Aba Levi 7
7
Ichakwiyipa ichakupepesezya inongwa
1“Ulu lo lulaghilo ulwa chakwiyipa ichakupepesezya inongwa, pakuti ichi cho chakwiyipa ichizelu nkani. 2Ichakwiyipa ichakupepesezya inongwa chiboleliwe pabuzilo bubo ichakwiyipa ichakocha chikuboleliwapo, sona balinyafile ibanda lyache mumbazu zyosi folo izya chighemo. 3Umuputi abike amafuta ghosi pachighemo pala poka na mafuta agha musinda na mafuta ghagho ghamamatiye amala 4ni figho zyosi zibili na mafuta ghache sona ni chigaba ichiza nkani icha itima chicho akefezya poka nifigho. 5Umuputi avyoche vyosi pachighemo, ukuti chibanje chakwiyipa ichakocha pamoto kwa Mwene. Ichi cho chakwiyipa ichakupepesezya inongwa. 6Umwanavuli wesi uwa munyumba iya buputi angalyako ichakwiyipa chinichi, loli achilyele Mubuzilo Ubuzelu, pakuti ichi cho chakwiyipa ichizelu nkani.
7“Ichakwiyipa ichakupepesezya inongwa chiyanite bulo ni chakwiyipa ichakupepesezya imbibi, sona ivyakwiyipa vyosi vibili vinivi vili nu lulaghilo loka. Inyama yiniyi yikuba ya muputi yuyo akubika ichakwiyipa chinichi. 8Ikwela ilya chakwiyipa ichakocha libanje ilya muputi, yuyo akubika ichakwiyipa chinichi. 9Ichakwiyipa chosi icha busu, chicho chipiyiwe musonta pamo chikazingiwe bulo mu sefuliya, chibanje cha muputi yuyo akubika ichakwiyipa chinichi. 10Loli ichakwiyipa chosi icha busu manyi chakongannya na mafuta manyi chumizu abamunyumba iya Aloni babo baputi bagabane umwakuyana bulo.
Ichakwiyipa ichabupoka
11“Ulu lo lulaghilo ulwa ichakwiyipa ichabupoka chicho umuntu angabika kwa Mwene:
12“Nanti umuntu akubika ichakwiyipa pachifukwa ichakuti akumupalizya u Chala, abike poka ni chakwiyipa chache ichakupalizikizya chila, ichibama chicho chite ni chilungo, pamo ichibama ichakongannya na mafuta, pamo utumenyumenyu utwa vibama ivyakupakiwa na mafuta, pamo ichibama icha busu ubwakongannya na mafuta. 13Pamwanya apa ichakwiyipa chila, abikepo ichibama choka icha chilungo. 14Asende ichibama choka ukuti chibanje cha Mwene, ichigaba chinichi chibanje cha muputi yuyo akunyafila ibanda ilya chakwiyipa ichabupoka. 15Inyama iya chakwiyipa ichabupoka ichakupalizikizya yilyeliwanje pisiku lilyo ichakwiyipa chinichi chikubikiwa. Yitakasyalepo nayimoyimo mupaka pandabindabi.
16“Loli nanti umuntu yula abika ichakwiyipa chinichi pachifukwa icha chilapo chache, pamo pachifukwa ichakwiyipa mubwighane bwache, ichakwiyipa chilachila achilye pisiku ilyakubikila, loli ubwika angabulya pisiku ilinji. 17Inyama yosi iyakusyala pa chakwiyipa chinichi mupaka pisiku ilyabutatu, yilunguziwanje pamoto. 18Nanti inyama iya ichakwiyipa ichabupoka yikulyeliwa pisiku ilyabutatu, u Mwene atakwiza pakuyipokela. Ichakwiyipa chinichi chitangamwavwa umuntu yula, sona chikwiza pakuba chinyazu. Umuntu wesi yuyo akulya ichakwiyipa chinichi akwiza pakuba ni nongwa.
19“Inyama yiyo yapalamasya ichintu ichinyazu, yitakalyewanje, loli yilunguziwanje pamoto. Umuntu wesi yuyo muzelu pamaso pa Chala angalya inyama iya ichakwiyipa chinichi. 20Loli nanti umuntu umunyazu akulya inyama iya chakwiyipa ichabupoka kwa Mwene, umuntu yulayula epusiwanjepo pakasi paba Izilayeli. 21Nanti umuntu apalamasya ichintu ichinyazu manyi bo bunyazu ubwa muntu manyi ubwa chinyamana pamo ubunyazu ubwakulekanalekana, po akulya inyama iya ichakwiyipa ichabupoka kwa Mwene, umuntu yulayula epusiwanjepo pakasi paba Izilayeli.”
22U Mwene akamubuzya u Mozesi akati, 23“Ubalamule aba Izilayeli ukuti batakalyanje amafuta agha ng'ombe pamo agha ng'ozi pamo agha mbuzi. 24Amafuta agha chinyamana ichifwe chene pamo ichakulika ghangabombeziwa imbombo iyinji, loli mutakalye amafuta ghalaghala. 25Umuntu wesi yuyo akulya amafuta agha nyama iya ichakwiyipa ichakocha pamoto kwa Mwene, epusiwanjepo pakasi paba Izilayeli. 26#Ubw. 9.4; Lev. 17.10-14, 19.26; Ukk. 12.16, 23, 15.23Kosi kuko mukwikala, nayumo umuntu pakasi papinyu atakalyanje ibanda nalimolimo manyi lya chiyuni manyi lya chinyamana. 27Umuntu wesi yuyo akulunangannya ululaghilo lunulu, epusiwanjepo pakasi paba Izilayeli.”
28U Mwene akamubuzya u Mozesi akati, 29“Ubalamule aba Izilayeli uti, ‘Umuntu wesi yuyo akubika ichakwiyipa ichabupoka kwa Mwene, abike ichigaba chache chimo ichakwiyipa chila kwa Mwene. 30Ni nyobe zyache ni zyache, umuntu yula ize ni chakwiyipa ichakocha kwa Mwene. Umuntu yula ize na mafuta, poka na kajimbi, po akazyunguzye mumwanya akajimbi kala pamaso pa Mwene. 31Umuputi oche amafuta pachighemo, loli akajimbi kabanje ka Aloni na bana bache. 32Bamupe umuputi intapatapa iya ndilo iya chakwiyipa ichabupoka chila pakuba chabupi. 33Umwana uwa Aloni yuyo akulinyafila ibanda nukocha amafuta agha chakwiyipa ichabupoka, bamupe intapatapa iya ndilo pakuba chigaba chache. 34Pa chakwiyipa ichabupoka icha ba Izilayeli, nasendapo akajimbi akakuzyunguzya mumwanya kala, sona ni ntapatapa iya ndilo yiyo yikabikiwa kwa Mwene nukumupa umuputi u Aloni na bana bache pakuba chigaba chabo icha bwila na bwila.’ ”
35Ichi cho chigaba icha chakwiyipa ichakocha kwa Mwene, chicho chikapeghiwa kwa Aloni na bana bache pisiku lilyo bakimikiwanga pakuba baputi aba Mwene. 36Pisiku lilyo bakimikiwanga pakuba baputi, u Mwene akabalamula aba Izilayeli pakubapa abaputi ichigaba chinichi icha chakwiyipa pakuba chigaba chabo icha bwila na bwila mupaka inkulilo zyosi izya muntazi.
37Zinizi zyo ndaghilo izya ichakwiyipa ichakocha ni chakwiyipa icha busu ni chakwiyipa ichakupepesezya imbibi ni chakwiyipa ichakupepesezya inongwa ni chakwiyipa ichakubimikila abaputi sona ni chakwiyipa ichabupoka 38ghagho u Mwene akamubuzya u Mozesi pighamba ilya Sinayi pisiku lilyo akabalamula aba Izilayeli pakwiza ni vyakwiyipa vyabo kwa Mwene munkolongo iya Sinayi.
Currently Selected:
Aba Levi 7: LMB2024
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.
Aba Levi 7
7
Ichakwiyipa ichakupepesezya inongwa
1“Ulu lo lulaghilo ulwa chakwiyipa ichakupepesezya inongwa, pakuti ichi cho chakwiyipa ichizelu nkani. 2Ichakwiyipa ichakupepesezya inongwa chiboleliwe pabuzilo bubo ichakwiyipa ichakocha chikuboleliwapo, sona balinyafile ibanda lyache mumbazu zyosi folo izya chighemo. 3Umuputi abike amafuta ghosi pachighemo pala poka na mafuta agha musinda na mafuta ghagho ghamamatiye amala 4ni figho zyosi zibili na mafuta ghache sona ni chigaba ichiza nkani icha itima chicho akefezya poka nifigho. 5Umuputi avyoche vyosi pachighemo, ukuti chibanje chakwiyipa ichakocha pamoto kwa Mwene. Ichi cho chakwiyipa ichakupepesezya inongwa. 6Umwanavuli wesi uwa munyumba iya buputi angalyako ichakwiyipa chinichi, loli achilyele Mubuzilo Ubuzelu, pakuti ichi cho chakwiyipa ichizelu nkani.
7“Ichakwiyipa ichakupepesezya inongwa chiyanite bulo ni chakwiyipa ichakupepesezya imbibi, sona ivyakwiyipa vyosi vibili vinivi vili nu lulaghilo loka. Inyama yiniyi yikuba ya muputi yuyo akubika ichakwiyipa chinichi. 8Ikwela ilya chakwiyipa ichakocha libanje ilya muputi, yuyo akubika ichakwiyipa chinichi. 9Ichakwiyipa chosi icha busu, chicho chipiyiwe musonta pamo chikazingiwe bulo mu sefuliya, chibanje cha muputi yuyo akubika ichakwiyipa chinichi. 10Loli ichakwiyipa chosi icha busu manyi chakongannya na mafuta manyi chumizu abamunyumba iya Aloni babo baputi bagabane umwakuyana bulo.
Ichakwiyipa ichabupoka
11“Ulu lo lulaghilo ulwa ichakwiyipa ichabupoka chicho umuntu angabika kwa Mwene:
12“Nanti umuntu akubika ichakwiyipa pachifukwa ichakuti akumupalizya u Chala, abike poka ni chakwiyipa chache ichakupalizikizya chila, ichibama chicho chite ni chilungo, pamo ichibama ichakongannya na mafuta, pamo utumenyumenyu utwa vibama ivyakupakiwa na mafuta, pamo ichibama icha busu ubwakongannya na mafuta. 13Pamwanya apa ichakwiyipa chila, abikepo ichibama choka icha chilungo. 14Asende ichibama choka ukuti chibanje cha Mwene, ichigaba chinichi chibanje cha muputi yuyo akunyafila ibanda ilya chakwiyipa ichabupoka. 15Inyama iya chakwiyipa ichabupoka ichakupalizikizya yilyeliwanje pisiku lilyo ichakwiyipa chinichi chikubikiwa. Yitakasyalepo nayimoyimo mupaka pandabindabi.
16“Loli nanti umuntu yula abika ichakwiyipa chinichi pachifukwa icha chilapo chache, pamo pachifukwa ichakwiyipa mubwighane bwache, ichakwiyipa chilachila achilye pisiku ilyakubikila, loli ubwika angabulya pisiku ilinji. 17Inyama yosi iyakusyala pa chakwiyipa chinichi mupaka pisiku ilyabutatu, yilunguziwanje pamoto. 18Nanti inyama iya ichakwiyipa ichabupoka yikulyeliwa pisiku ilyabutatu, u Mwene atakwiza pakuyipokela. Ichakwiyipa chinichi chitangamwavwa umuntu yula, sona chikwiza pakuba chinyazu. Umuntu wesi yuyo akulya ichakwiyipa chinichi akwiza pakuba ni nongwa.
19“Inyama yiyo yapalamasya ichintu ichinyazu, yitakalyewanje, loli yilunguziwanje pamoto. Umuntu wesi yuyo muzelu pamaso pa Chala angalya inyama iya ichakwiyipa chinichi. 20Loli nanti umuntu umunyazu akulya inyama iya chakwiyipa ichabupoka kwa Mwene, umuntu yulayula epusiwanjepo pakasi paba Izilayeli. 21Nanti umuntu apalamasya ichintu ichinyazu manyi bo bunyazu ubwa muntu manyi ubwa chinyamana pamo ubunyazu ubwakulekanalekana, po akulya inyama iya ichakwiyipa ichabupoka kwa Mwene, umuntu yulayula epusiwanjepo pakasi paba Izilayeli.”
22U Mwene akamubuzya u Mozesi akati, 23“Ubalamule aba Izilayeli ukuti batakalyanje amafuta agha ng'ombe pamo agha ng'ozi pamo agha mbuzi. 24Amafuta agha chinyamana ichifwe chene pamo ichakulika ghangabombeziwa imbombo iyinji, loli mutakalye amafuta ghalaghala. 25Umuntu wesi yuyo akulya amafuta agha nyama iya ichakwiyipa ichakocha pamoto kwa Mwene, epusiwanjepo pakasi paba Izilayeli. 26#Ubw. 9.4; Lev. 17.10-14, 19.26; Ukk. 12.16, 23, 15.23Kosi kuko mukwikala, nayumo umuntu pakasi papinyu atakalyanje ibanda nalimolimo manyi lya chiyuni manyi lya chinyamana. 27Umuntu wesi yuyo akulunangannya ululaghilo lunulu, epusiwanjepo pakasi paba Izilayeli.”
28U Mwene akamubuzya u Mozesi akati, 29“Ubalamule aba Izilayeli uti, ‘Umuntu wesi yuyo akubika ichakwiyipa ichabupoka kwa Mwene, abike ichigaba chache chimo ichakwiyipa chila kwa Mwene. 30Ni nyobe zyache ni zyache, umuntu yula ize ni chakwiyipa ichakocha kwa Mwene. Umuntu yula ize na mafuta, poka na kajimbi, po akazyunguzye mumwanya akajimbi kala pamaso pa Mwene. 31Umuputi oche amafuta pachighemo, loli akajimbi kabanje ka Aloni na bana bache. 32Bamupe umuputi intapatapa iya ndilo iya chakwiyipa ichabupoka chila pakuba chabupi. 33Umwana uwa Aloni yuyo akulinyafila ibanda nukocha amafuta agha chakwiyipa ichabupoka, bamupe intapatapa iya ndilo pakuba chigaba chache. 34Pa chakwiyipa ichabupoka icha ba Izilayeli, nasendapo akajimbi akakuzyunguzya mumwanya kala, sona ni ntapatapa iya ndilo yiyo yikabikiwa kwa Mwene nukumupa umuputi u Aloni na bana bache pakuba chigaba chabo icha bwila na bwila.’ ”
35Ichi cho chigaba icha chakwiyipa ichakocha kwa Mwene, chicho chikapeghiwa kwa Aloni na bana bache pisiku lilyo bakimikiwanga pakuba baputi aba Mwene. 36Pisiku lilyo bakimikiwanga pakuba baputi, u Mwene akabalamula aba Izilayeli pakubapa abaputi ichigaba chinichi icha chakwiyipa pakuba chigaba chabo icha bwila na bwila mupaka inkulilo zyosi izya muntazi.
37Zinizi zyo ndaghilo izya ichakwiyipa ichakocha ni chakwiyipa icha busu ni chakwiyipa ichakupepesezya imbibi ni chakwiyipa ichakupepesezya inongwa ni chakwiyipa ichakubimikila abaputi sona ni chakwiyipa ichabupoka 38ghagho u Mwene akamubuzya u Mozesi pighamba ilya Sinayi pisiku lilyo akabalamula aba Izilayeli pakwiza ni vyakwiyipa vyabo kwa Mwene munkolongo iya Sinayi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.