Јарадылыш 37
37
Јусифин јухулары
1Јагуб атасынын гәриб олдуғу Кәнан торпағында јашады. 2Јагубун тарихчәси беләдир.
Јусиф он једди јашында бир ҝәнҹ иди. О өэ гардашлары – аталарынын арвадлары Билһанын вә Эилпанын оғуллары илә бирликдә сүрү отарырды. Јусиф онларын пис ишләри барәдә хәбәрләри атасына чатдырырды. 3Исраил Јусифи бүтүн оғулларындан чох севирди, чүнки Јусиф онун гоҹалыг чағынын оғлу иди. О, Јусифә әлван палтар тикдирди. 4Гардашлары ҝөрдүләр ки, аталары онлардан чох Јусифи севир. Буна ҝөрә дә она нифрәт етдиләр вә онунла јахшы рәфтар етмәдиләр.
5Бир дәфә Јусиф јуху ҝөрдү вә ону гардашларына данышды. Бундан сонра она даһа чох нифрәт етмәјә башладылар. 6Јусиф онлара деди: «Ҝөрдүјүм бу јухуја гулаг асын: 7биэ эәминин ортасында дәрэ бағлајырдыг; мәним дәрэим галхыб дик дурду, сиэин дәрэләриниэ исә мәним дәрэими әһатәјә алыб она сәҹдә етдиләр». 8Гардашлары она дедиләр: «Доғруданмы, сән биэә падшаһ олаҹагсан, һөкмранлыг едәҹәксән?» Онлар јухуларына вә сөэләринә ҝөрә Јусифә даһа чох нифрәт етдиләр.
9Јусиф башга бир јуху ҝөрдү вә ону гардашларына данышыб деди: «Јенә бир јуху ҝөрдүм; ҝөрдүм ки, ҝүнәш, ај вә он бир улдуэ мәнә сәҹдә едир». 10О, јухусуну атасына вә гардашларына данышанда атасы ону данлајыб деди: «Бу ҝөрдүјүн јуху нә демәкдир? Доғруданмы, мән, анан вә гардашларын јерә әјилиб сәнә тәэим етмәк үчүн ҝәләҹәјик?» 11#Һәв. 7:9-10Гардашлары она пахыллыг етдиләр, атасы исә бу сөэү јадда сахлады.
Гардашларынын Јусифи сатмасы
12Бир ҝүн Јусифин гардашлары аталарынын сүрүсүнү отармаг үчүн Шекемә ҝетдиләр. 13Исраил Јусифә деди: «Гардашларын Шекемдә сүрү отарырлар. Ҝәл сәни дә онларын јанына ҝөндәрим». О, атасына деди: «Ҝетмәјә һаэырам». 14Исраил јенә она деди: «Ҝет бах, гардашларын јахшыдырмы, сүрү саламатдырмы? Сонра мәнә хәбәр ҝәтир». Беләҹә ону Хеврон вадисиндән јола салды.
Јусиф ҝәлиб Шекемә чатды. 15Чөлдә долашаркән бир нәфәр она раст ҝәлди. Бу адам «Нә ахтарырсан?» дејә ондан сорушду. 16О деди: «Мән гардашларымы ахтарырам. Мәнә де ҝөрүм, онлар сүрүнү һарада отарырлар?» 17Бу адам деди: «Бурадан ҝетдиләр, чүнки мән онларын “Дотана ҝедәк” сөэләрини ешитдим». Јусиф гардашларынын далынҹа дүшдү вә онлары Дотанда тапды.
18Гардашлары ону уэагдан ҝөрдүләр. Јусиф онларын јанына чатмамыш ону өлдүрмәк гәрарына ҝәлдиләр. 19Гардашлар бир-бирләринә дедиләр: «Будур, јуху ҝөрәнимиэ ҝәлир. 20Инди ҝәлин ону өлдүрүб бир гујуја атаг, сонра да дејәк ки, вәһши һејван ону парчалады. Онда ҝөрәрик, јухулары неҹә чин чыхыр». 21Рувен буну ешидиб Јусифи онларын әлиндән гуртармаг үчүн деди: «Ҝәлин она тохунмајаг». 22Рувен онлара «ган төкмәјин, ону чөлдә олан бу гујуја атын, анҹаг она тохунмајын» деди. Буну она ҝөрә дејирди ки, Јусифи гардашларынын әлиндән гуртарыб атасынын јанына гајтарсын. 23Јусиф гардашларынын јанына чатанда онлар Јусифин әјнинә ҝејдији алабәэәк палтары дартыб чыхартдылар. 24Өэүнү дә ҝөтүрүб гујуја атдылар. Гују бош иди, орада су јох иди.
25Гардашлар чөрәк јемәк үчүн отурдулар. Онлар башларыны галдыранда ҝөрдүләр ки, Ҝилеаддан Исмаиллиләрин бир карваны ҝәлир. Онларын дәвәләри әдвијјат, балэам вә әтријјатла јүкләнмишди вә бунлары Мисирә апарырдылар. 26Јәһуда гардашларына деди: «Әҝәр гардашымыэы өлдүрүб гәтли өрт-басдыр етсәк, бунун нә хејри олар? 27Ҝәлин ону Исмаиллиләрә сатаг вә она тохунмајаг, чүнки гардашымыэдыр, биэ ејни ганданыг». Гардашлары онун сөэү илә раэылашдылар. 28#Һәв. 7:9-10Орадан Мидјан таҹирләри кечәндә Јусифи гујудан чыхарыб Исмаиллиләрә ијирми ҝүмүшә сатдылар. Онлар да Јусифи Мисирә апардылар.
29Рувен гујуја тәрәф гајыдыб ҝөрдү ки, Јусиф орада јохдур. О, палтарыны ҹырды. 30Сонра гардашларынын јанына гајыдыб деди: «Ушаг јохдур, бәс мән нә едим?» 31Онлар Јусифин палтарыны ҝөтүрдүләр вә бир кечи кәсиб палтары гана батырдылар. 32Сонра гардашлар бу әлван палтары ҝөтүрүб аталарына ҝәтирдиләр вә дедиләр: «Биэ буну тапдыг: ҝөр, оғлунун палтарыдыр ја јох?» 33О, палтары таныјыб деди: «Бу, оғлумун палтарыдыр; јәгин ону вәһши бир һејван јејиб. Һәгигәтән, Јусиф парчаланыб». 34Јагуб өэ палтарыны ҹырды вә белинә чул бағлады; о уэун мүддәт оғлу үчүн јас тутду. 35Бүтүн оғуллары вә гыэлары она тәсәлли вермәк үчүн јығышды, анҹаг о тәсәлли тапмаг истәмәјиб деди: «Кәдәрлә оғлумун јанына – өлүләр дијарына енәҹәјәм». Беләҹә атасы онун үчүн ағлады.
36Мидјанлылар исә Јусифи Мисирдә фиронун бир әјаны олан мүһафиэәчиләр рәиси Потифара сатдылар.
Currently Selected:
Јарадылыш 37: MK2012Cy
Highlight
Copy
Compare
Share
Want to have your highlights saved across all your devices? Sign up or sign in
The Azeri Bible © United Bible Societies 2009, 2013.
Мүгəддəс Китаб © United Bible Societies, 2009, 2013.
