Revelation 7
7
1ထို့နောက် ကမ္ဘာမြေကြီးအရပ်လေးမျက်နာတွင် ရပ်နေသော ကောင်ကင်တမန်လေးပါကို ကျွန်ုပ်မြင်ရ၏။ သူတို့သည် မြေကြီး၊ ပင်လယ်နှင့် သစ်ပင်များပေါ်သို့ လေမတိုက်စေရန် အရပ်လေးမျက်နှာမှလေတို့ကို ထိန်းချုပ်ထား၏။ 2ထို့နောက် အသက်ရှင်တော်မူသော ဘုရားရှင်၏ တံဆိပ်ကို ကိုင်လျက် အရှေ့အရပ်မှ တက်လာသော ကောင်းကင်တမန်တစ်ပါးကို ကျွန်ုပ်မြင်ရ၏။ မြေကြီးနှင့်ပင်လယ်ကို ဖျက်စီးရန်အတွက် အခွင့်အာဏာရရှိထားသော ကောင်းကင်တမန်လေးပါးအား သူက ကျယ်လောင်စွာ ကြွေးကြော်သည်မှာ 3“ဘုရားရှင်၏ အစေခံတို့ကို နဖူး၌တံဆိပ်မခတ်မီအထိ မြေကြီး၊ ပင်လယ်နှင့် သစ်ပင်တို့ကို မဖျက်စီးပါနှင့်” ဟူ၍ဖြစ်၏။ 4ထို့နောက် တံဆိပ်ခတ်ခံရသော သူတို့၏အရေအတွက်ကို ကျွန်ုပ်ကြားသိရ၏။ အစ္စရေးမျိုးနွယ်စုအသီးသီးတို့ထဲမှ တစ်သိန်းလေးသောင်းလေးထောင်တို့သည် တံဆိပ်ခတ်နှိပ်ခံထားရ၏။ 5ယုဒအနွယ်ဝင်ထဲမှ တစ်သောင်းနှစ်ထောင်၊ ရုဗင်အနွယ်ဝင်ထဲမှာ တစ်သောင်းနှစ်ထောင်၊ ဂဒ်အနွယ်ဝင်ထဲမှ တစ်သောင်းနှစ်ထောင်၊ 6အာရှာအနွယ်ဝင်ထဲမှ တစ်သောင်းနှစ်ထောင်၊ နဿလိအနွယ်ဝင်ထဲမှ တစ်သောင်းနှစ်ထောင်၊ မနာရှေ အနွယ်ဝင်ထဲမှ တစ်သောင်းနှစ်ထောင်၊ 7ရှိမောင်အနွယ်ဝင်ထဲမှ တစ်သောင်းနှင်ထောင်၊ လေဝိအနွယ်ဝင်ထဲမှ တစ်သောင်းနှစ်ထောင်၊ ဣသခါအနွယ်ထဲမှ တစ်သောင်းနှစ်ထောင်၊ 8ဇာဗုလုန်အနွယ်ဝင်ထဲမှ တစ်သောင်းနှစ်ထောင်၊ ယောသပ်အနွယ်ဝင်ထဲမှ တစ်သောင်းနှစ်ထောင်၊ ဗင်္ယာမိန်အနွယ်ထဲမှ တစ်သောင်းနှစ်ထောင်တို့သည် အသီးသီးတံဆိပ် ခတ်နှိပ်ခံကြရ၏။ 9ထို့နောက် ကျွန်ုပ်ကြည့်လိုက်ရာ မည်သူမျှမရေတွက်နိုင်သော လူအုပ်ကြီးရှိ၏။ သူတို့သည် တိုင်းနိုင်ငံအသီးသီး၊ မျိုးနွယ်စုအသီးသီး၊ လူမျိုးအသီးသီးနှင့် ဘာသာစကားအသီးသီး ပြောသည့်သူများမှ ဖြစ်ကြ၏။ သူတို့သည် ဝတ်ရုံဖြူကို ဝတ်ဆင်လျက် လက်များ၌ စွန်ပလွံခက်များကိုကိုင်၍ ရာဇပလ္လင်တော်နှင့် သိုးသငယ်တော်ရှေ့၌ ရပ်နေကြ၏။ 10သူတို့က “ရာဇပလ္လင်တော်ပေါ်တွင် ထိုင်တော်မူသောငါတို့၏ ဘုရားရှင်နှင့် သိုးသငယ်တော်တို့သည် ငါတို့ကို ကယ်တင်တော်မူပြီ” ဟုကျယ်လောင်စွာ ကြွေးကြော်ကြ၏။ 11နတ်ဒေဝါအပေါင်းတို့သည် ရာဇပလ္လင်တော်၊ အကြီးအကဲများနှင့် သတ္တဝါလေးပါးတို့၏ ပတ်ပတ်လည်၌ ရပ်နေကြ၏။ သူတို့သည် ပလ္လင်တော်ရှေ့၌ ဝပ်တွားခယလျက် ဘုရားသခင်ကို ကိုးကွယ်ကြ၏။ 12သူတို့က “အာမင်။ ချီးမွမ်းခြင်း၊ ဘုန်းအသရေ၊ ဉာဏ်ပညာ၊ ကျေးဇူးတော်ချီးမွမ်းခြင်း၊ ဂုဏ်အသရေ၊ တန်ခိုး၊ အစွမ်းသတ္တိတို့သည် ငါတို့ဘုရားရှင်အပေါ်၌ ထာဝရတည်ရှိပါစေသော။ အာမင်” ဟုဆိုကြ၏။ 13အကြီးအကဲများထဲမှ တစ်ပါးက “ဝတ်ရုံဖြူဝတ်ထားသည့် ဤသူတို့သည် မည်သူတို့နည်း။ မည်သည့်အရပ်မှ လာကြသနည်း” ဟု ကျွန်ုပ်အားမေး၏။ 14"အရှင်၊ အရှင်သိပါသည်" ဟု ငါဖြေကြားခဲ့၏။ ထို့နောက် သူသည် ငါ့အား "ဤလူတို့သည် လွန်စွာဒုက္ခခံစားခဲ့ရသူများဖြစ်၏။ သူတို့သည် သူတို့၏ဝတ်လုံတော်များကို သိုးသူငယ်၏သွေးနှင့်ဆေး၍ ဖြူစင်စေခဲ့၏။ 15ထို့ကြောင့် သူတို့သည် ဘုရားရှင်၏ ရာဇပလ္လင်တော်ရှေ့ ကိုယ်တော်၏ဗိမာန်တော်၌ နေ့ညမပြတ်ဘုရားရှင်ကို ဝတ်ပြုကြ၏။ ရာဇပလ္လင်ပေါ်၌ ထိုင်တော်မူသောအရှင်သည်လည်း သူတို့နှင့်အတူရှိ၍ ကာကွယ်စောင့်ရှောက်တော်မူလိမ့်မည်။ 16သူတို့သည် နောက်တစ်ဖန်ဆာလောင်လိမ့်မည်မဟုတ်။ ရေငတ်တော့မည်မဟုတ်။ နေရောင်ခြည်နှင့်ပြင်းထန်သော အပူဒဏ်ကြောင့်လည်း ထိခိုက်မှုရှိတော့မည်မဟုတ်။ 17အဘယ်ကြောင့်ဆိုသော် ရာဇပလ္လင်အလည်၌ရှိသော သိုးသငယ်တော်သည် သူတို့၏သိုးထိန်းဖြစ်၍ အသက်စမ်းရည်တွင်းသို့ ပို့ဆောင်တော်မူမည်ဖြစ်သောကြောင့်ပင်။ ဘုရားရှင်သည် သူတို့၏ ရှိသမျှ မျက်ရည်တို့ကို သုတ်ပေးတော်မူလိမ့်မည်” ဟုဆို၏။
Currently Selected:
Revelation 7: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Revelation 7
7
1ထို့နောက် ကမ္ဘာမြေကြီးအရပ်လေးမျက်နာတွင် ရပ်နေသော ကောင်ကင်တမန်လေးပါကို ကျွန်ုပ်မြင်ရ၏။ သူတို့သည် မြေကြီး၊ ပင်လယ်နှင့် သစ်ပင်များပေါ်သို့ လေမတိုက်စေရန် အရပ်လေးမျက်နှာမှလေတို့ကို ထိန်းချုပ်ထား၏။ 2ထို့နောက် အသက်ရှင်တော်မူသော ဘုရားရှင်၏ တံဆိပ်ကို ကိုင်လျက် အရှေ့အရပ်မှ တက်လာသော ကောင်းကင်တမန်တစ်ပါးကို ကျွန်ုပ်မြင်ရ၏။ မြေကြီးနှင့်ပင်လယ်ကို ဖျက်စီးရန်အတွက် အခွင့်အာဏာရရှိထားသော ကောင်းကင်တမန်လေးပါးအား သူက ကျယ်လောင်စွာ ကြွေးကြော်သည်မှာ 3“ဘုရားရှင်၏ အစေခံတို့ကို နဖူး၌တံဆိပ်မခတ်မီအထိ မြေကြီး၊ ပင်လယ်နှင့် သစ်ပင်တို့ကို မဖျက်စီးပါနှင့်” ဟူ၍ဖြစ်၏။ 4ထို့နောက် တံဆိပ်ခတ်ခံရသော သူတို့၏အရေအတွက်ကို ကျွန်ုပ်ကြားသိရ၏။ အစ္စရေးမျိုးနွယ်စုအသီးသီးတို့ထဲမှ တစ်သိန်းလေးသောင်းလေးထောင်တို့သည် တံဆိပ်ခတ်နှိပ်ခံထားရ၏။ 5ယုဒအနွယ်ဝင်ထဲမှ တစ်သောင်းနှစ်ထောင်၊ ရုဗင်အနွယ်ဝင်ထဲမှာ တစ်သောင်းနှစ်ထောင်၊ ဂဒ်အနွယ်ဝင်ထဲမှ တစ်သောင်းနှစ်ထောင်၊ 6အာရှာအနွယ်ဝင်ထဲမှ တစ်သောင်းနှစ်ထောင်၊ နဿလိအနွယ်ဝင်ထဲမှ တစ်သောင်းနှစ်ထောင်၊ မနာရှေ အနွယ်ဝင်ထဲမှ တစ်သောင်းနှစ်ထောင်၊ 7ရှိမောင်အနွယ်ဝင်ထဲမှ တစ်သောင်းနှင်ထောင်၊ လေဝိအနွယ်ဝင်ထဲမှ တစ်သောင်းနှစ်ထောင်၊ ဣသခါအနွယ်ထဲမှ တစ်သောင်းနှစ်ထောင်၊ 8ဇာဗုလုန်အနွယ်ဝင်ထဲမှ တစ်သောင်းနှစ်ထောင်၊ ယောသပ်အနွယ်ဝင်ထဲမှ တစ်သောင်းနှစ်ထောင်၊ ဗင်္ယာမိန်အနွယ်ထဲမှ တစ်သောင်းနှစ်ထောင်တို့သည် အသီးသီးတံဆိပ် ခတ်နှိပ်ခံကြရ၏။ 9ထို့နောက် ကျွန်ုပ်ကြည့်လိုက်ရာ မည်သူမျှမရေတွက်နိုင်သော လူအုပ်ကြီးရှိ၏။ သူတို့သည် တိုင်းနိုင်ငံအသီးသီး၊ မျိုးနွယ်စုအသီးသီး၊ လူမျိုးအသီးသီးနှင့် ဘာသာစကားအသီးသီး ပြောသည့်သူများမှ ဖြစ်ကြ၏။ သူတို့သည် ဝတ်ရုံဖြူကို ဝတ်ဆင်လျက် လက်များ၌ စွန်ပလွံခက်များကိုကိုင်၍ ရာဇပလ္လင်တော်နှင့် သိုးသငယ်တော်ရှေ့၌ ရပ်နေကြ၏။ 10သူတို့က “ရာဇပလ္လင်တော်ပေါ်တွင် ထိုင်တော်မူသောငါတို့၏ ဘုရားရှင်နှင့် သိုးသငယ်တော်တို့သည် ငါတို့ကို ကယ်တင်တော်မူပြီ” ဟုကျယ်လောင်စွာ ကြွေးကြော်ကြ၏။ 11နတ်ဒေဝါအပေါင်းတို့သည် ရာဇပလ္လင်တော်၊ အကြီးအကဲများနှင့် သတ္တဝါလေးပါးတို့၏ ပတ်ပတ်လည်၌ ရပ်နေကြ၏။ သူတို့သည် ပလ္လင်တော်ရှေ့၌ ဝပ်တွားခယလျက် ဘုရားသခင်ကို ကိုးကွယ်ကြ၏။ 12သူတို့က “အာမင်။ ချီးမွမ်းခြင်း၊ ဘုန်းအသရေ၊ ဉာဏ်ပညာ၊ ကျေးဇူးတော်ချီးမွမ်းခြင်း၊ ဂုဏ်အသရေ၊ တန်ခိုး၊ အစွမ်းသတ္တိတို့သည် ငါတို့ဘုရားရှင်အပေါ်၌ ထာဝရတည်ရှိပါစေသော။ အာမင်” ဟုဆိုကြ၏။ 13အကြီးအကဲများထဲမှ တစ်ပါးက “ဝတ်ရုံဖြူဝတ်ထားသည့် ဤသူတို့သည် မည်သူတို့နည်း။ မည်သည့်အရပ်မှ လာကြသနည်း” ဟု ကျွန်ုပ်အားမေး၏။ 14"အရှင်၊ အရှင်သိပါသည်" ဟု ငါဖြေကြားခဲ့၏။ ထို့နောက် သူသည် ငါ့အား "ဤလူတို့သည် လွန်စွာဒုက္ခခံစားခဲ့ရသူများဖြစ်၏။ သူတို့သည် သူတို့၏ဝတ်လုံတော်များကို သိုးသူငယ်၏သွေးနှင့်ဆေး၍ ဖြူစင်စေခဲ့၏။ 15ထို့ကြောင့် သူတို့သည် ဘုရားရှင်၏ ရာဇပလ္လင်တော်ရှေ့ ကိုယ်တော်၏ဗိမာန်တော်၌ နေ့ညမပြတ်ဘုရားရှင်ကို ဝတ်ပြုကြ၏။ ရာဇပလ္လင်ပေါ်၌ ထိုင်တော်မူသောအရှင်သည်လည်း သူတို့နှင့်အတူရှိ၍ ကာကွယ်စောင့်ရှောက်တော်မူလိမ့်မည်။ 16သူတို့သည် နောက်တစ်ဖန်ဆာလောင်လိမ့်မည်မဟုတ်။ ရေငတ်တော့မည်မဟုတ်။ နေရောင်ခြည်နှင့်ပြင်းထန်သော အပူဒဏ်ကြောင့်လည်း ထိခိုက်မှုရှိတော့မည်မဟုတ်။ 17အဘယ်ကြောင့်ဆိုသော် ရာဇပလ္လင်အလည်၌ရှိသော သိုးသငယ်တော်သည် သူတို့၏သိုးထိန်းဖြစ်၍ အသက်စမ်းရည်တွင်းသို့ ပို့ဆောင်တော်မူမည်ဖြစ်သောကြောင့်ပင်။ ဘုရားရှင်သည် သူတို့၏ ရှိသမျှ မျက်ရည်တို့ကို သုတ်ပေးတော်မူလိမ့်မည်” ဟုဆို၏။
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.