Aba Galatiya 5
5
Ubusatuke mwa Kilisitu
1U Kilisitu akatusatula ukuti tubanje babuke. Mwimaye nkani, po mutakanyamule sona ikoli ilya buzya.
2Lema amazyu ghane! Ane ne Pabuli nkunena namwe ukuti nanti mwasilimuliwa, kokuti u Kilisitu ate ni mbombo kukwinyu. 3Nkupyanizya sona pakunena ukuti nanti umuntu asilimuliwa, kokuti akonkaye Indaghilo zyosi. 4Amwe mwe mukuyezya pakwinena mwebene ukuti mute ninongwa nayimoyimo pamaso pa Chala pakuzikonka Indaghilo, amwe mwisabulako mwebene kwa Kilisitu. Po mwachikana ichisa icha Chala. 5Pakuti aswe tuli nu lusubilo ulwakuti u Chala adumula ukuti tute ninongwa nayimoyimo, sona ichi cho chicho tukulindilila na maka agha Muzimu Umuzelu ukwendela mu lwitiko lwitu. 6Nanti tuli mwa Kilisitu u Yesu ukusilimuliwa pamo ukusita kusilimuliwa kute ni mbombo. Ichintu choka bulo chicho chapamwanya nkani lo lwitiko, lulo luli pambombo ukwendela mu lughano.
7Mukachimbilagha akiza nkani. Po, wewenu akabakanizya ukuti mutakivwilaye ubwanaloli? 8Ukupepekiwa kwinyu kula kutakafuma ku yuyo akubitizya, awe. 9#1 Kol. 5.6Ichilungo ichinandi bulo chikututumula ichinyenya chosi. 10Indi nu lusubilo mwa Mwene ukuti mutakwiza pakuba ni nyinong'ono izinji. Loli umuntu yuyo akubasovya akwiza pakupokela ulufundo, napapo angaba wewenu.
11Mwee bakamu bane, loli nanti ane inchili nkulumbilila nizya kusilimula, po choni chicho inchili nkuvwimiwa? Nanti nkalumbililagha nizya kusilimula, kokuti ubulumbilili bwane nizya chipinjika icha Kilisitu ngali chite chipunulo. 12Nalondagha ukuti babo bakubapuvya bipase bene. 13Mwee bakamu bane, mukitiziwa ukuti mubanje bantu babuke. Mutakabubombezyanje ubusatuke bwinyu ukuti mubombaye ivinyonywa ivya mubili winyu, loli mubombelanaye mulughano. 14#Lev. 19.18Pakuti Indaghilo zyosi zyimite pilamulo lyoka ili, “Umughane umupalamani wako ukuyana namumo wiyighaniye wemwenecho.” 15Loli nanti mukulumana nukunyonkolana, po muchebaye ukuti pabumalilo mukwiza pakukavulana.
Tulongoziwanje muvyosi nu Muzimu Umuzelu
16Loli chicho nkunena chakuti: Mumwitikizye u Muzimu Umuzelu ukuti abalongozye, po mutakwiza pakubomba ivinyonywa ivya buntu bwitu ubwa mbibi. 17#Lom. 7.15-23Pakuti ivinyonywa ivya buntu bwitu vikususannya nu Muzimu Umuzelu, sona vivyo u Muzimu Umuzelu akulonda vikususannya ni vinyonywa ivya buntu bwitu. Ivintu vibili ivi vibenganite, umwakuti utakubomba chicho ukulonda pakubomba. 18Loli nanti mukulongoziwa nu Muzimu Umuzelu, kokuti mute pasi pa Ndaghilo izya Mozesi, awe.
19Izyene imbombo izya buntu bwitu zili pabuzelu bulo: Ubwamalaya ni vinyonywa nu bupopo, 20nukwiputa ivifwani nu bulozi nu lubengo, nukulwa, na kabini nu bukali nukwiyighana nukudalinkana nukwipaghula, 21ni nkwini nu bwaching'wela nu bupafu, sona ni vintu ivinji. Nkubasoka sona ukuyana namumo nkabasokela pakwanda ukuti abantu babo bakwikala bunubu batakwiza pakupyana Ubumwene ubwa Chala.
22Loli ivikomwa ivya Muzimu Umuzelu vyo ivi: Ulughano nu buhobosu nu mutende nu bufisalyoyo, ni chisa nu bwiza nu busubiliwa, 23nukwiyisya sona nukwilema. Lutalipo ululaghilo nalumolumo, lulo lungasusannya ni vintu vinivi. 24Sona babo ba Kilisitu u Yesu bakomela ubuntu bwabo ubwa mbibi pachipinjika poka ni vyakulonda, sona ni vinyonywa vyache. 25Aswe twapokela ubumi mwa Muzimu Umuzelu, polelo zagha tukonke inyayo izya Muzimu Umuzelu. 26Tutakitutumulaye, pamo ukukalalizannya, pamo ukubikilana inkwini.
Currently Selected:
Aba Galatiya 5: LMB2024
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.
Aba Galatiya 5
5
Ubusatuke mwa Kilisitu
1U Kilisitu akatusatula ukuti tubanje babuke. Mwimaye nkani, po mutakanyamule sona ikoli ilya buzya.
2Lema amazyu ghane! Ane ne Pabuli nkunena namwe ukuti nanti mwasilimuliwa, kokuti u Kilisitu ate ni mbombo kukwinyu. 3Nkupyanizya sona pakunena ukuti nanti umuntu asilimuliwa, kokuti akonkaye Indaghilo zyosi. 4Amwe mwe mukuyezya pakwinena mwebene ukuti mute ninongwa nayimoyimo pamaso pa Chala pakuzikonka Indaghilo, amwe mwisabulako mwebene kwa Kilisitu. Po mwachikana ichisa icha Chala. 5Pakuti aswe tuli nu lusubilo ulwakuti u Chala adumula ukuti tute ninongwa nayimoyimo, sona ichi cho chicho tukulindilila na maka agha Muzimu Umuzelu ukwendela mu lwitiko lwitu. 6Nanti tuli mwa Kilisitu u Yesu ukusilimuliwa pamo ukusita kusilimuliwa kute ni mbombo. Ichintu choka bulo chicho chapamwanya nkani lo lwitiko, lulo luli pambombo ukwendela mu lughano.
7Mukachimbilagha akiza nkani. Po, wewenu akabakanizya ukuti mutakivwilaye ubwanaloli? 8Ukupepekiwa kwinyu kula kutakafuma ku yuyo akubitizya, awe. 9#1 Kol. 5.6Ichilungo ichinandi bulo chikututumula ichinyenya chosi. 10Indi nu lusubilo mwa Mwene ukuti mutakwiza pakuba ni nyinong'ono izinji. Loli umuntu yuyo akubasovya akwiza pakupokela ulufundo, napapo angaba wewenu.
11Mwee bakamu bane, loli nanti ane inchili nkulumbilila nizya kusilimula, po choni chicho inchili nkuvwimiwa? Nanti nkalumbililagha nizya kusilimula, kokuti ubulumbilili bwane nizya chipinjika icha Kilisitu ngali chite chipunulo. 12Nalondagha ukuti babo bakubapuvya bipase bene. 13Mwee bakamu bane, mukitiziwa ukuti mubanje bantu babuke. Mutakabubombezyanje ubusatuke bwinyu ukuti mubombaye ivinyonywa ivya mubili winyu, loli mubombelanaye mulughano. 14#Lev. 19.18Pakuti Indaghilo zyosi zyimite pilamulo lyoka ili, “Umughane umupalamani wako ukuyana namumo wiyighaniye wemwenecho.” 15Loli nanti mukulumana nukunyonkolana, po muchebaye ukuti pabumalilo mukwiza pakukavulana.
Tulongoziwanje muvyosi nu Muzimu Umuzelu
16Loli chicho nkunena chakuti: Mumwitikizye u Muzimu Umuzelu ukuti abalongozye, po mutakwiza pakubomba ivinyonywa ivya buntu bwitu ubwa mbibi. 17#Lom. 7.15-23Pakuti ivinyonywa ivya buntu bwitu vikususannya nu Muzimu Umuzelu, sona vivyo u Muzimu Umuzelu akulonda vikususannya ni vinyonywa ivya buntu bwitu. Ivintu vibili ivi vibenganite, umwakuti utakubomba chicho ukulonda pakubomba. 18Loli nanti mukulongoziwa nu Muzimu Umuzelu, kokuti mute pasi pa Ndaghilo izya Mozesi, awe.
19Izyene imbombo izya buntu bwitu zili pabuzelu bulo: Ubwamalaya ni vinyonywa nu bupopo, 20nukwiputa ivifwani nu bulozi nu lubengo, nukulwa, na kabini nu bukali nukwiyighana nukudalinkana nukwipaghula, 21ni nkwini nu bwaching'wela nu bupafu, sona ni vintu ivinji. Nkubasoka sona ukuyana namumo nkabasokela pakwanda ukuti abantu babo bakwikala bunubu batakwiza pakupyana Ubumwene ubwa Chala.
22Loli ivikomwa ivya Muzimu Umuzelu vyo ivi: Ulughano nu buhobosu nu mutende nu bufisalyoyo, ni chisa nu bwiza nu busubiliwa, 23nukwiyisya sona nukwilema. Lutalipo ululaghilo nalumolumo, lulo lungasusannya ni vintu vinivi. 24Sona babo ba Kilisitu u Yesu bakomela ubuntu bwabo ubwa mbibi pachipinjika poka ni vyakulonda, sona ni vinyonywa vyache. 25Aswe twapokela ubumi mwa Muzimu Umuzelu, polelo zagha tukonke inyayo izya Muzimu Umuzelu. 26Tutakitutumulaye, pamo ukukalalizannya, pamo ukubikilana inkwini.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.