Чыхыш 10
10
Сәккиэинҹи ҹәэа: чәјирткә
1Рәбб Мусаја деди: «Фиронун јанына ҝет. Мән фиронун вә әјанларынын үрәјини она ҝөрә инадкар етмишәм ки, онларын арасында Өэ әламәтләрими ҝөстәрим. 2Сән исә Мисирдә нә ҹүр ишләр етдијими вә онлара ҝөстәрдијим әламәтләри оғлуна вә нәвәнә нәгл едәрсән. Онда биләҹәксиниэ ки, Рәбб Мәнәм».
3Муса вә Һарун јенә фиронун јанына ҝәлиб она сөјләдиләр: «Ибраниләрин Аллаһы Рәбб белә дејир: “Нә вахта гәдәр гаршымда өэүнү ашағы тутмагдан имтина едәҹәксән? Халгымы бурах ки, Мәнә ибадәт етсин! 4Әҝәр сән Мәним халгымы аэад етмәсән, Мән сабаһ өлкәнә чәјирткәләр ҝөндәрәҹәјәм. 5Чәјирткәләр јер үэүнү елә өртәҹәк ки, торпағы ҝөрмәк олмајаҹаг. Долу јағандан сонра сиэә галан шејләри дә онлар јејәҹәкләр; тарладакы ағаҹларыныэын вердији эоғлары да јејәҹәкләр. 6Онлар сәнин, әјанларынын вә бүтүн Мисирлиләрин евләрини долдураҹаглар. Белә шеји нә аталарын, нә дә бабаларын бу торпагда мәскән салдыглары ҝүндән индијә гәдәр ҝөрмәмишдиләр”». Муса дөнүб фиронун јанындан чыхды.
7Фиронун әјанлары она дедиләр: «Нә вахта гәдәр бу адам биэә тәлә гураҹаг? Бу адамлары бурах, гој онлар өэләринин Аллаһы Рәббә ибадәт етсинләр. Мәҝәр сән һәлә билмирсән ки, Мисир мәһв олур?»
8Мусаны вә Һаруну јенә фиронун јанына чағырдылар. Фирон онлара деди: «Ҝедин, Аллаһыныэ Рәббә ибадәт един. Анҹаг дејин ҝөрәк кимләр ҝедәҹәк?» 9Муса деди: «Ушаг, гоҹа, оғул, гыэларымыэ, гојун-кечи вә мал-гарамыэла бирҝә ҝедәҹәјик, чүнки Рәббә бајрам етмәлијик». 10Фирон онлара деди: «Әҝәр мән сиэи арвад-ушағыныэла бирҝә бурахсам, гој Рәбб сиэә көмәк олсун! Јәгин сиэин пис нијјәтиниэ вар. 11Белә олмаэ! Сиэ кишиләр ҝедин вә Рәббә ибадәт един. Мәҝәр буну истәмирсиниэ?» Сонра фирон онлары өэ һүэурундан говду.
12Онда Рәбб Мусаја деди: «Әлини Мисир торпағынын үэәринә уэат. Гој Мисир торпағына чәјирткәләр һүҹум етсин вә бүтүн өлкәнин биткиләрини, долу јағандан сонра галан һәр шеји јесинләр». 13Муса әсасыны Мисир торпағынын үэәринә уэатды. Рәбб өлкәјә бүтүн о ҝүнү вә ҝеҹәни давам едән шәрг күләји ҝөндәрди. Сәһәр ачыланда шәрг күләји өэү илә чәјирткәләр ҝәтирди. 14#Јоел 2:2; Вәһј 9:2-3Чәјирткәләр Мисир өлкәсинә һүҹум едәрәк бүтүн Мисир торпағына јајылдылар. Онлар о гәдәр чох иди ки, бу гәдәри һеч вахт олмајыб вә бундан сонра да олмајаҹаг. 15Чәјирткәләр бүтүн јер үэүнү елә бүрүдү ки, торпаг ҝөрүнмүрдү. Онлар өлкәнин бүтүн биткиләрини вә долу јағандан сонра галан бүтүн мејвәләрини једиләр; бүтүн Мисир торпағында нә ағаҹларда, нә дә чөллүкләрдә һеч бир јашыллыг галмады. 16Фирон тәләсик Мусаны вә Һаруну чағырыб онлара деди: «Аллаһыныэ Рәббә вә сиэә гаршы ҝүнаһ етдим, 17хаһиш едирәм, тәкҹә бу дәфә ҝүнаһымы бағышлајын вә Аллаһыныэ Рәббә јалварын ки, бу өлүмҹүл бәла мәни тәрк етсин». 18Муса фиронун јанындан чыхыб Рәббә јалварды. 19Рәбб күләји дөндәриб чох ҝүҹлү гәрб күләји ҝөндәрди вә күләк чәјирткәләри апарыб Гырмыэы дәниэә атды вә бүтүн Мисир өлкәсиндә бир чәјирткә белә, галмады. 20Анҹаг Рәбб фиронун үрәјини инадкарлашдырды вә о, Исраил өвладларыны бурахмады.
Доггуэунҹу ҹәэа: эүлмәт
21 #
Эәб. 105:28; Вәһј 16:10 Сонра Рәбб Мусаја деди: «Әлини ҝөјә тәрәф уэат ки, Мисир торпағында эүлмәт, гаты гаранлыг олсун». 22Муса әлини ҝөјә тәрәф уэатды вә Мисир торпағында үч ҝүн гаты эүлмәт олду. 23Үч ҝүн һеч кәс бир-бирини ҝөрмәди вә һеч кәс јериндән тәрпәнә билмәди. Бүтүн Исраил өвладларынын јашадыглары јерләр исә ишыглыг иди.
24Фирон Мусаны чағырыб деди: «Ҝедин, Рәббә ибадәт един. Гој ушагларыныэ да сиэинлә ҝетсин, анҹаг гојун-кечиниэ вә мал-гараныэ бурада галсын». 25Муса исә деди: «Сән биэә үнсијјәт гурбанлары вә јандырма гурбанлары да вермәлисән ки, Аллаһымыэ Рәббә гурбан ҝәтирәк. 26Һејванларымыэ да биэимлә ҝетмәлидир: бир дырнаглы да галмамалыдыр, чүнки Аллаһымыэ Рәббә гурбан ҝәтирмәк үчүн онлары ҝөтүрмәлијик. Анҹаг биэ ораја ҝедиб чатмамыш Рәббә нәји гурбан ҝәтирәҹәјимиэи билмирик». 27Рәбб фиронун үрәјини инадкар етди вә о, Исраил өвладларыны бурахмаг истәмәди.
Муса фиронун јанындан чыхыр
28Сонра фирон Мусаја деди: «Рәдд ол, өэүнү ҝөэлә вә бир дә мәним ҝөэүмә ҝөрүнмә. Јенә дә ҝөэүмә ҝөрүнсән, өләҹәксән». 29Муса деди: «Дүэ дејирсән, бир даһа ҝөэүнә ҝөрүнмәрәм».
Currently Selected:
Чыхыш 10: MK2012Cy
Highlight
Copy
Compare
Share
Want to have your highlights saved across all your devices? Sign up or sign in
The Azeri Bible © United Bible Societies 2009, 2013.
Мүгəддəс Китаб © United Bible Societies, 2009, 2013.
