Zekaliya 5
5
Ichisetuka icha ibuku ilyakubuluka
1Nkatalankannya sona, po nkennya ibuku ilyakubuluka.
2Akandalusya akati, “Nkimba ukwennya ichoni?”
Nkamwamula nkati, “Nkwennya ibuku ilyakubuluka ubutali bwache lili amamita nayini sona mububaba lili amamita folo nu hafu.”
3Po akambuzya akati, “Yiniyi yo nguno yiyo nkuyipungulila pachisu chosi ichapasi. Ukuyana namumo likunenela kulubazu loka, pakuti umwiba wesi akwiza pakwefiwapo. Zisimbiwe sona ukuti umuntu wesi yuyo akulapa ivyabumyasi wepe efiwanjepo ukuyana na zizyo zisimbiwe ulubazu ulunji lula. 4U Mwene Uwamaka Ghosi akuti, ‘Nkwiza pakutuma ichighune, chikwiza pakwinjila munyumba iya mwiba wesi yula sona na munyumba iya muntu wesi yuyo akulapa umwabumyasi. Chikwiza pakubanga munyumba yache, nukubaleka bo chinanganizye vyosi vibili amatabwa na mabwe.’ ”
Ichisetuka icha mukolo muchidudunga
5Uwantumi yuyo akanenagha nane akiza nukumbuzya ukuti, “Talankannya, ennya ichintu chicho chikuboneka.”
6Nkalalusya nkati, “Nkimba cho choni?”
Akamula akati, “Cho chidudunga ichakupimila.” Akanena sona akati, “Zinizi zyo mbibi izya bantu aba mu Yuda.”
7Po ichikupikizyo chache icha chela iching'wamu chikefiwamo. Mulamula mukabamo umukolo! 8Uwantumi akati, “Yunuyu bo bubibi.” Sona akamusunkilizizya muchidudunga. Pisinda pache akakupikilapo.
9Po nkatalankannya, nkabennya abakolo babili pamaso papane, muvipapande vyabo bakaba ni mpepo, bakaba nivipapande ngati vya inyangenyange. Bakazompola ichidudunga chila nukubulukila pakasi pachisu ichakumwanya ni chisu ichapasi.
10Nkamulalusya uwantumi yuyo akanenagha nane nkati, “Nkimba bakubuka nacho kwiyi ichidudunga?”
11Uwantumi yula akanyamula akati, “Bakubuka nacho kuchisu icha Babiloni pakuchizengela inyumba yache. Nanti bamala pakuchizengela inyumba, po bakwiza pakuchibika pabuzilo bwache ukuti bachichindikaye.”
Currently Selected:
Zekaliya 5: LMB2024
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.
Zekaliya 5
5
Ichisetuka icha ibuku ilyakubuluka
1Nkatalankannya sona, po nkennya ibuku ilyakubuluka.
2Akandalusya akati, “Nkimba ukwennya ichoni?”
Nkamwamula nkati, “Nkwennya ibuku ilyakubuluka ubutali bwache lili amamita nayini sona mububaba lili amamita folo nu hafu.”
3Po akambuzya akati, “Yiniyi yo nguno yiyo nkuyipungulila pachisu chosi ichapasi. Ukuyana namumo likunenela kulubazu loka, pakuti umwiba wesi akwiza pakwefiwapo. Zisimbiwe sona ukuti umuntu wesi yuyo akulapa ivyabumyasi wepe efiwanjepo ukuyana na zizyo zisimbiwe ulubazu ulunji lula. 4U Mwene Uwamaka Ghosi akuti, ‘Nkwiza pakutuma ichighune, chikwiza pakwinjila munyumba iya mwiba wesi yula sona na munyumba iya muntu wesi yuyo akulapa umwabumyasi. Chikwiza pakubanga munyumba yache, nukubaleka bo chinanganizye vyosi vibili amatabwa na mabwe.’ ”
Ichisetuka icha mukolo muchidudunga
5Uwantumi yuyo akanenagha nane akiza nukumbuzya ukuti, “Talankannya, ennya ichintu chicho chikuboneka.”
6Nkalalusya nkati, “Nkimba cho choni?”
Akamula akati, “Cho chidudunga ichakupimila.” Akanena sona akati, “Zinizi zyo mbibi izya bantu aba mu Yuda.”
7Po ichikupikizyo chache icha chela iching'wamu chikefiwamo. Mulamula mukabamo umukolo! 8Uwantumi akati, “Yunuyu bo bubibi.” Sona akamusunkilizizya muchidudunga. Pisinda pache akakupikilapo.
9Po nkatalankannya, nkabennya abakolo babili pamaso papane, muvipapande vyabo bakaba ni mpepo, bakaba nivipapande ngati vya inyangenyange. Bakazompola ichidudunga chila nukubulukila pakasi pachisu ichakumwanya ni chisu ichapasi.
10Nkamulalusya uwantumi yuyo akanenagha nane nkati, “Nkimba bakubuka nacho kwiyi ichidudunga?”
11Uwantumi yula akanyamula akati, “Bakubuka nacho kuchisu icha Babiloni pakuchizengela inyumba yache. Nanti bamala pakuchizengela inyumba, po bakwiza pakuchibika pabuzilo bwache ukuti bachichindikaye.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.