1 Thessalonians 3
3
1ထို့ကြောင့် ကျွန်ုပ်တို့သည် ဆက်လက်သည်းမခံနိုင်တော့သဖြင့် ကျွန်ုပ်တို့ချည်းသာ အေသင်မြို့၌နေရစ်ခဲ့ရန် ဆုံးဖြတ်ပြီးလျှင် 2ခရစ်တော်၏မင်္ဂလာသတင်းကောင်းကိုဟောပြောကာ ဘုရားရှင်၏အမှုတော်ကိုထမ်းဆောင်သည့် လုပ်ဖော်ကိုင်ဖက်ဖြစ်သော ငါတို့၏ညီအစ်ကို တိမောသေကို စေလွှတ်လိုက်၏။ သူ့ကိုစေလွှတ်ခြင်းမှာ သင်တို့၏ယုံကြည်ချက် ခိုင်မြဲအောင်လုပ်ပေးရန်နှင့် အားပေးရန်ဖြစ်၏။ 3သို့မှသာ ဤဆင်းရဲဒုက္ခများကြောင့် မည်သူတစ်ဦးတစ်ယောက်မျှ ယိမ်းယိုင်ခြင်းမရှိမည် ဖြစ်၏။ ထိုဆင်းရဲဒုက္ခများ တွေ့ကြုံရခြင်းသည် ဘုရားရှင်၏ အလိုတော်အရဖြစ်ကြောင်း သင်တို့သေချာသိကြ၏။ 4အကြောင်းမူကား ကျွန်ုပ်တို့သည် သင်တို့နှင့်အတူ ရှိစဉ်ကပင် ဆင်းရဲဒုက္ခခံရမည်ဟု သင်တို့ကို ကြိုတင်ပြောဆိုခဲ့သောကြောင့် ဖြစ်၏။ ပြောဆိုခဲ့သည့်အတိုင်း ဖြစ်လာသည်ကိုလည်း သင်တို့သိကြ၏။ 5ထိုအကြောင်းကြောင့် ကျွန်ုပ်တို့သည် ဆက်လက်သည်းမခံနိုင်တော့ဘဲ သင်တို့၏ ယုံကြည်ခြင်းကို သိရှိနိုင်စေရန်အတွက် တိမောသေကို စေလွှတ်ခြင်းဖြစ်၏။ ဖြားယောင်းသွေးဆောင်သူသည် သင်တို့ကို တစ်နည်းနည်းဖြင့် ဖြားယောင်းသွေးဆောင်ပြီး ကျွန်ုပ်တို့၏ကြိုးစားအားထုတ်မှုများအား အချည်းနှီးဖြစ်စေမည်ကို ကျွန်ုပ်စိတ်ပူ၏။ 6သို့သော် တိမောသေသည် ယခု သင်တို့ထံက ပြန်ရောက်လာပြီး သင်တို့၏ ယုံကြည်ခြင်းနှင့် ချစ်ခြင်းမေတ္တာအကြောင်း မင်္ဂလာသတင်းကောင်းကို ယူဆောင်လာ၏။ ကျွန်ုပ်တို့သည် သင်တို့ကိုတွေ့ဆုံလိုသကဲ့သို့ သင်တို့သည်လည်း ကျွန်ုပ်တို့ကို အစဉ်အမြဲအောက်မေ့သတိရလျက် တွေ့ဆုံလိုကြောင်းကို တိမောသေပြောပြ၏။ 7ထို့ကြောင့်ညီအစ်ကိုမောင်နှမတို့၊ သင်တို့၏ ယုံကြည်ခြင်းနှင့် ပတ်သက်သည့် အကြောင်းအရာတို့သည် အခက်အခဲနှင့် ဆင်းရဲဒုက္ခအမျိုးမျိုး ကြုံနေသည့် ကျွန်ုပ်တို့အတွက် ခွန်အားဖြစ်စေ၏။ 8သင်တို့သည် ဆက်လက်၍ အရှင်ကို ခိုင်မာစွာ ယုံကြည်နေသောကြောင့် ယခု ကျွန်ုပ်တို့အသက်ရှင်ရကျိုးနပ်၏။ 9ကျွန်ုပ်တို့ဘုရားရှင်၏ရှေ့တော်တွင် သင်တို့ကြောင့် ကျွန်ုပ်တို့ခံစားနေရသော ဝမ်းမြောက်ပျော်ရွှင်ခြင်းအပေါင်းကိုထောက်၍ သင်တို့အတွက် ဘုရားရှင်အား ကျွန်ုပ်တို့ မည်သို့ ကျေးဇူးဆပ်နိုင်မည်နည်း။ 10ကျွန်ုပ်တို့သည် သင်တို့နှင့်ထပ်မံတွေ့ဆုံ၍ သင်တို့၏ ယုံကြည်ခြင်းတွင် လိုအပ်နေသေးသော အရာများကို ဖြည့်တင်းပေးနိုင်ရန် နေ့ရောညပါ စိတ်အားထက်သန်စွာ ဆုတောင်းကြ၏။ 11ကျွန်ုပ်တို့၏ အဖဘုရားရှင်နှင့် ကျွန်ုပ်တို့၏အရှင်ဖြစ်တော်မူသော ကိုယ်တော်ယေရှုသည်သင်တို့ထံသို့ ကျွန်ုပ်တို့ လာနိုင်ရန်အတွက် လမ်းအားပြင်ဆင်ပေးတော်မူပါစေသော။ 12ကျွန်ုပ်တို့၏ ချစ်ခြင်းမေတ္တာသည် သင်တို့အပေါ်တွင် ပွားများသကဲ့သို့ သင်တို့၏ ချစ်ခြင်းမေတ္တာသည်လည်း သင်တို့အချင်းချင်းအပေါ်တွင်လည်းကောင်း၊ လူတိုင်းအပေါ်တွင်လည်းကောင်း ပို၍ ပွားများရန် အရှင်လုပ်ဆောင်ပေးတော်မူပါစေသော။ 13ကျွန်ုပ်တို့၏အရှင်ဖြစ်တော်မူသော ကိုယ်တော်ယေရှုသည် မိမိ၏နတ်ဒေဝါအပေါင်းနှင့်အတူ ပြန်လည်ကြွလာတော်မူသောအခါ သင်တို့သည် ကျွန်ုပ်တို့၏အဖဘုရားရှင် ရှေ့တော်၌ အပြစ်ဆိုဖွယ်မရှိဘဲ မြင့်မြတ်သူများဖြစ်နေစေရန် သင်တို့၏ စိတ်နှလုံးအား ခိုင်ခံ့မြဲမြံအောင် ပြုတော်မူပါစေသော။
Currently Selected:
1 Thessalonians 3: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
1 Thessalonians 3
3
1ထို့ကြောင့် ကျွန်ုပ်တို့သည် ဆက်လက်သည်းမခံနိုင်တော့သဖြင့် ကျွန်ုပ်တို့ချည်းသာ အေသင်မြို့၌နေရစ်ခဲ့ရန် ဆုံးဖြတ်ပြီးလျှင် 2ခရစ်တော်၏မင်္ဂလာသတင်းကောင်းကိုဟောပြောကာ ဘုရားရှင်၏အမှုတော်ကိုထမ်းဆောင်သည့် လုပ်ဖော်ကိုင်ဖက်ဖြစ်သော ငါတို့၏ညီအစ်ကို တိမောသေကို စေလွှတ်လိုက်၏။ သူ့ကိုစေလွှတ်ခြင်းမှာ သင်တို့၏ယုံကြည်ချက် ခိုင်မြဲအောင်လုပ်ပေးရန်နှင့် အားပေးရန်ဖြစ်၏။ 3သို့မှသာ ဤဆင်းရဲဒုက္ခများကြောင့် မည်သူတစ်ဦးတစ်ယောက်မျှ ယိမ်းယိုင်ခြင်းမရှိမည် ဖြစ်၏။ ထိုဆင်းရဲဒုက္ခများ တွေ့ကြုံရခြင်းသည် ဘုရားရှင်၏ အလိုတော်အရဖြစ်ကြောင်း သင်တို့သေချာသိကြ၏။ 4အကြောင်းမူကား ကျွန်ုပ်တို့သည် သင်တို့နှင့်အတူ ရှိစဉ်ကပင် ဆင်းရဲဒုက္ခခံရမည်ဟု သင်တို့ကို ကြိုတင်ပြောဆိုခဲ့သောကြောင့် ဖြစ်၏။ ပြောဆိုခဲ့သည့်အတိုင်း ဖြစ်လာသည်ကိုလည်း သင်တို့သိကြ၏။ 5ထိုအကြောင်းကြောင့် ကျွန်ုပ်တို့သည် ဆက်လက်သည်းမခံနိုင်တော့ဘဲ သင်တို့၏ ယုံကြည်ခြင်းကို သိရှိနိုင်စေရန်အတွက် တိမောသေကို စေလွှတ်ခြင်းဖြစ်၏။ ဖြားယောင်းသွေးဆောင်သူသည် သင်တို့ကို တစ်နည်းနည်းဖြင့် ဖြားယောင်းသွေးဆောင်ပြီး ကျွန်ုပ်တို့၏ကြိုးစားအားထုတ်မှုများအား အချည်းနှီးဖြစ်စေမည်ကို ကျွန်ုပ်စိတ်ပူ၏။ 6သို့သော် တိမောသေသည် ယခု သင်တို့ထံက ပြန်ရောက်လာပြီး သင်တို့၏ ယုံကြည်ခြင်းနှင့် ချစ်ခြင်းမေတ္တာအကြောင်း မင်္ဂလာသတင်းကောင်းကို ယူဆောင်လာ၏။ ကျွန်ုပ်တို့သည် သင်တို့ကိုတွေ့ဆုံလိုသကဲ့သို့ သင်တို့သည်လည်း ကျွန်ုပ်တို့ကို အစဉ်အမြဲအောက်မေ့သတိရလျက် တွေ့ဆုံလိုကြောင်းကို တိမောသေပြောပြ၏။ 7ထို့ကြောင့်ညီအစ်ကိုမောင်နှမတို့၊ သင်တို့၏ ယုံကြည်ခြင်းနှင့် ပတ်သက်သည့် အကြောင်းအရာတို့သည် အခက်အခဲနှင့် ဆင်းရဲဒုက္ခအမျိုးမျိုး ကြုံနေသည့် ကျွန်ုပ်တို့အတွက် ခွန်အားဖြစ်စေ၏။ 8သင်တို့သည် ဆက်လက်၍ အရှင်ကို ခိုင်မာစွာ ယုံကြည်နေသောကြောင့် ယခု ကျွန်ုပ်တို့အသက်ရှင်ရကျိုးနပ်၏။ 9ကျွန်ုပ်တို့ဘုရားရှင်၏ရှေ့တော်တွင် သင်တို့ကြောင့် ကျွန်ုပ်တို့ခံစားနေရသော ဝမ်းမြောက်ပျော်ရွှင်ခြင်းအပေါင်းကိုထောက်၍ သင်တို့အတွက် ဘုရားရှင်အား ကျွန်ုပ်တို့ မည်သို့ ကျေးဇူးဆပ်နိုင်မည်နည်း။ 10ကျွန်ုပ်တို့သည် သင်တို့နှင့်ထပ်မံတွေ့ဆုံ၍ သင်တို့၏ ယုံကြည်ခြင်းတွင် လိုအပ်နေသေးသော အရာများကို ဖြည့်တင်းပေးနိုင်ရန် နေ့ရောညပါ စိတ်အားထက်သန်စွာ ဆုတောင်းကြ၏။ 11ကျွန်ုပ်တို့၏ အဖဘုရားရှင်နှင့် ကျွန်ုပ်တို့၏အရှင်ဖြစ်တော်မူသော ကိုယ်တော်ယေရှုသည်သင်တို့ထံသို့ ကျွန်ုပ်တို့ လာနိုင်ရန်အတွက် လမ်းအားပြင်ဆင်ပေးတော်မူပါစေသော။ 12ကျွန်ုပ်တို့၏ ချစ်ခြင်းမေတ္တာသည် သင်တို့အပေါ်တွင် ပွားများသကဲ့သို့ သင်တို့၏ ချစ်ခြင်းမေတ္တာသည်လည်း သင်တို့အချင်းချင်းအပေါ်တွင်လည်းကောင်း၊ လူတိုင်းအပေါ်တွင်လည်းကောင်း ပို၍ ပွားများရန် အရှင်လုပ်ဆောင်ပေးတော်မူပါစေသော။ 13ကျွန်ုပ်တို့၏အရှင်ဖြစ်တော်မူသော ကိုယ်တော်ယေရှုသည် မိမိ၏နတ်ဒေဝါအပေါင်းနှင့်အတူ ပြန်လည်ကြွလာတော်မူသောအခါ သင်တို့သည် ကျွန်ုပ်တို့၏အဖဘုရားရှင် ရှေ့တော်၌ အပြစ်ဆိုဖွယ်မရှိဘဲ မြင့်မြတ်သူများဖြစ်နေစေရန် သင်တို့၏ စိတ်နှလုံးအား ခိုင်ခံ့မြဲမြံအောင် ပြုတော်မူပါစေသော။
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.