُو واردِ زَنُو وَ هِه چِنی مریم داآ عیسی وَ بِرارُونِش، یِه دِل گِردِ وَختِشُو نِه وَخمِ دعا می‌کِردِن.
15یَکی دِ او روزیا، پِطرُس اِیسا دِ مینِ بِرارُو کِه گِردِشُو ری یَک نِزیکِ صَد وُ بیس نفر بییِن، 16اوسِه گُت: «بِرارُو، او نیسَنَه کِتُویا مقدس، بایِس وِ حقیقت می‌رَسِس، کِه دِ زیتِر روح‌القدس دِ زِوُونِ داوود پاتشا دِبارَه یهودا، هِه وَه کِه رَه بِلَدِ وِنُو بی کِه عیسی نِه گرفتار کِردِن، پیشگوئی کِردی. 17سی یَکِه او یَکی دِ اِیما بی وَ بَری دِ ایی خدمت داشت.»
18یهودا وا مِزگُونی شِرارَتِ خُوش گُلَه زِمینی خَری وَ دِ وَه وا ری کُفتِس وِ زِمی، وَ دِ مینجا توقِس وُ میندِلِش گِرد رِختِس وِ دَر. 19گِردِ مردِمِ اورشلیم دِ ایی جریان واخَوَر بییِن وَ وا زِوُونِ خُوشُو نُومِ اوچِه نِه نِئان "حَقِل دَما"، یعنی زِمینِ خی.
20سی یَکه «دِ کِتُوِ زَبور نیسَنَه بی‌یَه:
«”حُونَه‌ش دِرِمَه
وَ کَس دوچِه لیز نِئیرَه،“
وَ هَم اُومایَه:
«”بِئیل جاشِه یَکی هَنی بِئیرَه“»
21زوتا بایِس یَکی دِ او پیایائی کِه هِه دِ تمُومِ مدت کِه عیسی خداوند واردِمُو آمدوُشد داشت، 22یعنی دِ روزی کِه یحیی، عیسی نِه تعمید دَه تا روزی کِه عیسی دِ تِه‌مُو بُردِس وِ بالا، دِ مینِ اِیما بی‌یَه، بایِس وِ عنوانِ شاهدِ زِنَه‌بی‌یِه‌نِ عیسی، بیا وِ جُرگَه‌مُو.»
23پس نُومِ دو پیا نِه پیش کَشیئِن: یوسفِ نِه کِه وِش می‌گُتِن بَرسابا وَ او نِه وِ نُومِ یوستوس هَم مِی‌شناختِنِش، وَ مَتیاسِ نِه. 24اوسِه چِنی دعا کِردِن: «تو اِ خداوند، تو کِه دِ دِلِ همَه واخَوَری. سیمُو دیاری کُو، کُوم دِ ایی دو نفرِ نِه انتخاب کِردیَه 25تا ایی خدمتِ رسالتِ نِه بِئیرَه وِ عُهدَه، خدمتی کِه یهودا دِش ری وِرگَردَن وَ رَت وِ جاکَه خُوش.» 26اوسِه پِشک وَنِن وَ پِشک اُفتا وِ نُومِ مَتیاس. هِه وِ چِنی او رَت وِ جُرگَه یازَه رسول.
Currently Selected:
کاریا رسول‌یا 1: NLB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
کاریا رسول‌یا 1
1
وَعدَه روح‌القدس
1تِئُوفیلُوس، مِه کلُومِ اولِ خُومِه، دِبارَه گِردِ کاریائی نیسَنِم کِه عیسی دِ اول اَنجُوم دَه وَ نِئا وِ یای‌دِئِه‌نِشُو، 2تا او روزی کِه وِ واسطَه روح‌القدس، هُدیائی وِ رسول‌یا بَرگُزیَه خُوش دَه وَ دِما وَه وِ آسمُو بُردِس بالا. 3عیسی دِما عَذُو کَشیئِه‌نِش، خُوشِه وِ رسول‌یا دیاری کِرد وَ وا دَلیل‌یا زیادی وِشُو ثابت کِرد کِه زِنَه بی‌یَه. اوسِه تا چِل رو وِشُو دیاری مِئی وَ دِبارَه پاتشائی خدا واشُو قِصَه می‌کِرد. 4عیسی هِه کِه واردِشُو بی وِشُو هُد کِرد: «دِ اورشلیم هیچ نَکَن وِ دَر، بَلکِم دِ تَما او وَعدَه‌کَه بُوَه بان، وَ وِشُو گُت: ”شِما دِ مِه اِشنَفتیت، 5سی یَکِه یحیی وا اُو تعمید مِی‌دَه، اما چَن رو دِش نِمِی‌رَه کِه شِما وا روح‌القدس تعمید مِئی‌ریت.“»
6اوسِه هِه کِه جمع بیئینی دُورِ یَک، دِش پُرسیئِن: «اِ خداوند، یعنی هِه دِ ایی زِمُون اَ کِه دِ سَر پاتشائی نِه وِ اسرائیل برقِرار می‌کی؟»
7عیسی وِشُو جُئُو دَه: «لازم نی کِه شِما وَخت وُ زِمُونیائی نِه کِه بُوَه آسمُونی دِ اختیارِ خُوش نِئَه داشتَه دُونِسوئیت، 8اما هِه کِه روح‌القدس وِ ری شِما قِرار بِئیرَه، شِما قدرت مِئی‌ریت وَ دِ اورشلیم وَ گِردِ یهودیَه وَ سامِرَه وَ تا سیک وِ سیکِ دنیا وِ مِه شاهادَتی مِئیت».
9دِما یَکِه عیسی ایی قِصَه‌یا نِه کِرد، هِه چِنُو کِه داشت سِیلِشُو می‌کِرد، بُردِس وِ بالا وَ اُوری او نِه دِ وَرِ چَشِشُو گِرِت دِ مینِ خُوش. 10وَ هِه کِه داشت مِی‌رَت وِ بالا وَ هَنی رسول‌یا هِه چِنُو گِز بُریئینی وِ آسمُو، یِگِلی دو پیا سِتِرَه اِسبی دِ وَر، اِیسان دِ لِفِشُو 11وَ گُتِن: «اِ پیایا جَلیلی، سی چی چِنی اِیسایتَه وَ گِز بُریئیتَه وِ آسمُو؟ هِه ایی عیسی‌ای کِه دِ مینِتُو بُردِس وِ آسمُو، هِه چِنُو کِه دیئیتُو رَت وِ آسمُو، دُوارَه میا وا دِما».
انتخابِ مَتیاس دِ جالِ یهودا
12اوسِه شاگردیا دِ کُوئی کِه معروف بی وِ زِیتُو، وِرگَشتِن والا اورشلیم. رَه او کُوء تا اورشلیم بیشتِر دِ یِه روزِ شَبات نِوی یعنی وِ او قَدی کِه اجازَه داشتِن دِ او روز دِ حُونَه دیر بان. 13هِه کِه رَسِسِن، رَتِن وِ بالاحُونِه‌ای کِه دوچِه مالگَه داشتِن. وِنُو پِطرُس وَ یوحنا، یعقوب وَ آندِریاس، فیلیپُس وَ توما، بَرتولما وَ مَتی، یعقوب کُرِ حَلفای وَ شَمعونِ غَیور وُ یهودا کُرِ یعقوب بییِن. 14گِردِ وِنُو واردِ زَنُو وَ هِه چِنی مریم داآ عیسی وَ بِرارُونِش، یِه دِل گِردِ وَختِشُو نِه وَخمِ دعا می‌کِردِن.
15یَکی دِ او روزیا، پِطرُس اِیسا دِ مینِ بِرارُو کِه گِردِشُو ری یَک نِزیکِ صَد وُ بیس نفر بییِن، 16اوسِه گُت: «بِرارُو، او نیسَنَه کِتُویا مقدس، بایِس وِ حقیقت می‌رَسِس، کِه دِ زیتِر روح‌القدس دِ زِوُونِ داوود پاتشا دِبارَه یهودا، هِه وَه کِه رَه بِلَدِ وِنُو بی کِه عیسی نِه گرفتار کِردِن، پیشگوئی کِردی. 17سی یَکِه او یَکی دِ اِیما بی وَ بَری دِ ایی خدمت داشت.»
18یهودا وا مِزگُونی شِرارَتِ خُوش گُلَه زِمینی خَری وَ دِ وَه وا ری کُفتِس وِ زِمی، وَ دِ مینجا توقِس وُ میندِلِش گِرد رِختِس وِ دَر. 19گِردِ مردِمِ اورشلیم دِ ایی جریان واخَوَر بییِن وَ وا زِوُونِ خُوشُو نُومِ اوچِه نِه نِئان "حَقِل دَما"، یعنی زِمینِ خی.
20سی یَکه «دِ کِتُوِ زَبور نیسَنَه بی‌یَه:
«”حُونَه‌ش دِرِمَه
وَ کَس دوچِه لیز نِئیرَه،“
وَ هَم اُومایَه:
«”بِئیل جاشِه یَکی هَنی بِئیرَه“»
21زوتا بایِس یَکی دِ او پیایائی کِه هِه دِ تمُومِ مدت کِه عیسی خداوند واردِمُو آمدوُشد داشت، 22یعنی دِ روزی کِه یحیی، عیسی نِه تعمید دَه تا روزی کِه عیسی دِ تِه‌مُو بُردِس وِ بالا، دِ مینِ اِیما بی‌یَه، بایِس وِ عنوانِ شاهدِ زِنَه‌بی‌یِه‌نِ عیسی، بیا وِ جُرگَه‌مُو.»
23پس نُومِ دو پیا نِه پیش کَشیئِن: یوسفِ نِه کِه وِش می‌گُتِن بَرسابا وَ او نِه وِ نُومِ یوستوس هَم مِی‌شناختِنِش، وَ مَتیاسِ نِه. 24اوسِه چِنی دعا کِردِن: «تو اِ خداوند، تو کِه دِ دِلِ همَه واخَوَری. سیمُو دیاری کُو، کُوم دِ ایی دو نفرِ نِه انتخاب کِردیَه 25تا ایی خدمتِ رسالتِ نِه بِئیرَه وِ عُهدَه، خدمتی کِه یهودا دِش ری وِرگَردَن وَ رَت وِ جاکَه خُوش.» 26اوسِه پِشک وَنِن وَ پِشک اُفتا وِ نُومِ مَتیاس. هِه وِ چِنی او رَت وِ جُرگَه یازَه رسول.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company