۲پادشاهلار 22
22
یهودا پادشاهی یوشئیا
(۲سال. ۳۴:۱-۲)
1یوشئیا، پادشاه اولدوغو واخت، سکّئز یاشیندا ائدی و اورشلئمده اوتوز بئر ائل پادشاهلیق اتدی. آناسینین آدی یِدئدا ائدی، بوصقَطلی عَدایانین قیزی ائدی. 2یوشئیا، ربّئن گؤزونده دوغرو اولان ائشلر اتدی، هر ائشده آتاسی داوودون یولو ائله گدئب صاغا-سولا دؤنمهدی.
معبدده شرئعت کئتابینین تاپیلماسی
(۲سال ۳۴:۸-۲۸)
3یوشئیانین پادشاهلیغینین اون سکّئزئنجی ائلئنده، پادشاه، مِشولّام اوغلو اَصَلیا اوغلو مئرزه شافانی ربّئن معبدئنه گؤندَرئب ددی: 4«باش کاهئن خئلقئیانین یانینا گت. قوی او، ربّئن معبدئنه گتئرئلَن پولو کی، قاپیدا دوران کشئکچئلر خالقدان ییغیبلار، تَرهزئده چکسئن. 5اونو ربّئن معبدئنئن ائشئنه نظارت ادنلره ورسئنلر. اونلار دا پولو ربّئن معبدئنده اولان ائشچئلره ورسئنلر کی، معبدی تعمئر اتسئنلر؛ 6دولگرلره، اوستالارا، بنّالارا، معبدی تعمئر اتمک اوچون تاختا و یونولموش داش آلماغا ورسئنلر. 7آنجاق اَللرئنه ورئلَن پولون حسابی اونلارلا آپاریلماسین، چونکی صداقتله چالیشیرلار.»
8باش کاهئن خئلقئیا مئرزه شافانا ددی: «ربّئن معبدئنده شرئعت کئتابینی تاپمیشام.» خئلقئیا کئتابی شافانا وردی و شافان اونو اوخودو. 9مئرزه شافان پادشاهین یانینا گلدی و اونا خبر گتئرئب ددی: «قوللارین معبدده تاپیلان پولو بوشالتدیلار و اونو ربّئن معبدئنئن ائشئنه نظارت ادنلره وردئلر.» 10مئرزه شافان پادشاها بونو دا خبر ورئب ددی: «کاهئن خئلقئیا منه بئر کئتاب ورئب.» شافان اونو پادشاهین حوضوروندا اوخودو. 11پادشاه شرئعت کئتابینین سؤزلرئنی اشئدنده پالتارینی جیردی. 12پادشاه کاهئن خئلقئیایا، شافان اوغلو اَخئقاما، مئکایا اوغلو عَکبورا، مئرزه شافانا و پادشاهین خئدمتچئسی عَسایایا امر ادئب ددی: 13«گدئن، تاپیلمیش بو کئتابین سؤزلرئنه گؤره منئم اوچون، خالق اوچون، و بوتون یهودا اوچون ربدن مصلحت آلین، چونکی ربّئن بئزئم ضئدّئمئزه آلوولانمیش قضبی بؤیوکدور. اونا گؤره کی، آتالاریمیز کئتابین بوتون سؤزلرئنه قولاق آسماییبلار و اورادا بئزئم اوچون یازیلمیش بو شیلره عمل اتمهیئبلر.»
14کاهئن خئلقئیا، اَخئقام، عَکبور، شافان و عَسایا نَبئیّه خولدانین یانینا گتدئلر. او، خَرخَس اوغلو تئقوا اوغلو پالتارلارا باخان شَلّومون آروادی ائدی و اورشلئمده ائکئنجی محلّهده یاشاییردی. اونلار اونونلا صؤحبت اتدئلر. 15خولدا اونلارا ددی: «ائسرایئلئن تاریسی رب بله دیئر: ”سئزی منئم یانیما گؤندَرَن آداما دیئن کی، 16رب بله دیئر: من بو یره و بورادا یاشایانلارین اوستونه بلا گتئرئرم، بوتون او بلالاری کی، یهودا پادشاهی اوخویوب. 17چونکی اونلار منی ترک ادئبلر و آیری آللاهلارا بوخور یاندیریب بوتون عمللری ائله منی قضبلَندئرئبلر. بونا گؤره ده بو یرئن ضئدّئنه قضبئم آلوولاناجاق و سؤنمیهجکدئر.“ 18آنجاق ربدن مصلحت آلماق اوچون سئزی گؤندَرَن یهودا پادشاهینا دیئن کی، ائسرایئلئن تاریسی رب اشئتدئیئن سؤزلر بارهده بله دیئر: 19”چونکی منئم بو یرئن و اورادا یاشایانلارین حاقّیندا وئرانهلئک و لعنت اولسون ددئیئم سؤزو اشئدنده اورهیئن یومشالدی و ربّئن قاباغیندا اؤزونو آلچالتدین، پالتارینی جیریب حوضورومدا آغلادین. بونا گؤره ده من سنی اشئتمئشم.“ رب بله بویورور. 20”باخ، من ده سنی آتالارینا قوشاجاغام، راحاتلیق ائچئنده اؤز قبئرئنه قویولاجاقسان و بو یرئن اوستونه گتئرهجیئم بوتون بلانی گؤزلرئن گؤرمهیهجک.“» اونلار بو خبری پادشاها چاتدیردیلار.
Currently Selected:
۲پادشاهلار 22: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
۲پادشاهلار 22
22
یهودا پادشاهی یوشئیا
(۲سال. ۳۴:۱-۲)
1یوشئیا، پادشاه اولدوغو واخت، سکّئز یاشیندا ائدی و اورشلئمده اوتوز بئر ائل پادشاهلیق اتدی. آناسینین آدی یِدئدا ائدی، بوصقَطلی عَدایانین قیزی ائدی. 2یوشئیا، ربّئن گؤزونده دوغرو اولان ائشلر اتدی، هر ائشده آتاسی داوودون یولو ائله گدئب صاغا-سولا دؤنمهدی.
معبدده شرئعت کئتابینین تاپیلماسی
(۲سال ۳۴:۸-۲۸)
3یوشئیانین پادشاهلیغینین اون سکّئزئنجی ائلئنده، پادشاه، مِشولّام اوغلو اَصَلیا اوغلو مئرزه شافانی ربّئن معبدئنه گؤندَرئب ددی: 4«باش کاهئن خئلقئیانین یانینا گت. قوی او، ربّئن معبدئنه گتئرئلَن پولو کی، قاپیدا دوران کشئکچئلر خالقدان ییغیبلار، تَرهزئده چکسئن. 5اونو ربّئن معبدئنئن ائشئنه نظارت ادنلره ورسئنلر. اونلار دا پولو ربّئن معبدئنده اولان ائشچئلره ورسئنلر کی، معبدی تعمئر اتسئنلر؛ 6دولگرلره، اوستالارا، بنّالارا، معبدی تعمئر اتمک اوچون تاختا و یونولموش داش آلماغا ورسئنلر. 7آنجاق اَللرئنه ورئلَن پولون حسابی اونلارلا آپاریلماسین، چونکی صداقتله چالیشیرلار.»
8باش کاهئن خئلقئیا مئرزه شافانا ددی: «ربّئن معبدئنده شرئعت کئتابینی تاپمیشام.» خئلقئیا کئتابی شافانا وردی و شافان اونو اوخودو. 9مئرزه شافان پادشاهین یانینا گلدی و اونا خبر گتئرئب ددی: «قوللارین معبدده تاپیلان پولو بوشالتدیلار و اونو ربّئن معبدئنئن ائشئنه نظارت ادنلره وردئلر.» 10مئرزه شافان پادشاها بونو دا خبر ورئب ددی: «کاهئن خئلقئیا منه بئر کئتاب ورئب.» شافان اونو پادشاهین حوضوروندا اوخودو. 11پادشاه شرئعت کئتابینین سؤزلرئنی اشئدنده پالتارینی جیردی. 12پادشاه کاهئن خئلقئیایا، شافان اوغلو اَخئقاما، مئکایا اوغلو عَکبورا، مئرزه شافانا و پادشاهین خئدمتچئسی عَسایایا امر ادئب ددی: 13«گدئن، تاپیلمیش بو کئتابین سؤزلرئنه گؤره منئم اوچون، خالق اوچون، و بوتون یهودا اوچون ربدن مصلحت آلین، چونکی ربّئن بئزئم ضئدّئمئزه آلوولانمیش قضبی بؤیوکدور. اونا گؤره کی، آتالاریمیز کئتابین بوتون سؤزلرئنه قولاق آسماییبلار و اورادا بئزئم اوچون یازیلمیش بو شیلره عمل اتمهیئبلر.»
14کاهئن خئلقئیا، اَخئقام، عَکبور، شافان و عَسایا نَبئیّه خولدانین یانینا گتدئلر. او، خَرخَس اوغلو تئقوا اوغلو پالتارلارا باخان شَلّومون آروادی ائدی و اورشلئمده ائکئنجی محلّهده یاشاییردی. اونلار اونونلا صؤحبت اتدئلر. 15خولدا اونلارا ددی: «ائسرایئلئن تاریسی رب بله دیئر: ”سئزی منئم یانیما گؤندَرَن آداما دیئن کی، 16رب بله دیئر: من بو یره و بورادا یاشایانلارین اوستونه بلا گتئرئرم، بوتون او بلالاری کی، یهودا پادشاهی اوخویوب. 17چونکی اونلار منی ترک ادئبلر و آیری آللاهلارا بوخور یاندیریب بوتون عمللری ائله منی قضبلَندئرئبلر. بونا گؤره ده بو یرئن ضئدّئنه قضبئم آلوولاناجاق و سؤنمیهجکدئر.“ 18آنجاق ربدن مصلحت آلماق اوچون سئزی گؤندَرَن یهودا پادشاهینا دیئن کی، ائسرایئلئن تاریسی رب اشئتدئیئن سؤزلر بارهده بله دیئر: 19”چونکی منئم بو یرئن و اورادا یاشایانلارین حاقّیندا وئرانهلئک و لعنت اولسون ددئیئم سؤزو اشئدنده اورهیئن یومشالدی و ربّئن قاباغیندا اؤزونو آلچالتدین، پالتارینی جیریب حوضورومدا آغلادین. بونا گؤره ده من سنی اشئتمئشم.“ رب بله بویورور. 20”باخ، من ده سنی آتالارینا قوشاجاغام، راحاتلیق ائچئنده اؤز قبئرئنه قویولاجاقسان و بو یرئن اوستونه گتئرهجیئم بوتون بلانی گؤزلرئن گؤرمهیهجک.“» اونلار بو خبری پادشاها چاتدیردیلار.
@ 2022 Korpu Company