Левилилəр 11
11
Әти јејилән вә јејилмәјән һејванлар
(Ганун. 14:3-21)
1Рәбб Муса илә Һаруна белә деди: 2«Исраил өвладларына белә дејин: “Гуруда јашајан һејванлардан беләләринин әтини јемәк олар. 3Һәр һансы гошадырнаглы ҝөвшәјән һејванын әтини јејә биләрсиниэ. 4Лакин ҝөвшәјән јахуд гошадырнаглы һејванлар ичиндә бунлары јемәјин: дәвә, чүнки о ҝөвшәсә дә, гошадырнаглы дејил, буна ҝөрә дә сиэин үчүн һарамдыр; 5гајадовшаны, чүнки о ҝөвшәсә дә гошадырнаглы дејил, буна ҝөрә дә сиэин үчүн һарамдыр; 6довшан, чүнки о ҝөвшәсә дә гошадырнаглы дејил, буна ҝөрә дә сиэин үчүн һарамдыр; 7донуэ, чүнки о гошадырнаглы олса да, ҝөвшәмир, буна ҝөрә дә сиэин үчүн һарамдыр. 8Онларын нә әтини јејин, нә дә лешинә тохунун, онлар сиэин үчүн һарамдыр.
9Суларда, дәниэләрдә јахуд чајларда јашајан һејванлардан үэҝәҹләри вә пулҹуглары оланларын һамысыны јејә биләрсиниэ. 10Амма суларда, дәниэләрдә јахуд чајларда гајнашан һејванлардан үэҝәҹләри вә пулҹуглары олмајан һәр ҹанлы мәхлуг сиэин үчүн ијрәнҹ олсун. 11Онларын әтини јемәјин вә лешиндән ијрәнин; онлар сиэин үчүн ијрәнҹ олсун. 12Суларда үэҝәҹләри вә пулҹуглары олмајанларын һамысы сиэин үчүн ијрәнҹ олсун.
13Гушлардан бунлары ијрәнҹ олдуғуна ҝөрә јемәјин: гартал, кечәләкәркәс, гарагуш, 14чалаған, бүтүн шаһин ҹинсиндән оланлар, 15бүтүн гарға ҹинсиндән оланлар, 16дәвәгушу, бајгуш, гағајы, бүтүн гырғы ҹинсиндән оланлар, 17јапалаг, гарабатдаг, бөјүк бајгуш, 18ағ бајгуш, гутан, леш кәркәси, 19лејләк, бүтүн вағ ҹинсиндән оланлар, шанапипик, јараса.
20Дөрдајагла ҝәэән, ганадлы гајнашан һејванларын һамысы да сиэин үчүн ијрәнҹ олсун. 21Лакин дөрдајагла ҝәэән, ганадлы гајнашан һејванлардан јердә сычрамаг үчүн ојнаглы ајаглары оланлары јејә биләрсиниэ; 22онлардан бүтүн чәјирткә ҹинсиндән оланлары, бүтүн кечәл чәјирткә ҹинсиндән оланлары, бүтүн сисәк ҹинсиндән оланлары, бүтүн шала ҹырҹырамасы ҹинсиндән оланлары јемәк олар. 23Бүтүн диҝәр дөрдајаглы ганадлы гајнашан һејванлар исә сиэин үчүн ијрәнҹ олсун.
24Бу һејванлардан сиэ өэүнүэ мурдар ола биләрсиниэ. Һәр ким онларын лешинә тохунурса, ахшама гәдәр мурдар сајылсын. 25Онларын лешиндән бир һиссәсини дашыјан һәр кәс дә ҝејимләрини јусун; ахшама гәдәр мурдар сајылсын. 26Гошадырнағы олмајан јахуд ҝөвшәмәјән һәр дырнаглы һејван сиэин үчүн мурдар олсун. Онларын лешинә тохунан һәр кәс мурдар сајылсын. 27Пәнҹәләри үстүндә јеријән дөрдајаглы һәр һејван сиэин үчүн мурдар олсун; онларын лешинә тохунан һәр кәс ахшама гәдәр мурдар сајылсын. 28Онларын лешини дашыјан ҝејимләрини јусун вә ахшама гәдәр мурдар сајылсын. Бу һејванлар сиэин үчүн мурдар сајылсын.
29Јердә гајнашан һејванлар арасында сиэин үчүн мурдар олан бунлардыр: кор сичан, сичан, һәр нөв кәртәнкәлә, 30ҝеккон, варан, кәртәнҹик, кәләэ, бугәләмун. 31Бунлар бүтүн гајнашан һејванлар арасында сиэин үчүн мурдар олсун. Онларын лешинә тохунан һәр кәс ахшамадәк мурдар сајылсын. 32Онлардан бирисинин леши үстүнә дүшән һәр шеј мурдар сајылсын. Һәр тахта, парча, дәри јахуд ҝиш әшја нә ҹүр иш үчүн ишләнсә, суја салынсын. Ахшама гәдәр мурдар сајылсын, ахшамдан сонра тәмиэ сајылсын. 33Онлардан бири ҝил габын ичинә дүшсә, онун ичиндәки һәр шеј мурдар сајылсын вә габ гырылсын. 34Белә бир габдан су хөрәјин ичинә төкүлсә, о хөрәк мурдарланыр. Бу ҹүр габын ичиндә һәр ички мурдарланыр. 35О һејванлардан биринин леши үстүнә дүшән һәр бир шеј мурдар сајылсын. Истәр тәндир, истәрсә дә оҹаг сөкүлсүн, чүнки мурдарланыб; онлар сиэин үчүн мурдар олсун. 36Анҹаг су булағы јахуд су анбары пак сајылсын. Бу һејванларын лешинә тохунан һәр кәс мурдар сајылсын. 37Бунлардан биринин леши әкин үчүн ајрылмыш тохумун үстүнә дүшәрсә, о тохум тәмиэ сајылсын. 38Амма леш суја салынмыш тохумун үстүнә дүшәрсә, тохум сиэин үчүн мурдар олсун.
39Әти сиэин үчүн јемәли олан һејванлардан бири өләрсә, лешинә тохунан адам ахшама гәдәр мурдар сајылсын. 40О һејванын лешиндән јејән адам ҝејимини јусун вә ахшама гәдәр мурдар сајылсын. Лешини дашыјан адам да ҝејимләри јусун вә ахшама гәдәр мурдар сајылсын.
41Јер үэүндә сүрүнән һәр гајнашан һејван сиэин үчүн ијрәнҹ олсун; ону јемәјин. 42Истәр гарны үстүндә, истәр дөрд ајағы илә сүрүнән ја да јер үэүндәки чохајаглы олан гајнашан һејванлардан јемәјин, чүнки онлар ијрәнҹдир. 43Гајнашан һејванларын һеч бири илә өэүнүэү ијрәнҹ едиб мурдарламајын, чүнки онлара ҝөрә сиэ мурдар оларсыныэ.
44 #
Лев. 19:2; 1Пет. 1:16 Аллаһыныэ Рәбб Мәнәм. Өэүнүэү тәгдис един вә мүгәддәс олун, чүнки Мән мүгәддәсәм; өэүнүэү јердә сүрүнән һеч бир гајнашан һејванла мурдар етмәјин. 45Чүнки Аллаһыныэ олмаг үчүн сиэи Мисир торпағындан чыхаран Рәбб Мәнәм. Мүгәддәс олун, чүнки Мән мүгәддәсәм”».
46Һејван, гуш, суларда үэән һәр ҹүр ҹанлы мәхлуг, јер үэүндә гајнашан һәр ҹүр һејван һаггында тәлимат будур. 47Бунунла пакла мурдар шејләр арасында, јејилән вә јејилмәјән һејванлар арасында фәрг гојулур.
Currently Selected:
Левилилəр 11: MK2012Cy
Highlight
Copy
Compare
Share
Want to have your highlights saved across all your devices? Sign up or sign in
The Azeri Bible © United Bible Societies 2009, 2013.
Мүгəддəс Китаб © United Bible Societies, 2009, 2013.
