1 Corinthians 2
2
1အကျွန်ုပ်၏ညီအစ်ကိုမောင်နှမတို့၊ အကျွန်ုပ်သည်သင်တို့ရှိရာသို့ ရောက်လာသောအခါ ဘုရားရှင်အကြောင်း သက်သေခံဟောပြောရာတွင် အလွန်အရေးပါသောစကားများနှင့် ထူးမြတ်သောပညာအားဖြင့် ဟောပြောခဲ့သည် မဟုတ်ပေ။ 2အကြောင်းမူကား အကျွန်ုပ်သည် သင်တို့နှင့်အတူရှိနေစဉ်တွင် ယေရှုခရစ်တော်အကြောင်းနှင့် ကိုယ်တော်၏လက်ဝါးကပ်တိုင်ပေါ်တွင်အသေခံတော်မူသည့်အကြောင်းမှလွှဲ၍ မည်သည့်အရာကိုမျှ မဟောပြော ရန်ဆုံးဖြတ်ခဲ့ပြီးဖြစ်သည်။ 3သင်တို့နှင့်အတူ အကျွန်ုပ်ရှိနေသောအချိန်တွင် အကျွန်ုသည် အားနည်းခြင်း၊ အလွန်ကြောက်ရွံ့တုန်လှုပ်ခြင်းနှင့်တကွရှိနေသည်။ 4အကျွန်ုပ်၏သတင်းစကားနှင့် အကျွန်ုပ်၏ဟောပြောချက်များသည် အကျွန်ုပ်၏ကိုယ်ပိုင်ဉာဏ်ပညာအတွေး အခေါ်များဖြင့်ပြောခြင်းမဟုတ်သကဲ့သို့ လိမ္မာပါးနပ်စွာအငြင်းပွားခြင်းများလည်းမပြောခဲ့ပေ။ သို့သော် သန်ု့ရှင်းသောဝိညာဉ်တော်သည် သူ၏တန်ခိုးအာဏာအားပြသခဲ့ပြီးဖြစ်သည်။ 5ထို့ကြောင့် သင်တို့၏ယုံကြည်မှုသည် လူတို့၏ဉာဏ်ပညာပေါ်တွင်မမူတည်ပဲ ဘုရားရှင်၏တန်ခိုးအာဏာ၌ သာမူတည်ရမည်ဖြစ်သည်။ 6သို့သော်လည်း အကျွန်ုပ်တို့သည် ရင့်သန်သောယုံကြည်သူများနှင့်အတူရှိနေသောအခါ အကျွန်ုပ်တို့သည် ပညာရှိသောစကားကိုသာဟောပြောကြသည်။ သို့သော် ၎င်းသည် လောကီပညာရပ်များမဟုတ်ပေ။ ယနေ့ခေတ် အုပ်ချုပ်သောသူများ၏အမျှော်အမြင်ကြီးမားသောသတင်းစကားများလည်းမဟုတ်ပေ။ အုပ်ချုပ်သူအားလုံး၏ တန်ခိုးအာဏာသည် မကြာမီတွင်ပျက်စီးပျောက်ကွယ်သွားကြမည်ဖြစ်သည်။ 7ထိုအစား အကျွန်ုပ်တို့သည် ဖုံးကွယ်ထားသောဉာဏ်ပညာဖြစ်သည့် ဘုရားရှင်၏လျှို့ဝှက်နက်နဲသောသတင်း စကားကိုဟောပြောခြင်းဖြစ်သည်။ ဘုရားရှင်သည် ဤကမ္ဘာကြီးအားမဖန်ဆင်းမီကပင် အကျွန်ုပ်တို့အတွက် အံ့ဩဖွယ်ကောင်းသောဘဝအားပေးရန်စီစဉ်ထားပြီဖြစ်ကြောင်းကို အကျွန်ုပ်တို့ဟောပြောကြလေသည်။ 8ဤလောကရှိမည်သည့်အုပ်ချုပ်သူမှ ဘုရားရှင်၏အစီအစဉ်ကိုနားလည်ကြမည်မဟုတ်ပေ။ အဘယ်ကြောင့်ဆိုသော် သူတို့သည် ဘုရားရှင်လုပ်ဆောင်တော်မူသောအရာကိုနားလည်ခဲ့ကြလျှင် ဘုန်းတန်ခိုး တော်ကြီးမားသောအရှင်အား လက်ဝါးကပ်တိုင်ပေါ်တွင်တင်၍သက်ကြလိမ့်မည်မဟုတ်ပေ။ 9သို့သော် ကျမ်းစာထဲတွင် “ဘုရားရှင်သည် သူအားချစ်မြတ်နိုးသောသူများအတွက် မည်ကဲ့သို့ပြင်ဆင်ထားသည်ကို မည်သူမျှစိတ်အားဖြင့်ဖြစ်စေ၊ မျက်လုံးအားဖြင့်ဖြစ်စေ၊ နားအားဖြင့်ဖြစ်စေ မမြင်မကြားကြပေ” ဟုရေးသားထားသည်။ 10သို့သော် ဘုရားရှင်သည် ဉာဏ်အလင်းတော်အားဖြင့် ဤအရေးပါလှသောအကြောင်းအရာများကို အကျွန်ုပ်တို့ အားဖော်ပြခဲ့ပြီးဖြစ်သည်။ ဉာဏ်အလင်းတော်သည်အရာအားလုံးကိုသာမက ဘုရားရှင်၏လျှို့ဝှက်နက်နဲလှသော အကြံအစည်များကိုပင်သိတော်မူသည်။ 11လူတစ်ဦးတစ်ယောက်၏အတွေးများအားလုံးကို ထိုလူ၏စိတ်ဝိညာဉ်မှလွှဲ၍မည်သူသိသနည်း။ ထိုနည်းတူပင် ဉာဏ်အလင်းတော်မှလွှဲ၍ ဘုရားရှင်၏အကြံအစည်များကို မည်သူမျှမသိနိုင်ပေ။ 12အကျွန်ုပ်တို့သည် ဤလောကရှိလူတို့လက်ခံထားသောအတွေးအခေါ်များကိုလက်ခံထားကြသည်မဟုတ်။ သို့သော် အကျွန်ုပ်တို့သည် ဘုရားရှင်၏ဉာဏ်အလင်းတော်ကိုလက်ခံရရှိထားသည်ဖြစ်သောကြောင့် ဘုရားရှင်သည်သူ၏ကျေးဇူးတော်အားဖြင့် အကျွန်ုပ်တို့ကိုပေးအပ်သောအရာမှန်သမျှကို အကျွန်ုပ်တို့သိနိုင်မည် ဖြစ်သည်။ 13ဤသည်မှာ အခြားသောသူများကိုအကျွန်ုပ်တို့ဟောပြောသောသတင်းစကားများဖြစ်သည်။ အကျွန်ုပ်တို့သည်လူတို့၏ဉာဏ်ပညာဖြင့်အကျွန်ုပ်တို့အားသင်ကြားထားသည့်စကားများကိုမဟောပြောကြပေ။ ထိုအစား သန့်ရှင်းသောဝိညာဉ်တော်မှသင်ကြားထားသော ဝိညာဉ်ရေးဆိုင်ရာအမှန်တရားများကို ဝိညာဉ်ရေးရာ စကားလုံးများဖြင့် အကျွန်ုပ်တို့သည်ရှင်းပြကြသည်ဖြစ်သည်။ 14ဉာဏ်အလင်းတော်မရှိသောလူတစ်ယောက်သည် ဘုရားရှင်၏ဉာဏ်အလင်းတော်ထံမှလာသော အကြောင်းအရာများကိုလက်ခံမည်မဟုတ်ပေ။ အဘယ်ကြောင့်ဆိုသော် ထိုအကြောင်းအရာများသည် ထိုသူ့အတွက်အဓိပ္ပာယ်မရှိသောကြောင့်ဖြစ်ပြီး သူသည်၎င်းတို့ကိုနားမလည်သောကြောင့်လည်းဖြစ်သည်။ လူတစ်ယောက်သည် ဉာဏ်အလင်းတော်၏အကူအညီဖြင့်သာ ထိုအကြောင်းအရာများကိုနားလည်နိုင်သည်။ 15ဉာဏ်အလင်းတော်ကိုရရှိထားသောလူတစ်ယောက်သည် ထိုအရာအားလုံးကို ပိုင်းခြား၍ နားလည်တတ်၏။ သို့သော်လည်း ဉာဏ်အလင်းတော်ရှိသောသူတို့အား ဉာဏ်အလင်းတော်မရှိသောသူတို့သည်ဝေဖန်ပိုင်းခြားနိုင်စွမ်း မရှိပေ။ 16အဘယ်ကြောင့်ဆိုသော် ကျမ်းစာထဲတွင် “အရှင့်၏စိတ်ကိုမည်သူသိနိုင်သနည်း။ အရှင့်အားမည်သူသည်အကြံဉာဏ်ပေးနိုင်သနည်း” ဟုရေးသားထားသည်။ သို့သော် အကျွန်ုပ်တို့သည် ယေရှုခရစ်တော်၏စိတ်ရရှိထားကြသည်ဖြစ်သည်။
Currently Selected:
1 Corinthians 2: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
1 Corinthians 2
2
1အကျွန်ုပ်၏ညီအစ်ကိုမောင်နှမတို့၊ အကျွန်ုပ်သည်သင်တို့ရှိရာသို့ ရောက်လာသောအခါ ဘုရားရှင်အကြောင်း သက်သေခံဟောပြောရာတွင် အလွန်အရေးပါသောစကားများနှင့် ထူးမြတ်သောပညာအားဖြင့် ဟောပြောခဲ့သည် မဟုတ်ပေ။ 2အကြောင်းမူကား အကျွန်ုပ်သည် သင်တို့နှင့်အတူရှိနေစဉ်တွင် ယေရှုခရစ်တော်အကြောင်းနှင့် ကိုယ်တော်၏လက်ဝါးကပ်တိုင်ပေါ်တွင်အသေခံတော်မူသည့်အကြောင်းမှလွှဲ၍ မည်သည့်အရာကိုမျှ မဟောပြော ရန်ဆုံးဖြတ်ခဲ့ပြီးဖြစ်သည်။ 3သင်တို့နှင့်အတူ အကျွန်ုပ်ရှိနေသောအချိန်တွင် အကျွန်ုသည် အားနည်းခြင်း၊ အလွန်ကြောက်ရွံ့တုန်လှုပ်ခြင်းနှင့်တကွရှိနေသည်။ 4အကျွန်ုပ်၏သတင်းစကားနှင့် အကျွန်ုပ်၏ဟောပြောချက်များသည် အကျွန်ုပ်၏ကိုယ်ပိုင်ဉာဏ်ပညာအတွေး အခေါ်များဖြင့်ပြောခြင်းမဟုတ်သကဲ့သို့ လိမ္မာပါးနပ်စွာအငြင်းပွားခြင်းများလည်းမပြောခဲ့ပေ။ သို့သော် သန်ု့ရှင်းသောဝိညာဉ်တော်သည် သူ၏တန်ခိုးအာဏာအားပြသခဲ့ပြီးဖြစ်သည်။ 5ထို့ကြောင့် သင်တို့၏ယုံကြည်မှုသည် လူတို့၏ဉာဏ်ပညာပေါ်တွင်မမူတည်ပဲ ဘုရားရှင်၏တန်ခိုးအာဏာ၌ သာမူတည်ရမည်ဖြစ်သည်။ 6သို့သော်လည်း အကျွန်ုပ်တို့သည် ရင့်သန်သောယုံကြည်သူများနှင့်အတူရှိနေသောအခါ အကျွန်ုပ်တို့သည် ပညာရှိသောစကားကိုသာဟောပြောကြသည်။ သို့သော် ၎င်းသည် လောကီပညာရပ်များမဟုတ်ပေ။ ယနေ့ခေတ် အုပ်ချုပ်သောသူများ၏အမျှော်အမြင်ကြီးမားသောသတင်းစကားများလည်းမဟုတ်ပေ။ အုပ်ချုပ်သူအားလုံး၏ တန်ခိုးအာဏာသည် မကြာမီတွင်ပျက်စီးပျောက်ကွယ်သွားကြမည်ဖြစ်သည်။ 7ထိုအစား အကျွန်ုပ်တို့သည် ဖုံးကွယ်ထားသောဉာဏ်ပညာဖြစ်သည့် ဘုရားရှင်၏လျှို့ဝှက်နက်နဲသောသတင်း စကားကိုဟောပြောခြင်းဖြစ်သည်။ ဘုရားရှင်သည် ဤကမ္ဘာကြီးအားမဖန်ဆင်းမီကပင် အကျွန်ုပ်တို့အတွက် အံ့ဩဖွယ်ကောင်းသောဘဝအားပေးရန်စီစဉ်ထားပြီဖြစ်ကြောင်းကို အကျွန်ုပ်တို့ဟောပြောကြလေသည်။ 8ဤလောကရှိမည်သည့်အုပ်ချုပ်သူမှ ဘုရားရှင်၏အစီအစဉ်ကိုနားလည်ကြမည်မဟုတ်ပေ။ အဘယ်ကြောင့်ဆိုသော် သူတို့သည် ဘုရားရှင်လုပ်ဆောင်တော်မူသောအရာကိုနားလည်ခဲ့ကြလျှင် ဘုန်းတန်ခိုး တော်ကြီးမားသောအရှင်အား လက်ဝါးကပ်တိုင်ပေါ်တွင်တင်၍သက်ကြလိမ့်မည်မဟုတ်ပေ။ 9သို့သော် ကျမ်းစာထဲတွင် “ဘုရားရှင်သည် သူအားချစ်မြတ်နိုးသောသူများအတွက် မည်ကဲ့သို့ပြင်ဆင်ထားသည်ကို မည်သူမျှစိတ်အားဖြင့်ဖြစ်စေ၊ မျက်လုံးအားဖြင့်ဖြစ်စေ၊ နားအားဖြင့်ဖြစ်စေ မမြင်မကြားကြပေ” ဟုရေးသားထားသည်။ 10သို့သော် ဘုရားရှင်သည် ဉာဏ်အလင်းတော်အားဖြင့် ဤအရေးပါလှသောအကြောင်းအရာများကို အကျွန်ုပ်တို့ အားဖော်ပြခဲ့ပြီးဖြစ်သည်။ ဉာဏ်အလင်းတော်သည်အရာအားလုံးကိုသာမက ဘုရားရှင်၏လျှို့ဝှက်နက်နဲလှသော အကြံအစည်များကိုပင်သိတော်မူသည်။ 11လူတစ်ဦးတစ်ယောက်၏အတွေးများအားလုံးကို ထိုလူ၏စိတ်ဝိညာဉ်မှလွှဲ၍မည်သူသိသနည်း။ ထိုနည်းတူပင် ဉာဏ်အလင်းတော်မှလွှဲ၍ ဘုရားရှင်၏အကြံအစည်များကို မည်သူမျှမသိနိုင်ပေ။ 12အကျွန်ုပ်တို့သည် ဤလောကရှိလူတို့လက်ခံထားသောအတွေးအခေါ်များကိုလက်ခံထားကြသည်မဟုတ်။ သို့သော် အကျွန်ုပ်တို့သည် ဘုရားရှင်၏ဉာဏ်အလင်းတော်ကိုလက်ခံရရှိထားသည်ဖြစ်သောကြောင့် ဘုရားရှင်သည်သူ၏ကျေးဇူးတော်အားဖြင့် အကျွန်ုပ်တို့ကိုပေးအပ်သောအရာမှန်သမျှကို အကျွန်ုပ်တို့သိနိုင်မည် ဖြစ်သည်။ 13ဤသည်မှာ အခြားသောသူများကိုအကျွန်ုပ်တို့ဟောပြောသောသတင်းစကားများဖြစ်သည်။ အကျွန်ုပ်တို့သည်လူတို့၏ဉာဏ်ပညာဖြင့်အကျွန်ုပ်တို့အားသင်ကြားထားသည့်စကားများကိုမဟောပြောကြပေ။ ထိုအစား သန့်ရှင်းသောဝိညာဉ်တော်မှသင်ကြားထားသော ဝိညာဉ်ရေးဆိုင်ရာအမှန်တရားများကို ဝိညာဉ်ရေးရာ စကားလုံးများဖြင့် အကျွန်ုပ်တို့သည်ရှင်းပြကြသည်ဖြစ်သည်။ 14ဉာဏ်အလင်းတော်မရှိသောလူတစ်ယောက်သည် ဘုရားရှင်၏ဉာဏ်အလင်းတော်ထံမှလာသော အကြောင်းအရာများကိုလက်ခံမည်မဟုတ်ပေ။ အဘယ်ကြောင့်ဆိုသော် ထိုအကြောင်းအရာများသည် ထိုသူ့အတွက်အဓိပ္ပာယ်မရှိသောကြောင့်ဖြစ်ပြီး သူသည်၎င်းတို့ကိုနားမလည်သောကြောင့်လည်းဖြစ်သည်။ လူတစ်ယောက်သည် ဉာဏ်အလင်းတော်၏အကူအညီဖြင့်သာ ထိုအကြောင်းအရာများကိုနားလည်နိုင်သည်။ 15ဉာဏ်အလင်းတော်ကိုရရှိထားသောလူတစ်ယောက်သည် ထိုအရာအားလုံးကို ပိုင်းခြား၍ နားလည်တတ်၏။ သို့သော်လည်း ဉာဏ်အလင်းတော်ရှိသောသူတို့အား ဉာဏ်အလင်းတော်မရှိသောသူတို့သည်ဝေဖန်ပိုင်းခြားနိုင်စွမ်း မရှိပေ။ 16အဘယ်ကြောင့်ဆိုသော် ကျမ်းစာထဲတွင် “အရှင့်၏စိတ်ကိုမည်သူသိနိုင်သနည်း။ အရှင့်အားမည်သူသည်အကြံဉာဏ်ပေးနိုင်သနည်း” ဟုရေးသားထားသည်။ သို့သော် အကျွန်ုပ်တို့သည် ယေရှုခရစ်တော်၏စိတ်ရရှိထားကြသည်ဖြစ်သည်။
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.