2 Corinthians 4
4
1ထို့ကြောင့် အကျွန်ုပ်တို့သည် ဘုရားရှင်၏ ကရုဏာတော်ကိုခံစားရသည်နှင့်အညီ ဤအမှုတော်ကို ဆောင်ရွက်ရသောကြောင့် စိတ်ပျက်အားလျော့ခြင်းမရှိကြပေ။ 2အကျွန်ုပ်တို့သည်ရှက်ဖွယ်ရာလျှို့ဝှက်မှုအပေါင်းတို့ကိုစွန့်ပယ်ကြသည်။ အကျွန်ုပ်တို့သည်ကောက်ကျစ်စဉ်းလဲမှုကိုမပြု။ ဘုရားရှင်၏နှုတ်ကပတ်တရားတော်ကိုလိမ်လည်လှည့်ဖျား၍မဟောမပြော။ အကျွန်ုပ်တို့သည်ဘုရားရှင်၏မျက်မှောက်တော်၌သမ္မာတရားတော်၏အလင်းတွင် သက်ဝင်လှုပ်ရှား၍လူအပေါင်းတို့၏အသိစိတ်ထဲတွင် အမှန်တရားကိုသိနိုင်ရန်သာဆောင်ရွက်ကြသည်။ 3အကျွန်ုပ်တို့ဟောပြောသော မင်္ဂလာသတင်းကောင်းသည် ဖုံးအုပ်ခြင်းခံရသညဆိုလျှင် ပျက်စီးတော့မည့်သူတို့အတွက်သာဖုံးအုပ်ခြင်းခံရသည်။ 4ဤလောကကိုအစိုးရသောဘုရားသည် မယုံကြည်သောသူတို့၏စိတ်ကိုအမှောင်ဖြင့်ဖုံးအုပ်စေသဖြင့် သူတို့သည်မင်္ဂလာသတင်းကောင်းကိုမယုံကြ။ ထိုဘုရားကြောင့်ဘုရားရှင်၏ပုံသဏ္ဌာန်တည်းဟူသောယေရှုခရစ်တော်၏ဘုန်း အသရေတော်အကြောင်း မင်္ဂလာသတင်းကောင်းမှထွက်ပေါ်လာ၍သူတို့အပေါ်သို့ကျ ရောက်သည့်အလင်းရောင်ကိုသူတို့မမြင်ကြ။ 5အကျွန်ုပ်တို့သည် မိမိတို့အကြောင်းကိုဟောပြောကြသည်မဟုတ်ပေ။ ယေရှုခရစ်တော်သည် အရှင်ဖြစ်ကြောင်းနှင့် အကျွန်ုပ်တို့သည် ယေရှုခရစ်တာ်အတွက် သင်တို့၏ အစေအပါးများဖြစ်ကြောင်းကို ဟောပြောကြခြင်းဖြစ်သည်။ 6အဘယ်ကြောင့်ဆိုသော် ယေရှုခရစ်တော်၏မျက်နှာတော်တွင်ထွန်းလင်းလျက်ရှိသော ဘုန်းအသရေတော်အကြောင်းကိုသိနားလည်နိုင်စေရန် အကျွန်ုပ်တို့၏စိတ်နှလုံးထဲ၌အလင်းကိုထွန်းလင်းစေတော်မူသော ဘုရားရှင်ကိုယ်တိုင်ကပင် “အမှောင်ထဲမှအလင်း ပေါ်ထွန်းလိမ့်မည်” ဟုမိန့်ကြားတော်မူခဲ့သောကြောင့်ဖြစ်သည်။ 7သို့ရာတွင် အကျွန်ုပ်တို့၌အချုပ်အခြာအာဏာတန်ခိုးမရှိ၊ ဘုရားရှင်၌သာလျှင်ရှိတော်မူကြောင်းကိုထင်ရှားစေရန် ထိုရတနာကိုထိန်းသိမ်းရသူအကျွန်ုပ်တို့သည်မြေအိုးများသဖွယ်ဖြစ်ကြသည်။ 8အကျွန်ုပ်တို့သည် ဆင်းရဲဒုက္ခအမျိုးမျိုးဖြင့် ဖိနှိပ်ခံရသော်လည်းမပြိုလဲ။ ဖြစ်ပျက်နေသည့်အရာများအတွက် ဇဝေဇဝါဖြစ်ရသော်လည်း စိတ်ပျက်အားလျော့ခြင်းမရှိကြပေ။ 9ညှဉ်းပန်းနှိပ်စက်ခြင်းကို ခံရသော်လည်း ဘုရားရှင်၏စွန့်ပစ်ခြင်းကိုမခံရ။ အလဲထိုးခံရသော်လည်း ရှုံးနိမ့်ခြင်းမရှိကြပေ။ 10အကျွန်ုပ်တို့သည် ဆင်းရဲဒုက္ခခံရခြင်းအားဖြင့် ယေရှုခရစ်တော်အသေခံတော်မူခြင်းကို အကျွန်ုပ်တို့၏ ကိုယ်ခန္ဓာတွင် အစဉ်အမြဲဆောင်ထားကြသည်မှာ ယေရှုခရစ်တော်အသက်ရှင်တော်မူခြင်းကို ကိုယ်ခန္ဓာတွင် ပေါ်လွင်ထင်ရှားစေရန်ဖြစ်သည်။ 11အကျွန်ုပ်တို့၏သေကြေပျက်စီးတတ်သောကိုယ်ခန္ဓာတွင် ယေရှုခရစ်တော်အသက်ရှင်တော်မူကြောင်းပေါ်လွင်စေရန် အကျွန်ုပ်တို့သည်အသက်ရှင်လျက်ရှိသမျှကာလပတ်လုံး ယေရှုခရစ်တော်အတွက်အစေခံ၍ အစဉ်မပြတ်သေဘေးနှင့်ရင်ဆိုင်လျက်နေရကြသည်။ 12ထိုသို့အကျွန်ုပ်တို့သည် သေဘေးနှင့် ရင်ဆိုင်ရသော်လည်း ဤအရာသည်သင်တို့အတွက် ထာဝရအသက်ကို ရရှိစေသည်။ 13ကျမ်းစာထဲတွင် “အကျွန်ုပ်ယုံကြည်သောကြောင့် အကျွန်ုပ်ဟောပြောသည်” ဟုရေးသားထားသည့်အတိုင်း အကျွန်ုပ်တို့သည်လည်း ထိုယုံကြည်သည့်စိတ်ရှိသဖြင့်ဟောပြောကြသည်။ 14အရှင်ဖြစ်သောယေရှုခရစ်တော်အားသေခြင်းမှပြန်လည်ရှင်ပြန်ထမြောက်စေတော်မူသောဘုရားရှင်သည် ငါ တို့အားလည်းကိုယ်တော်ယေရှုနှင့်အတူပြန်လည်ရှင်သန်ထမြောက်စေတော်မူပြီးလျှင် သင်တို့နှင့်အတူရှေ့တော်မှောက်သို့ခေါ်ဆောင်တော်မူမည်ဖြစ်ကြောင်းအကျွန်ုပ်တို့သိကြသည်။ 15ဤခပ်သိမ်းသောအရာတို့သည်သင်တို့၏အကျိုးအတွက်ဖြစ်ကြသည်။ ဘုရားရှင်၏ကျေးဇူးတော်ကိုခံစားရသူအရေအတွက်တိုးတက်များပြားလာသည်နှင့် အမျှ ကိုယ်တော်၏ဘုန်းအသရေတော်ထင် ရှားအံ့သောငှာချီးမွမ်းသည့်ဆုတောင်း ပတ္ထနာများသည်လည်းပိုမိုများပြား လာလိမ့်မည်။ 16ထို့ကြောင့် အကျွန်ုပ်တို့သည် စိတ်ပျက်အားလျော့ခြင်းမရှိ။ အကျွန်ုပ်တို့၏ အပြင်ပန်းကိုယ်ခန္ဓာသည် ပျက်စီးယိုယွင်းလာသော်လည်း အကျွန်ုပ်တို့၏ အတွင်းစိတ်ခွန်အားမှာမူ နေ့စဉ်နှင့်အမျှ အသစ်တိုးပွားလျက်ရှိ သည်။ 17အကျွန်ုပ်တို့ခဏခံရသောပေါ့ပါးသည့်ဆင်းရဲဒုက္ခသည် အတိုင်းထက်အလွန်ကြီးမြတ်သည့် ထာဝရဘုန်းအသရေကို အကျွန်ုပ်တို့အားခံစားစေလိမ့်မည်ဖြစ်သည်။ 18ထို့ကြောင့် အကျွန်ုပ်တို့သည် ယခုမြင်နေရသောအရာများကို အာရုံမစိုက်ဘဲမမြင်ရသောအရာများကိုသာ အာရုံစိုက်ကြသည်။ မြင်ရသောအရာများသည် မကြာမီပျောက်ကွယ်သွားမည်ဖြစ်ပြီး မမြင်ရသောအရာများသည် ထာဝရတည်မြဲလိမ့်မည်။
Currently Selected:
2 Corinthians 4: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
2 Corinthians 4
4
1ထို့ကြောင့် အကျွန်ုပ်တို့သည် ဘုရားရှင်၏ ကရုဏာတော်ကိုခံစားရသည်နှင့်အညီ ဤအမှုတော်ကို ဆောင်ရွက်ရသောကြောင့် စိတ်ပျက်အားလျော့ခြင်းမရှိကြပေ။ 2အကျွန်ုပ်တို့သည်ရှက်ဖွယ်ရာလျှို့ဝှက်မှုအပေါင်းတို့ကိုစွန့်ပယ်ကြသည်။ အကျွန်ုပ်တို့သည်ကောက်ကျစ်စဉ်းလဲမှုကိုမပြု။ ဘုရားရှင်၏နှုတ်ကပတ်တရားတော်ကိုလိမ်လည်လှည့်ဖျား၍မဟောမပြော။ အကျွန်ုပ်တို့သည်ဘုရားရှင်၏မျက်မှောက်တော်၌သမ္မာတရားတော်၏အလင်းတွင် သက်ဝင်လှုပ်ရှား၍လူအပေါင်းတို့၏အသိစိတ်ထဲတွင် အမှန်တရားကိုသိနိုင်ရန်သာဆောင်ရွက်ကြသည်။ 3အကျွန်ုပ်တို့ဟောပြောသော မင်္ဂလာသတင်းကောင်းသည် ဖုံးအုပ်ခြင်းခံရသညဆိုလျှင် ပျက်စီးတော့မည့်သူတို့အတွက်သာဖုံးအုပ်ခြင်းခံရသည်။ 4ဤလောကကိုအစိုးရသောဘုရားသည် မယုံကြည်သောသူတို့၏စိတ်ကိုအမှောင်ဖြင့်ဖုံးအုပ်စေသဖြင့် သူတို့သည်မင်္ဂလာသတင်းကောင်းကိုမယုံကြ။ ထိုဘုရားကြောင့်ဘုရားရှင်၏ပုံသဏ္ဌာန်တည်းဟူသောယေရှုခရစ်တော်၏ဘုန်း အသရေတော်အကြောင်း မင်္ဂလာသတင်းကောင်းမှထွက်ပေါ်လာ၍သူတို့အပေါ်သို့ကျ ရောက်သည့်အလင်းရောင်ကိုသူတို့မမြင်ကြ။ 5အကျွန်ုပ်တို့သည် မိမိတို့အကြောင်းကိုဟောပြောကြသည်မဟုတ်ပေ။ ယေရှုခရစ်တော်သည် အရှင်ဖြစ်ကြောင်းနှင့် အကျွန်ုပ်တို့သည် ယေရှုခရစ်တာ်အတွက် သင်တို့၏ အစေအပါးများဖြစ်ကြောင်းကို ဟောပြောကြခြင်းဖြစ်သည်။ 6အဘယ်ကြောင့်ဆိုသော် ယေရှုခရစ်တော်၏မျက်နှာတော်တွင်ထွန်းလင်းလျက်ရှိသော ဘုန်းအသရေတော်အကြောင်းကိုသိနားလည်နိုင်စေရန် အကျွန်ုပ်တို့၏စိတ်နှလုံးထဲ၌အလင်းကိုထွန်းလင်းစေတော်မူသော ဘုရားရှင်ကိုယ်တိုင်ကပင် “အမှောင်ထဲမှအလင်း ပေါ်ထွန်းလိမ့်မည်” ဟုမိန့်ကြားတော်မူခဲ့သောကြောင့်ဖြစ်သည်။ 7သို့ရာတွင် အကျွန်ုပ်တို့၌အချုပ်အခြာအာဏာတန်ခိုးမရှိ၊ ဘုရားရှင်၌သာလျှင်ရှိတော်မူကြောင်းကိုထင်ရှားစေရန် ထိုရတနာကိုထိန်းသိမ်းရသူအကျွန်ုပ်တို့သည်မြေအိုးများသဖွယ်ဖြစ်ကြသည်။ 8အကျွန်ုပ်တို့သည် ဆင်းရဲဒုက္ခအမျိုးမျိုးဖြင့် ဖိနှိပ်ခံရသော်လည်းမပြိုလဲ။ ဖြစ်ပျက်နေသည့်အရာများအတွက် ဇဝေဇဝါဖြစ်ရသော်လည်း စိတ်ပျက်အားလျော့ခြင်းမရှိကြပေ။ 9ညှဉ်းပန်းနှိပ်စက်ခြင်းကို ခံရသော်လည်း ဘုရားရှင်၏စွန့်ပစ်ခြင်းကိုမခံရ။ အလဲထိုးခံရသော်လည်း ရှုံးနိမ့်ခြင်းမရှိကြပေ။ 10အကျွန်ုပ်တို့သည် ဆင်းရဲဒုက္ခခံရခြင်းအားဖြင့် ယေရှုခရစ်တော်အသေခံတော်မူခြင်းကို အကျွန်ုပ်တို့၏ ကိုယ်ခန္ဓာတွင် အစဉ်အမြဲဆောင်ထားကြသည်မှာ ယေရှုခရစ်တော်အသက်ရှင်တော်မူခြင်းကို ကိုယ်ခန္ဓာတွင် ပေါ်လွင်ထင်ရှားစေရန်ဖြစ်သည်။ 11အကျွန်ုပ်တို့၏သေကြေပျက်စီးတတ်သောကိုယ်ခန္ဓာတွင် ယေရှုခရစ်တော်အသက်ရှင်တော်မူကြောင်းပေါ်လွင်စေရန် အကျွန်ုပ်တို့သည်အသက်ရှင်လျက်ရှိသမျှကာလပတ်လုံး ယေရှုခရစ်တော်အတွက်အစေခံ၍ အစဉ်မပြတ်သေဘေးနှင့်ရင်ဆိုင်လျက်နေရကြသည်။ 12ထိုသို့အကျွန်ုပ်တို့သည် သေဘေးနှင့် ရင်ဆိုင်ရသော်လည်း ဤအရာသည်သင်တို့အတွက် ထာဝရအသက်ကို ရရှိစေသည်။ 13ကျမ်းစာထဲတွင် “အကျွန်ုပ်ယုံကြည်သောကြောင့် အကျွန်ုပ်ဟောပြောသည်” ဟုရေးသားထားသည့်အတိုင်း အကျွန်ုပ်တို့သည်လည်း ထိုယုံကြည်သည့်စိတ်ရှိသဖြင့်ဟောပြောကြသည်။ 14အရှင်ဖြစ်သောယေရှုခရစ်တော်အားသေခြင်းမှပြန်လည်ရှင်ပြန်ထမြောက်စေတော်မူသောဘုရားရှင်သည် ငါ တို့အားလည်းကိုယ်တော်ယေရှုနှင့်အတူပြန်လည်ရှင်သန်ထမြောက်စေတော်မူပြီးလျှင် သင်တို့နှင့်အတူရှေ့တော်မှောက်သို့ခေါ်ဆောင်တော်မူမည်ဖြစ်ကြောင်းအကျွန်ုပ်တို့သိကြသည်။ 15ဤခပ်သိမ်းသောအရာတို့သည်သင်တို့၏အကျိုးအတွက်ဖြစ်ကြသည်။ ဘုရားရှင်၏ကျေးဇူးတော်ကိုခံစားရသူအရေအတွက်တိုးတက်များပြားလာသည်နှင့် အမျှ ကိုယ်တော်၏ဘုန်းအသရေတော်ထင် ရှားအံ့သောငှာချီးမွမ်းသည့်ဆုတောင်း ပတ္ထနာများသည်လည်းပိုမိုများပြား လာလိမ့်မည်။ 16ထို့ကြောင့် အကျွန်ုပ်တို့သည် စိတ်ပျက်အားလျော့ခြင်းမရှိ။ အကျွန်ုပ်တို့၏ အပြင်ပန်းကိုယ်ခန္ဓာသည် ပျက်စီးယိုယွင်းလာသော်လည်း အကျွန်ုပ်တို့၏ အတွင်းစိတ်ခွန်အားမှာမူ နေ့စဉ်နှင့်အမျှ အသစ်တိုးပွားလျက်ရှိ သည်။ 17အကျွန်ုပ်တို့ခဏခံရသောပေါ့ပါးသည့်ဆင်းရဲဒုက္ခသည် အတိုင်းထက်အလွန်ကြီးမြတ်သည့် ထာဝရဘုန်းအသရေကို အကျွန်ုပ်တို့အားခံစားစေလိမ့်မည်ဖြစ်သည်။ 18ထို့ကြောင့် အကျွန်ုပ်တို့သည် ယခုမြင်နေရသောအရာများကို အာရုံမစိုက်ဘဲမမြင်ရသောအရာများကိုသာ အာရုံစိုက်ကြသည်။ မြင်ရသောအရာများသည် မကြာမီပျောက်ကွယ်သွားမည်ဖြစ်ပြီး မမြင်ရသောအရာများသည် ထာဝရတည်မြဲလိမ့်မည်။
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.