Matthew 22
22
1ကိုယ်တော်ယေရှုဟ သူ့နို့ဝို ပုံဥပမာဒွေန ထပ်မံပီး ဟောပြောသွန်သန်လေရယ်။ 2ကိုယ်တော်ယေရှုဟ "ရွှေဗြို့တော်ရဲ့သာသနာတော်ဟ သားရဲ့မြင်ဂလာပွဲမှာ စားပွဲသော့ပွဲပြင်ဆင်ပေးဝို ဘုရင်ဘားနတူလေရယ်။ 3ကိုယ်တော်ယေရှုဟ "ရွှေဗြို့တော်ရဲ့သာသနာတော်ဟ သားရဲ့မြင်ဂလာပွဲမှာ စားပွဲသော့ပွဲပြင်ဆင်ပေးဝို ဘုရင်ဘားနတူလေရယ်။ 4ဘုရင်ဟ ခြားစေခံဒွေဝို 'ဖိရားဝိုသူဒွေဝို 'ငါဟမြင်ဂလာပွဲတွက် စားပွဲသော့ပွဲဝို ပြင်ဆင်ရားပီးဖြစ်ရယ်။ အယ်မိုစားပွဲသော့ပွဲတွက် ငါ့နွားထီးန ဝဖြိုးဝိုနွားငယ်ရားဒွေဝိုလည်း သတ်ပီးပီဖြစ်ပီး ဂူလုံးလဲ ဆင်သင့်ဖြစ်နေပြီဖြစ်ရယ်။ မြင်ဂလာပွဲဝို လာရော့ဂေ့ပါ' ဆိုပီး သွားပြောဂေ့လော့။' ဆိုပီး ပြောပြီးထပ်မံစေလွှတ်လေရယ်။ 5အယ်ဘေမဲ့ သူ့နို့ဟ ဂရုမစိုက်ဂေ့ပဲ တယော့ဟ သူ့လယ်ထဲဝိုသွားပြီး နော့တယော့ဟ သူ့လုပ်ဝိုသွားဂေ့လေရယ်။ 6ခြားသူဒွေဟ ဘုရင်စေလွှတ်လိုက်ဝို စေခံဒွေဝို ဖမ်းဆီးပီး ရိုက်နှက်နှိစစ်ပီး သတ်ပစ်ဂေ့လေရယ်။ 7ဘုရင်ဟ အဲမိုကြောဝိုကြားခါမှာ ရားဒိုင်းဒေါသထွက်ပြီး သူ့စစ်သားဒွေဝိုစေလွှတ်ပီး အဲမိုလူသတ်သမားဒွေဝို သတ်ခိုင်းပြီး သူ့နို့ဗြို့ဝိုလဲ မီးရှို့ခိုင်းလေရယ်။ 8အဲနော့ ဘုရင်ဟ သူ့စေခံဒွေဝို 'မြင်ဂလာပွဲဟ ဆင်သင့်ဖြစ်နေဘေမဲ့ ဖိခေါ် ရားဝို သူဒွေန ထိုက်တန်ဂေ့ရ။ 9အဲဂျော့ လမ်းဇုံလမ်းခွဒွေဝို သွားပီး တွီ့သမျှလူဒွေဝို မြင်ဂလာပွဲဝို လာရော့ဂေ့ဝို့ နန်းနို့ဖိခေါ်ဂေ့လော့။' ဆိုပီး မိပေးလေရယ်။ 10အဲခါ စေခံဒွေဟလည်း လမ်းဒွေပေါ် ဝို ထွက်လာဂေ့ပီး လူကောဖြစ်စေ၊ လူဆိုး ဖြစ်စေ သူ့နို့ရှာတွီ့သမျှလူဒွေဝို တူတကွစုဝေးဂေ့လေရယ်။ အဲခါမှ မြင်ဂလာပွဲ ခန်းမဟလည်း ဧည့်သည်ဒွေန ပလဲ့ရားလေရယ်။ 11အယ်ဘေမဲ့ ဘုရင်ဟ ဧည့်သည်ဒွေဝို လာရော့ဝို့ ကြွလာဝို လူတယော့ဟ မြင်ဂလာပွဲမှာဝတ်ဆင်ဝို့ ပေးရားဝိုဝတ်စားဝို ဝတ်လာဘဲဝို ယော့ကျားတယော့ဝို တွီ့လေရယ်။ 12အဲခါ ဘုရင်ဟ အဲမိုလူဝို 'မိဆွေ၊ မြင်ဂလာပွဲမှာ ဝတ်ဆင်ဝို့ ပေးရားဝိုဝတ်ဝို ဝတ်ဘဲန ဟဲဂျော့ အယ်နေရာဝိုလာနူး။' ဆိုပီး မေးလေရယ်။ အယ်ဘေမဲ့ အဲလူဟ ဟဲရာလဲပြောဘဲန တိတိရားနေလေရယ်။ 13အဲနော့ ဘုရင်ဟ သူ့စေခံဒွေဝို 'အယ်လူရဲ့လက်န ခေဒေါ့ဝို ကြိုးနခယ်ပြီး ပလန်ဖက်မှော်ထဲဝို နှံထုဂေ့လော့။ အဲနေရာမှာ ငိုကြွေးနေရလိမယ်။' ဆိုပီး ပြောလေရယ်။ 14အဲမိုမျိုးဘဲ့ လူများဂီးဟ ခေါ်ဆော်ဇာခံရဘေမဲ့ ဝွီးကော့ဇာခံရသူဟ နည်းငယ်ဘဲ့ရှေ့လေရယ်။" ဆိုပီး မိတော်မူလေရယ်။ 15အဲခါ ဖာရိရှဲဒွေဟ ထွက်ရားဂေ့ပြီး ကိုယ်တော်ဝို ဇုံတစ်ခုဝို မှားယွင်းစွာ ပြောဆိုလာစေဝို့ ဟဲမျိုးကွက်ဆင်ဂေ့ရမယ်နူးဆိုဇာဝို တိုင်ဘန်ဆွေးနွေးဂေ့လေရယ်။ 16သူ့နို့ဗြိဒွေဝို ဟေရုဒ်နော့လိုက်ဒွေနတူတူ ကိုယ်တော်ဆီဝို စေလွှတ်ပီး "အရှင်၊ အရှင်ဟ ရိုးသားဖြော့မတ်သူဖြစ်ပြီး လူဒွေဝို ဘုရားရှင်လိုရှေ့ဇာဒွေဝို မှန်တိုင်းဟောပြောသွန်သန်ဆုံးမပီး ဟယ်သူ့မျစ်နှာမှ ထော့ဘဲန လူဒွေဂျားမှာလည်း ဟယ်သူ့ဝို့မှ ဘက်မလိုက်ရဆိုဇာဝို ကျနော်ဒို့သိပါရယ်။ 17အဲဂျော့ အရှင် ဟဲမျိုးထံနူးဆိုဇာဝို ကျနော်ဒို့ဝို ပြောပြတော်မူပါ။ ဆီဇာဘုရင်ဧကရာဇ်ဝို ခွန်ဆစ်သဇာဟ ပညတ်တရားတော်န ညီပါသလော။" ဆိုပီး မေးဂေ့လေရယ်။ 18အယ်ဘေမဲ့ ကိုယ်တော်ယေရှုဟ သူနို့ရဲ့ယုတ်မာဝိုကြံစည်ဝို သိရိတွက်ဂျော့ "သူတော်ဂေါယော်ဆော်ရားဝိုနန်းနို့၊ ဟဲရာဂျော့ ငါ့ဝိုစမ်းသပ်ရှင်ဂေ့နူး။ 19ခွန်ဆစ်သရဝို ငွေဒန်းဂါးတပြားဝို ငါ့ဝိုပြပါ။" ဆိုပီး မိတော်မူဝိုခါမှာ သူနို့ဟ ငွေဒန်းဂါးတပြားဝို ကိုယ်တော်ဆီဝို ယူဆော်လာလေရယ်။ 20ကိုယ်တော်ယေရှုဟ သူ့နို့ဝို "ငွေဒန်းဂါးတစ်ပြားပေါ်မှာရှေ့ဝို ပုံ န နော်မယ်ဟ ဟယ်သူ့နော်မယ်နူး။" ဆိုပီး မေးတော်မူလေရယ်။ 21သူနို့ဟလည်း "ဆီဇာဘုရင် ဧကရာဇ်ဖြစ်ပါရယ်။" ဆိုပီး ရှော့တံဂေ့ဝိုခါမှာ ကိုယ်တော်ဟ "အဲမျိုးဖြစ်မယ်ဆိုဝါ ဆီဇာဘုရင်ဧကရာဇ်န ဆိုင်ဝိုဇာဝို ဆီဇာဘုရင်ဧကရာဇ်ဝိုပေးပီး ဘုရားရှင် န ဆိုင်ဝိုဇာဝို ဘုရားရှင်ဝိုပေးဂေ့လော့။" ဆိုပီး မိတော်မူလေရယ်။ 22သူ့နို့ဟ အဲမိုဂါးဝိုကြားရခါမှာ ရားဒိုင်းအံ့ဩဝါးဂေ့ပီး ကိုယ်တော်ဆီဟနေ ထွက်ရားဂေ့လေရယ်။ 23အဲမိုနေ့မှာဘဲ့ သေဆုံးပြီးနော့မှာ သေသူဟ သက်ပလန်လည်ရှင်သန်ဇာမှေ့ရဆိုပီး ပြောဂေ့ဝို ဇဒ္ဒုကဲချို့ဟ ကိုယ်တော်ဆီဝို လာဂေ့လေရယ်။ သူ့နို့ဟ ကိုယ်တော်ဝို 24"အရှင်၊ မောရှေဟ 'ယော့ကျားတစ်ယော့ သားမီးထွန်းကားပဲန သေဆုံးခဲ့မယ်ဆိုဝါ သူ့ညီဟ သူ့ဇနီးဖြစ်သူဝို လက်ထပ်ပီး သူ့တွက် သားမီးမွီးဖွားပေးရမှာဖြစ်ရယ်။' ဆိုပီး ဟောကြားခဲ့ပါရယ်။ 25အဲမိုမျိုးဆိုဝါ ညီကိုခုနှေ့ယော့ရှေ့ဂေ့ရယ်။ ပထမဆုံးယော့ဟ လက်ထပ်ပီး သားမီးထွန်းကားပဲန သေဆုံးရားပီး သူ့ဇနီးဝို သူ့ညီဆီမှာ ထားရစ်ခဲ့လေရယ်။ 26အဲနော့ ဒုတိယညီန တတိယညီလဲ အဲမိုတိုင်းဘဲ့ဖြစ်ဂေ့ပြီး နော့ဆုံးမှာ ညီကိုခုနှေ့ယော့လုံး အဲမိုမျိုးဘဲ့ဖြစ်ဂေ့လေရယ်။ 27နော့ဆုံးမှာ အဲမိုမျိုးမီးလဲ သေဆုံးရားလေရယ်။ 28အဲမျိုးဖြစ်မယ်ဆိုဝါ သေဆုံးရာဟနေ ပလန်လည်ရှင်သန်လာဝိုခီမှာ အဲမိုမီးမဟ ညီကိုခုနှေ့ယော့ထဲဟ ဟယ်သူရဲ့ဇနီးမယားဖြစ်နူး။ ဟဲဂျော့ဆိုဝါ အဲမိုမီးမဟ ညီကိုခုနှေ့ယော့လုံးန လက်ထပ်ခဲ့ရိဂျော့ဖြစ်ရယ်" ဆိုပီး မေးဂေ့လေရယ်။ 29အဲခါ ကိုယ်တော်ယေရှုဟ သူ့နို့ဝို "နန်းနို့ဟ ကျမ်းစာဝိုလဲ သိဘဲမျိုး ဘုရားရှင်ရဲ့ဂိုးတော်ဝိုလဲ သိဂေ့ဘဲရိတွက် ယူမှားနေဂေ့ပီဖြစ်ရယ်။ 30သေဆုံးရာဟနေ ပလန်လည်ရှင်သန်လာဝိုကာလမှာ လူဒွေဟ လက်ထပ်ထီးမြားဇာ လုပ်ဂေ့ဟန်း၊ လက်ထပ်ထီးမြားဝို့ ပေးစားဇာလဲ ရှေ့ဂေ့မှာမုဝ။ အဲမိုစား လူဒွေဟ ရွှေဗြို့တော်မှာရှေ့ဝို နတ်ဒေဝါဒွေမျိုး ဖြစ်ဂေ့ရလိမယ်ဖြစ်ရယ်။ 31သေဆုံးသူဒွေ ပလန်လည်ရှင်သန်လာဇာန ပတ်သက်ပီး ဘုရားရှင် မိတော်မူဇာဒွေဝို နန်းနို့ ဖတ်ဖူးဂေ့ရလော။ 32ဘုရားရှင်ဟ 'ငါဟ အာဗြဟံရဲ့ဘုရား၊ ဣဇက်ရဲ့ဘုရား န ယာကုပ်ရဲ့ဘုရားဖြစ်ရယ်။' ဆိုပီး မိတော်မူခဲ့ရယ်။ ဘုရားရှင်ဟ သေဆုံးဝိုသူဒွေရဲ့ ဘုရားမုဘဲန သက်ရှင်နေဝိုသူဒွေရဲ့ ဘုရားဖြစ်ရယ်။" ဆိုပီး မိတော်မူလေရယ်။ 33လူထုပရိသတ်ဒွေဟ အဲမိုဟောပြောချင့်ဒွေဝို ကြားသိရဝိုခါမှာ ကိုယ်တော်ရဲ့ဟောပြောသွန်သန်ဆုံးမမှုဝို အံ့ဩချီးမွမ်းဂေ့လေရယ်။ 34အယ်ဘေမဲ့ ကိုယ်တော်ဟ ဇဒ္ဒုကဲဒွေဝို နှုဆိစေခဲ့ကြော ဖာရိရှဲဒွေ ကြားသိရဝိုခါမှာ သူ့နို့ဟ တူတကွ စုဝေးဂေ့လေရယ်။ 35သူ့နို့ထဲဟ ကျမ်းတတ်ပုဂ္ဂိုလ်တယော့ဟ ကိုယ်တော်ဝို စမ်းသပ်ရှင်ရိတွက် 36"အရှင်၊ ပညတ်တရားဒွေထဲမှာ ဟယ်ပညတ်တော်ဟ ကီးမြတ်ဆုံး ဖြစ်နူး" ဆိုပီး မေးလေရယ်။ 37ကိုယ်တော်ယေရှုဟ အဲမိုလူဝို "ကိုယ် စိ နှလုံးသုံးပါးလုံးန နန့်ရဲ့ဘုရားရှင်ဝို ကြွင်းမဲ့ယုံကြည်ရှစ်ခင်ရမယ်။ 38အယ်မိုဇာဟ ကီးမြတ်ဝို ပထမဆုံးပညတ်တော်ဘဲ့ဖြစ်ရယ်။ 39ဒုတိယပညတ်တော်ဟ ကိုယ့်အီဇာနီးချင်းဝို ကိုယ့်ကိုကိုယ်ရှစ်မျိုး ရှစ်ရမယ်။ 40ပညတ်တရားကျမ်းန ပရောဖက်ဒို့ ဟောပြောသန်ကြားခဲ့ဝိုဇာဒွေဟ အဲမိုပညတ်တရားနှေ့ပါးပေါ်မှာ မူတည်ရားဂေ့ရယ်။" ဆိုပီး မိတော်မူလေရယ်။ 41အဲနော့ ဖာရှိရှဲဒို့ စုဝေးနေဂေ့ခီ ကိုယ်တော်ယေရှုဟ သူ့နို့ဝို မေးခွန်းတစ်ခုမေးလေရယ်။ 42ကိုယ်တော်ဟ "ကယ်တံရှင်ခရစ်တော်န ပတ်သက်ပီး နန်းနို့ဟဲမျိုးထံဂေ့နူး။ သူဟ ဟယ်သူရဲ့သားတော်ဖြစ်နူး။" ဆိုပီး မေးဝိုခါမှာ သူနို့ဟ "ဒါဝိဒ်ရဲ့ သားတော်ဖြစ်ပါရယ်" ဆိုပီး ပလန်လည်ရှော့တံဂေ့လေရယ်။ 43ကိုယ်တော်ဟ သူနို့ဝို "အဲမျိုးဖြစ်မယ်ဆိုဝါ ဒါဝိဒ်ဟ ဉာဏ်လင်းတော်အားန 44'ဘုရားရှင်ဟ ငါရဲ့အရှင်ဝို 'သင့်ရန်သူဒွေဝို သင့်ခေဖဝါးအော့ဝို ရော့အော်ပြုလုပ်ပီးထိ ငါ့လက်ယာဖက်မှာ ထိုင်တော်မူပါ' ဆိုပီး မိတော်မူလေရယ်။' ဆိုပီး ဟဲဂျော့ပြောရနူး။ 45ဒါဝိဒ်ဟ ကယ်တံရှင်ခရစ်တော်ဝို ငါ့ရဲ့အရှင် ဆိုပီး ခေါ်ရယ်ဆိုဝါ ခရစ်တော် ဟ ဒါဝိဒ်ရဲ့သားဟဲမျိုးဖြစ်နိုင်မယ်နူး။" ဆိုပီး မိတော်မူလေရယ်။ 46အဲခါ ဟယ်သူမှကိုယ်တော်ဝို ပလန်လည်ဖြေကြားနိုင်ဇာ မှေ့ဘဲမျိုး အဲမိုနေ့ဟနေစပီး ဟယ်သူမှလဲ ကိုယ်တော်ဝို နော့ထပ် မေးခွန်းဒွေမေးရဲဂေ့ဟန်း။
Currently Selected:
Matthew 22: ttpv-rv
Highlight
Share
Copy
Want to have your highlights saved across all your devices? Sign up or sign in
This translation of the Taungyo Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Matthew 22
22
1ကိုယ်တော်ယေရှုဟ သူ့နို့ဝို ပုံဥပမာဒွေန ထပ်မံပီး ဟောပြောသွန်သန်လေရယ်။ 2ကိုယ်တော်ယေရှုဟ "ရွှေဗြို့တော်ရဲ့သာသနာတော်ဟ သားရဲ့မြင်ဂလာပွဲမှာ စားပွဲသော့ပွဲပြင်ဆင်ပေးဝို ဘုရင်ဘားနတူလေရယ်။ 3ကိုယ်တော်ယေရှုဟ "ရွှေဗြို့တော်ရဲ့သာသနာတော်ဟ သားရဲ့မြင်ဂလာပွဲမှာ စားပွဲသော့ပွဲပြင်ဆင်ပေးဝို ဘုရင်ဘားနတူလေရယ်။ 4ဘုရင်ဟ ခြားစေခံဒွေဝို 'ဖိရားဝိုသူဒွေဝို 'ငါဟမြင်ဂလာပွဲတွက် စားပွဲသော့ပွဲဝို ပြင်ဆင်ရားပီးဖြစ်ရယ်။ အယ်မိုစားပွဲသော့ပွဲတွက် ငါ့နွားထီးန ဝဖြိုးဝိုနွားငယ်ရားဒွေဝိုလည်း သတ်ပီးပီဖြစ်ပီး ဂူလုံးလဲ ဆင်သင့်ဖြစ်နေပြီဖြစ်ရယ်။ မြင်ဂလာပွဲဝို လာရော့ဂေ့ပါ' ဆိုပီး သွားပြောဂေ့လော့။' ဆိုပီး ပြောပြီးထပ်မံစေလွှတ်လေရယ်။ 5အယ်ဘေမဲ့ သူ့နို့ဟ ဂရုမစိုက်ဂေ့ပဲ တယော့ဟ သူ့လယ်ထဲဝိုသွားပြီး နော့တယော့ဟ သူ့လုပ်ဝိုသွားဂေ့လေရယ်။ 6ခြားသူဒွေဟ ဘုရင်စေလွှတ်လိုက်ဝို စေခံဒွေဝို ဖမ်းဆီးပီး ရိုက်နှက်နှိစစ်ပီး သတ်ပစ်ဂေ့လေရယ်။ 7ဘုရင်ဟ အဲမိုကြောဝိုကြားခါမှာ ရားဒိုင်းဒေါသထွက်ပြီး သူ့စစ်သားဒွေဝိုစေလွှတ်ပီး အဲမိုလူသတ်သမားဒွေဝို သတ်ခိုင်းပြီး သူ့နို့ဗြို့ဝိုလဲ မီးရှို့ခိုင်းလေရယ်။ 8အဲနော့ ဘုရင်ဟ သူ့စေခံဒွေဝို 'မြင်ဂလာပွဲဟ ဆင်သင့်ဖြစ်နေဘေမဲ့ ဖိခေါ် ရားဝို သူဒွေန ထိုက်တန်ဂေ့ရ။ 9အဲဂျော့ လမ်းဇုံလမ်းခွဒွေဝို သွားပီး တွီ့သမျှလူဒွေဝို မြင်ဂလာပွဲဝို လာရော့ဂေ့ဝို့ နန်းနို့ဖိခေါ်ဂေ့လော့။' ဆိုပီး မိပေးလေရယ်။ 10အဲခါ စေခံဒွေဟလည်း လမ်းဒွေပေါ် ဝို ထွက်လာဂေ့ပီး လူကောဖြစ်စေ၊ လူဆိုး ဖြစ်စေ သူ့နို့ရှာတွီ့သမျှလူဒွေဝို တူတကွစုဝေးဂေ့လေရယ်။ အဲခါမှ မြင်ဂလာပွဲ ခန်းမဟလည်း ဧည့်သည်ဒွေန ပလဲ့ရားလေရယ်။ 11အယ်ဘေမဲ့ ဘုရင်ဟ ဧည့်သည်ဒွေဝို လာရော့ဝို့ ကြွလာဝို လူတယော့ဟ မြင်ဂလာပွဲမှာဝတ်ဆင်ဝို့ ပေးရားဝိုဝတ်စားဝို ဝတ်လာဘဲဝို ယော့ကျားတယော့ဝို တွီ့လေရယ်။ 12အဲခါ ဘုရင်ဟ အဲမိုလူဝို 'မိဆွေ၊ မြင်ဂလာပွဲမှာ ဝတ်ဆင်ဝို့ ပေးရားဝိုဝတ်ဝို ဝတ်ဘဲန ဟဲဂျော့ အယ်နေရာဝိုလာနူး။' ဆိုပီး မေးလေရယ်။ အယ်ဘေမဲ့ အဲလူဟ ဟဲရာလဲပြောဘဲန တိတိရားနေလေရယ်။ 13အဲနော့ ဘုရင်ဟ သူ့စေခံဒွေဝို 'အယ်လူရဲ့လက်န ခေဒေါ့ဝို ကြိုးနခယ်ပြီး ပလန်ဖက်မှော်ထဲဝို နှံထုဂေ့လော့။ အဲနေရာမှာ ငိုကြွေးနေရလိမယ်။' ဆိုပီး ပြောလေရယ်။ 14အဲမိုမျိုးဘဲ့ လူများဂီးဟ ခေါ်ဆော်ဇာခံရဘေမဲ့ ဝွီးကော့ဇာခံရသူဟ နည်းငယ်ဘဲ့ရှေ့လေရယ်။" ဆိုပီး မိတော်မူလေရယ်။ 15အဲခါ ဖာရိရှဲဒွေဟ ထွက်ရားဂေ့ပြီး ကိုယ်တော်ဝို ဇုံတစ်ခုဝို မှားယွင်းစွာ ပြောဆိုလာစေဝို့ ဟဲမျိုးကွက်ဆင်ဂေ့ရမယ်နူးဆိုဇာဝို တိုင်ဘန်ဆွေးနွေးဂေ့လေရယ်။ 16သူ့နို့ဗြိဒွေဝို ဟေရုဒ်နော့လိုက်ဒွေနတူတူ ကိုယ်တော်ဆီဝို စေလွှတ်ပီး "အရှင်၊ အရှင်ဟ ရိုးသားဖြော့မတ်သူဖြစ်ပြီး လူဒွေဝို ဘုရားရှင်လိုရှေ့ဇာဒွေဝို မှန်တိုင်းဟောပြောသွန်သန်ဆုံးမပီး ဟယ်သူ့မျစ်နှာမှ ထော့ဘဲန လူဒွေဂျားမှာလည်း ဟယ်သူ့ဝို့မှ ဘက်မလိုက်ရဆိုဇာဝို ကျနော်ဒို့သိပါရယ်။ 17အဲဂျော့ အရှင် ဟဲမျိုးထံနူးဆိုဇာဝို ကျနော်ဒို့ဝို ပြောပြတော်မူပါ။ ဆီဇာဘုရင်ဧကရာဇ်ဝို ခွန်ဆစ်သဇာဟ ပညတ်တရားတော်န ညီပါသလော။" ဆိုပီး မေးဂေ့လေရယ်။ 18အယ်ဘေမဲ့ ကိုယ်တော်ယေရှုဟ သူနို့ရဲ့ယုတ်မာဝိုကြံစည်ဝို သိရိတွက်ဂျော့ "သူတော်ဂေါယော်ဆော်ရားဝိုနန်းနို့၊ ဟဲရာဂျော့ ငါ့ဝိုစမ်းသပ်ရှင်ဂေ့နူး။ 19ခွန်ဆစ်သရဝို ငွေဒန်းဂါးတပြားဝို ငါ့ဝိုပြပါ။" ဆိုပီး မိတော်မူဝိုခါမှာ သူနို့ဟ ငွေဒန်းဂါးတပြားဝို ကိုယ်တော်ဆီဝို ယူဆော်လာလေရယ်။ 20ကိုယ်တော်ယေရှုဟ သူ့နို့ဝို "ငွေဒန်းဂါးတစ်ပြားပေါ်မှာရှေ့ဝို ပုံ န နော်မယ်ဟ ဟယ်သူ့နော်မယ်နူး။" ဆိုပီး မေးတော်မူလေရယ်။ 21သူနို့ဟလည်း "ဆီဇာဘုရင် ဧကရာဇ်ဖြစ်ပါရယ်။" ဆိုပီး ရှော့တံဂေ့ဝိုခါမှာ ကိုယ်တော်ဟ "အဲမျိုးဖြစ်မယ်ဆိုဝါ ဆီဇာဘုရင်ဧကရာဇ်န ဆိုင်ဝိုဇာဝို ဆီဇာဘုရင်ဧကရာဇ်ဝိုပေးပီး ဘုရားရှင် န ဆိုင်ဝိုဇာဝို ဘုရားရှင်ဝိုပေးဂေ့လော့။" ဆိုပီး မိတော်မူလေရယ်။ 22သူ့နို့ဟ အဲမိုဂါးဝိုကြားရခါမှာ ရားဒိုင်းအံ့ဩဝါးဂေ့ပီး ကိုယ်တော်ဆီဟနေ ထွက်ရားဂေ့လေရယ်။ 23အဲမိုနေ့မှာဘဲ့ သေဆုံးပြီးနော့မှာ သေသူဟ သက်ပလန်လည်ရှင်သန်ဇာမှေ့ရဆိုပီး ပြောဂေ့ဝို ဇဒ္ဒုကဲချို့ဟ ကိုယ်တော်ဆီဝို လာဂေ့လေရယ်။ သူ့နို့ဟ ကိုယ်တော်ဝို 24"အရှင်၊ မောရှေဟ 'ယော့ကျားတစ်ယော့ သားမီးထွန်းကားပဲန သေဆုံးခဲ့မယ်ဆိုဝါ သူ့ညီဟ သူ့ဇနီးဖြစ်သူဝို လက်ထပ်ပီး သူ့တွက် သားမီးမွီးဖွားပေးရမှာဖြစ်ရယ်။' ဆိုပီး ဟောကြားခဲ့ပါရယ်။ 25အဲမိုမျိုးဆိုဝါ ညီကိုခုနှေ့ယော့ရှေ့ဂေ့ရယ်။ ပထမဆုံးယော့ဟ လက်ထပ်ပီး သားမီးထွန်းကားပဲန သေဆုံးရားပီး သူ့ဇနီးဝို သူ့ညီဆီမှာ ထားရစ်ခဲ့လေရယ်။ 26အဲနော့ ဒုတိယညီန တတိယညီလဲ အဲမိုတိုင်းဘဲ့ဖြစ်ဂေ့ပြီး နော့ဆုံးမှာ ညီကိုခုနှေ့ယော့လုံး အဲမိုမျိုးဘဲ့ဖြစ်ဂေ့လေရယ်။ 27နော့ဆုံးမှာ အဲမိုမျိုးမီးလဲ သေဆုံးရားလေရယ်။ 28အဲမျိုးဖြစ်မယ်ဆိုဝါ သေဆုံးရာဟနေ ပလန်လည်ရှင်သန်လာဝိုခီမှာ အဲမိုမီးမဟ ညီကိုခုနှေ့ယော့ထဲဟ ဟယ်သူရဲ့ဇနီးမယားဖြစ်နူး။ ဟဲဂျော့ဆိုဝါ အဲမိုမီးမဟ ညီကိုခုနှေ့ယော့လုံးန လက်ထပ်ခဲ့ရိဂျော့ဖြစ်ရယ်" ဆိုပီး မေးဂေ့လေရယ်။ 29အဲခါ ကိုယ်တော်ယေရှုဟ သူ့နို့ဝို "နန်းနို့ဟ ကျမ်းစာဝိုလဲ သိဘဲမျိုး ဘုရားရှင်ရဲ့ဂိုးတော်ဝိုလဲ သိဂေ့ဘဲရိတွက် ယူမှားနေဂေ့ပီဖြစ်ရယ်။ 30သေဆုံးရာဟနေ ပလန်လည်ရှင်သန်လာဝိုကာလမှာ လူဒွေဟ လက်ထပ်ထီးမြားဇာ လုပ်ဂေ့ဟန်း၊ လက်ထပ်ထီးမြားဝို့ ပေးစားဇာလဲ ရှေ့ဂေ့မှာမုဝ။ အဲမိုစား လူဒွေဟ ရွှေဗြို့တော်မှာရှေ့ဝို နတ်ဒေဝါဒွေမျိုး ဖြစ်ဂေ့ရလိမယ်ဖြစ်ရယ်။ 31သေဆုံးသူဒွေ ပလန်လည်ရှင်သန်လာဇာန ပတ်သက်ပီး ဘုရားရှင် မိတော်မူဇာဒွေဝို နန်းနို့ ဖတ်ဖူးဂေ့ရလော။ 32ဘုရားရှင်ဟ 'ငါဟ အာဗြဟံရဲ့ဘုရား၊ ဣဇက်ရဲ့ဘုရား န ယာကုပ်ရဲ့ဘုရားဖြစ်ရယ်။' ဆိုပီး မိတော်မူခဲ့ရယ်။ ဘုရားရှင်ဟ သေဆုံးဝိုသူဒွေရဲ့ ဘုရားမုဘဲန သက်ရှင်နေဝိုသူဒွေရဲ့ ဘုရားဖြစ်ရယ်။" ဆိုပီး မိတော်မူလေရယ်။ 33လူထုပရိသတ်ဒွေဟ အဲမိုဟောပြောချင့်ဒွေဝို ကြားသိရဝိုခါမှာ ကိုယ်တော်ရဲ့ဟောပြောသွန်သန်ဆုံးမမှုဝို အံ့ဩချီးမွမ်းဂေ့လေရယ်။ 34အယ်ဘေမဲ့ ကိုယ်တော်ဟ ဇဒ္ဒုကဲဒွေဝို နှုဆိစေခဲ့ကြော ဖာရိရှဲဒွေ ကြားသိရဝိုခါမှာ သူ့နို့ဟ တူတကွ စုဝေးဂေ့လေရယ်။ 35သူ့နို့ထဲဟ ကျမ်းတတ်ပုဂ္ဂိုလ်တယော့ဟ ကိုယ်တော်ဝို စမ်းသပ်ရှင်ရိတွက် 36"အရှင်၊ ပညတ်တရားဒွေထဲမှာ ဟယ်ပညတ်တော်ဟ ကီးမြတ်ဆုံး ဖြစ်နူး" ဆိုပီး မေးလေရယ်။ 37ကိုယ်တော်ယေရှုဟ အဲမိုလူဝို "ကိုယ် စိ နှလုံးသုံးပါးလုံးန နန့်ရဲ့ဘုရားရှင်ဝို ကြွင်းမဲ့ယုံကြည်ရှစ်ခင်ရမယ်။ 38အယ်မိုဇာဟ ကီးမြတ်ဝို ပထမဆုံးပညတ်တော်ဘဲ့ဖြစ်ရယ်။ 39ဒုတိယပညတ်တော်ဟ ကိုယ့်အီဇာနီးချင်းဝို ကိုယ့်ကိုကိုယ်ရှစ်မျိုး ရှစ်ရမယ်။ 40ပညတ်တရားကျမ်းန ပရောဖက်ဒို့ ဟောပြောသန်ကြားခဲ့ဝိုဇာဒွေဟ အဲမိုပညတ်တရားနှေ့ပါးပေါ်မှာ မူတည်ရားဂေ့ရယ်။" ဆိုပီး မိတော်မူလေရယ်။ 41အဲနော့ ဖာရှိရှဲဒို့ စုဝေးနေဂေ့ခီ ကိုယ်တော်ယေရှုဟ သူ့နို့ဝို မေးခွန်းတစ်ခုမေးလေရယ်။ 42ကိုယ်တော်ဟ "ကယ်တံရှင်ခရစ်တော်န ပတ်သက်ပီး နန်းနို့ဟဲမျိုးထံဂေ့နူး။ သူဟ ဟယ်သူရဲ့သားတော်ဖြစ်နူး။" ဆိုပီး မေးဝိုခါမှာ သူနို့ဟ "ဒါဝိဒ်ရဲ့ သားတော်ဖြစ်ပါရယ်" ဆိုပီး ပလန်လည်ရှော့တံဂေ့လေရယ်။ 43ကိုယ်တော်ဟ သူနို့ဝို "အဲမျိုးဖြစ်မယ်ဆိုဝါ ဒါဝိဒ်ဟ ဉာဏ်လင်းတော်အားန 44'ဘုရားရှင်ဟ ငါရဲ့အရှင်ဝို 'သင့်ရန်သူဒွေဝို သင့်ခေဖဝါးအော့ဝို ရော့အော်ပြုလုပ်ပီးထိ ငါ့လက်ယာဖက်မှာ ထိုင်တော်မူပါ' ဆိုပီး မိတော်မူလေရယ်။' ဆိုပီး ဟဲဂျော့ပြောရနူး။ 45ဒါဝိဒ်ဟ ကယ်တံရှင်ခရစ်တော်ဝို ငါ့ရဲ့အရှင် ဆိုပီး ခေါ်ရယ်ဆိုဝါ ခရစ်တော် ဟ ဒါဝိဒ်ရဲ့သားဟဲမျိုးဖြစ်နိုင်မယ်နူး။" ဆိုပီး မိတော်မူလေရယ်။ 46အဲခါ ဟယ်သူမှကိုယ်တော်ဝို ပလန်လည်ဖြေကြားနိုင်ဇာ မှေ့ဘဲမျိုး အဲမိုနေ့ဟနေစပီး ဟယ်သူမှလဲ ကိုယ်တော်ဝို နော့ထပ် မေးခွန်းဒွေမေးရဲဂေ့ဟန်း။
Currently Selected:
:
Highlight
Share
Copy
Want to have your highlights saved across all your devices? Sign up or sign in
This translation of the Taungyo Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.