Mark 12
12
1ကိုယ်တော်ယေရှုဟ အဲလူဒွေဝို အော့ပါပုံပြင်ဝိုပြောပြလေရယ်။ "ဗျစ်ခမ်းပိုင်ရှင်တဦးဟ ဗျစ်ခမ်းဒွေဝိုခြံနကာရံထားရယ်၊ ဗျစ်သီးဒွေဝိုနယ်ဝို့ကျင်းတကျင်းတူးထားရယ်။ မျှော်စင်ခုဝိုလဲဆော့ထားရယ်။ သူဟ ဥယျာဥ်ဝိုခြံသမားဒွေဝိုငှားခလပီးတော့ တနေရာဝိုခရီးထွက်သွားလေရယ်။ 2ဗျစ်သီးခူးခီရော့လာခါမှာ ပိုင်ရှင်ဟသူ့စေခံတယော့ဝိုလွှတ်ပီး သူ့ဝေစုဝိုတောခိုင်းလိုက်ခါမှာ 3ခြံသမားဒွေဟ သူ့ဝိုဖမ်းပီးရိုက်နှက်ပီး ဟဲရာလဲပေးဘဲနပလန်လွှတ်လိုက်ရယ်။ 4ပိုင်ရှင်ဟ နော့တယော့ဝိုလွှတ်လိုက်ခါမှာလဲ သူ့ခေါဝိုပါရိုက်ပီး ရှစ်ခွဲပီးပလန်လွှတ်လိုက်လေရယ်။ 5ပိုင်ရှင်ဟ နော့တယော့ဝိုလွှတ်လိုက်ခါမှာလဲ ခြံသမားဒွေဟ အဲလူဝိုသေသတ်လိုက်ကေ့ရယ်။ အယ်ဘေမဲ့ ပိုင်ရှင်ဟသူ့စေခံဒွေဝို ယော့ပီးယော့စေလွှတ်ပေမဲ့ ခြံငှားမားဒွေဟ ချို့ဝိုညှင်းပန်းနှိစစ်ပီး ချို့ဝိုသတ်လိုက်ကေ့ရယ်။ 6နော့ဆုံးမှာ ပိုင်ရှင်ဟ သူအရမ်းချစ်ရဝို ဦးတည်းသောသားဝိုစေလွှတ်လိုက်မယ်ဆိုဝါ ခြံငှားမားဒွေဟ လေးစားမယ်ထံပီးသားဝိုလွှတ်လိုက်ပလန်ရယ်။ အယ်ခါခြံငှားမားဒွေဟ 7တနေ့ သူဟခြံဝိုမွီရဝို့လူဖြစ်ရယ်၊ သူ့ဝိုသတ်လိုက်ကေ့စို့၊ အယ်မှ အဲမိုဇာဒွေအားလုံး နို့ပိုင်ရမှာ" ဆိုပီးချင်းချင်းပြောကေ့လေရယ်။ 8အဲနပိုင်ရှင်ရဲ့သားဝို သေသတ်ပစ်လိုက်ကေ့ရယ်၊ လောဝိုဗျစ်ခြံပလန်ဝိုလွန့်ပစ်လိုက်လေရယ်။ 9အဲမျိုးဆိုဝါ ဗျစ်ခြံပိုင်ရှင် ဟဲရာလုပ်မယ်ထံနူး" ပိုင်ရှင်ဟသူကိုယ်တိုင်လာပီး ခြံငှားမားဒွေဝိုသတ်ဖြတ်ပါလိမယ်၊ ထိုခြံဝိုခြားသူတယော့ဝို ပြုစုစော့ရှော့ဝို့ပေးအပ်ပါလိမယ်၊ 10"တိုက်အီဆော့သူဒို့ ပယ်ထားဝိုကလော့တုံးဟ တခီမှာ ရေးကီးဆုံး ထော်ချော့ကလော့ဖြစ်လာလိမယ်။ 11အယ်မိုမှုဟ ဘုရားရှင်ပြုတော်မူဝိုမှုဖြစ်ရယ်။ ငါတို့မျက်မှော့မှာ အံ့ဩစရာဖြစ်လေစွ" ဆိုပီးရေးသားထားဝိုကျမ်းစာဝို မင်းဒို့ဖတ်ဖူးရလော ဆိုပီးမိတော်မူလေရယ်။ 12ယုဒလူမျိုးခေါဆော်ဒို့ဟ ကိုယ်တော်ဟ သူ့နို့ဝိုရည်ရွယ်ပီးပြောကြော သိသွားကေ့ရယ်။ အယ်ဘေမဲ့ လူထုပရိသတ်ဝို ကြော့ရိတွက်ကြော့ သူ့နို့ထွက်ခွာသွားကေ့လေရယ်။ 13အဲနော့ ကိုယ်တော်ယေရှု၏ ဂါးမှားဒွေဝို ထော့ပြနိုင်ဝို့တွက် ပရိယာယ်သုံးပီး သူ့နို့လူချို့ဝို ကိုယ်တော်ဆီစေလွှတ်လေရယ်။ 14အဲလူဒွေဟ "ကိုယ်တော် ကျော်ဒို့ဟ ကိုယ်တော်ဝို ရိုးသားမှန်ကန်ရယ်ဆိုပီးသိထားပါရယ်။ ဟယ်သူမျစ်နှာဝိုမှထော့ဘဲန လူဒိုင်းဝိုလေးစားစွာဆစ်ဆံတတ်ပါရယ်။ ဘုရားရှင်ရဲ့လိုတော်တိုင်း လူဒွေဝိုမှန်မှန်ကန်ကန်ဟောပြောသွန်သန်တော်မူတတ်ရယ်။ ကျော်ဒို့ဝို ပြောပြစေချင်ဇာဟလော ကျော်ဒို့ဟ ဘုရင်မန်းကီးဝို ခွန်တော်ပေးဆပ်သင့်လော၊ ပေးဆပ်ဘဲနနေသင့်လော' ဆိုပီးမေးကေ့လေရယ်။ 15ကိုယ်တော်ဟလဲ အဲလူဒွေပရိယာယ်နမေးဇာဝိုသိရိတွက် " မင်းဒို့ငါ့ဝို ဟဲဖြစ်ရိစမ်းသပ်နေကေ့နူး၊ ငါ့ဆီဝို ဒန်းဂါးပြားလော့ယူလာပေးပါ" ဆိုပီးပြောလေရယ်။ 16သူ့နို့ဝ ငွေဒန်းဂါးပြားဝို ကိုယ်တော်ဝိုပေးလိုက်ခါမှာ " အယ်ငွေဒန်းဂါးပေါ်မှာ ဟယ်သူရုပ်ပုံနနော်မယ်ပါနူး" ဆိုပီး ကိုယ်တော်ဟ မေးလေရယ်။ အဲခါ သူ့နို့ဟ "ဘုရင်မင်းမြတ်ပုံနနော်မယ်ပါရှေ့ရယ်" ဆိုပီးဖြေလိုက်လေရယ်။ 17အဲနော့ကိုယ်တော်ဟ "သူ့နို့ဝို ဘုရင်မင်းမြတ်ပိုင်ဆိုင်ဇာမှန်သမျှ ဘုရင်ဝိုပလန်ပေးလိုက်ပါ။ နော့ပီးဘုရားရှင်ပိုင်ဆိုင်ဇာမှန်သမျှဝိုလဲ ဘုရားရှင်ဆီပလန်ပေးကေ့ပါ" ဆိုပီး ကိုယ်တော်ဟ မိတော်မူလေရယ်။ အဲလူဒွေဟလဲ ကိုယ်တော်ဝို ရားဒိုင်းအံ့ဩသွားကေ့လေရယ်။ 18လူဒွေဟ ကွယ်လွန်ပီးနော့ သက်ပလန်ရှင်ဇာမှေ့ရ ဆိုဝိုဇဒ္ဒုကဲဒွေဟ ကိုယ်တော့်ဆီဝိုရော့လာပီး 19"ကိုယ်တော် မောရှေကျမ်းမှာ အီထော်ကလပေမဲ့ သားမီးထွန်းကားဘဲကွယ်လွန်သွားမယ်ဆိုဝါ ကျန်ရစ်သူမုဆိုးမဝို သူ့ညီဟ လက်ထပ်ရိရရယ်။ သူ့နို့ရဲ့ပထမဆုံးသားဝို သေဆုံးသွားလူ အကိုကြီးရဲ့သားဆိုပီး သတ်မှတ်ရယ်ဆိုပီး ရေးသားထားလေရယ်။ 20ခါဟ ညီကိုခုနှေ့ယော့ရှေ့ရယ်။ ကိုကီးဆုံးဟ လက်ထပ်ပီး သားမရပဲသေသွားရယ်။ 21ဒုတိယကိုဟ မရီးမုဆိုးမဝို လက်ထပ်လိုက်ရယ်။ သူလဲကွယ်လွန်သွားရယ်။ တတိယယော့လဲ လားတူဘဲ့လက်ထပ်လိုက်ပလန်ရယ်။ 22နော့ဆုံးမှာ ခုနှေ့ယော့လုံး ကွယ်လွန်သွားလေတော့ရယ်။ မျိုးသမီးကွယ်လွန်သွားခါမှာ 23ညီကိုခုနှေ့ယော့လုံးဝို သူမလက်ထပ်ခဲ့ရိတွက် ဘုရားရှင်ဟ လူဒွေဝို သေခြင်းရနေပလန်လည်ထမြော့စေခါ အယ်မျိုးသမီးဟ ဟယ်သူရဲ့ဇနီးနူး" ဆိုပီးမေးကေ့လေရယ်။ 24ကိုယ်တော်ဟ "မင်းဒို့လုံးဝမှားနေကေ့ပီ။ ဘုရားရှင်ရဲ့နုကပတ်တော်ဒွေဝို သင်ဒို့မသိသလို ဘုရားရှင်ရဲ့ဂိုးအာနုဘော်ဒွေဝိုလဲ ဟဲရာမှသိကေ့ရ။ 25မင်းဒို့သေခြင်းရနေ ပလန်လည်ထမြော့လာဝိုလူဒွေဟ ထိမ်းမြားလက်ထပ်ခြင်းမှေ့ကေ့ဟန်း။ သူ့နို့ဒွေဟ နိဗ္ဗာန်ရွှေဗြို့တော်ဟ ဘုရားရှင်ရဲ့နတ်စေတမန်ဒွေဖြစ်လာကေ့ရယ်။ 26မောရှေကျမ်းမှာပါရှေ့ဒဲ့ လောကျွမ်းနေဝိုခြုံကြော ရေးသားဖော်ပြချင့်မှာ ဘုရားရှင်ဟ "ငါဟ အာဗြံဟံ၊ ဣဇက်နယာကုပ်ဒို့၏ကိုးကွယ်ဆည်းကပ်ရာဖြစ်ရယ်" ဆိုပီး မိဆိုထားရယ်။ 27ဘုရားရှင်ဟ သေဆုံးသူဒွေရဲ့ ဘုရားမုဝ၊ သက်ရှင်နေသူဒွေရဲ့ ဘုရားဘဲ့ဖြစ်ရယ်။ နန်းနို့ဒွေဂူလုံး မှားနေဂေ့ပီ" ဆိုပီး ရှင်းပြလေရယ်။ 28ကိုယ်တော်နဇဒ္ဒုကဲဝို့ငြင်းပွားနေခီမှာ ကျမ်းတတ်ပုဂ္ဂိုလ်တဦးရော့လာလေရယ်။ သူဟ ကိုယ်တော်ဟကောမွန်ပြော်မြော့လှဝိုဖြေဝိုကြားပီးနော့ "ပညတ်တော်ထဲမှာ ဟယ်ပညတ်တော်ဟ ရေးကီးဆုံးဖြစ်မယ်နူး" ဆိုပီးမေးလေရယ်။ 29ကိုယ်တော်ဟ "ရေးကီးဆုံးပညတ်တော်ဟတော့ ဣသရေလလူမျိုးဒွေမှာဆူတည်းသော ဘုရားတပါးတည်းသာရှေ့ရယ်။ 30မင်းဒို့ဟ ကိုယ်၊စိနှလုံးသုံးပါးလုံးန ဘုရားရှင်ဝိုလှိုက်လှိုက်လှဲလှဲ ကြည်ညိုဆည်းကပ်ရမယ်။ 31ဒုတိယချင့်ဟ ပါးသူဒွေဝဒို မိမိနထပ်တူမေတ္တာထားရမယ်။ ခြားပညတ်တော်ဒွေဟ အယ်ပညတ်နှေ့ခုလော့ပိုပီးရေးကီးရ" ဆိုပီး ဖြေလိုက်လေရယ်။ 32အဲလူဟပလန်လည်ပီး "သာဓုပါဆရာ၊ ဘုရားရှင်ဆိုဇာ ဆူတည်းသောဘုရားဖြစ်ရယ်လို့ ကိုယ်တော်ပြောဇာ မှန်ကန်သင့်တော်ပါရယ်။ 33ကျော်ဒို့ဟ ဘုရားရှင်ဝို ကိုယ်၊စိ၊နှလုံးသုံးပါးလုံးနကြည်ညိုဆည်းကပ်ရမယ်။ မိမိကိုယ်မိမိချစ်ဝိုမျိုးသူတပါးပေါ်မှာလဲမေတ္တာထားနိုင်ရမယ်။ အယ်ချင့်ဒွေဟ ခြားသောလိစန်ဒွေဝိုယဇ်ပူဇော်မှုန စားစာဒွေဝိုမီးရှို့ပီးပူဇော်ဇာထက်ပိုပီး ရေးကီးပါရယ်။ ဆိုပီး ကိုယ်တော်၏သွန်သန်ချင့်ဝိုဘောပေါ့လက်ခံသွားလေရယ်။ 34ကိုယ်တော်ဟ အဲလူ၏နားလည်ဘောပေါ့လွယ်ပီးလက်တွီ့ကျလှဝိုဖြေဝိုသိဗျင်ရခါမှာ "မင်းဟနိဗ္ဗာန်ရွှေဗြို့တော်နဝွီးဟန်း" ဆိုပီး ပြောလိုက်လေရယ်။ အဲနော့ပိုင်းမှာ ဟယ်သူဟမှ ကိုယ်တော်ဆီလာပီး မေးခွန်းထုရဲဟန်း။ 35ကိုယ်တော်ဟ ဗိမာန်တော်ထဲမှာ ဟောပြောသွန်သန်နေခီ "မေရှိယဟ ဘုရင်ဒါဝိဒ်ရဲ့မိသားစုဟ ဆင်းသက်လာရယ်ဆိုပီး ကျမ်းတတ်ပုဂ္ဂိုလ်ဒွေဟ ဟဲဖြစ်ရိပြောကေ့နူး" ဆိုပီး ချင်းချင်းဆွေးနွေးနေကေ့ရယ်။ အဲခါကိုယ်တော်ဟ 36သင့်ရန်သူဒွေဝို သင်၏ခေဖဝါးအော့ရော့စေရမယ်။ အဲခီမတိုင်မှီကာလတွမ်း ငါ၏လက်ယာဖက်မှာနေထိုင်ပါ ဆိုပီး မြတ်ဆုံးဘုရားရှင်ဟ ငါ့အရှင်ဝိုမိတော်မူရယ်" ဆိုပီး မွန်မြတ်သန့်ရှင်းသော ဝိဉာဥ်တော်၏နှိုးဆော်ချင့်န ဒါဝိဒ်မန်းမိတော်မူခဲ့ရယ်။ 37အဲဂျော့ "ဒါဝိဒ်မန်းကိုယ်တိုင် မေရှိယဟ ဒါဝိဒ်၏သားဟဲမျိုးဖြစ်နိုင်မယ်နူး" ဆိုပီးမိတော်မူလေရယ်။ လူထုပရိသတ်ကီးဟလဲ ကိုယ်တော်၏ဟောပြောချင့်ဝို ဝမ်းမြော့စွာန ကြားနာရလေရယ်။ 38အဲမျိုးသွန်သန်ဆုံးမနေခီ ကိုယ်တော်ဟ "မင်းဒို့ဝိုသွန်သန်ဆုံးမနေဝို ကျမ်းတတ်ပုဂ္ဂိုလ်ဒွေမျိုး ကျင့်သုံးကေ့ပါန။ သူ့နို့ဒွေဟ များထံကီးလေးစားမှုဝိုလိုချင်ရိတွက် ဝတ်ရုံရှယ်ရီးဒွေဝတ်ပီးသွားလာကေ့ရယ်။ ဈေးဝိုရော့ရင် များရဲ့ကြိုဆိုနှုဆစ်ဇာဝိုလဲကြိုက်ကေ့ရယ်။ 39"ရားဓမ္မာရုံဒွေမှာလဲ ကောမြတ်ဝိုနေရာမှာ ထိုင်ရဇာကြိုက်ကေ့ရယ်။ ပွဲတော်ဒွေမှာလဲ ကောဆုံးဘွဲမှာထိုင်ရဇာကြိုက်ကေ့ရယ်။ 40အယ်ဘေမဲ့သူ့နို့ဝ မုဆိုးမဒွေရဲ့နေအီဒွေဝိုတော် လှည့်စားသီးယူကေ့ရယ်။ ပီးနသူတော်ကောယောဆော်ပီး ဘုရားထံဆုတောခါမှာ ခီကြာကီးဆုတောကေ့ရယ်။ အဲလူဒွေဟ အားလုံးသောလူဒွေထက် ပြစ်ပေးခံရလိမယ်" ဆိုပီး ကိုယ်တော်ဟ မိကြားလေရယ်။ 41ကိုယ်တော်ဟ ဗိမာန်တော်ထဲထိုင်နေခီမှာ နီးမှာရှေ့ဝို လှူခံသေတ္တာထဲတို လှူငွေဒွေထည့်နေဇာဝို ကေ့နေရယ်။ လူချမ်းသာများစုဟ လှူငွေများဆုံးထည့်ဝမ်လှူဒါန်းဇာဝို ဒိထားမိလေရယ်။ 42နော့ဆုံးမှာဆင်းရဲသောမုဆိုးမဦးဟ သူမ၏ချွေးနဲစာ ပဲနိုဒန်းဂါးနှေ့စေ့လုံးဝို ထည့်ဝမ်လှူဒါန်းလိုက်လေရယ်။ 43အဲခါသူ၏ဗြိတော်ဒွေဝို စုဝေးခေါ်ယူပီး "ငါမင်းဒို့ဝို မှန်ပြောရရင် အယ်မုဆိုးမဟ ဆင်းရဲပေမဲ့ ခြားသူဒွေထက်ပိုပီးလှူဒါန်းသွားရယ်။ 44လူတိုင်းဟ သူနို့မလိုအပ်ဘဲရာဒွေဝိုဘဲလှူဒါန်းကေ့ရယ်။ အယ်ဘေမဲ့ အယ်မျိုးသမီးဟလော သူ့မှာရှေ့သမျှချွေးနဲစာအားလုံးဝို လှူလိုက်ပီ" ဆိုပီး ပြောပြလေရယ်။
Currently Selected:
Mark 12: ttpv-rv
Highlight
Share
Copy
Want to have your highlights saved across all your devices? Sign up or sign in
This translation of the Taungyo Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Mark 12
12
1ကိုယ်တော်ယေရှုဟ အဲလူဒွေဝို အော့ပါပုံပြင်ဝိုပြောပြလေရယ်။ "ဗျစ်ခမ်းပိုင်ရှင်တဦးဟ ဗျစ်ခမ်းဒွေဝိုခြံနကာရံထားရယ်၊ ဗျစ်သီးဒွေဝိုနယ်ဝို့ကျင်းတကျင်းတူးထားရယ်။ မျှော်စင်ခုဝိုလဲဆော့ထားရယ်။ သူဟ ဥယျာဥ်ဝိုခြံသမားဒွေဝိုငှားခလပီးတော့ တနေရာဝိုခရီးထွက်သွားလေရယ်။ 2ဗျစ်သီးခူးခီရော့လာခါမှာ ပိုင်ရှင်ဟသူ့စေခံတယော့ဝိုလွှတ်ပီး သူ့ဝေစုဝိုတောခိုင်းလိုက်ခါမှာ 3ခြံသမားဒွေဟ သူ့ဝိုဖမ်းပီးရိုက်နှက်ပီး ဟဲရာလဲပေးဘဲနပလန်လွှတ်လိုက်ရယ်။ 4ပိုင်ရှင်ဟ နော့တယော့ဝိုလွှတ်လိုက်ခါမှာလဲ သူ့ခေါဝိုပါရိုက်ပီး ရှစ်ခွဲပီးပလန်လွှတ်လိုက်လေရယ်။ 5ပိုင်ရှင်ဟ နော့တယော့ဝိုလွှတ်လိုက်ခါမှာလဲ ခြံသမားဒွေဟ အဲလူဝိုသေသတ်လိုက်ကေ့ရယ်။ အယ်ဘေမဲ့ ပိုင်ရှင်ဟသူ့စေခံဒွေဝို ယော့ပီးယော့စေလွှတ်ပေမဲ့ ခြံငှားမားဒွေဟ ချို့ဝိုညှင်းပန်းနှိစစ်ပီး ချို့ဝိုသတ်လိုက်ကေ့ရယ်။ 6နော့ဆုံးမှာ ပိုင်ရှင်ဟ သူအရမ်းချစ်ရဝို ဦးတည်းသောသားဝိုစေလွှတ်လိုက်မယ်ဆိုဝါ ခြံငှားမားဒွေဟ လေးစားမယ်ထံပီးသားဝိုလွှတ်လိုက်ပလန်ရယ်။ အယ်ခါခြံငှားမားဒွေဟ 7တနေ့ သူဟခြံဝိုမွီရဝို့လူဖြစ်ရယ်၊ သူ့ဝိုသတ်လိုက်ကေ့စို့၊ အယ်မှ အဲမိုဇာဒွေအားလုံး နို့ပိုင်ရမှာ" ဆိုပီးချင်းချင်းပြောကေ့လေရယ်။ 8အဲနပိုင်ရှင်ရဲ့သားဝို သေသတ်ပစ်လိုက်ကေ့ရယ်၊ လောဝိုဗျစ်ခြံပလန်ဝိုလွန့်ပစ်လိုက်လေရယ်။ 9အဲမျိုးဆိုဝါ ဗျစ်ခြံပိုင်ရှင် ဟဲရာလုပ်မယ်ထံနူး" ပိုင်ရှင်ဟသူကိုယ်တိုင်လာပီး ခြံငှားမားဒွေဝိုသတ်ဖြတ်ပါလိမယ်၊ ထိုခြံဝိုခြားသူတယော့ဝို ပြုစုစော့ရှော့ဝို့ပေးအပ်ပါလိမယ်၊ 10"တိုက်အီဆော့သူဒို့ ပယ်ထားဝိုကလော့တုံးဟ တခီမှာ ရေးကီးဆုံး ထော်ချော့ကလော့ဖြစ်လာလိမယ်။ 11အယ်မိုမှုဟ ဘုရားရှင်ပြုတော်မူဝိုမှုဖြစ်ရယ်။ ငါတို့မျက်မှော့မှာ အံ့ဩစရာဖြစ်လေစွ" ဆိုပီးရေးသားထားဝိုကျမ်းစာဝို မင်းဒို့ဖတ်ဖူးရလော ဆိုပီးမိတော်မူလေရယ်။ 12ယုဒလူမျိုးခေါဆော်ဒို့ဟ ကိုယ်တော်ဟ သူ့နို့ဝိုရည်ရွယ်ပီးပြောကြော သိသွားကေ့ရယ်။ အယ်ဘေမဲ့ လူထုပရိသတ်ဝို ကြော့ရိတွက်ကြော့ သူ့နို့ထွက်ခွာသွားကေ့လေရယ်။ 13အဲနော့ ကိုယ်တော်ယေရှု၏ ဂါးမှားဒွေဝို ထော့ပြနိုင်ဝို့တွက် ပရိယာယ်သုံးပီး သူ့နို့လူချို့ဝို ကိုယ်တော်ဆီစေလွှတ်လေရယ်။ 14အဲလူဒွေဟ "ကိုယ်တော် ကျော်ဒို့ဟ ကိုယ်တော်ဝို ရိုးသားမှန်ကန်ရယ်ဆိုပီးသိထားပါရယ်။ ဟယ်သူမျစ်နှာဝိုမှထော့ဘဲန လူဒိုင်းဝိုလေးစားစွာဆစ်ဆံတတ်ပါရယ်။ ဘုရားရှင်ရဲ့လိုတော်တိုင်း လူဒွေဝိုမှန်မှန်ကန်ကန်ဟောပြောသွန်သန်တော်မူတတ်ရယ်။ ကျော်ဒို့ဝို ပြောပြစေချင်ဇာဟလော ကျော်ဒို့ဟ ဘုရင်မန်းကီးဝို ခွန်တော်ပေးဆပ်သင့်လော၊ ပေးဆပ်ဘဲနနေသင့်လော' ဆိုပီးမေးကေ့လေရယ်။ 15ကိုယ်တော်ဟလဲ အဲလူဒွေပရိယာယ်နမေးဇာဝိုသိရိတွက် " မင်းဒို့ငါ့ဝို ဟဲဖြစ်ရိစမ်းသပ်နေကေ့နူး၊ ငါ့ဆီဝို ဒန်းဂါးပြားလော့ယူလာပေးပါ" ဆိုပီးပြောလေရယ်။ 16သူ့နို့ဝ ငွေဒန်းဂါးပြားဝို ကိုယ်တော်ဝိုပေးလိုက်ခါမှာ " အယ်ငွေဒန်းဂါးပေါ်မှာ ဟယ်သူရုပ်ပုံနနော်မယ်ပါနူး" ဆိုပီး ကိုယ်တော်ဟ မေးလေရယ်။ အဲခါ သူ့နို့ဟ "ဘုရင်မင်းမြတ်ပုံနနော်မယ်ပါရှေ့ရယ်" ဆိုပီးဖြေလိုက်လေရယ်။ 17အဲနော့ကိုယ်တော်ဟ "သူ့နို့ဝို ဘုရင်မင်းမြတ်ပိုင်ဆိုင်ဇာမှန်သမျှ ဘုရင်ဝိုပလန်ပေးလိုက်ပါ။ နော့ပီးဘုရားရှင်ပိုင်ဆိုင်ဇာမှန်သမျှဝိုလဲ ဘုရားရှင်ဆီပလန်ပေးကေ့ပါ" ဆိုပီး ကိုယ်တော်ဟ မိတော်မူလေရယ်။ အဲလူဒွေဟလဲ ကိုယ်တော်ဝို ရားဒိုင်းအံ့ဩသွားကေ့လေရယ်။ 18လူဒွေဟ ကွယ်လွန်ပီးနော့ သက်ပလန်ရှင်ဇာမှေ့ရ ဆိုဝိုဇဒ္ဒုကဲဒွေဟ ကိုယ်တော့်ဆီဝိုရော့လာပီး 19"ကိုယ်တော် မောရှေကျမ်းမှာ အီထော်ကလပေမဲ့ သားမီးထွန်းကားဘဲကွယ်လွန်သွားမယ်ဆိုဝါ ကျန်ရစ်သူမုဆိုးမဝို သူ့ညီဟ လက်ထပ်ရိရရယ်။ သူ့နို့ရဲ့ပထမဆုံးသားဝို သေဆုံးသွားလူ အကိုကြီးရဲ့သားဆိုပီး သတ်မှတ်ရယ်ဆိုပီး ရေးသားထားလေရယ်။ 20ခါဟ ညီကိုခုနှေ့ယော့ရှေ့ရယ်။ ကိုကီးဆုံးဟ လက်ထပ်ပီး သားမရပဲသေသွားရယ်။ 21ဒုတိယကိုဟ မရီးမုဆိုးမဝို လက်ထပ်လိုက်ရယ်။ သူလဲကွယ်လွန်သွားရယ်။ တတိယယော့လဲ လားတူဘဲ့လက်ထပ်လိုက်ပလန်ရယ်။ 22နော့ဆုံးမှာ ခုနှေ့ယော့လုံး ကွယ်လွန်သွားလေတော့ရယ်။ မျိုးသမီးကွယ်လွန်သွားခါမှာ 23ညီကိုခုနှေ့ယော့လုံးဝို သူမလက်ထပ်ခဲ့ရိတွက် ဘုရားရှင်ဟ လူဒွေဝို သေခြင်းရနေပလန်လည်ထမြော့စေခါ အယ်မျိုးသမီးဟ ဟယ်သူရဲ့ဇနီးနူး" ဆိုပီးမေးကေ့လေရယ်။ 24ကိုယ်တော်ဟ "မင်းဒို့လုံးဝမှားနေကေ့ပီ။ ဘုရားရှင်ရဲ့နုကပတ်တော်ဒွေဝို သင်ဒို့မသိသလို ဘုရားရှင်ရဲ့ဂိုးအာနုဘော်ဒွေဝိုလဲ ဟဲရာမှသိကေ့ရ။ 25မင်းဒို့သေခြင်းရနေ ပလန်လည်ထမြော့လာဝိုလူဒွေဟ ထိမ်းမြားလက်ထပ်ခြင်းမှေ့ကေ့ဟန်း။ သူ့နို့ဒွေဟ နိဗ္ဗာန်ရွှေဗြို့တော်ဟ ဘုရားရှင်ရဲ့နတ်စေတမန်ဒွေဖြစ်လာကေ့ရယ်။ 26မောရှေကျမ်းမှာပါရှေ့ဒဲ့ လောကျွမ်းနေဝိုခြုံကြော ရေးသားဖော်ပြချင့်မှာ ဘုရားရှင်ဟ "ငါဟ အာဗြံဟံ၊ ဣဇက်နယာကုပ်ဒို့၏ကိုးကွယ်ဆည်းကပ်ရာဖြစ်ရယ်" ဆိုပီး မိဆိုထားရယ်။ 27ဘုရားရှင်ဟ သေဆုံးသူဒွေရဲ့ ဘုရားမုဝ၊ သက်ရှင်နေသူဒွေရဲ့ ဘုရားဘဲ့ဖြစ်ရယ်။ နန်းနို့ဒွေဂူလုံး မှားနေဂေ့ပီ" ဆိုပီး ရှင်းပြလေရယ်။ 28ကိုယ်တော်နဇဒ္ဒုကဲဝို့ငြင်းပွားနေခီမှာ ကျမ်းတတ်ပုဂ္ဂိုလ်တဦးရော့လာလေရယ်။ သူဟ ကိုယ်တော်ဟကောမွန်ပြော်မြော့လှဝိုဖြေဝိုကြားပီးနော့ "ပညတ်တော်ထဲမှာ ဟယ်ပညတ်တော်ဟ ရေးကီးဆုံးဖြစ်မယ်နူး" ဆိုပီးမေးလေရယ်။ 29ကိုယ်တော်ဟ "ရေးကီးဆုံးပညတ်တော်ဟတော့ ဣသရေလလူမျိုးဒွေမှာဆူတည်းသော ဘုရားတပါးတည်းသာရှေ့ရယ်။ 30မင်းဒို့ဟ ကိုယ်၊စိနှလုံးသုံးပါးလုံးန ဘုရားရှင်ဝိုလှိုက်လှိုက်လှဲလှဲ ကြည်ညိုဆည်းကပ်ရမယ်။ 31ဒုတိယချင့်ဟ ပါးသူဒွေဝဒို မိမိနထပ်တူမေတ္တာထားရမယ်။ ခြားပညတ်တော်ဒွေဟ အယ်ပညတ်နှေ့ခုလော့ပိုပီးရေးကီးရ" ဆိုပီး ဖြေလိုက်လေရယ်။ 32အဲလူဟပလန်လည်ပီး "သာဓုပါဆရာ၊ ဘုရားရှင်ဆိုဇာ ဆူတည်းသောဘုရားဖြစ်ရယ်လို့ ကိုယ်တော်ပြောဇာ မှန်ကန်သင့်တော်ပါရယ်။ 33ကျော်ဒို့ဟ ဘုရားရှင်ဝို ကိုယ်၊စိ၊နှလုံးသုံးပါးလုံးနကြည်ညိုဆည်းကပ်ရမယ်။ မိမိကိုယ်မိမိချစ်ဝိုမျိုးသူတပါးပေါ်မှာလဲမေတ္တာထားနိုင်ရမယ်။ အယ်ချင့်ဒွေဟ ခြားသောလိစန်ဒွေဝိုယဇ်ပူဇော်မှုန စားစာဒွေဝိုမီးရှို့ပီးပူဇော်ဇာထက်ပိုပီး ရေးကီးပါရယ်။ ဆိုပီး ကိုယ်တော်၏သွန်သန်ချင့်ဝိုဘောပေါ့လက်ခံသွားလေရယ်။ 34ကိုယ်တော်ဟ အဲလူ၏နားလည်ဘောပေါ့လွယ်ပီးလက်တွီ့ကျလှဝိုဖြေဝိုသိဗျင်ရခါမှာ "မင်းဟနိဗ္ဗာန်ရွှေဗြို့တော်နဝွီးဟန်း" ဆိုပီး ပြောလိုက်လေရယ်။ အဲနော့ပိုင်းမှာ ဟယ်သူဟမှ ကိုယ်တော်ဆီလာပီး မေးခွန်းထုရဲဟန်း။ 35ကိုယ်တော်ဟ ဗိမာန်တော်ထဲမှာ ဟောပြောသွန်သန်နေခီ "မေရှိယဟ ဘုရင်ဒါဝိဒ်ရဲ့မိသားစုဟ ဆင်းသက်လာရယ်ဆိုပီး ကျမ်းတတ်ပုဂ္ဂိုလ်ဒွေဟ ဟဲဖြစ်ရိပြောကေ့နူး" ဆိုပီး ချင်းချင်းဆွေးနွေးနေကေ့ရယ်။ အဲခါကိုယ်တော်ဟ 36သင့်ရန်သူဒွေဝို သင်၏ခေဖဝါးအော့ရော့စေရမယ်။ အဲခီမတိုင်မှီကာလတွမ်း ငါ၏လက်ယာဖက်မှာနေထိုင်ပါ ဆိုပီး မြတ်ဆုံးဘုရားရှင်ဟ ငါ့အရှင်ဝိုမိတော်မူရယ်" ဆိုပီး မွန်မြတ်သန့်ရှင်းသော ဝိဉာဥ်တော်၏နှိုးဆော်ချင့်န ဒါဝိဒ်မန်းမိတော်မူခဲ့ရယ်။ 37အဲဂျော့ "ဒါဝိဒ်မန်းကိုယ်တိုင် မေရှိယဟ ဒါဝိဒ်၏သားဟဲမျိုးဖြစ်နိုင်မယ်နူး" ဆိုပီးမိတော်မူလေရယ်။ လူထုပရိသတ်ကီးဟလဲ ကိုယ်တော်၏ဟောပြောချင့်ဝို ဝမ်းမြော့စွာန ကြားနာရလေရယ်။ 38အဲမျိုးသွန်သန်ဆုံးမနေခီ ကိုယ်တော်ဟ "မင်းဒို့ဝိုသွန်သန်ဆုံးမနေဝို ကျမ်းတတ်ပုဂ္ဂိုလ်ဒွေမျိုး ကျင့်သုံးကေ့ပါန။ သူ့နို့ဒွေဟ များထံကီးလေးစားမှုဝိုလိုချင်ရိတွက် ဝတ်ရုံရှယ်ရီးဒွေဝတ်ပီးသွားလာကေ့ရယ်။ ဈေးဝိုရော့ရင် များရဲ့ကြိုဆိုနှုဆစ်ဇာဝိုလဲကြိုက်ကေ့ရယ်။ 39"ရားဓမ္မာရုံဒွေမှာလဲ ကောမြတ်ဝိုနေရာမှာ ထိုင်ရဇာကြိုက်ကေ့ရယ်။ ပွဲတော်ဒွေမှာလဲ ကောဆုံးဘွဲမှာထိုင်ရဇာကြိုက်ကေ့ရယ်။ 40အယ်ဘေမဲ့သူ့နို့ဝ မုဆိုးမဒွေရဲ့နေအီဒွေဝိုတော် လှည့်စားသီးယူကေ့ရယ်။ ပီးနသူတော်ကောယောဆော်ပီး ဘုရားထံဆုတောခါမှာ ခီကြာကီးဆုတောကေ့ရယ်။ အဲလူဒွေဟ အားလုံးသောလူဒွေထက် ပြစ်ပေးခံရလိမယ်" ဆိုပီး ကိုယ်တော်ဟ မိကြားလေရယ်။ 41ကိုယ်တော်ဟ ဗိမာန်တော်ထဲထိုင်နေခီမှာ နီးမှာရှေ့ဝို လှူခံသေတ္တာထဲတို လှူငွေဒွေထည့်နေဇာဝို ကေ့နေရယ်။ လူချမ်းသာများစုဟ လှူငွေများဆုံးထည့်ဝမ်လှူဒါန်းဇာဝို ဒိထားမိလေရယ်။ 42နော့ဆုံးမှာဆင်းရဲသောမုဆိုးမဦးဟ သူမ၏ချွေးနဲစာ ပဲနိုဒန်းဂါးနှေ့စေ့လုံးဝို ထည့်ဝမ်လှူဒါန်းလိုက်လေရယ်။ 43အဲခါသူ၏ဗြိတော်ဒွေဝို စုဝေးခေါ်ယူပီး "ငါမင်းဒို့ဝို မှန်ပြောရရင် အယ်မုဆိုးမဟ ဆင်းရဲပေမဲ့ ခြားသူဒွေထက်ပိုပီးလှူဒါန်းသွားရယ်။ 44လူတိုင်းဟ သူနို့မလိုအပ်ဘဲရာဒွေဝိုဘဲလှူဒါန်းကေ့ရယ်။ အယ်ဘေမဲ့ အယ်မျိုးသမီးဟလော သူ့မှာရှေ့သမျှချွေးနဲစာအားလုံးဝို လှူလိုက်ပီ" ဆိုပီး ပြောပြလေရယ်။
Currently Selected:
:
Highlight
Share
Copy
Want to have your highlights saved across all your devices? Sign up or sign in
This translation of the Taungyo Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.