Ukufuma 2
2
Ukupapiwa ukwa Mozesi
1Pakabalilo kalakala umuntu yumo uwaluko ulwa Levi akamusenda umukolo uwaluko lwache. 2#Imbo. 7.20; Heb. 11.23Umukolo yula akamela ulwanda, nukupapa umwana umulumendo. Bo amwennya ukuti ubonda yula akaba wakuboneka akiza nkani, akamufisa amezi matatu. 3Loli bo apotwa pakumufisa, umukolo yula akasenda ichidudunga icha ntete nukuchimata nimpula. Po akamulambalikamo umwana nukuchibika ichidudunga chila muntete intali mulubazu ulwa Nayilo. 4Umuyemba uwa mwana yula akimilila pabutalipo ukuti ennye chicho chingamuwila umwana yulayula.
5Pakabalilo kamo umwana umulindu uwa Falabo akabuka pakogha kulusoko kula, bo abambombo bache bakwenda mulubazu ulwa lusoko. Umwana uwa Falabo yula akachennya ichidudunga muntete intali, po akamutuma uwambombo wache pakuchisenda. 6Akachighula nukwennyamo umwana. Umwana yula akalilagha, umwakuti akamupelela ichitima. Akati, “Uyu abaghiye pakuba mwana uwa ba Hebeli.”
7Po umuyemba wache akamulalusya akati, “Buli imbuke pakumwitizya umukolo umu Hebeli ukuti akonkezezyanje nukumulela umwana uyu?”
8Akamula akati, “Eee, bukagha.” Po umuyemba uwa mwana yula akabuka pakumwitizya unyina uwa mwana. 9Umwana umulindu uwa Falabo akamubuzya umukolo yula akati, “Unyonkezezyanje umwana uyu, po nkwiza pakukulipila.” Umukolo yula akamusenda umwana nukumulela. 10#Imbo. 7.21Bo umwana yula akula akabuka nawe ku mwana umulindu uwa Falabo. Po akamusenda pakuba mwana wache nu wache. Akati, “Umwana uyu nkamuzubula mumizi, po nkumwita ukuti we Mozesi.”#2.10 Mozesi: Itabwa ili likwivwika ngati lya mu Chihebeli ukuti, Ukuzubula.
U Mozesi akuchimbilila kuchisu icha Midiyani
11 #
Heb. 11.24
Isiku limo bo u Mozesi akula, akabuka pakubendela abantu abaluko lwache, aba Hebeli nukubennya namumo bakayimbilagha ni mbombo inkafu. Akamwennya umu Ijiputi yumo akumukoma umu Hebeli, umuntu uwaluko lwache. 12U Mozesi akatalankannya, loli bo ennya ukuti nayumo umuntu yuyo akumwennya, akamughogha umu Ijiputi yula nukughufukila umuvimba wache mumusesenga. 13Ilya ndabi akabendela sona nukubennya aba Hebeli babili bakulwa. U Mozesi akamulalusya yuyo akananga akati, “Nkimba choni chicho ukumukoma umu Hebeli uwamwinyu?”
14Umuntu yula akamula akati, “Nkimba wewenu akakubika pakuba mulaghili nu mulongi pakasi papitu? Nkimba ukulonda pakungogha ngati mumo ukamughoghela umu Ijiputi yula?” Po ubogha bukamulema nkani u Mozesi nukwinong'ona ukuti, “Abantu bazimenye zizyo nabomba.”
15 #
Imbo. 7.29; Heb. 11.27 Bo u Falabo ivwa zinizi, akalondagha pakumughogha u Mozesi. Loli u Mozesi akachimbilila kuchisu icha Midiyani, kuko akikala papipi ni chiziba. 16Abana abalindu seveni aba muputi usongo wamu Midiyani bakiza pakusemba amizi nukwizuzya ivyakung'welamo ing'ozi ni mbuzi izya wise. 17Abadimi bamo bakiza nukubachimbizyapo abalindu bala, loli u Mozesi akabapoka abalindu bala nukughung'wesya umudimo ghula.
18Bo abalindu bala banyokela kwa wise, u Yetulo akabalalusya akati, “Nkimba choni chicho ilelo mwabwelako lubilolubilo?”
19Bakamwamula bakati, “Umu Ijiputi yumo atulwila pakutusembela amizi nukughung'wesya umudimo witu.”
20Po uwise akabalalusya abana bache abalindu akati, “Nkimba umuntu yunuyu ali ko kwiyi? Nkimba choni chicho mutakizagha nawe? Bukagha mumwitizye ukuti alye poka naswe.”
21U Mozesi akitika pakwikala nawe kulakula, po u Yetulo akamupa umwana wache umulindu u Zipola pakuba muchi. 22U Zipola akapapa umwana umulumendo, po u Mozesi akati, “Ane ne muyeni bulo muchisu ichi, po nkumwita umwana uyu ukuti we Gelishomu.”#2.22 Gelishomu: Itabwa ili likwivwika ngati ilya mu Chihebeli ukuti, Umuyeni.
23Bo ghachilapo amaka aminji nkani, u mwene uwamu Ijiputi yula akafwa, loli aba Izilayeli bakakoloma nkani pachifukwa icha buzya bwabo. Bakalililagha ubwavwilizi, po u Chala akivwa ukukoloma kwabo. 24#Ubw. 15.13-14U Chala akivwa ukukoloma kwabo nukukumbuka ulufingo lwache, lulo akafingana nu Abulahamu nu Yisaki sona nu Yakobo. 25U Chala akabwennya ubuzya ubwa ba Izilayeli, po akapalamasiwa nkani mumoyo.
Currently Selected:
Ukufuma 2: LMB2024
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.
Ukufuma 2
2
Ukupapiwa ukwa Mozesi
1Pakabalilo kalakala umuntu yumo uwaluko ulwa Levi akamusenda umukolo uwaluko lwache. 2#Imbo. 7.20; Heb. 11.23Umukolo yula akamela ulwanda, nukupapa umwana umulumendo. Bo amwennya ukuti ubonda yula akaba wakuboneka akiza nkani, akamufisa amezi matatu. 3Loli bo apotwa pakumufisa, umukolo yula akasenda ichidudunga icha ntete nukuchimata nimpula. Po akamulambalikamo umwana nukuchibika ichidudunga chila muntete intali mulubazu ulwa Nayilo. 4Umuyemba uwa mwana yula akimilila pabutalipo ukuti ennye chicho chingamuwila umwana yulayula.
5Pakabalilo kamo umwana umulindu uwa Falabo akabuka pakogha kulusoko kula, bo abambombo bache bakwenda mulubazu ulwa lusoko. Umwana uwa Falabo yula akachennya ichidudunga muntete intali, po akamutuma uwambombo wache pakuchisenda. 6Akachighula nukwennyamo umwana. Umwana yula akalilagha, umwakuti akamupelela ichitima. Akati, “Uyu abaghiye pakuba mwana uwa ba Hebeli.”
7Po umuyemba wache akamulalusya akati, “Buli imbuke pakumwitizya umukolo umu Hebeli ukuti akonkezezyanje nukumulela umwana uyu?”
8Akamula akati, “Eee, bukagha.” Po umuyemba uwa mwana yula akabuka pakumwitizya unyina uwa mwana. 9Umwana umulindu uwa Falabo akamubuzya umukolo yula akati, “Unyonkezezyanje umwana uyu, po nkwiza pakukulipila.” Umukolo yula akamusenda umwana nukumulela. 10#Imbo. 7.21Bo umwana yula akula akabuka nawe ku mwana umulindu uwa Falabo. Po akamusenda pakuba mwana wache nu wache. Akati, “Umwana uyu nkamuzubula mumizi, po nkumwita ukuti we Mozesi.”#2.10 Mozesi: Itabwa ili likwivwika ngati lya mu Chihebeli ukuti, Ukuzubula.
U Mozesi akuchimbilila kuchisu icha Midiyani
11 #
Heb. 11.24
Isiku limo bo u Mozesi akula, akabuka pakubendela abantu abaluko lwache, aba Hebeli nukubennya namumo bakayimbilagha ni mbombo inkafu. Akamwennya umu Ijiputi yumo akumukoma umu Hebeli, umuntu uwaluko lwache. 12U Mozesi akatalankannya, loli bo ennya ukuti nayumo umuntu yuyo akumwennya, akamughogha umu Ijiputi yula nukughufukila umuvimba wache mumusesenga. 13Ilya ndabi akabendela sona nukubennya aba Hebeli babili bakulwa. U Mozesi akamulalusya yuyo akananga akati, “Nkimba choni chicho ukumukoma umu Hebeli uwamwinyu?”
14Umuntu yula akamula akati, “Nkimba wewenu akakubika pakuba mulaghili nu mulongi pakasi papitu? Nkimba ukulonda pakungogha ngati mumo ukamughoghela umu Ijiputi yula?” Po ubogha bukamulema nkani u Mozesi nukwinong'ona ukuti, “Abantu bazimenye zizyo nabomba.”
15 #
Imbo. 7.29; Heb. 11.27 Bo u Falabo ivwa zinizi, akalondagha pakumughogha u Mozesi. Loli u Mozesi akachimbilila kuchisu icha Midiyani, kuko akikala papipi ni chiziba. 16Abana abalindu seveni aba muputi usongo wamu Midiyani bakiza pakusemba amizi nukwizuzya ivyakung'welamo ing'ozi ni mbuzi izya wise. 17Abadimi bamo bakiza nukubachimbizyapo abalindu bala, loli u Mozesi akabapoka abalindu bala nukughung'wesya umudimo ghula.
18Bo abalindu bala banyokela kwa wise, u Yetulo akabalalusya akati, “Nkimba choni chicho ilelo mwabwelako lubilolubilo?”
19Bakamwamula bakati, “Umu Ijiputi yumo atulwila pakutusembela amizi nukughung'wesya umudimo witu.”
20Po uwise akabalalusya abana bache abalindu akati, “Nkimba umuntu yunuyu ali ko kwiyi? Nkimba choni chicho mutakizagha nawe? Bukagha mumwitizye ukuti alye poka naswe.”
21U Mozesi akitika pakwikala nawe kulakula, po u Yetulo akamupa umwana wache umulindu u Zipola pakuba muchi. 22U Zipola akapapa umwana umulumendo, po u Mozesi akati, “Ane ne muyeni bulo muchisu ichi, po nkumwita umwana uyu ukuti we Gelishomu.”#2.22 Gelishomu: Itabwa ili likwivwika ngati ilya mu Chihebeli ukuti, Umuyeni.
23Bo ghachilapo amaka aminji nkani, u mwene uwamu Ijiputi yula akafwa, loli aba Izilayeli bakakoloma nkani pachifukwa icha buzya bwabo. Bakalililagha ubwavwilizi, po u Chala akivwa ukukoloma kwabo. 24#Ubw. 15.13-14U Chala akivwa ukukoloma kwabo nukukumbuka ulufingo lwache, lulo akafingana nu Abulahamu nu Yisaki sona nu Yakobo. 25U Chala akabwennya ubuzya ubwa ba Izilayeli, po akapalamasiwa nkani mumoyo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.