Ubwandilo 39
39
U Yosefu nu muchi uwa Potifala
1Aba Ishimayeli bakamughula u Yosefu nukufika nawe mu Ijiputi nukumughulizya kwa Potifala, weka uwa makambala agha mwene u Falabo yuyo akaba we songo uwa balindilili.
2 #
Imbo. 7.9
U Mwene akaba nu Yosefu po akamwavwa ukuti ivintu vyosi vimwendele akiza bulo. Akikalagha munyumba iya Potifala usongo uwamu Ijiputi, 3yuyo akennya ukuti u Mwene akaba nawe u Yosefu, sona akamusaya muvintu vyosi vivyo akabombagha. 4U Potifala akahoboka nkani nu Yosefu nukumubika pakuba mubombi wache nu mwenelezi uwa nyumba yache poka ni vintu vyosi vivyo akaba navyo. 5Ukwandila panapo u Yosefu akanda pakwenelezya ukatundu wesi uwa Potifala, u Mwene akavisaya vyosi vivyo vikaba kunyumba yache, nivya kumaghunda ghache pachifukwa icha Yosefu. 6Po u Potifala akabika ukatundu wache wesi munyobe izya Yosefu, sona atakapalamaziwapo nachimochimo, loli chene ichakulya chicho akalyanga.
U Yosefu akaba mulumendo wakuboneka akiza nkani. 7Bo pachilapo akabalilo, umuchi uwa songo wache akanda pakumunyonywa u Yosefu. Po umukolo yula akamwitizya u Yosefu ukuti aghone nawe.
8Loli u Yosefu akakana nukumubuzya umuchi uwa songo wache ukuti, “Teghelezya, nkimba utazimenye ukuti usongo wane ansubiye pakundekela ukatundu wache? Atakupalamaziwapo nachimochimo chicho chili muno pachifukwa ichakuti indi pano. 9Indi nu bulaghili ubukulu nkani munyumba iyi ukumuchila yuyo, sona atanyimitepo nakamo akantu, loli wewe wemwene. Po zingaba bulibuli ukuti indowe ngati bunubu, sona nukunanga kwa Chala?” 10Napapo akamulabagha u Yosefu isiku ni siku ukuti aghonane nawe, atakamwivwila, pamo pakuba poka nawe.
11Loli isiku limo u Yosefu akinjila munyumba pakubomba imbombo yache, sona patakabapo nayumoyumo uwamwabo uyunji munyumba mula. 12Umukolo yula akalema inkazo iya Yosefu nukuti, “Ghona nane.” Loli u Yosefu akafyuntumula nukumuleka alemeleye inkazo munyobe, po akachimbila nukufumila kuzi.
13Bo umuchi uwa Potifala ennya ukuti u Yosefu afyuntumula nukumulekela inkazo yache munyobe, sona nukuti achimbilila kuzi, 14akabitizya abambombo abanji munyumba yila nukubabuzya ukuti, “Ennya zizyo umu Hebeli, yuyo umulume wane akiza nawe munyumba muno pakutusamula! Injiye kuchipinda chane ukuti ingone nawe, loli nakolomokite. 15Bo ivwa ukuti nakolomoka, andekeye inkazo yache munyobe zyane nukuchimbilila kuzi.”
16Po akayisunga inkazo yila mupaka papo usongo wache akizila. 17Po akamupangila ukuti, “Uwambombo umu Hebeli yuyo utwiziye nawe pakasi papitu, injiye kuchipinda chane pakunsamula. 18Loli bo ivwa ukuti nakolomoka, akandekela inkazo yache nukuchimbilila kuzi.”
19Bo usongo wache ivwa zizyo akamubuzya umuchi wache ukuti, “Umu momumo umubombi wako ambombeye,” po akakalala. 20Panapo na panapo akamusenda u Yosefu nukumwighalila mujele mumo abakayidi abamwene aba mu Ijiputi bakasungiwangamo.
Loli bo u Yosefu ali mujele mulamula, 21#Imbo. 7.9 u Mwene akaba nawe. Akamupelela ichisa umwakuti umulindilili uwa jele akahoboka nawe. 22Po umulindilili uwa jele akamubika u Yosefu pakuba wakwenelezya abakayidi abanji, poka na vyosi vivyo vikabombiwa mujela mula. 23Umulindilili uwa jele yula akazisula imbombo zyosi zizyo u Yosefu akabaghila pakubomba, pachifukwa ichakuti u Mwene akaba nawe, sona ivintu vyache vyosi vikamwendelagha akiza.
Currently Selected:
Ubwandilo 39: LMB2024
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.
Ubwandilo 39
39
U Yosefu nu muchi uwa Potifala
1Aba Ishimayeli bakamughula u Yosefu nukufika nawe mu Ijiputi nukumughulizya kwa Potifala, weka uwa makambala agha mwene u Falabo yuyo akaba we songo uwa balindilili.
2 #
Imbo. 7.9
U Mwene akaba nu Yosefu po akamwavwa ukuti ivintu vyosi vimwendele akiza bulo. Akikalagha munyumba iya Potifala usongo uwamu Ijiputi, 3yuyo akennya ukuti u Mwene akaba nawe u Yosefu, sona akamusaya muvintu vyosi vivyo akabombagha. 4U Potifala akahoboka nkani nu Yosefu nukumubika pakuba mubombi wache nu mwenelezi uwa nyumba yache poka ni vintu vyosi vivyo akaba navyo. 5Ukwandila panapo u Yosefu akanda pakwenelezya ukatundu wesi uwa Potifala, u Mwene akavisaya vyosi vivyo vikaba kunyumba yache, nivya kumaghunda ghache pachifukwa icha Yosefu. 6Po u Potifala akabika ukatundu wache wesi munyobe izya Yosefu, sona atakapalamaziwapo nachimochimo, loli chene ichakulya chicho akalyanga.
U Yosefu akaba mulumendo wakuboneka akiza nkani. 7Bo pachilapo akabalilo, umuchi uwa songo wache akanda pakumunyonywa u Yosefu. Po umukolo yula akamwitizya u Yosefu ukuti aghone nawe.
8Loli u Yosefu akakana nukumubuzya umuchi uwa songo wache ukuti, “Teghelezya, nkimba utazimenye ukuti usongo wane ansubiye pakundekela ukatundu wache? Atakupalamaziwapo nachimochimo chicho chili muno pachifukwa ichakuti indi pano. 9Indi nu bulaghili ubukulu nkani munyumba iyi ukumuchila yuyo, sona atanyimitepo nakamo akantu, loli wewe wemwene. Po zingaba bulibuli ukuti indowe ngati bunubu, sona nukunanga kwa Chala?” 10Napapo akamulabagha u Yosefu isiku ni siku ukuti aghonane nawe, atakamwivwila, pamo pakuba poka nawe.
11Loli isiku limo u Yosefu akinjila munyumba pakubomba imbombo yache, sona patakabapo nayumoyumo uwamwabo uyunji munyumba mula. 12Umukolo yula akalema inkazo iya Yosefu nukuti, “Ghona nane.” Loli u Yosefu akafyuntumula nukumuleka alemeleye inkazo munyobe, po akachimbila nukufumila kuzi.
13Bo umuchi uwa Potifala ennya ukuti u Yosefu afyuntumula nukumulekela inkazo yache munyobe, sona nukuti achimbilila kuzi, 14akabitizya abambombo abanji munyumba yila nukubabuzya ukuti, “Ennya zizyo umu Hebeli, yuyo umulume wane akiza nawe munyumba muno pakutusamula! Injiye kuchipinda chane ukuti ingone nawe, loli nakolomokite. 15Bo ivwa ukuti nakolomoka, andekeye inkazo yache munyobe zyane nukuchimbilila kuzi.”
16Po akayisunga inkazo yila mupaka papo usongo wache akizila. 17Po akamupangila ukuti, “Uwambombo umu Hebeli yuyo utwiziye nawe pakasi papitu, injiye kuchipinda chane pakunsamula. 18Loli bo ivwa ukuti nakolomoka, akandekela inkazo yache nukuchimbilila kuzi.”
19Bo usongo wache ivwa zizyo akamubuzya umuchi wache ukuti, “Umu momumo umubombi wako ambombeye,” po akakalala. 20Panapo na panapo akamusenda u Yosefu nukumwighalila mujele mumo abakayidi abamwene aba mu Ijiputi bakasungiwangamo.
Loli bo u Yosefu ali mujele mulamula, 21#Imbo. 7.9 u Mwene akaba nawe. Akamupelela ichisa umwakuti umulindilili uwa jele akahoboka nawe. 22Po umulindilili uwa jele akamubika u Yosefu pakuba wakwenelezya abakayidi abanji, poka na vyosi vivyo vikabombiwa mujela mula. 23Umulindilili uwa jele yula akazisula imbombo zyosi zizyo u Yosefu akabaghila pakubomba, pachifukwa ichakuti u Mwene akaba nawe, sona ivintu vyache vyosi vikamwendelagha akiza.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.