Titus 1
1
1ဘုရားရှင်၏ အစေခံနှင့် ယေရှုခရစ်တော်၏ သာဝကဖြစ်သော ကျွန်ုပ်ပေါလု စာရေးလိုက်၏။ ကျွန်ုပ်သည် ဘုရားရှင်ရွေးကောက်သောသူတို့၏ ယုံကြည်ခြင်းအတွက်လည်းကောင်း၊ ဘုရားတရားကိုင်းရှိုင်းခြင်းထံသို့ ဦးတည်လမ်းညွှန်သော သမ္မာတရားကို ထိုသူတို့ သိရှိနားလည်နိုင်စေရန်အတွက်လည်းကောင်း သာဝကဖြစ်လာရခြင်းဖြစ်၏။ 2သူတို့သည် နိစ္စထာဝရအသက်ရရန်လည်း မျှော်လင့်နိုင်ကြမည်။ မုသားကင်းစင်းတော်မူသောဘုရားရှင်သည် ဤကမ္ဘာလောကအား ဖန်ဆင်းတော်မမူမီကပင် ထိုအသက်ကို ပေးရန် ကတိပြုတော်မူခဲ့၏။ 3ဘုရားရှင်သည် အချိန်တန်သောအခါ ဟောပြောခြင်းအမှုအားဖြင့် မိမိ၏နှုတ်ကပတ်တော်ကို ထင်ရှားစေတော်မူပြီး ကျွန်ုပ်၏ ကယ်တင်ရှင်ဖြစ်သော ဘုရားရှင်၏အမိန့်တော်အတိုင်း ကျွန်ုပ်အား ထိုသို့ပြုခွင့်ပေးတော်မူ၏။ 4ကျွန်ုပ်နှင့် ယုံကြည်ချက်တူညီ၍ ကျွန်ုပ်၏ သားအစစ်အမှန်ဖြစ်သော တိတုထံသို့ ဤစာကို ပို့လိုက်၏။ ကျွန်ုပ်တို့၏ အဖဘုရားရှင်နှင့် ကယ်တင်ရှင်ဖြစ်သောယေရှုခရစ်တော်တို့ထံမှ ကျေးဇူးတော်နှင့် ငြိမ်ဝပ်ခြင်းသည် သင့်အပေါ်ရှိပါစေသော။ 5သင့်ကို ကရေတေကျွန်း၌ ကျွန်ုပ်ချန်ထားခဲ့ရခြင်းမှာ ကျွန်ုပ်ညွှန်ကြားထားသည့်အတိုင်း မပြီးဆုံးသေးသော ကိစ္စများကို စီမံဆောင်ရွက်ရန်နှင့် မြို့တိုင်းတွင် အကြီးအကဲများကို ခန့်ထားစေရန်ဖြစ်၏။ 6အကြီးအကဲတို့သည် အပြစ်ဆိုဖွယ်မရှိသူ၊ မိမိ၏ဇနီးမယားအပေါ် သစ္စာရှိသောသူဖြစ်ရမည်။ သူတို့၏သားသမီးများသည်လည်း ယုံကြည်သူများဖြစ်ရမည်။ အထိန်းအကွပ်မဲ့သူများ၊ မနာခံသူများဟူသော စွပ်စွဲခံရခြင်းနှင့် ကင်းရမည်။ 7အသင်းတော်ကြီးကြပ်သူသည် ဘုရားရှင်၏ အမှုတော်ကို တာဝန်ယူဆောင်ရွက်ရသူဖြစ်သဖြင့် အပြစ်ဆိုဖွယ်မရှိသူဖြစ်ရမည်။ ဗိုလ်ကျခြယ်လှယ်သူ၊ စိတ်တိုလွယ်သူ၊ သောက်စားမူးယစ်သူ၊ ရန်လိုသူ၊ မသမာနည်းဖြင့် ကိုယ်ကျိုးစီးပွားရှာသူများ မဖြစ်ရ။ 8ဧည့်ဝတ်ကျေပွန်သူ၊ ကောင်းသောအရာကို မြတ်နိုးသူ၊ မိမိကိုယ်ကိုယ် ချုပ်တည်းသူ၊ ဖြောင့်မတ်သူ၊ မြင့်မြတ်သူ၊ စည်းကမ်းရှိသူဖြစ်ရမည်။ 9သူသည် မိမိသင်ယူထားသည့် သစ္စာတရားနှင့်ပြည့်စုံသောသတင်းစကားကို မြဲမြံစွာ စွဲကိုင်ထားရမည်။ သို့မှသာ သူသည် အခြားသူများကို မှန်ကန်သောဩဝါဒဖြင့် အားပေးနိုင်ပြီး ဆန့်ကျင်ပြောဆိုသူတို့ကိုလည်း ချေပနိုင်မည်ဖြစ်၏။ 10အကြောင်းမူကား တော်လှန်ပုန်ကန်သူ၊ အကျိုးမဲ့သောစကားပြောဆိုသူ၊ လိမ်လည်လှည့်ဖြားသူ များစွာ ရှိကြသောကြောင့်ဖြစ်၏။ အထူးသဖြင့် အရေပြားလှီးခြင်းမင်္ဂလာခံယူခြင်းကို တိုက်တွန်းသူများထဲတွင် ရှိကြ၏။ 11ထိုသူတို့၏နှုတ်ကို ပိတ်ရမည်။ သူတို့သည် မသမာနည်းဖြင့် အကျိုးစီးပွားရှာသောကြောင့် မသွန်သင်သင့်သော အရာများကို သွန်သင်လျက် အချို့သော အိမ်သူအိမ်သားများကို ပျက်စီးစေကြ၏။ 12ကရေတေကျွန်းသား အရိယာသူတော်စင်တစ်ဦးကပင် “ကရေတေကျွန်းသားတို့သည် အမြဲတစေ လိမ်ညာ၊ ရက်စက်ကြမ်းကြုတ်၊ ပျင်းရိကာ အစားအသောက်လွန်ကြူးသူများဖြစ်၏” ဟူ၍ ဆိုခဲ့၏။ 13ဤဆိုရိုးစကားသည် မှန်ပေ၏။ ထို့ကြောင့် စစ်မှန်သောသွန်သင်မှုတို့၌ ယုံကြည်ခြင်းရှိကြစေရန် သူတို့အား ပြင်းပြင်းထန်ထန် ဆုံးမရမည်။ 14သို့မှသာ သမ္မာတရားကို ဆန့်ကျင်သူတို့၏ ပညတ်ချက်များနှင့် ဂျူးလူမျိုးတို့၏ ဒဏ္ဍာရီများကို သူတို့ အာရုံမစိုက်တော့မည်ဖြစ်၏။ 15စင်ကြယ်သူတို့အတွက် အရာအားလုံးသည် စင်ကြယ်၏။ သို့သော် ညစ်ညူး၍ မယုံကြည်သူတို့အတွက် မည်သည့်အရာမျှ မစင်ကြယ်။ အကြောင်းမှာ သူတို့၏ အတွေးအခေါ်နှင့် အသိစိတ်တို့သည် ညစ်ညူးသောကြောင့်ဖြစ်၏။ 16သူတို့သည် ဘုရားရှင်ကို သိသည်ဟု အခိုင်အမာပြောကြသော်လည်း သူတို့ပြုသောအမှုအားဖြင့် ဘုရားရှင်ကို ငြင်းပယ်ကြ၏။ သူတို့သည် စက်ဆုပ်ရွံရှာဖွယ်ကောင်းသောသူ၊ မနာခံသောသူ၊ မည်သည့်ကောင်းမှုကိုမျှ ပြုနိုင်စွမ်းမရှိသောသူများ ဖြစ်ကြ၏။
Currently Selected:
Titus 1: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Titus 1
1
1ဘုရားရှင်၏ အစေခံနှင့် ယေရှုခရစ်တော်၏ သာဝကဖြစ်သော ကျွန်ုပ်ပေါလု စာရေးလိုက်၏။ ကျွန်ုပ်သည် ဘုရားရှင်ရွေးကောက်သောသူတို့၏ ယုံကြည်ခြင်းအတွက်လည်းကောင်း၊ ဘုရားတရားကိုင်းရှိုင်းခြင်းထံသို့ ဦးတည်လမ်းညွှန်သော သမ္မာတရားကို ထိုသူတို့ သိရှိနားလည်နိုင်စေရန်အတွက်လည်းကောင်း သာဝကဖြစ်လာရခြင်းဖြစ်၏။ 2သူတို့သည် နိစ္စထာဝရအသက်ရရန်လည်း မျှော်လင့်နိုင်ကြမည်။ မုသားကင်းစင်းတော်မူသောဘုရားရှင်သည် ဤကမ္ဘာလောကအား ဖန်ဆင်းတော်မမူမီကပင် ထိုအသက်ကို ပေးရန် ကတိပြုတော်မူခဲ့၏။ 3ဘုရားရှင်သည် အချိန်တန်သောအခါ ဟောပြောခြင်းအမှုအားဖြင့် မိမိ၏နှုတ်ကပတ်တော်ကို ထင်ရှားစေတော်မူပြီး ကျွန်ုပ်၏ ကယ်တင်ရှင်ဖြစ်သော ဘုရားရှင်၏အမိန့်တော်အတိုင်း ကျွန်ုပ်အား ထိုသို့ပြုခွင့်ပေးတော်မူ၏။ 4ကျွန်ုပ်နှင့် ယုံကြည်ချက်တူညီ၍ ကျွန်ုပ်၏ သားအစစ်အမှန်ဖြစ်သော တိတုထံသို့ ဤစာကို ပို့လိုက်၏။ ကျွန်ုပ်တို့၏ အဖဘုရားရှင်နှင့် ကယ်တင်ရှင်ဖြစ်သောယေရှုခရစ်တော်တို့ထံမှ ကျေးဇူးတော်နှင့် ငြိမ်ဝပ်ခြင်းသည် သင့်အပေါ်ရှိပါစေသော။ 5သင့်ကို ကရေတေကျွန်း၌ ကျွန်ုပ်ချန်ထားခဲ့ရခြင်းမှာ ကျွန်ုပ်ညွှန်ကြားထားသည့်အတိုင်း မပြီးဆုံးသေးသော ကိစ္စများကို စီမံဆောင်ရွက်ရန်နှင့် မြို့တိုင်းတွင် အကြီးအကဲများကို ခန့်ထားစေရန်ဖြစ်၏။ 6အကြီးအကဲတို့သည် အပြစ်ဆိုဖွယ်မရှိသူ၊ မိမိ၏ဇနီးမယားအပေါ် သစ္စာရှိသောသူဖြစ်ရမည်။ သူတို့၏သားသမီးများသည်လည်း ယုံကြည်သူများဖြစ်ရမည်။ အထိန်းအကွပ်မဲ့သူများ၊ မနာခံသူများဟူသော စွပ်စွဲခံရခြင်းနှင့် ကင်းရမည်။ 7အသင်းတော်ကြီးကြပ်သူသည် ဘုရားရှင်၏ အမှုတော်ကို တာဝန်ယူဆောင်ရွက်ရသူဖြစ်သဖြင့် အပြစ်ဆိုဖွယ်မရှိသူဖြစ်ရမည်။ ဗိုလ်ကျခြယ်လှယ်သူ၊ စိတ်တိုလွယ်သူ၊ သောက်စားမူးယစ်သူ၊ ရန်လိုသူ၊ မသမာနည်းဖြင့် ကိုယ်ကျိုးစီးပွားရှာသူများ မဖြစ်ရ။ 8ဧည့်ဝတ်ကျေပွန်သူ၊ ကောင်းသောအရာကို မြတ်နိုးသူ၊ မိမိကိုယ်ကိုယ် ချုပ်တည်းသူ၊ ဖြောင့်မတ်သူ၊ မြင့်မြတ်သူ၊ စည်းကမ်းရှိသူဖြစ်ရမည်။ 9သူသည် မိမိသင်ယူထားသည့် သစ္စာတရားနှင့်ပြည့်စုံသောသတင်းစကားကို မြဲမြံစွာ စွဲကိုင်ထားရမည်။ သို့မှသာ သူသည် အခြားသူများကို မှန်ကန်သောဩဝါဒဖြင့် အားပေးနိုင်ပြီး ဆန့်ကျင်ပြောဆိုသူတို့ကိုလည်း ချေပနိုင်မည်ဖြစ်၏။ 10အကြောင်းမူကား တော်လှန်ပုန်ကန်သူ၊ အကျိုးမဲ့သောစကားပြောဆိုသူ၊ လိမ်လည်လှည့်ဖြားသူ များစွာ ရှိကြသောကြောင့်ဖြစ်၏။ အထူးသဖြင့် အရေပြားလှီးခြင်းမင်္ဂလာခံယူခြင်းကို တိုက်တွန်းသူများထဲတွင် ရှိကြ၏။ 11ထိုသူတို့၏နှုတ်ကို ပိတ်ရမည်။ သူတို့သည် မသမာနည်းဖြင့် အကျိုးစီးပွားရှာသောကြောင့် မသွန်သင်သင့်သော အရာများကို သွန်သင်လျက် အချို့သော အိမ်သူအိမ်သားများကို ပျက်စီးစေကြ၏။ 12ကရေတေကျွန်းသား အရိယာသူတော်စင်တစ်ဦးကပင် “ကရေတေကျွန်းသားတို့သည် အမြဲတစေ လိမ်ညာ၊ ရက်စက်ကြမ်းကြုတ်၊ ပျင်းရိကာ အစားအသောက်လွန်ကြူးသူများဖြစ်၏” ဟူ၍ ဆိုခဲ့၏။ 13ဤဆိုရိုးစကားသည် မှန်ပေ၏။ ထို့ကြောင့် စစ်မှန်သောသွန်သင်မှုတို့၌ ယုံကြည်ခြင်းရှိကြစေရန် သူတို့အား ပြင်းပြင်းထန်ထန် ဆုံးမရမည်။ 14သို့မှသာ သမ္မာတရားကို ဆန့်ကျင်သူတို့၏ ပညတ်ချက်များနှင့် ဂျူးလူမျိုးတို့၏ ဒဏ္ဍာရီများကို သူတို့ အာရုံမစိုက်တော့မည်ဖြစ်၏။ 15စင်ကြယ်သူတို့အတွက် အရာအားလုံးသည် စင်ကြယ်၏။ သို့သော် ညစ်ညူး၍ မယုံကြည်သူတို့အတွက် မည်သည့်အရာမျှ မစင်ကြယ်။ အကြောင်းမှာ သူတို့၏ အတွေးအခေါ်နှင့် အသိစိတ်တို့သည် ညစ်ညူးသောကြောင့်ဖြစ်၏။ 16သူတို့သည် ဘုရားရှင်ကို သိသည်ဟု အခိုင်အမာပြောကြသော်လည်း သူတို့ပြုသောအမှုအားဖြင့် ဘုရားရှင်ကို ငြင်းပယ်ကြ၏။ သူတို့သည် စက်ဆုပ်ရွံရှာဖွယ်ကောင်းသောသူ၊ မနာခံသောသူ၊ မည်သည့်ကောင်းမှုကိုမျှ ပြုနိုင်စွမ်းမရှိသောသူများ ဖြစ်ကြ၏။
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.