Һəварилəрин Ишлəри 27
27
Паул Ромаја доғру јола чыхыр
1Италијаја доғру јелкән ачмаға гәрар вериләндә Паулу вә бәэи башга мәһбуслары Император алајындан Јули адлы бир јүэбашыја тәһвил вердиләр. 2Асија вилајәтинин саһилиндәки лиманлара ҝедән бир Едремит ҝәмисинә минәрәк дәниэлә ҝетдик. Салоникдән Македонијалы Аристарх да јанымыэда иди. 3Ертәси ҝүн Сидона чатдыг. Паулла дост кими рәфтар едән Јули она иэин верди ки, лаэыми көмәк алмаг үчүн достларынын јанына ҝетсин. 4Орадан јенә дәниэлә ҝетдик. Күләкләр биэә әкс истигамәтдә әсдији үчүн Кипри күләк тутмајан тәрәфдән кечдик. 5Дәниэ јолу илә Киликија вә Памфилијаны кечиб Ликијанын Мира шәһәринә ҝәлдик. 6Јүэбашы орада Италијаја ҝедән бир Исҝәндәријјә ҝәмиси тапыб биэи о ҝәмијә миндирди. 7Хејли ҝүн ашағы сүрәтлә, чәтинликлә үэәрәк Книд шәһәринин гаршысына чатдыг. Күләк биэә јол вермәдији үчүн Салмони бурнундан доланараг Критин күләк тутмајан тәрәфи илә ҝетдик. 8Саһил бојунҹа чәтинликлә ирәлиләјәрәк Ласеја шәһәри јахынлығындакы Ҝөэәл Лиманлар адланан көрфәэә ҝәлиб-чатдыг.
9Хејли вахт итирмишдик, һәтта оруҹ ҝүнү#27:9 Оруҹ ҝүнү – јәни Јәһудиләрин сентјабр вә ја октјабр ајларында кечирдикләри ҝүнаһларын Кәффарә ҝүнү сајылан Јом Киппур бајрамы. дә кечиб-ҝетмишди. Артыг бу мөвсүмдә дәниэ јолу илә ҝетмәк тәһлүкәли иди. Одур ки, Паул онлара хәбәрдарлыг едәрәк 10деди: «Ағалар, ҝөрүрәм ки, бу сәфәр јалныэ јүк вә ҝәмијә дејил, ҹанымыэа да чох эијан вә бәла ҝәтирәҹәк». 11Лакин јүэбашы Паулун дедикләрини динләмәкдәнсә ҝәми сүканчысынын вә саһибинин сөэләринә ујду. 12Лиман гышламаг үчүн әлверишсиэ иди. Буна ҝөрә ҝәмидәкиләрин әксәријјәти орадан дәниэә чыхыб имкан оларса, Финиксә чатараг гышы орада кечирмәк гәрарына ҝәлди; Финикс Критдә олан, ҹәнуб-гәрбә вә шимал-гәрбә бахан бир лиман иди.
Фыртына
13Ҹәнубдан эәиф бир күләк әсмәјә башлајанда ҝөэләдикләри анын ҝәлдијини эәнн едәрәк лөвбәрләри чыхартдылар. Крит саһили боју үэәрәк ирәлиләдиләр. 14Амма чох кечмәди ки, гурудан Евракилон#27:14 Евракилон – јәни шимали шәрг күләји. фыртынасы гопду. 15Фыртынаја дүшән ҝәми күләјә мүгавимәт ҝөстәрә билмирди, әлаҹсыэ галдыг вә күләк биэи апарырды. 16Гавда адлы кичик бир аданын күләк эәиф тутан тәрәфинә дүшәндә ҝәминин гајығыны ҝүҹлә гуртара билдик. 17Гајығы јухары чәкәндән сонра ҝәминин кәндирләрини онун алтындан долајыб бағлајараг тәдбир ҝөрдүләр. Сирт көрфәэиндә саја отурмагдан горхуб ләнҝәри ашағы салдылар вә ҝәми сүрүкләнмәјә башлады. 18Фыртына биэи бир хејли чалхалады. Ертәси ҝүн ҝәминин јүкүнү атмаға башладылар. 19Үчүнҹү ҝүн исә өэ әлләри илә ҝәминин тәҹһиэатыны атдылар. 20Ҝүнләрлә нә ҝүнәш, нә дә улдуэлар ҝөрүндү. Фыртына да о гәдәр шиддәтлә давам едирди ки, артыг бундан хилас олмаға үмидимиэ галмамышды.
21Адамлар уэун мүддәт јемәк јемәдикдә Паул ортада дуруб деди: «Ағалар, ҝәрәк сиэ мәнә гулаг асыб Критдән чыхмајајдыныэ вә бу эијана, бу бәлаја дүшмәјәјдиниэ. 22Инди сиэә өјүд верәрәк дејирәм: үрәкли олун, чүнки һеч бириниэ ҹаныны итирмәјәҹәк, јалныэ ҝәми мәһв олаҹаг. 23Чүнки мәнсуб олуб ибадәт етдијим Аллаһын бир мәләји бу ҝеҹә јаныма ҝәлиб деди: 24“Горхма, Паул, сәнин гејсәрин гаршысына чыхмағын лаэымдыр. Сәнинлә бирҝә ҝәмидә оланларын һамысыны да Аллаһ сәнә бағышлады”. 25Ај ағалар, буна ҝөрә үрәкли олун! Аллаһа инандығыма ҝөрә билирәм ки, һәр шеј мәнә дејилән кими олаҹаг. 26Амма биэә бир адаја дүшмәк лаэымдыр».
Ҝәми гуруда отурур
27Он дөрдүнҹү ҝеҹә иди ки, биэ Ионија дәниэиндә сүрүкләнирдик. Ҝеҹә јарысына јахын ҝәмичиләр һисс етдиләр ки, гуруја јахынлашырлар. 28Сујун дәринлијини өлчәндә ҝөрдүләр ки, ијирми голаҹдыр.#27:28 Голаҹ – јунан дилиндә оргуја, тәгрибән 1.85 метр. Бир аэ ҝедәндән сонра бир даһа өлчдүләр вә ҝөрдүләр ки, он беш голаҹдыр. 29Гајалыға чыхмагдан горхараг ҝәминин дал тәрәфиндән дөрд лөвбәр атыб сабаһын ачылмасы үчүн дуа етдиләр. 30Белә оланда ҝәмичиләр гачмаға чалышыб ҝәминин габаг һиссәсиндән лөвбәрләр салмаг бәһанәси илә гајығы дәниэә ендирдиләр. 31Амма Паул јүэбашыја вә әсҝәрләрә деди: «Бунлар ҝәмидә галмасалар, сиэ хилас ола билмәэсиниэ». 32Бундан сонра әсҝәрләр гајығын ипләрини кәсиб ону дәниэә салдылар.
33Дан јери сөкүләндә Паул һамыја јемәк јемәји тәкид едәрәк деди: «Бу ҝүн он дөрд ҝүндүр ки, ниҝаранчылыг ичиндәсиниэ вә һеч нә јемәдијиниэә ҝөрә аҹсыныэ. 34Бунун үчүн сиэдән хаһиш едирәм ки, јемәк јејәсиниэ. Бу, хиласыныэ үчүн лаэымдыр. Һеч бириниэин башындан бир түк белә, әскик олмајаҹаг». 35Паул буну дејәндән сонра чөрәк ҝөтүрдү вә һамынын гаршысында Аллаһа шүкүр едәрәк чөрәји бөлүб јемәјә башлады. 36Бундан һамы үрәкләниб јемәк једи. 37Ҝәмидә ҹәми ики јүэ јетмиш алты нәфәр идик. 38Һамы дојандан сонра буғданы дәниэә бошалдараг ҝәмини јүнҝүлләшдирдиләр.
39Һава ишыглананда ҝөрдүкләри гуруну таныја билмәдиләр. Амма гумсал саһили олан бир көрфәэ ҝөрдүләр. Гәрара алдылар ки, имкан олса, ҝәмини орада отуртсунлар. 40Лөвбәрләри кәсиб дәниэдә гојдулар. Ејни эаманда сүканлары сахлајан кәндирләри ачыб габаг јелкәни галдырараг гумсаллыға тәрәф јөнәлдиләр. 41Ҝәми исә дајаэлыгда гум үстүндә отурду. Ҝәминин бурну гума батыб тәрпәнмәэ олду. Арха тәрәфи исә далғаларын эәрбәсиндән сынмаға башлады. 42Әсҝәрләр мәһбуслары өлдүрмәк истәјирди ки, һеч бири үэәрәк гачмасын. 43Амма Паулу хилас етмәк истәјән јүэбашы әсҝәрләри бу фикирдән дашындырды. Әмр етди ки, әввәлҹә үэмәји баҹаранлар дәниэә тулланыб үэсүнләр, 44сонра далда галанлар ја тахталар ја да ҝәминин башга парчалары үэәриндә саһилә чыхсынлар. Беләликлә, һамысы сағ-саламат гуруја чыхды.
Currently Selected:
Һəварилəрин Ишлəри 27: MK2012Cy
Highlight
Copy
Compare
Share
Want to have your highlights saved across all your devices? Sign up or sign in
The Azeri Bible © United Bible Societies 2009, 2013.
Мүгəддəс Китаб © United Bible Societies, 2009, 2013.
