1 Timothy 4
4
1နောက်ဆုံးသောနေ့ရက်များ၌ လူတချို့သည် မိမိတို့၏ ယုံကြည်ခြင်းကို စွန့်ပယ်၍ လှည့်ဖျားသောမကောင်းဆိုးဝါးများနှင့် နတ်ဆိုးများ၏ သွန်သင်မှုကို ခံယူကြလိမ့်မည်ဟု ဉာဏ်အလင်းတော်သည် ရှင်းလင်းစွာ မိန့်တော်မူ၏။ 2ထိုသွန်သင်ချက်များသည် မိမိတို့၏အသိစိတ်ကို သံပူကပ်ထားခြင်းခံရသည့် သူတော်ကောင်းယောင်ဆောင်သော လူလိမ်များထံမှလာခြင်းဖြစ်၏။ 3သူတို့သည် အိမ်ထောင်မပြုရ ဟူ၍လည်းကောင်း၊ ယုံကြည်၍ ကျေးဇူးတော်ကိုချီးမွမ်လျက် စားသုံးရန်အတွက် ဘုရားရှင် ဖန်ဆင်းထားသော အစားအစာများမှ အချို့သောအစားစာတို့ကို ရှောင်ရမည်ဟူ၍လည်းကောင်း တားမြစ်ကြ၏။ 4အကြောင်းမူကား ဘုရားရှင်ဖန်ဆင်းတော်မူသောအရာအားလုံးသည် ကောင်းမွန်သောကြောင့် ကျေးဇူးတော်ချီးမွမ်းလျက် စားသုံးသည်ကို မပြစ်ပယ်သင့်ပါ။ 5အကြောင်းမူကား ဘုရားရှင်၏ နှုတ်ကပတ်တော်နှင့် ဆုတောင်းခြင်းတို့သည် ထိုအရာတို့ကို မွန်မြတ်သန့်ရှင်းစေသောကြောင့် ဖြစ်၏။ 6ဤအရာများကို ညီအစ်ကိုမောင်နှမတို့အား ညွှန်ပြလျှင် သင်သည် ယုံကြည်ခြင်းနှင့်ဆိုင်သောသမ္မာတရားနှင့် သင်လိုက်နာခဲ့သော ကောင်းမွန်သော သွန်သင်ချက်တို့နှင့်ဆိုင်သော တရားတို့ဖြင့် ပြုစုပျိုးထောင်ခံရပြီး ယေရှုခရစ်တော်၏ အစေခံကောင်းတစ်ဦး ဖြစ်လိမ့်မည်။ 7သင်သည် ဘုရားတရားမဲ့သော၊ ယုတ္တိမရှိသောဒဏ္ဍာရီများကို ရှောင်ကြဉ်၍ ဘုရားတရားကိုင်းရှိုင်းရန် မိမိကိုယ်ကိုယ်လေ့ကျင့်ကြလော့။ 8ကိုယ်ကာယလေ့ကျင့်ခန်းသည် အနည်းငယ်သာ အကျိုးရှိသော်လည်း ဘုရားတရားကိုင်းရှိုင်းခြင်းမှာမူ အရာရာ၌ အကျိုးရှိပြီး ယခုဘဝနှင့် နောင်ကာလတို့နှင့်သက်ဆိုင်သော ကတိတော်ကို ရရှိမည်။ 9ဤစကားသည် အပြည့်အဝလက်ခံထိုက်သည့် သစ္စာစကား ဖြစ်၏။ 10သို့ဖြစ်၍ လူအပေါင်းတို့၏ ကယ်တင်ရှင်၊ အထူးသဖြင့် ယုံကြည်သူတို့၏ ကယ်တင်ရှင် ဖြစ်တော်မူသည့် အသက်ရှင်တော်မူသောဘုရားရှင်ကို မျှော်လင့်ကာ ကြိုးစားအားထုတ်ကြ၏။ 11ဤအရာများကို သွန်သင်မိန့်မှာကြလော့။ 12သင်၏အသက်ငယ်ရွယ်မှုကို မည်သူမျှ မထီမဲ့မြင်မပြုစေနှင့်။ သို့သော် ပြောဆိုခြင်း၊ ပြုမူခြင်း၊ ချစ်ခြင်းမေတ္တာ၊ ယုံကြည်ခြင်း၊ စင်ကြယ်ခြင်းတို့တွင် ယုံကြည်သူတို့အတွက် စံနမူနာဖြစ်စေလော့။ 13ကျွန်ုပ်ရောက်မလာမီ လူအများရှေ့တွင် ကျမ်းစာဖတ်ခြင်း၊ ဟောပြောခြင်း၊ သွန်သင်ခြင်းဖြင့် အချိန်ကုန်ကြလော့။ 14အကြီးအကဲတို့၏ သင်တို့အပေါ်လက်တော်တင်၍ ကြိုတင်ဟောပြောခြင်းအားဖြင့် ရရှိသော ဆုကျေးဇူးကို လျစ်လျူမရှုနှင့်။ 15သင်၏တိုးတက်မှုကို လူတိုင်းမြင်ရစေရန် ထိုအရာများ၌ စိတ်နှစ်၍ အားထုတ်လုပ်ဆောင်လော့။ 16သင်သည် မိမိကိုယ်ကိုယ်သော်လည်းကောင်း၊ မိမိ၏ဩဝါဒတို့ကိုသော်လည်းကောင်း သတိပြု၍ မဆုတ်မနစ်လုံ့လစိုက်ထုတ်လော့။ အကြောင်းမူကား ထိုသို့ပြုလျှင် မိမိကိုယ်ကိုယ်သာမက ကြားနာသူတို့ကိုပါ ကယ်တင်ရာရောက်မည်ဖြစ်၏။
Currently Selected:
1 Timothy 4: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
1 Timothy 4
4
1နောက်ဆုံးသောနေ့ရက်များ၌ လူတချို့သည် မိမိတို့၏ ယုံကြည်ခြင်းကို စွန့်ပယ်၍ လှည့်ဖျားသောမကောင်းဆိုးဝါးများနှင့် နတ်ဆိုးများ၏ သွန်သင်မှုကို ခံယူကြလိမ့်မည်ဟု ဉာဏ်အလင်းတော်သည် ရှင်းလင်းစွာ မိန့်တော်မူ၏။ 2ထိုသွန်သင်ချက်များသည် မိမိတို့၏အသိစိတ်ကို သံပူကပ်ထားခြင်းခံရသည့် သူတော်ကောင်းယောင်ဆောင်သော လူလိမ်များထံမှလာခြင်းဖြစ်၏။ 3သူတို့သည် အိမ်ထောင်မပြုရ ဟူ၍လည်းကောင်း၊ ယုံကြည်၍ ကျေးဇူးတော်ကိုချီးမွမ်လျက် စားသုံးရန်အတွက် ဘုရားရှင် ဖန်ဆင်းထားသော အစားအစာများမှ အချို့သောအစားစာတို့ကို ရှောင်ရမည်ဟူ၍လည်းကောင်း တားမြစ်ကြ၏။ 4အကြောင်းမူကား ဘုရားရှင်ဖန်ဆင်းတော်မူသောအရာအားလုံးသည် ကောင်းမွန်သောကြောင့် ကျေးဇူးတော်ချီးမွမ်းလျက် စားသုံးသည်ကို မပြစ်ပယ်သင့်ပါ။ 5အကြောင်းမူကား ဘုရားရှင်၏ နှုတ်ကပတ်တော်နှင့် ဆုတောင်းခြင်းတို့သည် ထိုအရာတို့ကို မွန်မြတ်သန့်ရှင်းစေသောကြောင့် ဖြစ်၏။ 6ဤအရာများကို ညီအစ်ကိုမောင်နှမတို့အား ညွှန်ပြလျှင် သင်သည် ယုံကြည်ခြင်းနှင့်ဆိုင်သောသမ္မာတရားနှင့် သင်လိုက်နာခဲ့သော ကောင်းမွန်သော သွန်သင်ချက်တို့နှင့်ဆိုင်သော တရားတို့ဖြင့် ပြုစုပျိုးထောင်ခံရပြီး ယေရှုခရစ်တော်၏ အစေခံကောင်းတစ်ဦး ဖြစ်လိမ့်မည်။ 7သင်သည် ဘုရားတရားမဲ့သော၊ ယုတ္တိမရှိသောဒဏ္ဍာရီများကို ရှောင်ကြဉ်၍ ဘုရားတရားကိုင်းရှိုင်းရန် မိမိကိုယ်ကိုယ်လေ့ကျင့်ကြလော့။ 8ကိုယ်ကာယလေ့ကျင့်ခန်းသည် အနည်းငယ်သာ အကျိုးရှိသော်လည်း ဘုရားတရားကိုင်းရှိုင်းခြင်းမှာမူ အရာရာ၌ အကျိုးရှိပြီး ယခုဘဝနှင့် နောင်ကာလတို့နှင့်သက်ဆိုင်သော ကတိတော်ကို ရရှိမည်။ 9ဤစကားသည် အပြည့်အဝလက်ခံထိုက်သည့် သစ္စာစကား ဖြစ်၏။ 10သို့ဖြစ်၍ လူအပေါင်းတို့၏ ကယ်တင်ရှင်၊ အထူးသဖြင့် ယုံကြည်သူတို့၏ ကယ်တင်ရှင် ဖြစ်တော်မူသည့် အသက်ရှင်တော်မူသောဘုရားရှင်ကို မျှော်လင့်ကာ ကြိုးစားအားထုတ်ကြ၏။ 11ဤအရာများကို သွန်သင်မိန့်မှာကြလော့။ 12သင်၏အသက်ငယ်ရွယ်မှုကို မည်သူမျှ မထီမဲ့မြင်မပြုစေနှင့်။ သို့သော် ပြောဆိုခြင်း၊ ပြုမူခြင်း၊ ချစ်ခြင်းမေတ္တာ၊ ယုံကြည်ခြင်း၊ စင်ကြယ်ခြင်းတို့တွင် ယုံကြည်သူတို့အတွက် စံနမူနာဖြစ်စေလော့။ 13ကျွန်ုပ်ရောက်မလာမီ လူအများရှေ့တွင် ကျမ်းစာဖတ်ခြင်း၊ ဟောပြောခြင်း၊ သွန်သင်ခြင်းဖြင့် အချိန်ကုန်ကြလော့။ 14အကြီးအကဲတို့၏ သင်တို့အပေါ်လက်တော်တင်၍ ကြိုတင်ဟောပြောခြင်းအားဖြင့် ရရှိသော ဆုကျေးဇူးကို လျစ်လျူမရှုနှင့်။ 15သင်၏တိုးတက်မှုကို လူတိုင်းမြင်ရစေရန် ထိုအရာများ၌ စိတ်နှစ်၍ အားထုတ်လုပ်ဆောင်လော့။ 16သင်သည် မိမိကိုယ်ကိုယ်သော်လည်းကောင်း၊ မိမိ၏ဩဝါဒတို့ကိုသော်လည်းကောင်း သတိပြု၍ မဆုတ်မနစ်လုံ့လစိုက်ထုတ်လော့။ အကြောင်းမူကား ထိုသို့ပြုလျှင် မိမိကိုယ်ကိုယ်သာမက ကြားနာသူတို့ကိုပါ ကယ်တင်ရာရောက်မည်ဖြစ်၏။
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.