James 4
4
1သင်တို့ထဲတွင် မည်သည့်အကြောင်းကြောင့် စစ်ပွဲများနှင့် ရန်ပွဲများဖြစ်ကြသနည်း။ သင်တို့၏ကိုယ်ခန္တာထဲ၌ ဆန့်ကျင်တိုက်ခိုက်နေကြသည့် သင်တို့၏အပျော်အပါးလိုက်စားလိုသောစိတ်မှ ဖြစ်လာကြသည်မဟုတ်လော။ 2သင်တို့သည် မိမိတို့လိုချင်သောအရာတို့ကို မရနိုင်သောအခါ လူသတ်ကြသည်။ တစ်စုံတစ်ခုအား အလွန်အလိုရှိသော်လည်း မရနိုင်သောအခါတွင် သင်တို့သည် ခိုက်ရန်ဖြစ်၍ တိုက်ခိုက်ကြသည်။ ထိုသို့ဖြစ်ရခြင်းမှာ ဘုရားရှင်ထံတွင် အလိုရှိသောအရာတို့ကို တောင်းလျှောက်ခြင်းမပြုကြသောကြောင့်ဖြစ်သည်။ 3တောင်းလျှောက်လျှင်လည်း သင်တို့အပျော်အပါးလိုက်စားရန်အတွက် လွဲမှားစွာ တောင်းလျှောက်သောကြောင့် မရကြပေ။ 4ဖောက်ပြန်တတ်သောသူတို့၊ လောကနှင့် မိတ်ဖွဲ့သောသူတို့သည် ဘုရားရှင်အား ရန်ဘက်ပြုသူများဖြစ်ကြောင်း သင်တို့နားမလည်ကြသလော။ ထို့ကြောင့် လောကနှင့်မိတ်ဆွေဖြစ်သောသူသည် ဘုရားရှင်၏ရန်သူဖြစ်သည်။ 5သင်တို့ “ဘုရားရှင်သည် ကျွန်ုပ်တို့အထဲ၌ ရှင်သန်စေတော်မူသည့် လူ့စိတ်ဝိညာဥ်အား သဝန်တိုသောသဘောဖြင့် တောင့်တတော်မူသည်” ဟူသော ကျမ်းစာတော်ကို အကြောင်းမဲ့ဖော်ပြသည်ဟု ထင်ပါသလား။ 6သို့သော် ကိုယ်တော်သည် ကျွန်ုပ်တို့အား ကြီးမြတ်သောကျေးဇူးကို ပေးတော်မူသည်။ ထိုကြောင့် “ဘုရားရှင်သည် ဂုဏ်မောက်မာသောသူများကို ဆန့်ကျင်သည်။ နှိမ့်ချသောသူများအား ကူညီမစတော်မူသည်။ "ဟူ၍ ဖော်ပြထားလေသည်။ 7ထို့ကြောင့် ဘုရားရှင်အား နာခံကြလော့။ မာရ်နတ်အလိုရှိသည့်အတိုင်း မပြုလုပ်ကြနှင့်။ ထိုသို့ဆိုလျှင် မာရ်နတ်သည် သင်တို့ထံမှ ထွက်ပြေးသွားပါလိမ့်မည်။ 8ဘုရားရှင်ကိုဆည်းကပ်လျှင် ဘုရားရှင်ကလည်း သင့်ထံသို့ ချည်းကပ်လာပါလိမ့်မည်။ အပြစ်သားတို့ သင်တို့လက်များကို ဆေးကြောကြလော့။ စိတ်နှစ်ခွရှိသောသူတို့၊ သင်တို့၏စိတ်နှလုံးသားတို့အား သန့်ရှင်းစင်ကြယ်စေကြပါ။ 9စိတ်ညှိုးငယ်ခြင်း၊ ဝမ်းနည်းကြေကွဲခြင်းနှင့် ငိုကြွေးခြင်းရှိကြလော့။ သင်တို့ရယ်မောခြင်းသည် ဝမ်းနည်းခြင်းဖြစ်စေ၍၊ သင်တို့၏ရွှင်လန်းခြင်းအား ဝမ်းနည်းပူဆွေးခြင်း ဖြစ်စေကြလော့။ 10အရှင်၏ရှေ့တော်မှောက်တွင် မိမိကိုယ်ကို နှိမ့်ချကျိုးနွံကြပါ။ ထိုသို့ နှိမ့်ချကျိုးနွံလျှင် အရှင်သည် သင်တို့အား ချီးမြှောက်တော်မူလိမ့်မည်။ 11ညီအစ်ကိုမောင်နှမတို့၊ အချင်းချင်း ပုတ်ခတ်ပြောဆိုခြင်းမပြုကြနှင့်။ ညီအစ်ကိုမောင်နှမချင်း ပုတ်ခတ်ပြောဆိုသောသူ သို့မဟုတ် မိမိညီအစ်ကိုအား အပြစ်စီရင်တတ်သောသူသည် ပညတ်တော်ကို လိုက်နာသူမဟုတ်ဘဲ ပညတ်တော်ကို စစ်ကြောစီရင်သူသာဖြစ်သည်။ 12ပညတ်တော်ကိုပေးခဲ့သောသူ၊ စစ်ကြောစီရင်နိုင်သောသူသည် တစ်ပါတည်းသော အရှင်ဖြစ်သည်။ ထိုအရှင်သည် ကယ်တင်နိုင်စွမ်းရှိ၍ ဖျက်စီးနိုင်စွမ်းလည်းရှိသည်။ သင်သည်မူကား မည်သူဖြစ်၍ သူတစ်ပါးအား စီရင်ရသနည်း။ 13ယနေ့၊ သို့မဟုတ် မနက်ဖြန်မှာ ဤမြို့ သို့မဟုတ် ထိုမြို့သို့သွား၍ တစ်နှစ်ပတ်လုံး ကုန်သွယ်၍ ငွေရှာကြမည်” ဟု ပြောတတ်သူတို့ နားထောင်ကြလော့။ 14သင်တို့သည် မနက်ဖြန်၌ မည်သို့ဖြစ်မည်ကိုပင် မသိကြသေးပေ။ သင်တို့၏အသက်သည် မည်သို့သောအရာဖြစ်သနည်း။ သင်တို့သည် ခေတ္တမျှပေါ်လာပြီး ပျောက်ကွယ်တတ်သော အခိုးအငွေ့ဖြစ်ကြသည်။ 15ထိုသို့ပြောမည့်အစား "ဘုရားရှင်အလိုတော်ရှိသည့်အတိုင်း ကျွန်ုပ်တို့ အသက်ရှင်၍ ဤအမှု သို့မဟုတ် ထိုအမှုကို ပြုပါမည်” ဟုသာ သင်တို့ပြောသင့်သည်။ 16သို့သော် ယခုမှာမူ သင်တို့သည် သင်တို့၏အကြံအစည်များကို မာနထောင်လျက်ကြွားဝါနေကြသည်။ ထိုသို့သော ကြွားဝါနေသမျှတို့သည် မကောင်းမှုများသာဖြစ်သည်။ 17ထို့ကြောင့် ကောင်းမှုအား လုပ်ဆောင်သင့်ကြောင်းကို သိလျက်နှင့် မလုပ်ဆောင်သောသူသည် အပြစ်ရှိသည်။
Currently Selected:
James 4: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
James 4
4
1သင်တို့ထဲတွင် မည်သည့်အကြောင်းကြောင့် စစ်ပွဲများနှင့် ရန်ပွဲများဖြစ်ကြသနည်း။ သင်တို့၏ကိုယ်ခန္တာထဲ၌ ဆန့်ကျင်တိုက်ခိုက်နေကြသည့် သင်တို့၏အပျော်အပါးလိုက်စားလိုသောစိတ်မှ ဖြစ်လာကြသည်မဟုတ်လော။ 2သင်တို့သည် မိမိတို့လိုချင်သောအရာတို့ကို မရနိုင်သောအခါ လူသတ်ကြသည်။ တစ်စုံတစ်ခုအား အလွန်အလိုရှိသော်လည်း မရနိုင်သောအခါတွင် သင်တို့သည် ခိုက်ရန်ဖြစ်၍ တိုက်ခိုက်ကြသည်။ ထိုသို့ဖြစ်ရခြင်းမှာ ဘုရားရှင်ထံတွင် အလိုရှိသောအရာတို့ကို တောင်းလျှောက်ခြင်းမပြုကြသောကြောင့်ဖြစ်သည်။ 3တောင်းလျှောက်လျှင်လည်း သင်တို့အပျော်အပါးလိုက်စားရန်အတွက် လွဲမှားစွာ တောင်းလျှောက်သောကြောင့် မရကြပေ။ 4ဖောက်ပြန်တတ်သောသူတို့၊ လောကနှင့် မိတ်ဖွဲ့သောသူတို့သည် ဘုရားရှင်အား ရန်ဘက်ပြုသူများဖြစ်ကြောင်း သင်တို့နားမလည်ကြသလော။ ထို့ကြောင့် လောကနှင့်မိတ်ဆွေဖြစ်သောသူသည် ဘုရားရှင်၏ရန်သူဖြစ်သည်။ 5သင်တို့ “ဘုရားရှင်သည် ကျွန်ုပ်တို့အထဲ၌ ရှင်သန်စေတော်မူသည့် လူ့စိတ်ဝိညာဥ်အား သဝန်တိုသောသဘောဖြင့် တောင့်တတော်မူသည်” ဟူသော ကျမ်းစာတော်ကို အကြောင်းမဲ့ဖော်ပြသည်ဟု ထင်ပါသလား။ 6သို့သော် ကိုယ်တော်သည် ကျွန်ုပ်တို့အား ကြီးမြတ်သောကျေးဇူးကို ပေးတော်မူသည်။ ထိုကြောင့် “ဘုရားရှင်သည် ဂုဏ်မောက်မာသောသူများကို ဆန့်ကျင်သည်။ နှိမ့်ချသောသူများအား ကူညီမစတော်မူသည်။ "ဟူ၍ ဖော်ပြထားလေသည်။ 7ထို့ကြောင့် ဘုရားရှင်အား နာခံကြလော့။ မာရ်နတ်အလိုရှိသည့်အတိုင်း မပြုလုပ်ကြနှင့်။ ထိုသို့ဆိုလျှင် မာရ်နတ်သည် သင်တို့ထံမှ ထွက်ပြေးသွားပါလိမ့်မည်။ 8ဘုရားရှင်ကိုဆည်းကပ်လျှင် ဘုရားရှင်ကလည်း သင့်ထံသို့ ချည်းကပ်လာပါလိမ့်မည်။ အပြစ်သားတို့ သင်တို့လက်များကို ဆေးကြောကြလော့။ စိတ်နှစ်ခွရှိသောသူတို့၊ သင်တို့၏စိတ်နှလုံးသားတို့အား သန့်ရှင်းစင်ကြယ်စေကြပါ။ 9စိတ်ညှိုးငယ်ခြင်း၊ ဝမ်းနည်းကြေကွဲခြင်းနှင့် ငိုကြွေးခြင်းရှိကြလော့။ သင်တို့ရယ်မောခြင်းသည် ဝမ်းနည်းခြင်းဖြစ်စေ၍၊ သင်တို့၏ရွှင်လန်းခြင်းအား ဝမ်းနည်းပူဆွေးခြင်း ဖြစ်စေကြလော့။ 10အရှင်၏ရှေ့တော်မှောက်တွင် မိမိကိုယ်ကို နှိမ့်ချကျိုးနွံကြပါ။ ထိုသို့ နှိမ့်ချကျိုးနွံလျှင် အရှင်သည် သင်တို့အား ချီးမြှောက်တော်မူလိမ့်မည်။ 11ညီအစ်ကိုမောင်နှမတို့၊ အချင်းချင်း ပုတ်ခတ်ပြောဆိုခြင်းမပြုကြနှင့်။ ညီအစ်ကိုမောင်နှမချင်း ပုတ်ခတ်ပြောဆိုသောသူ သို့မဟုတ် မိမိညီအစ်ကိုအား အပြစ်စီရင်တတ်သောသူသည် ပညတ်တော်ကို လိုက်နာသူမဟုတ်ဘဲ ပညတ်တော်ကို စစ်ကြောစီရင်သူသာဖြစ်သည်။ 12ပညတ်တော်ကိုပေးခဲ့သောသူ၊ စစ်ကြောစီရင်နိုင်သောသူသည် တစ်ပါတည်းသော အရှင်ဖြစ်သည်။ ထိုအရှင်သည် ကယ်တင်နိုင်စွမ်းရှိ၍ ဖျက်စီးနိုင်စွမ်းလည်းရှိသည်။ သင်သည်မူကား မည်သူဖြစ်၍ သူတစ်ပါးအား စီရင်ရသနည်း။ 13ယနေ့၊ သို့မဟုတ် မနက်ဖြန်မှာ ဤမြို့ သို့မဟုတ် ထိုမြို့သို့သွား၍ တစ်နှစ်ပတ်လုံး ကုန်သွယ်၍ ငွေရှာကြမည်” ဟု ပြောတတ်သူတို့ နားထောင်ကြလော့။ 14သင်တို့သည် မနက်ဖြန်၌ မည်သို့ဖြစ်မည်ကိုပင် မသိကြသေးပေ။ သင်တို့၏အသက်သည် မည်သို့သောအရာဖြစ်သနည်း။ သင်တို့သည် ခေတ္တမျှပေါ်လာပြီး ပျောက်ကွယ်တတ်သော အခိုးအငွေ့ဖြစ်ကြသည်။ 15ထိုသို့ပြောမည့်အစား "ဘုရားရှင်အလိုတော်ရှိသည့်အတိုင်း ကျွန်ုပ်တို့ အသက်ရှင်၍ ဤအမှု သို့မဟုတ် ထိုအမှုကို ပြုပါမည်” ဟုသာ သင်တို့ပြောသင့်သည်။ 16သို့သော် ယခုမှာမူ သင်တို့သည် သင်တို့၏အကြံအစည်များကို မာနထောင်လျက်ကြွားဝါနေကြသည်။ ထိုသို့သော ကြွားဝါနေသမျှတို့သည် မကောင်းမှုများသာဖြစ်သည်။ 17ထို့ကြောင့် ကောင်းမှုအား လုပ်ဆောင်သင့်ကြောင်းကို သိလျက်နှင့် မလုပ်ဆောင်သောသူသည် အပြစ်ရှိသည်။
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.