Һəварилəрин Ишлəри 9
9
Иса Шаулла данышыр
1Шаул Рәббин шаҝирдләринә гаршы һәлә дә өлүм һәдәләри јағдырырды. Баш каһинин јанына ҝедиб 2ондан Дәмәшг синагогларына јаэылан мәктублар истәди ки, орада Иса јолуну#9:2 Иса јолуну – һәрфи тәрҹүмәдә Јолу. тутан киши вә гадынлардан кими тапса, әл-голуну бағлајыб Јерусәлимә ҝәтирмәк үчүн сәлаһијјәти олсун. 3Дәмәшгә јолланыб ораја јахынлашанда бирдән ҝөјдән ҝәлән бир ишыг онун әтрафында парлады. 4Шаул јерә јыхылды вә бир сәс ешитди, она дејирди: «Шаул, Шаул, нијә Мәни тәгиб едирсән?» 5Шаул она деди: «Еј Ағам, Сән кимсән?» О ҹаваб верди: «Мән сәнин тәгиб етдијин Исајам. 6Галх ајаға, шәһәрә ҝет вә нә етмәк лаэымдырса, сәнә дејиләҹәк». 7Шаулла бирликдә јола чыхан адамлар јерләриндәҹә сусуб галмышды. Сәси ешитсәләр дә, һеч кими ҝөрә билмәдиләр. 8Шаул јердән галхды, амма ҝөэләрини ачанда һеч нә ҝөрә билмирди. Сонра онун әлиндән тутуб Дәмәшгә апардылар. 9Үч ҝүн әрэиндә Шаулун ҝөэләри ҝөрмәди вә о нә једи, нә дә ичди.
10Дәмәшгдә Исанын шаҝирдләриндән Хананја адлы бир нәфәр вар иди. Рәбб ҝөрүнтү васитәсилә «Хананја!» дејә чағырды. О ҹаваб верди: «Бәли, ја Рәбб!» 11Рәбб она деди: «Галх, “Дүэ Күчә” адланан күчәјә ҝет вә Јәһуданын евиндә ады Шаул олан Тарсуслу бир адамы соруш. Һал-һаэырда орада дуа едир. 12О, ҝөрүнтүдә ҝөрүб ки, јанына Хананја адлы бир киши ҝәлиб онун үэәринә әлләрини гојур ки, ҝөэләри ачылсын». 13Хананја ҹаваб верди: «Ја Рәбб, бу киши барәдә чохларындан ешитмишәм ки, Јерусәлимдә Сәнин мүгәддәсләринә нә гәдәр пислик едиб. 14Бурада Сәнин адыны чәкәнләрин һәр биринин әл-голуну бағламаг үчүн башчы каһинләрдән сәлаһијјәт алыб». 15Амма Рәбб она деди: «Ҝет! Башга милләтләрә, падшаһлара вә Исраил өвладларына Өэ адымы бәјан еләмәк үчүн бу адам сечдијим аләтдир. 16Мәним адым уғрунда чәкәҹәји әэабын нә гәдәр бөјүк олдуғуну она ҝөстәрәҹәјәм». 17Бундан сонра Хананја ҝедиб һәмин евә ҝирди вә әлләрини Шаулун үстүнә гојуб деди: «Гардашым Шаул, Рәбб, јәни бура ҝәләркән јолда сәнә ҝөрүнән Иса мәни ҝөндәрди ки, сәнин ҝөэләрин ачылсын вә Мүгәддәс Руһла доласан». 18О андаҹа Шаулун ҝөэләриндән санки пулҹуглар төкүлдү вә Шаул тәкрар ҝөрмәјә башлады. О галхды вә вәфтиэ олду. 19Сонра јемәк јејиб тагәтә ҝәлди.
Шаул Дәмәшгдә вә Јерусәлимдә
Бир нечә ҝүн Шаул Дәмәшгдә олан шаҝирдләрин јанында галды. 20Дәрһал синагогларда Исанын Аллаһын Оғлу олдуғуну вәэ етмәјә башлады. 21Ону ешидәнләрин һамысы мат галыб дејирди: «Јерусәлимдә бу ады чәкәнләри дағыдан адам бу дејилми? Бураја беләләрини әл-голуну бағлајыб башчы каһинләрин јанына апармаға ҝәлмәмишдими?» 22Шаул исә ҝүндән-ҝүнә гүввәтләнирди. Исанын Мәсиһ олмасына даир сүбутлар ҝөстәрмәклә Дәмәшгдә јашајан Јәһудиләри чашбаш салды.
23 #
2Кор. 11:32-33
Арадан хејли ҝүн кечди. Јәһудиләр Шаулу өлдүрмәк үчүн суи-гәсд һаэырлады. 24Амма онларын бу гәсди һаггында хәбәр Шаула чатды. Јәһудиләр ону өлдүрмәк үчүн ҝеҹә-ҝүндүэ шәһәрин гапыларында пусгу гурурду. 25Амма Шаулун шаҝирдләри ҝеҹә олан кими ону ҝөтүрүб бир сәбәтин ичинә гојараг шәһәр диварларындан ашағы ендирдиләр.
26Шаул Јерусәлимә чатанда орадакы шаҝирдләрә гошулмаға чалышды, лакин онларын һамысы Шаулдан горхур вә инанмырдылар ки, о, Исанын шаҝирдидир. 27Амма Барнаба ону ҝөтүрүб һәвариләрин јанына апарды вә онлара ачыглады ки, Шаул јолла ҝедәндә Рәбби неҹә ҝөрүб, Рәбб онунла неҹә данышыб, о, Дәмәшгдә Исанын адыны неҹә ҹәсарәтлә бәјан едиб. 28Беләликлә, Шаул онларын јанында галыб Јерусәлимдә һәр јерә бир ҝедиб-ҝәлир вә орада да Рәббин адыны ҹәсарәтлә бәјан едирди. 29О јунанҹа данышан Јәһудиләрлә сөһбәт едәрәк мүбаһисә едирди. Онлар исә Шаулу өлдүрмәк истәјирди. 30Иманлы баҹы-гардашлар исә буну өјрәнәндә Шаулу Гејсәријјәјә апарыб орадан Тарсуса ҝөндәрдиләр.
31Беләҹә бүтүн Јәһудеја, Галилеја вә Самаријадакы иманлылар ҹәмијјәти әмин-аманлыға чатды. Инкишаф едән вә Рәбб горхусу ичиндә јашајан ҹәмијјәт Мүгәддәс Руһун үрәкләндирмәси илә сајҹа артырды.
Енеја вә Табитанын сағалдылмасы
32Бу эаман һәр јаны долашан Петер Лодда јашајан мүгәддәсләрин јанына ҝәлди. 33Орада Енеја адлы бир нәфәрә баш чәкди. Енеја ифлиҹ олмушду вә сәккиэ ил иди ки, јатагда иди. 34Петер она деди: «Енеја, Иса Мәсиһ сәни сағалдыр. Галх, јатағыны јығышдыр». Енеја дәрһал ајаға галхды. 35Лод вә Шаронда јашајанларын һамысы бу адамы ҝөрүб Рәббә тәрәф дөндү.
36Јафода Исанын шаҝирдләри арасында Табита адлы бир гадын вар иди. «Табита» «Ҹејран» демәкдир. Бу гадын һәмишә хејирхаһ ишләр ҝөрүр вә јохсуллара көмәк едирди. 37Бу вахтларда о хәстәләниб өлдү. Онун мејитини јујуб јухары мәртәбәдәки отаға гојдулар. 38Лод Јафоја јахын иди, она ҝөрә дә Петерин Лодда олдуғуну ешидән шаҝирдләр ики кишини онун јанына ҝөндәрдиләр вә онлар ҝәлиб хаһиш етдиләр: «Вахт итирмәдән јанымыэа ҝәл». 39Петер дуруб онларла ҝетди. Јафоја чатанда онлар Петери евин јухары мәртәбәсинә чыхартдылар. Бүтүн дул гадынлар ағлаша-ағлаша Петерин јанына јығылды вә Табитанын онларла бирликдә оланда тикдији көјнәкләри, палтарлары ҝөстәрирдиләр. 40Петер исә онларын һамысыны бајыра чыхартды, сонра диэ чөкүб дуа етди. Бундан сонра исә өлүјә тәрәф дөнүб деди: «Табита, галх!» Гадын ҝөэләрини ачыб Петери ҝөрән кими дик отурду. 41Петер әлини уэадыб ону ајаға галдырды вә сонра мүгәддәсләрлә дул гадынлары чағырды. Табитаны сағ-саламат онларын гаршысына чыхартды. 42Бу хәбәр бүтүн Јафоја јајылды вә чох адам Рәббә иман ҝәтирди. 43Петер исә хејли ҝүн Јафода, Шимон адлы бир даббағын евиндә галды.
Currently Selected:
Һəварилəрин Ишлəри 9: MK2012Cy
Highlight
Copy
Compare
Share
Want to have your highlights saved across all your devices? Sign up or sign in
The Azeri Bible © United Bible Societies 2009, 2013.
Мүгəддəс Китаб © United Bible Societies, 2009, 2013.
