متّای انجیل 16
16
معجزه خواستَن
1بازین فریسی فرقه عالمون و صَدّوقی فرقه عالمون عیسی ورجه بومئن تا اونه امتحؤن بکونَن. هینهوسه اونای بخواسّن تا یکته آسمونی نیشونه اوشونه نیشون بدای. 2عیسی جواب بده: «غروب دَمی، گونین که ”هوا خوبَه بنه، چون آسمون سرخِ.“ 3و صُوبه دمون گونین که ”امروز هوا خرابه، چونکه آسمؤن سرخ و بِیتهایسّه.“ شمه خوب دؤنین چطو آسمونِ ظاهیرِ تعبیر بکونین. امّا تعبیر زمؤنِ نیشؤنهأنَ جی ناتوؤن ایسّین! 4نسلِ شرور و زناکار نیشؤنه خوائنه، امّا نیشؤنهیی اوشونه هَدأ نبئنِه جز یونس پیغمبر نیشونه.» پس اوشونه ورجای راه دکته و خوشِ راه بوشو.
فریسی ان و صدوقی انِ خمیر مایه
5وختی اوطرف دریا بوشُوئن، شاگردؤن خاطیرَشوُ که خوشؤنِ اَمره نون ویگیرَن. 6عیسی اوشونه بوته: «واخُوب ببین و فریسی أن و صَدّوقی أنِ خمیر مایَه جی دوری بکونین.» 7پس اوشؤن خوشؤنِ میئن بگو و مگو بودن و گوتَن: «امه اَمره نؤن نأردیم.» 8عیسی بفَهمسه و اوشونه بوته: «ای سست ایمؤنؤن، چرِء اینه واسه که نون ندئنین، همدیگرِ أمره بگو مگو کأدرین؟ 9هلِه نفَهمسین؟ به خاطیر نأبِئنین او پنج ته نون و پنج هزار نفر و اینکه چندته پیله سبد خورده نونؤنَ جی جومَه گودین؟ 10یا او هفت ته نون و چهار هزار نفر و اینکه چندته زیبیل، خورده نونؤنَ جی جومَه گودین؟ 11پس چرِء شمره حالی نبنه که شیمه أمره نون باره گب زِئدَنّم؟ فریسی أن و صَدّوقی أن خمیرمایه جی دوری بکونین.» 12هوموقع شاگردؤن بفَهمسَن که اوشونِ فریسی أن و صَدّوقی أن تعلیم دئنِ باره هشدار دئدره، نه نونِ خمير مايه وَسه.
پطرس اعتراف کوئنه که عیسی، مسیح موعود ایسّه
13وختی عیسی فیلیپیِ قیصریه سامؤنِ برسه، خوشِ شاگردؤنای بپورسه: «مردوم گونن انسونِ ریکه کیایسه؟» 14اوشؤن جواب بدئَن «بعضی ان گونَن تعمید دهنده یحیی ایسه. بعضی دیگه ام گونَن ایلیا ایسه، و تعدادی أم گونَن اِرِمیا یا یکته از پیغمبرونِ.» 15عیسی بپورسه: «ولی شمه چی گونین؟ شیمه نظر مو کی ایسم؟» 16شمعون پطرس جواب بدا: «تو مسیح موعودی، خدای زنده ریکای!» 17عیسی بوته: «خوش‌بحال تو، ای شمعون، یونا ریکه! چونکه ایی حقیقت آدمَ جی تِه به آشکار نؤبو، بلکه می پئرای که آسمونِ میئن ایسأ. 18منم گونم که پطرس توی، یعنی سنگ. و ایی سنگ سر، می کلیسا چاکؤنم و جهندمِ قدرت هرگی منئه اونه حریف ببی. 19آسمونِ پادشاهی کلیدؤنِ تَه هَدِئنَم. اوچیزی که زمینِ سر دَودی، آسمونِ میئن دوَسّه بنه و اوچیزیکه زمینِ سر بازَ کوئنی، آسمونِ میئن وأگوده بنه.» 20بازین عیسی خو شاگردؤنِ قدغن بوده که هیشکسِ نوگوئن که او مسیحِ.
عیسی خوشِ مرگ و دوباره زنده بوئنِ پیشگویی کوئنه
21از او ببعد عیسی بنا بوده ایی حقیقتِ روشنَ گودن خو شاگردونِ به که بایسی اورشلیم بشی و اوره، شیخون و سرون کاهینون و تورات معلمون جی آزار بَینی. و بکوشته ببی و سومی روز ویریسی. 22اما پطرس، عیسی یکته گوشه ببرده و تندی أمره بوته: «تی جیَ دورَ بی آقا! نبی که ایجور چیزؤن هرگی ته به اتفاق دکای.» 23عیسی وگرسه و پطرسِ بوته: «می جَی دورَ بو ای شیطون! تو می راه جلوئه گیتدری، چونکه تی فیکرون آدم شی ایسّه نه خدا شی.» 24بازین عیسی وگرسه و خو شاگردؤن بوته: «اگه کسی بخوای می دومبال بای، باید خوشِه حشا بِکونی، خوشِ صلیبه ویگیری و می دومبالسر بائ. 25چونکه هر کی بخوای خوشِ جونِ نجات بدای، اونه از دست دِئنه؛ امّا هر کی مي وَسه خوشِ جونِ از دست بدای، اونه هَندِه هگینه. 26آدمِ به چی فایده دَئنه که تموم دنیا بداری، امّا خوشِ جونه دبازی؟ آدمی اونه واسه که هنده خوشِ جونِ پسا گیره، چی تینه هدای؟ 27«چون انسونه ریکه خوشِ پئره جلالِ میئن، فرشتهأنِ اَمره هنه و هر کسِ اونه اعمالِ به عوض هدِئنه. 28راست راستِ شمره گونم، بعضیأن إرِه أیسَئن که تا انسانِ ریکه نئینَن که، خوشِ پادشاهی میئن هنه، مرگه مزَّه نَچیشَنَن.»
Currently Selected:
متّای انجیل 16: EGB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
متّای انجیل 16
16
معجزه خواستَن
1بازین فریسی فرقه عالمون و صَدّوقی فرقه عالمون عیسی ورجه بومئن تا اونه امتحؤن بکونَن. هینهوسه اونای بخواسّن تا یکته آسمونی نیشونه اوشونه نیشون بدای. 2عیسی جواب بده: «غروب دَمی، گونین که ”هوا خوبَه بنه، چون آسمون سرخِ.“ 3و صُوبه دمون گونین که ”امروز هوا خرابه، چونکه آسمؤن سرخ و بِیتهایسّه.“ شمه خوب دؤنین چطو آسمونِ ظاهیرِ تعبیر بکونین. امّا تعبیر زمؤنِ نیشؤنهأنَ جی ناتوؤن ایسّین! 4نسلِ شرور و زناکار نیشؤنه خوائنه، امّا نیشؤنهیی اوشونه هَدأ نبئنِه جز یونس پیغمبر نیشونه.» پس اوشونه ورجای راه دکته و خوشِ راه بوشو.
فریسی ان و صدوقی انِ خمیر مایه
5وختی اوطرف دریا بوشُوئن، شاگردؤن خاطیرَشوُ که خوشؤنِ اَمره نون ویگیرَن. 6عیسی اوشونه بوته: «واخُوب ببین و فریسی أن و صَدّوقی أنِ خمیر مایَه جی دوری بکونین.» 7پس اوشؤن خوشؤنِ میئن بگو و مگو بودن و گوتَن: «امه اَمره نؤن نأردیم.» 8عیسی بفَهمسه و اوشونه بوته: «ای سست ایمؤنؤن، چرِء اینه واسه که نون ندئنین، همدیگرِ أمره بگو مگو کأدرین؟ 9هلِه نفَهمسین؟ به خاطیر نأبِئنین او پنج ته نون و پنج هزار نفر و اینکه چندته پیله سبد خورده نونؤنَ جی جومَه گودین؟ 10یا او هفت ته نون و چهار هزار نفر و اینکه چندته زیبیل، خورده نونؤنَ جی جومَه گودین؟ 11پس چرِء شمره حالی نبنه که شیمه أمره نون باره گب زِئدَنّم؟ فریسی أن و صَدّوقی أن خمیرمایه جی دوری بکونین.» 12هوموقع شاگردؤن بفَهمسَن که اوشونِ فریسی أن و صَدّوقی أن تعلیم دئنِ باره هشدار دئدره، نه نونِ خمير مايه وَسه.
پطرس اعتراف کوئنه که عیسی، مسیح موعود ایسّه
13وختی عیسی فیلیپیِ قیصریه سامؤنِ برسه، خوشِ شاگردؤنای بپورسه: «مردوم گونن انسونِ ریکه کیایسه؟» 14اوشؤن جواب بدئَن «بعضی ان گونَن تعمید دهنده یحیی ایسه. بعضی دیگه ام گونَن ایلیا ایسه، و تعدادی أم گونَن اِرِمیا یا یکته از پیغمبرونِ.» 15عیسی بپورسه: «ولی شمه چی گونین؟ شیمه نظر مو کی ایسم؟» 16شمعون پطرس جواب بدا: «تو مسیح موعودی، خدای زنده ریکای!» 17عیسی بوته: «خوش‌بحال تو، ای شمعون، یونا ریکه! چونکه ایی حقیقت آدمَ جی تِه به آشکار نؤبو، بلکه می پئرای که آسمونِ میئن ایسأ. 18منم گونم که پطرس توی، یعنی سنگ. و ایی سنگ سر، می کلیسا چاکؤنم و جهندمِ قدرت هرگی منئه اونه حریف ببی. 19آسمونِ پادشاهی کلیدؤنِ تَه هَدِئنَم. اوچیزی که زمینِ سر دَودی، آسمونِ میئن دوَسّه بنه و اوچیزیکه زمینِ سر بازَ کوئنی، آسمونِ میئن وأگوده بنه.» 20بازین عیسی خو شاگردؤنِ قدغن بوده که هیشکسِ نوگوئن که او مسیحِ.
عیسی خوشِ مرگ و دوباره زنده بوئنِ پیشگویی کوئنه
21از او ببعد عیسی بنا بوده ایی حقیقتِ روشنَ گودن خو شاگردونِ به که بایسی اورشلیم بشی و اوره، شیخون و سرون کاهینون و تورات معلمون جی آزار بَینی. و بکوشته ببی و سومی روز ویریسی. 22اما پطرس، عیسی یکته گوشه ببرده و تندی أمره بوته: «تی جیَ دورَ بی آقا! نبی که ایجور چیزؤن هرگی ته به اتفاق دکای.» 23عیسی وگرسه و پطرسِ بوته: «می جَی دورَ بو ای شیطون! تو می راه جلوئه گیتدری، چونکه تی فیکرون آدم شی ایسّه نه خدا شی.» 24بازین عیسی وگرسه و خو شاگردؤن بوته: «اگه کسی بخوای می دومبال بای، باید خوشِه حشا بِکونی، خوشِ صلیبه ویگیری و می دومبالسر بائ. 25چونکه هر کی بخوای خوشِ جونِ نجات بدای، اونه از دست دِئنه؛ امّا هر کی مي وَسه خوشِ جونِ از دست بدای، اونه هَندِه هگینه. 26آدمِ به چی فایده دَئنه که تموم دنیا بداری، امّا خوشِ جونه دبازی؟ آدمی اونه واسه که هنده خوشِ جونِ پسا گیره، چی تینه هدای؟ 27«چون انسونه ریکه خوشِ پئره جلالِ میئن، فرشتهأنِ اَمره هنه و هر کسِ اونه اعمالِ به عوض هدِئنه. 28راست راستِ شمره گونم، بعضیأن إرِه أیسَئن که تا انسانِ ریکه نئینَن که، خوشِ پادشاهی میئن هنه، مرگه مزَّه نَچیشَنَن.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company