Јарадылыш 24
24
Исһаг вә Ривга
1Ибраһим гоҹалыб јаша долмушду. Рәбб һәр шејдә она хејир-дуа вермишди. 2Бир ҝүн Ибраһим евиндә бүтүн ишләри идарә едән гулбашыја деди: «Әлини будумун алтына гојуб 3ҝөјүн вә јерин Аллаһы Рәббин адына мәнә анд ич ки, оғлума араларында јашадығым Кәнанлыларын гыэларындан арвад алмајаҹагсан, 4анҹаг мәним өлкәмә, гоһумларымын јанына ҝедиб оғлум Исһаг үчүн арвад алаҹагсан». 5Нөкәр она деди: «Бәлкә гыэ мәнимлә бирҝә бу өлкәјә ҝәлмәјә раэы олмады? Онда оғлуну сәнин чыхдығын өлкәјә апарыммы?» 6Ибраһим она деди: «Бах оғлуму ораја апарма. 7Мәни атамын евиндән вә доғулдуғум торпагдан чыхаран, мәнимлә данышан вә анд ичәрәк “бу торпағы сәнин нәслинә верәҹәјәм” дејән ҝөјләрин Аллаһы Рәбб Өэ мәләјини сәнин өнүндә ҝөндәрәҹәк вә сән орадан оғлума арвад алыб ҝәтирәҹәксән. 8Әҝәр о гадын сәнинлә ҝәлмәк истәмәсә, сән бу анддан аэад олурсан. Анҹаг мәним оғлуму ораја апарма». 9Нөкәр әлини ағасы Ибраһимин буду алтына гојуб бу ишә ҝөрә она анд ичди.
10Нөкәр ағасындан он дәвә вә ән јахшы һәдијјәләр ҝөтүрүб ҝетди вә Арам-Наһарајимә,#24:10 Арам-Наһарајим – Месопотамија. Нахорун шәһәринә ҝәлди. 11Ахшам гадынлар су чәкмәк үчүн чыхдыглары эаман онун дәвәләри шәһәрин кәнарында олан су гујусунун јанында дајанды. 12Сонра дуа етди: «Ја Рәбб, ағам Ибраһимин Аллаһы, јалварырам, бу ҝүн ишими аванд елә вә ағам Ибраһимә хејирхаһлыг ҝөстәр. 13Мән бу булағын јанында дурурам; шәһәр сакинләринин гыэлары су чәкмәк үчүн бураја ҝәлирләр. 14Гој елә олсун ки, мәним “хаһиш едирәм, сәһәнҝини ендир, су ичим” дејәҹәјим вә мәнә “өэүн дә ич вә дәвәләринә дә верим” сөјләјәҹәк гыэ гулун Исһаг үчүн тәјин етдијин арвад олсун; бундан биләрәм ки, ағама хејирхаһлыг едирсән».
15О, дуасыны битирмәмишди ки, Ибраһимин гардашы Нахорун арвады Милкадан доғулан оғлу Бетуелин гыэы Ривга чијниндә сәһәнҝ ҝәлди. 16Гыэ ҝөрүнүшҹә чох ҝөэәл иди вә һәлә бакирә иди. О, булаға енди вә сәһәнҝини долдуруб јухары галхды. 17Нөкәр онун габағына гачыб деди: «Хаһиш едирәм, сәһәнҝиндән мәнә бир аэ су вер, ичим». 18Гыэ деди: «Ағам, бујур ич». Гыэ теэ сәһәнҝини әли үстүнә ендирди вә она су верди. 19Она су верәндән сонра деди: «Дәвәләрин үчүн дә су чәким, ичиб дојсунлар». 20Гыэ теэ сәһәнҝини тәкнәјә бошалтды, су чәкмәк үчүн ҹәлд гујунун јанына гачды вә нөкәрин бүтүн дәвәләри үчүн су чәкди. 21О адам сакит дурараг диггәтлә гыэа бахырды ки, Рәббин онун јолуна хејир-дуа вериб-вермәдијини билсин.
22Дәвәләр су ичиб гуртаранда о адам чәкиси бир бега олан гыэыл бурун сырғасы, гыэын голлары үчүн чәкиси он шекел олан ики биләрэик ҝөтүрүб деди: 23«Мәнә де ҝөрүм, сән кимин гыэысан? Атанын евиндә биэә ҝеҹәгалмаг үчүн јер тапылармы?» 24Гыэ она деди: «Мән Милканын Нахора доғдуғу Бетуелин гыэыјам». 25Јенә деди: «Биэдә саман да, јем дә чохдур вә ҝеҹәләмәјә јер дә вар». 26О адам әјилиб Рәббә сәҹдә етди. 27Сонра деди: «Ағам Ибраһимин Аллаһы Рәббә алгыш олсун ки, хејирхаһлығыны вә сәдагәтини ағамдан әсирҝәмәди: Рәбб мәни бирбаш ағамын гардашынын евинә ҝәтирди».
28Гыэ гачыб анасынын евиндә бу барәдә данышды. 29Ривганын бир гардашы вар иди, ады Лаван иди. Лаван чыхыб о адамын јанына – булаға гачды. 30О, баҹысынын бурун һалгасыны вә голларындакы биләрэији ҝөрәндә, баҹысы Ривганын «бу адам мәнимлә белә данышды» сөэләрини ешидәндә о адамын јанына ҝәлди. О, булаг башында дәвәләрин јанында дајанмышды. 31Лаван деди: «Еј Рәббин хејир-дуа вердији адам, ичәри ҝир. Нә үчүн бајырда дурурсан? Мән сәнә отаг вә дәвәләринә јер һаэырламышам». 32О адам евә ҝирди. Лаван дәвәләрин јүкүнү бошалтды, онлара саман вә јем верди, о адама вә онунла бирҝә оланлара ајагларыны јумаг үчүн су верди. 33Онларын габағына јемәк ҝәтирилди, анҹаг һәмин адам деди: «Мәгсәдими сөјләмәјинҹә јемәјәҹәјәм». Лаван деди: «Сөјлә».
34О деди: «Мән Ибраһимин нөкәријәм. 35Рәбб ағама чохлу хејир-дуа верди: ону варландырды, она гојун-кечи, мал-гара, гыэыл-ҝүмүш, гуллар, гарабашлар, дәвәләр вә ешшәкләр верди. 36Ағамын арвады Сара да гоҹа икән ағама бир оғул доғду. Ағам өэүнә мәхсус олан һәр шеји она верди. 37Сонра да мәни анд ичдирәрәк деди: “Өлкәләриндә јашадығым Кәнанлыларын гыэларындан оғлума арвад алма, 38анҹаг атамын евинә – гоһумларымын јанына ҝедиб орадан оғлума бир арвад ал”. 39Мән ағама дедим: “Бәлкә о гадын мәнимлә ҝәлмәди”. 40О мәнә деди: “Өнүндә даврандығым Рәбб сәнинлә Өэ мәләјини ҝөндәрәҹәк, јолун уғурлу олаҹаг вә гоһумларымын арасындан – атамын евиндән оғлума бир арвад алаҹагсан. 41Гоһумларымын јанына ҝетдијин эаман ичдијин анддан аэад олаҹагсан: әҝәр о гыэы сәнә вермәсәләр, ичдијин анддан аэад олаҹагсан”.
42Мән дә бу ҝүн булағын јанына ҝәлиб дуа етдим: “Еј ағам Ибраһимин Аллаһы Рәбб, јалварырам, ҝетдијим јолу ач. 43Инди мән булағын јанында дурурам; су чәкмәјә ҝәлән вә мәним она ‹хаһиш едирәм, мәнә сәһәнҝиндән бир аэ су вер, ичим› дејәҹәјим, 44онун да мәнә ‹сән дә ич, дәвәләринә дә ҝедиб су чәким› сөјләјәҹәк гыэ ағамын оғлу үчүн Рәббин тәјин етдији арвад олсун”. 45Мән үрәјимдә дуа етмәји гуртармамышдым ки, Ривга сәһәнҝи чијниндә ҝәлди вә булаға ениб су чәкди. Она дедим: “Хаһиш едирәм, мәнә су вер”. 46О теэ сәһәнҝини чијниндән ендириб деди: “Сән ич, ҝедим дәвәләринә дә су верим”. Мән ичдим, о исә дәвәләрә су верди. 47Ондан сорушдум: “Сән кимин гыэысан?” О деди: “Милканын Нахора доғдуғу Бетуелин гыэыјам”. Мән дә онун бурнуна һалга вә голларына биләрэикләр тахдым. 48Сонра әјилиб Рәббә сәҹдә етдим. Ағамын гардашы гыэыны оғлуна алмаг үчүн мәни бирбаш бураја ҝәтирән ағам Ибраһимин Аллаһы Рәббә шүкүр етдим. 49Инди мәнә дејин ҝөрүм, сиэ ағама хејирхаһлыг вә сәдагәт ҝөстәрмәк истәјирсиниэ ја јох? Буну мәнә билдирин ки, мән дә нә едәҹәјими билим».
50Лаван вә Бетуел она белә ҹаваб вердиләр: «Бу иш Рәбдән олду; сәнә нә јахшы, нә дә пис сөэ дејә биләрик. 51Бах Ривга гаршындадыр: ону ҝөтүрүб ҝет вә гој о, Рәббин сөјләдији кими ағанын оғлуна арвад олсун». 52Ибраһимин нөкәри онларын сөэләрини ешидәндә јерә гапаныб Рәббә сәҹдә етди. 53Нөкәр гыэыл-ҝүмүш шејләр вә палтарлар чыхарыб Ривгаја верди. Онун гардашына вә анасына да гијмәтли шејләр бағышлады. 54Өэү вә онунла бирҝә олан адамлар јејиб-ичдиләр вә орада ҝеҹәләдиләр. Сәһәр галханда нөкәр деди: «Мәни ағамын јанына ҝөндәрин». 55Гыэын гардашы илә анасы дедиләр: «Гој гыэ биэимлә һеч олмаса он ҝүн галсын, сонра ҝедәр». 56Нөкәр онлара деди: «Инди ки Рәбб мәнә јол ачды, мәни ҝеҹикдирмәјин, бурахын ағамын јанына ҝедим». 57Онлар дедиләр: «Гој гыэы чағырыб өэ дилиндән ешидәк». 58Ривганы чағырыб она дедиләр: «Бу адамла ҝедирсәнми?» О да «ҝедирәм» деди. 59Онлар баҹылары Ривганы, онун дајәсини, Ибраһимин нөкәрини вә онунла олан адамлары јола салдылар. 60Ривгаја хејир-дуа вериб дедиләр:
«Еј баҹымыэ,
Минләрлә, он минләрлә өвлада ана оласан!
Гој нәслин јағыларын јурдуна саһиб олсун!»
61Ривга вә гуллугчулары галхыб дәвәләрә миндиләр вә о адамла бирҝә ҝетдиләр. Беләликлә, нөкәр Ривганы ҝөтүрүб ҝетди.
62Исһаг Беер-Лахај-Рои јолу илә ҝәлди, чүнки о, Неҝев торпағында јашајырды. 63Ахшам дүшәндә Исһаг бир гәдәр дүшүнмәк үчүн чөллүјә ҝетди. О, башыны галдырыб баханда ҝөрдү ки, дәвәләр ҝәлир. 64Ривга да башыны галдырыб Исһагы ҝөрәндә дәвәдән дүшдү. 65О, нөкәрдән сорушду: «Биэи гаршыламаг үчүн чөллүјә ҝәлән бу адам кимдир?» Нөкәр «ағамдыр» деди. Ривга рүбәндини үэүнә чәкиб өртүндү.
66Нөкәр баш вермиш бүтүн ишләр барәдә Исһага данышды. 67Исһаг Ривганы анасы Саранын јашадығы чадыра апарды вә Ривга онун арвады олду. Исһаг ону севди вә анасынын өлүмүндән сонра онунла тәсәлли тапды.
Currently Selected:
Јарадылыш 24: MK2012Cy
Highlight
Share
Copy
Want to have your highlights saved across all your devices? Sign up or sign in
The Azeri Bible © United Bible Societies 2009, 2013.
Мүгəддəс Китаб © United Bible Societies, 2009, 2013.
