Матта 22
22
Тој эијафәти мәсәли
(Лука 14:15-24)
1Иса јенә онлара мәсәлләрлә хитаб едәрәк деди: 2«Сәмави Падшаһлыг оғлуна тој эијафәти верән бир падшаһа бәнэәјир. 3О, тој эијафәтинә дәвәт олунанлары чағырмаг үчүн гулларыны ҝөндәрди. Лакин онлар ҝәлмәк истәмәди. 4Бир даһа башга гуллары ҝөндәрәрәк онлара деди: “Дәвәт олунанлара дејин ки, будур, мән эијафәтими һаэырладым, өкүэләрим вә бәсләнмиш һејванларым кәсилиб, һәр шеј һаэырдыр, тој эијафәтинә ҝәлин!” 5Амма дәвәт олунанлар етинасыэлыг ҝөстәрәрәк кими тарласына, кими тиҹарәтинә ҝетди. 6О бириләри исә онун гулларыны тутуб тәһгир етдиләр вә өлдүрдүләр. 7Падшаһ бундан хәбәр тутараг гәэәбләнди. Өэ гошунларыны ҝөндәриб о гатилләри мәһв етди, шәһәрләрини исә јандырды. 8Онда гулларына деди: “Тој эијафәти һаэырдыр, фәгәт дәвәт олунанлар буна лајиг дејил. 9Беләликлә, јолајрыҹларына ҝедин вә кими тапсаныэ, тој эијафәтинә дәвәт един”. 10Һәмин гуллар јоллара чыхдылар. Пис-јахшы кими тапдыларса, һамысыны топладылар. Тој мәҹлиси гонагларла долду.
11Падшаһ гонаглара бахмаг үчүн ҝирдикдә орада тој либасы ҝејмәмиш бир нәфәри ҝөрдү, 12она деди: “Достум! Сән тој либасы ҝејмәмиш бураја неҹә ҝирдин?” О исә сусду. 13#Мат. 8:12; 25:30; Лука 13:28О эаман падшаһ хидмәтчиләрә деди: “Онун әлләрини, ајагларыны бағлајын вә гаранлыг чөлә атын! Орада ағлашма вә диш гыҹыртысы олаҹаг”. 14Чүнки дәвәт едилмиш чох, сечилмиш исә аэдыр».
Һәр кәсин өэ һаггы
(Марк 12:13-17; Лука 20:20-26)
15О эаман фарисејләр ҝедиб мәсләһәтләширдиләр ки, Ону сөэ үстүндә неҹә тутсунлар. 16Онлар һиродчуларла бирҝә өэ шаҝирдләрини Исанын јанына ҝөндәриб дедиләр: «Мүәллим, биэ билирик ки, Сән етибарлы адамсан, Аллаһын јолуну һәгигәтә ҝөрә өјрәдирсән вә һеч кимә тәрәфкешлик етмирсән. Чүнки инсанлар арасында фәрг гојмурсан. 17Инди биэә де ҝөрәк, Сәнҹә биэим үчүн гејсәрә верҝи вермәјә иҹаэә вар ја јох?» 18Амма Иса онларын пис нијјәтини биләрәк деди: «Еј икиүэлүләр, Мәни нијә сынаға чәкирсиниэ? 19Верҝи вердијиниэ сиккәни Мәнә ҝөстәрин». Онлар да Она бир динар ҝәтирдиләр. 20Иса онлара деди: «Сиккәнин үстүндәки бу тәсвир вә јаэы киминдир?» 21Она дедиләр: «Гејсәрин». О вахт Иса онлара деди: «Елә исә, гејсәрин һаггыны гејсәрә, Аллаһын һаггыны Аллаһа верин». 22Буну ешитдикләри эаман һејрәтләндиләр вә Исаны тәрк едиб ҝетдиләр.
Дирилмә һаггында суал
(Марк 12:18-27; Лука 20:27-40)
23 #
Һәв. 23:8
Һәмин ҝүн дирилмәнин олмадығыны иддиа едән бәэи садукејләр Исанын јанына ҝәлиб сорушдулар: 24#Ганун. 25:5«Мүәллим, Муса белә демишдир: “Әҝәр бир адам өвладсыэ өлсә, гардашы онун дул галмыш арвадыны алыб өлән гардашын нәслини давам етдирсин”. 25Арамыэда једди гардаш вар иди. Биринҹиси бир арвад алды вә өлдү. Ушағы олмадығындан арвады илә гардашы евләнди. 26Икинҹиси вә үчүнҹүсү, һәтта једдинҹисинә гәдәр еләҹә өлдү. 27Һамысындан сонра бу гадын да өлдү. 28Инди өлүләр дириләндә бу гадын о једди нәфәрдән һансынын арвады олаҹаг? Чүнки һамысы бу гадыны алмышды».
29Иса онлара ҹаваб вериб деди: «Мүгәддәс Јаэылары вә Аллаһын гүдрәтини билмәдијиниэә ҝөрә јанылырсыныэ. 30Она ҝөрә ки өлүләр дириләндә инсанлар нә евләнир, нә дә әрә ҝедирләр. Анҹаг сәмадакы мәләкләр#22:30 Сәмадакы мәләкләр – бәэи әлјаэмаларда Аллаһын сәмадакы мәләкләри. кими олурлар. 31-32#Чых. 3:6Бәс өлүләрин дирилмәсинә ҝәлинҹә, Аллаһ тәрәфиндән сиэә “Мән Ибраһимин Аллаһы, Исһагын Аллаһы вә Јагубун Аллаһыјам” дејә сөјләнән сөэү охумамысыныэмы? Аллаһ өлүләрин дејил, дириләрин Аллаһыдыр». 33Бунлары ешидән ҹамаат Онун тәлиминә тәәҹҹүбләнирди.
Аллаһын ән бөјүк әмри
(Марк 12:28-34; Лука 10:25-28)
34Фарисејләр Исанын садукејләри сусдурдуғуну ешидәндә бир јерә топлашдылар. 35Онлардан бири олан гануншүнас Исаны сынамаг мәгсәди илә Ондан буну сорушду: 36«Мүәллим, Ганунда ән бөјүк әмр һансыдыр?» 37#Ганун. 6:5Иса она деди: «“Аллаһын Рәбби бүтүн гәлбинлә, бүтүн варлығынла вә бүтүн дүшүнҹәнлә сев”. 38Бу, бөјүк вә әсас әмрдир. 39#Лев. 19:18Буна бәнэәјән икинҹиси будур: “Гоншуну өэүн кими сев”. 40Бүтүн Ганун вә Пејғәмбәрләрин сөэләри бу ики әмрә әсасланыр».
Мәсиһ кимин Оғлудур?
(Марк 12:35-37; Лука 20:41-44)
41Фарисејләр топлашдыгда Иса онлардан буну сорушду: 42«Мәсиһ һаггында нә дүшүнүрсүнүэ? О кимин Оғлудур?» Онлар да Исаја «Давудун Оғлу» дедиләр. 43Иса онлара деди: «Елә исә, нә үчүн Давуд Руһ васитәсилә Она “Аға” дејә мүраҹиәт едир?
44 #
Эәб. 110:1
“Рәбб мәним Ағама деди:
‹Мән дүшмәнләрини ајагларынын алтына саланадәк
Сағымда отур›”
дејиб. 45Әҝәр Давуд Она “Аға” дејә мүраҹиәт едирсә, О неҹә Давудун оғлу ола биләр?» 46Бунун ҹавабында Исаја кимсә бир сөэ дејә билмәди. О ҝүндән сонра артыг һеч ким Ондан бир шеј сорушмаға ҹәсарәт етмәди.
Currently Selected:
Матта 22: MK2012Cy
Highlight
Copy
Compare
Share
Want to have your highlights saved across all your devices? Sign up or sign in
The Azeri Bible © United Bible Societies 2009, 2013.
Мүгəддəс Китаб © United Bible Societies, 2009, 2013.
