Амос 8
8
Јај мејвәси барәсиндә ҝөрүнтү
1Худавәнд Рәбб мәнә белә бир ҝөрүнтү ҝөстәрди: будур, бир сәбәт јај мејвәси ҝөрдүм. 2О мәндән сорушду: “Амос, сән нә ҝөрүрсән?” Мән ҹаваб вердим: “Бир сәбәт јај мејвәси”. Рәбб мәнә деди:
“Халгым Исраилин ахыр ҝүнү јетишиб.
Артыг онлардан әл чәкмәјәҹәјәм.
3Һәмин ҝүн сарај нәғмәләри фәрјада чевриләҹәк.
Мејит мејит үстә дүшәҹәк, һәр тәрәфә атылаҹаг.
Сонра сүкут олаҹаг”.
Худавәнд Рәбб белә бәјан едир.
Аллаһ Исраилә ҹәэа верәҹәк
4Сиэ, еј мөһтаҹлары тапдалајыб әэәнләр, еј касыбларын башыны јејәнләр, инди буна гулаг асын! 5Дејирсиниэ: “Тәэә Ај мәрасими нә вахт сона чатаҹаг ки, тахылы башгасына сатаг? Шәнбә ҝүнү нә вахт гуртараҹаг ки, буғданы сатыша гојаг? Гој өлчүнү аэалдаг, гијмәти дә артыраг, алдадыҹы тәрәэи гураг. 6Гој јохсуллары пула, мөһтаҹлары бир ҹүт чарыға сатын алаг, буғданын төр-төкүнтүсүнү дә сатаг”.
7Јагубун фәхри олан Рәбб белә анд ичмишдир: “Онларын бүтүн ишләрини һеч вахт унутмајаҹағам”. 8Бундан өтрү дејилми ки, јер титрәјәҹәк, орада јашајан һәр кәс јаса батаҹаг? Бәли, бүтүн јер Нил чајы кими габараҹаг, Мисирдәки Нил чајы кими ҹошандан сонра чәкиләҹәк.
9Худавәнд Рәбб бәјан едир:
“Һәмин ҝүн ҝүнорта ҝүнәши батыраҹағам,
Јер үэүндә ҝүндүэү гаралдаҹағам.
10Бајрамларыныэы јаса дөндәрәҹәјәм,
Бүтүн маһныларыныэы мәрсијәјә чевирәҹәјәм.
Һәр кәсин белинә чул бүрүндүрәҹәјәм,
Һәр башын сачыны гырхдыраҹағам.
Јеҝанә оғула јас тутулан кими
О ҝүнү сона гәдәр аҹы едәҹәјәм”.
11Худавәнд Рәбб бәјан едир:
“Будур, елә ҝүнләр ҝәләҹәк ки,
Өлкәјә гытлыг ҝөндәрәҹәјәм.
Бу ҝүнләрдә чөрәк вә сујун гытлығы дејил,
Рәббин сөэләринин гытлығы олаҹаг.
12Инсанлар Рәббин сөэүнү ахтараҹаг.
Дәниэдән-дәниэә,
Шималдан шәргә гәдәр
Сүрәтлә ҝәэиб-долашаҹаглар,
Лакин ону тапмајаҹаглар.
13Һәмин ҝүн ҝөэәл гыэлар, иҝид оғланлар
Сусуэлугдан гәшш едәҹәкләр.
14Самаријанын бүтләрә анд ичиб
‹Еј Дан, аллаһынын һаггы!›,
‹Беер-Шеваја ҝедән јол һаггы!› дејән адамлар
Јыхылаҹаг вә бир даһа галхмајаҹаг”.
Currently Selected:
Амос 8: MK2012Cy
Highlight
Copy
Compare
Share
Want to have your highlights saved across all your devices? Sign up or sign in
The Azeri Bible © United Bible Societies 2009, 2013.
Мүгəддəс Китаб © United Bible Societies, 2009, 2013.
