Ephesians 3
3
1ဤအကြောင်းတို့ကြောင့် လူမျိုးခြားတို့၏အကျိုးအတွက် ခရစ်တော်၏အကျဉ်းသားဖြစ်သော အကျွန်ုပ်ပေါလုသည် ဘုရားရှင်ထံ၌ဆုတောင်းပါသည်။ 2သင်တို့အတွက် အကျွန်ုပ်ကိုဘုရားရှင်ပေးအပ်တော်မူသော ကျေးဇူးတော်နှင့်ဆိုင်သည့်အမှုတာဝန်များ အကြောင်းကိုသင်တို့အမှန်ပင်ကြားသိရပြီဖြစ်သည်။ 3ဘုရားရှင်သည် မိမိ၏လျှို့ဝှက်နက်နဲသောအကြံအစည်များကိုကျွန်ုပ်အား ဖော်ပြခဲ့ပြီးဖြစ်ကြောင်းကို လိုရင်းအကျဉ်းချုပ်ရေးသားခဲ့ပြီးဖြစ်သည်။ 4၎င်းကိုဖတ်ခြင်းဖြင့် ယေရှုခရစ်တော်၏ထူးဆန်းအံ့ဖွယ်ရာများကို အကျွန်ုပ်သိရှိနားလည်ကြောင်း သင်တို့သဘောပေါက်နိုင်ကြပြီဖြစ်သည်။ 5ဘုရားရှင်သည်ထိုလျှို့ဝှက်နက်နဲသောအကြောင်းအရာကို ယခင်ခေတ်ကလူသားတို့အား ဖွင့်ပြတော်မမူခဲ့သော်လည်း ယခုအခါ၌ မိမိ၏သန့်ရှင်းသောသာဝကများနှင့်ပရောဖက်များအား ဉာဏ်အလင်းတော်ဖြင့်ဖွင့်ပြတော်မူလေပြီ။ 6ထိုလျှို့ဝှက်နက်နဲသောအရာသည်ကား လူမျိုးခြားတို့သည် မင်္ဂလာသတင်းကောင်းကိုယုံကြည်ခြင်းအားဖြင့် အစ္စရေးလူမျိုးများနှင့်အတူ အမွေခံများဖြစ်လာပြီး ကိုယ်ခန္ဓာတစ်ခုတည်းရှိအစိတ်အပိုင်းများဖြစ်လာကာ ယေရှုခရစ်တော်အားဖြင့် ဘုရားရှင်ပေးတော်မူသောကတိအားအတူတကွမျှဝေခံစားကြရန်ဖြစ်သည်။ 7တန်ခိုးတော်၏လုပ်ဆောင်ချက်ဖြင့် အကျွန်ုပ်အားပေးအပ်ထားသော ဘုရားရှင်၏ကျေးဇူးတော်နှင့်ဆိုင်သည့် ကောင်းချီးလက်ဆောင်နှင့်အညီ အကျွန်ုပ်သည် မင်္ဂလာသတင်းကောင်းကိုဟောပြောသောသူဖြစ်လာသည်။ 8ကျွန်ုပ်သည် ယုံကြည်သူများထဲတွင် အရေးမပါဆုံးသူသာ ဖြစ်သော်လည်း ဘုရားရှင်ပေးသနားတော်မူသော ကျေးဇူးတော်ကို ခံစားရသည်။ ဤသို့ ခံစားရခြင်းသည် လူမျိုးခြားတို့ကို ယေရှုခရစ်တော်၏ အကန့်အသတ်မဲ့ ကြွယ်ဝခြင်းအကြောင်း ဟောပြောရန်နှင့် 9အရာခပ်သိမ်းကိုဖန်ဆင်းတော်မူသောဘုရားရှင်၌ ရှေးယခင်ကပင်ကွယ်ဝှက်ထားသော လျှို့ဝှက်နက်နဲသည့် အကြံအစည်တော်သည် မည်သည့်အရာဖြစ်ကြောင်းကိုလူအပေါင်းတို့အားဟောပြောသောကြောင့်ဖြစ်သည်။ 10ဤသို့ပြုခြင်းမှာ ရွှေမြို့တော်ရှိ အုပ်ချုပ်သူများနှင့် အာဏာပိုင်များအား အလုံးစုံပြည့်စုံတော်မူသော ဘုရားရှင်၏ ပညတ်တော်ကို အသင်းတော်မှတစ်ဆင့်သိမြင်လာကြစေရန်ဖြစ်သည်။ 11ဘုရားရှင်၏ထာဝရအကြံအစည်တော်အတိုင်း အကျွန်ုပ်တို့၏အရှင်ဖြစ်သောယေရှုခရစ်တော်အားဖြင့် စီမံဆောင်ရွက်ခြင်းပင်ဖြစ်သည်။ 12ယေရှုခရစ်တော်နှင့်အတူ တစ်လုံးတစ်ဝတည်းဖြစ်ပြီး ကိုယ်တော့်အားယုံကြည်ခြင်းဖြင့် အကျွန်ုပ်တို့သည် ဘုရားရှင်ထံသို့ရဲရင့်မှုနှင့် စိတ်ချယုံကြည်မှုဖြင့်ဝင်ရောက်ချဉ်းကပ်ခွင့်ရရှိကြမည်ဖြစ်သည်။ 13သို့ဖြစ်၍ သင်တို့အတွက် အကျွန်ုပ်ခံရသောဆင်းရဲဒုက္ခများကြောင့် စိတ်ပျက်အားလျော့ခြင်းမရှိကြရန် အကျွန်ုပ်တောင်းဆိုပါသည်။ ထိုအရာများအတွက် သင်တို့ဂုဏ်ယူသင့်ပေသည်။ 14ဤကြောင်းကြောင့် အကျွန်ုပ်သည် အဖဘုရားရှင်၏ရှေ့တော်မှောက်တွင် ဒူးထောက်ဆုတောင်းပါသည်။ 15ဘုရားရှင်သည်သာလျှင် ရွှေမြို့တော်နှင့် ဤကမ္ဘာလောကရှိ မိသားစုမှန်သမျှတို့၏အမည်နာမအရင်းအမြစ် ဖြစ်တော်မူသည်။ 16ဘုရားရှင်သည် ဘုန်းအသရေတော်ကြွယ်ဝသည်နှင့်အညီ မိမိ၏ဉာဏ်အလင်းတော်အားဖြင့် သင်တို့၏အတွင်းစိတ်ဝိညာဉ်အားကြံ့ခိုင်စေခြင်းငှာ တန်ခိုးစွမ်းရည်ကိုပေးသနားတော်မူရန် အကျွန်ုပ်ဆုတောင်းပါသည်။ 17သင်တို့၏ ယုံကြည်ခြင်းကြောင့် ယေရှုခရစ်တော်သည် သင်တို့၏စိတ်နှလုံးသားထဲ၌ ကိန်းဝပ်တော်မူရန် အကျွန်ုပ်ဆုတောင်းပါသည်။ သင်တို့သည် မေတ္တာတော်၌ အမြစ်တွယ်၍ 18ထိုမေတ္တာတော်သည် အလျား၊ အနံ၊ အမြင့်၊ အနက်တို့မည်မျှရှိသည်ကို ယုံကြည်သူအားလုံးနှင့်အတူနားလည် သဘောပေါက်နိုင်စွမ်းရှိစေရန်အကျွန်ုပ်ဆုတောင်းပါသည်။ 19ကိုယ်တော်၏မေတ္တာတော်အား မည်သည့်အခါမျှအပြည့်အဝနားလည်နိုင်မည်မဟုတ်သော်လည်း သင်တို့သည်ထိုမေတ္တာတော်ကိုသိရှိခံစား၍ ဘုရားရှင်၏ပြည့်စုံတော်မူခြင်းဖြင့် ပြည့်စုံလာကြစေရန်အကျွန်ုပ်ဆုတောင်းပါ သည်။ 20အကျွန်ုပ်တို့အတွင်း၌ သက်ဝင်လှုပ်ရှားနေသော တန်ခိုးတော်ကြောင့် အကျွန်ုပ်တို့တောင်းလျှောက် သမျှသောအရာ၊ ကြံစည်သမျှသောအရာတို့ထက် အဆပေါင်းများစွာပေးနိုင်သော ဘုရားရှင်သည် 21အသင်းတော်အားဖြင့်လည်းကောင်း၊ ယေရှုခရစ်တော်အားဖြင့်လည်းကောင်း ခေတ်ကာလအဆက်ဆက် ထာဝစဉ်ဘုန်းအသရေတော်ကြီးမားပါစေသော်။ အာမင်။
Currently Selected:
Ephesians 3: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Ephesians 3
3
1ဤအကြောင်းတို့ကြောင့် လူမျိုးခြားတို့၏အကျိုးအတွက် ခရစ်တော်၏အကျဉ်းသားဖြစ်သော အကျွန်ုပ်ပေါလုသည် ဘုရားရှင်ထံ၌ဆုတောင်းပါသည်။ 2သင်တို့အတွက် အကျွန်ုပ်ကိုဘုရားရှင်ပေးအပ်တော်မူသော ကျေးဇူးတော်နှင့်ဆိုင်သည့်အမှုတာဝန်များ အကြောင်းကိုသင်တို့အမှန်ပင်ကြားသိရပြီဖြစ်သည်။ 3ဘုရားရှင်သည် မိမိ၏လျှို့ဝှက်နက်နဲသောအကြံအစည်များကိုကျွန်ုပ်အား ဖော်ပြခဲ့ပြီးဖြစ်ကြောင်းကို လိုရင်းအကျဉ်းချုပ်ရေးသားခဲ့ပြီးဖြစ်သည်။ 4၎င်းကိုဖတ်ခြင်းဖြင့် ယေရှုခရစ်တော်၏ထူးဆန်းအံ့ဖွယ်ရာများကို အကျွန်ုပ်သိရှိနားလည်ကြောင်း သင်တို့သဘောပေါက်နိုင်ကြပြီဖြစ်သည်။ 5ဘုရားရှင်သည်ထိုလျှို့ဝှက်နက်နဲသောအကြောင်းအရာကို ယခင်ခေတ်ကလူသားတို့အား ဖွင့်ပြတော်မမူခဲ့သော်လည်း ယခုအခါ၌ မိမိ၏သန့်ရှင်းသောသာဝကများနှင့်ပရောဖက်များအား ဉာဏ်အလင်းတော်ဖြင့်ဖွင့်ပြတော်မူလေပြီ။ 6ထိုလျှို့ဝှက်နက်နဲသောအရာသည်ကား လူမျိုးခြားတို့သည် မင်္ဂလာသတင်းကောင်းကိုယုံကြည်ခြင်းအားဖြင့် အစ္စရေးလူမျိုးများနှင့်အတူ အမွေခံများဖြစ်လာပြီး ကိုယ်ခန္ဓာတစ်ခုတည်းရှိအစိတ်အပိုင်းများဖြစ်လာကာ ယေရှုခရစ်တော်အားဖြင့် ဘုရားရှင်ပေးတော်မူသောကတိအားအတူတကွမျှဝေခံစားကြရန်ဖြစ်သည်။ 7တန်ခိုးတော်၏လုပ်ဆောင်ချက်ဖြင့် အကျွန်ုပ်အားပေးအပ်ထားသော ဘုရားရှင်၏ကျေးဇူးတော်နှင့်ဆိုင်သည့် ကောင်းချီးလက်ဆောင်နှင့်အညီ အကျွန်ုပ်သည် မင်္ဂလာသတင်းကောင်းကိုဟောပြောသောသူဖြစ်လာသည်။ 8ကျွန်ုပ်သည် ယုံကြည်သူများထဲတွင် အရေးမပါဆုံးသူသာ ဖြစ်သော်လည်း ဘုရားရှင်ပေးသနားတော်မူသော ကျေးဇူးတော်ကို ခံစားရသည်။ ဤသို့ ခံစားရခြင်းသည် လူမျိုးခြားတို့ကို ယေရှုခရစ်တော်၏ အကန့်အသတ်မဲ့ ကြွယ်ဝခြင်းအကြောင်း ဟောပြောရန်နှင့် 9အရာခပ်သိမ်းကိုဖန်ဆင်းတော်မူသောဘုရားရှင်၌ ရှေးယခင်ကပင်ကွယ်ဝှက်ထားသော လျှို့ဝှက်နက်နဲသည့် အကြံအစည်တော်သည် မည်သည့်အရာဖြစ်ကြောင်းကိုလူအပေါင်းတို့အားဟောပြောသောကြောင့်ဖြစ်သည်။ 10ဤသို့ပြုခြင်းမှာ ရွှေမြို့တော်ရှိ အုပ်ချုပ်သူများနှင့် အာဏာပိုင်များအား အလုံးစုံပြည့်စုံတော်မူသော ဘုရားရှင်၏ ပညတ်တော်ကို အသင်းတော်မှတစ်ဆင့်သိမြင်လာကြစေရန်ဖြစ်သည်။ 11ဘုရားရှင်၏ထာဝရအကြံအစည်တော်အတိုင်း အကျွန်ုပ်တို့၏အရှင်ဖြစ်သောယေရှုခရစ်တော်အားဖြင့် စီမံဆောင်ရွက်ခြင်းပင်ဖြစ်သည်။ 12ယေရှုခရစ်တော်နှင့်အတူ တစ်လုံးတစ်ဝတည်းဖြစ်ပြီး ကိုယ်တော့်အားယုံကြည်ခြင်းဖြင့် အကျွန်ုပ်တို့သည် ဘုရားရှင်ထံသို့ရဲရင့်မှုနှင့် စိတ်ချယုံကြည်မှုဖြင့်ဝင်ရောက်ချဉ်းကပ်ခွင့်ရရှိကြမည်ဖြစ်သည်။ 13သို့ဖြစ်၍ သင်တို့အတွက် အကျွန်ုပ်ခံရသောဆင်းရဲဒုက္ခများကြောင့် စိတ်ပျက်အားလျော့ခြင်းမရှိကြရန် အကျွန်ုပ်တောင်းဆိုပါသည်။ ထိုအရာများအတွက် သင်တို့ဂုဏ်ယူသင့်ပေသည်။ 14ဤကြောင်းကြောင့် အကျွန်ုပ်သည် အဖဘုရားရှင်၏ရှေ့တော်မှောက်တွင် ဒူးထောက်ဆုတောင်းပါသည်။ 15ဘုရားရှင်သည်သာလျှင် ရွှေမြို့တော်နှင့် ဤကမ္ဘာလောကရှိ မိသားစုမှန်သမျှတို့၏အမည်နာမအရင်းအမြစ် ဖြစ်တော်မူသည်။ 16ဘုရားရှင်သည် ဘုန်းအသရေတော်ကြွယ်ဝသည်နှင့်အညီ မိမိ၏ဉာဏ်အလင်းတော်အားဖြင့် သင်တို့၏အတွင်းစိတ်ဝိညာဉ်အားကြံ့ခိုင်စေခြင်းငှာ တန်ခိုးစွမ်းရည်ကိုပေးသနားတော်မူရန် အကျွန်ုပ်ဆုတောင်းပါသည်။ 17သင်တို့၏ ယုံကြည်ခြင်းကြောင့် ယေရှုခရစ်တော်သည် သင်တို့၏စိတ်နှလုံးသားထဲ၌ ကိန်းဝပ်တော်မူရန် အကျွန်ုပ်ဆုတောင်းပါသည်။ သင်တို့သည် မေတ္တာတော်၌ အမြစ်တွယ်၍ 18ထိုမေတ္တာတော်သည် အလျား၊ အနံ၊ အမြင့်၊ အနက်တို့မည်မျှရှိသည်ကို ယုံကြည်သူအားလုံးနှင့်အတူနားလည် သဘောပေါက်နိုင်စွမ်းရှိစေရန်အကျွန်ုပ်ဆုတောင်းပါသည်။ 19ကိုယ်တော်၏မေတ္တာတော်အား မည်သည့်အခါမျှအပြည့်အဝနားလည်နိုင်မည်မဟုတ်သော်လည်း သင်တို့သည်ထိုမေတ္တာတော်ကိုသိရှိခံစား၍ ဘုရားရှင်၏ပြည့်စုံတော်မူခြင်းဖြင့် ပြည့်စုံလာကြစေရန်အကျွန်ုပ်ဆုတောင်းပါ သည်။ 20အကျွန်ုပ်တို့အတွင်း၌ သက်ဝင်လှုပ်ရှားနေသော တန်ခိုးတော်ကြောင့် အကျွန်ုပ်တို့တောင်းလျှောက် သမျှသောအရာ၊ ကြံစည်သမျှသောအရာတို့ထက် အဆပေါင်းများစွာပေးနိုင်သော ဘုရားရှင်သည် 21အသင်းတော်အားဖြင့်လည်းကောင်း၊ ယေရှုခရစ်တော်အားဖြင့်လည်းကောင်း ခေတ်ကာလအဆက်ဆက် ထာဝစဉ်ဘုန်းအသရေတော်ကြီးမားပါစေသော်။ အာမင်။
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.