2 Thessalonians 1
1
1ဤစာသည် ကျွန်ုပ်ပေါလု၊ သိလွာနုနှင့် တိမောသေတို့မှ အဖဘုရားရှင် နှင့် အရှင်ယေရှုခရစ်တော်တို့နှင့် သက်ဆိုင်သော သက်သာလောနိတ်မြို့ရှိ အသင်းတော်သို့ ပို့လိုက်သောစာဖြစ်၏။ 2အဖဘုရားရှင် နှင့် အရှင်ယေရှုခရစ်တော်တို့ထံမှကျေးဇူးတော်နှင့် ငြိမ်သက်ခြင်းသည် သင်တို့အပေါ်သို့သက်ရောက်ပါစေသော။ 3ညီအစ်ကိုမောင်နှမတို့၊ ကျွန်ုပ်တို့သည် သင်တို့အတွက် ဘုရားရှင်ကို အစဉ်အမြဲ ကျေးဇူးတင်သင့်၏။ ထိုသို့ပြုခြင်းသည် သင့်လျော်ပေ၏။ အကြောင်းမူကား သင်တို့၏ယုံကြည်ခြင်းသည် အလွန်တိုးပွားကာ အချင်းချင်းအပေါ် ထားသော ချစ်ခြင်းမေတ္တာသည်လည်း တိုးပွားများလာသောကြောင့် ဖြစ်၏။ 4ထိုပြင် သင်တို့သည် ညှဉ်းပန်းနှိပ်စက်ခြင်းနှင့် ဆင်းရဲဒုက္ခအားလုံးကြားကပင် သည်းခံ၍ ယုံကြည်ခြင်းရှိကြသဖြင့် ဘုရားရှင်၏ အသင်းတော်များအလယ်၌ သင်တို့၏အကြောင်းကို ကျွန်ုပ်တို့ကိုယ်တိုင် ဂုဏ်ယူစွာပြောဆိုကြ၏။ 5ဤအရာအားလုံးတို့သည် ဘုရားရှင်၏ တရားစီရင်တော်မူခြင်းက တရားမျှတကြောင်း ပေါ်လွင်သည့် အထောက်အထားဖြစ်ပြီး ထိုသို့ ဘုရားရှင်၏ သာသနာတော်အတွက် ဆင်းရဲဒုက္ခခံရသောကြောင့် ထိုသာသနာတော်နှင့် ထိုက်တန်သူများစာရင်းတွင် ထည့်သွင်းခံရရန် ဖြစ်၏။ 6ဘုရားရှင်သည် တရားမျှတစွာ စီရင်တော်မူသည်နှင့်အညီ သင်တို့ကို ဆင်းရဲဒုက္ခရောက်စေသောသူတို့ကို တန်ပြန်ဆင်းရဲဒုက္ခရောက်စေတော်မူလိမ့်မည်။ 7ဆင်းရဲဒုက္ခရောက်နေသော သင်တို့နှင့်အတူ ကျွန်ုပ်တို့ကိုလည်း စိတ်သက်သာရာရစေတော်မူလိမ့်မည်။ အရှင်ယေရှုသည် တန်ခိုးကြီးသော နတ်ဒေဝါများခြံရံလျက် မီးလျှံနှင့်တကွရွှေမြို့တော်မှ ပေါ်ထွက်လာသောအချိန်၌ 8ဘုရားရှင်ကို မသိသောသူတို့နှင့် ကျွန်ုပ်တို့အရှင်ယေရှု၏ မင်္ဂလာသတင်းကောင်းကို မလိုက်နာသောသူတို့ကို စီရင်တော်မူလိမ့်မည်။ 9ထိုသူတို့သည် အရှင်၏ရှေ့တော်မှလည်းကောင်း၊ အရှင်၏ ဘုန်းတန်ခိုးတော်ကို ခံစားရခြင်းမှလည်းကောင်း ဖယ်ရှားခံရကာ ထာဝရပျက်စီးမည့် ပြစ်ဒဏ်ကို ခံကြရလိမ့်မည်။ 10ထိုနေ့တွင် ကိုယ်တော်သည် မိမိ၏မြင့်မြတ်သောသူတို့အားဖြင့် ဘုန်းတန်ခိုးတော်ထင်ရှားစေပြီး ယုံကြည်သောသူအပေါင်းတို့၏အံ့ဩချီးမွမ်းခြင်းခံယူရန် ကြွလာတော်မူလိမ့်မည်။ ကျွန်ုပ်တို့၏ သက်သေခံချက်ကို သင်တို့ယုံကြည်သဖြင့် ထိုသူတို့အထဲတွင် သင်တို့ပါဝင်ကြ၏။ 11ထို့ကြောင့် သင်တို့သည် ကျွန်ုပ်တို့ဘုရားရှင်၏ ခေါ်တော်မူခြင်းနှင့် ထိုက်တန်သူများဖြစ်စေတော်မူ၍ သင်တို့၏ကောင်းမှုပြုလိုသောစိတ်ဆန္ဒနှင့် ယုံကြည်ခြင်းက လှုံ့ဆော်သော အမှုကို တန်ခိုးတော်အားဖြင့် မှန်ကန်ပြည့်စုံလာစေရန် ကျွန်ုပ်တို့အစဉ်အမြဲ ဆုတောင်းကြ၏။ 12ဤသို့ဆုတောင်းခြင်းက ကျွန်ုပ်တို့ ဘုရားရှင်နှင့် အရှင်ယေရှုခရစ်တော်၏ ကျေးဇူးတော်ကိုအကြောင်းပြု၍ ကျွန်ုပ်တို့၏အရှင်ဖြစ်သော ကိုယ်တော်ယေရှု၏ နာမတော်သည် သင့်တို့အားကြောင့် ဘုန်းတန်ခိုးထင်ရှားလျက် သင်တို့သည်လည်း ကိုယ်တော်အားဖြင့် ဘုန်းတန်ခိုးထင်ရှားကြရန် ဖြစ်၏။
Currently Selected:
2 Thessalonians 1: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
2 Thessalonians 1
1
1ဤစာသည် ကျွန်ုပ်ပေါလု၊ သိလွာနုနှင့် တိမောသေတို့မှ အဖဘုရားရှင် နှင့် အရှင်ယေရှုခရစ်တော်တို့နှင့် သက်ဆိုင်သော သက်သာလောနိတ်မြို့ရှိ အသင်းတော်သို့ ပို့လိုက်သောစာဖြစ်၏။ 2အဖဘုရားရှင် နှင့် အရှင်ယေရှုခရစ်တော်တို့ထံမှကျေးဇူးတော်နှင့် ငြိမ်သက်ခြင်းသည် သင်တို့အပေါ်သို့သက်ရောက်ပါစေသော။ 3ညီအစ်ကိုမောင်နှမတို့၊ ကျွန်ုပ်တို့သည် သင်တို့အတွက် ဘုရားရှင်ကို အစဉ်အမြဲ ကျေးဇူးတင်သင့်၏။ ထိုသို့ပြုခြင်းသည် သင့်လျော်ပေ၏။ အကြောင်းမူကား သင်တို့၏ယုံကြည်ခြင်းသည် အလွန်တိုးပွားကာ အချင်းချင်းအပေါ် ထားသော ချစ်ခြင်းမေတ္တာသည်လည်း တိုးပွားများလာသောကြောင့် ဖြစ်၏။ 4ထိုပြင် သင်တို့သည် ညှဉ်းပန်းနှိပ်စက်ခြင်းနှင့် ဆင်းရဲဒုက္ခအားလုံးကြားကပင် သည်းခံ၍ ယုံကြည်ခြင်းရှိကြသဖြင့် ဘုရားရှင်၏ အသင်းတော်များအလယ်၌ သင်တို့၏အကြောင်းကို ကျွန်ုပ်တို့ကိုယ်တိုင် ဂုဏ်ယူစွာပြောဆိုကြ၏။ 5ဤအရာအားလုံးတို့သည် ဘုရားရှင်၏ တရားစီရင်တော်မူခြင်းက တရားမျှတကြောင်း ပေါ်လွင်သည့် အထောက်အထားဖြစ်ပြီး ထိုသို့ ဘုရားရှင်၏ သာသနာတော်အတွက် ဆင်းရဲဒုက္ခခံရသောကြောင့် ထိုသာသနာတော်နှင့် ထိုက်တန်သူများစာရင်းတွင် ထည့်သွင်းခံရရန် ဖြစ်၏။ 6ဘုရားရှင်သည် တရားမျှတစွာ စီရင်တော်မူသည်နှင့်အညီ သင်တို့ကို ဆင်းရဲဒုက္ခရောက်စေသောသူတို့ကို တန်ပြန်ဆင်းရဲဒုက္ခရောက်စေတော်မူလိမ့်မည်။ 7ဆင်းရဲဒုက္ခရောက်နေသော သင်တို့နှင့်အတူ ကျွန်ုပ်တို့ကိုလည်း စိတ်သက်သာရာရစေတော်မူလိမ့်မည်။ အရှင်ယေရှုသည် တန်ခိုးကြီးသော နတ်ဒေဝါများခြံရံလျက် မီးလျှံနှင့်တကွရွှေမြို့တော်မှ ပေါ်ထွက်လာသောအချိန်၌ 8ဘုရားရှင်ကို မသိသောသူတို့နှင့် ကျွန်ုပ်တို့အရှင်ယေရှု၏ မင်္ဂလာသတင်းကောင်းကို မလိုက်နာသောသူတို့ကို စီရင်တော်မူလိမ့်မည်။ 9ထိုသူတို့သည် အရှင်၏ရှေ့တော်မှလည်းကောင်း၊ အရှင်၏ ဘုန်းတန်ခိုးတော်ကို ခံစားရခြင်းမှလည်းကောင်း ဖယ်ရှားခံရကာ ထာဝရပျက်စီးမည့် ပြစ်ဒဏ်ကို ခံကြရလိမ့်မည်။ 10ထိုနေ့တွင် ကိုယ်တော်သည် မိမိ၏မြင့်မြတ်သောသူတို့အားဖြင့် ဘုန်းတန်ခိုးတော်ထင်ရှားစေပြီး ယုံကြည်သောသူအပေါင်းတို့၏အံ့ဩချီးမွမ်းခြင်းခံယူရန် ကြွလာတော်မူလိမ့်မည်။ ကျွန်ုပ်တို့၏ သက်သေခံချက်ကို သင်တို့ယုံကြည်သဖြင့် ထိုသူတို့အထဲတွင် သင်တို့ပါဝင်ကြ၏။ 11ထို့ကြောင့် သင်တို့သည် ကျွန်ုပ်တို့ဘုရားရှင်၏ ခေါ်တော်မူခြင်းနှင့် ထိုက်တန်သူများဖြစ်စေတော်မူ၍ သင်တို့၏ကောင်းမှုပြုလိုသောစိတ်ဆန္ဒနှင့် ယုံကြည်ခြင်းက လှုံ့ဆော်သော အမှုကို တန်ခိုးတော်အားဖြင့် မှန်ကန်ပြည့်စုံလာစေရန် ကျွန်ုပ်တို့အစဉ်အမြဲ ဆုတောင်းကြ၏။ 12ဤသို့ဆုတောင်းခြင်းက ကျွန်ုပ်တို့ ဘုရားရှင်နှင့် အရှင်ယေရှုခရစ်တော်၏ ကျေးဇူးတော်ကိုအကြောင်းပြု၍ ကျွန်ုပ်တို့၏အရှင်ဖြစ်သော ကိုယ်တော်ယေရှု၏ နာမတော်သည် သင့်တို့အားကြောင့် ဘုန်းတန်ခိုးထင်ရှားလျက် သင်တို့သည်လည်း ကိုယ်တော်အားဖြင့် ဘုန်းတန်ခိုးထင်ရှားကြရန် ဖြစ်၏။
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.